كثرة تناول موضوع طه و زواجه المزعوم: يسيء لنا كسودانيين

04:30 PM July, 10 2017

سودانيز اون لاين
محمد عبد الله الحسين-
مكتبتى
رابط مختصر

يا جماعة مع احترامي لكم جميعا و لارائكم و لكن...‏
إن تناول سيرة إمرأة و من بلد أجنبي عزيز و ترديد اسمها في الصحف ‏الإليكترونية أولاً يسيء لنا نحن كسودانيين ..... و ذلك باعتبار إنه ما عندنا ‏موضوع.
كونوا كل المواقع تتحدث عن نفس الموضوع و تردد نفس الاسماء و الأشخاص بدون تحفظ و بدون ‏أن يكون هناك أي شيء مؤكد نفياً أو إثبات.‏
و ما أهمية الخبر بعد أن تم ذكره في عدة مواقع و كأنه ليس هناك موضوع غيره يهمنا..
كأنه خلاص المواضيع كملت.
نُشِر الخبر و تم تأكيده من جهة و تم نفيه من جهة و انتهى الموضوع...ما هي الأهمية السيياسية أو الإقتصادية للموضوع؟

ثم ثانيا ترديد الخبر و الموضوع بيعطي إشارة غير مباشرة و بيعطي فكرة ( كان مفروض ‏نحتفظ بها سرا) بأننا مفتونون بهم . و كذلك مقتنعون جميعنا بجمال نساء ذلك البلد .
هذا من ناحية و من ناحية أخرى فإن ذلك يعني أننا مقتنعون بقبح ‏نسائنا و نعلنه للعالم. و حينما يعايرن به الآخرون، نغضبو نزعل و ندبج المقالات في الرد و يكتب البسوى و الما بيسوى..

ثم ما ذنب هذه المرأة و نحن نتناول سيرتها و نردد اسمها صراحة و حتى ‏عنوان لمقالاتنا و يتم ذلك مرارا و تكرارا بدون داعي.‏
و من اعطانا الحق لتناول سيرة إمرأة مسئولة و من بلد آخر بدون داعي و ‏دون مسئولية..‏

إننا نفعل كل ذلك و ننسى أن الإعلام و الصحف الإليكترونية قد ‏أصبحا فضاء مفتوح يقرأه القاصي و الداني.
و لكننا للأسف لا زلنا ‏نتعامل معه بأفكار السبعينات من القرن الماضي..‏
كما أننا نسيء لشرف شعب آخر شاركنا تاريخنا كما يشاركنا الدين و ‏الثقافة و اللغة و الجوار الأفريقي و الهم العربي و الإسلامي.‏

بالله عليكم ‏
نرجوكم بالله ‏
رحمة بأنفسكم ‏
و رحمة بنا ‏
و رحمة ببلدكم و كرامته
‏ و رحمة بالغير :‏

ارتفعوا لمستوى المسئولية و لمستوى الأحداث..خاصة أننا نتنبّر في ‏كل المحافل بأننا لسنا شعب(كرور) و لكن بأننا شعب راقي و أننا و ‏أننا....‏
و أخيراً
أرجو كذلك :‏
أن لا تذكروا اسم الجنسيات و الشعوب صراحة و بشكل علني إلا أن ‏يكون ذلك في خير.
فإنك بذلك لا تسيء إلا إلا شعبك و احتفظ بوجهة ‏نظرك في غيرك من الشعوب.
فنجن لسنا ملائكة و الآخرون ليسوا شياطين.
و الجميع بيوتنهم من ‏زجاج.‏

ياخ يوميا الناس بتتزوح
الناس تتداول الامر لانه مذهولة كيف يتصرف الكبار وكيف يصفي الكبار خصومتهم

شنو سودانيين وما سودانيين
والاجهزة الأمنية التى سربت الصور دي اهدافها اكبر من مما تتصور.

جني

الأخ جني
تحياتي:‏


‏(لناس تتداول الامر لانه مذهولة كيف يتصرف الكبار وكيف يصفي الكبار ‏خصومتهم)‏
‏--------------------------------‏
و كونوا كتبوا و كرروا يعني حلوا مشكلة لهط الكبار؟
و الله عدم موضوعية.و أكرر ما بتللاه إلا عند السودانيين..‏

ياخ العنوان البيتناول الموضوع ده كرهنا. في كل مكان تلقاه و نفس الكلام و نفس الموضوع و نفس التفاصيل .. ..........
.......مش ‏الموضوع تحليل و لا ده و لا داك..ياهو نفسوا :عرسا ..لا ما عرسا. عرسا لا ما عرسا.. لكن هي نفت .. لكن دي ‏الصور...‏
زهج ساكت ما بتزهجوا من التكرار؟
‏..الناها ... بت مكناس ..الناها ... بت مكناس الناها...ياخ ما في شغلة تاني؟
بس ده الموضوع؟
خلاص اتكتب مرة و اثنين و تلاتة كفاية.. و اتعملت نكت و كاريكتيرات ..كفاية!‏

الأخ محمد عبدالله الحسين,
هسي عليك الله إنت زاتك ما صرفت حبر كتير في الموضوع ده؟ لو كان فعلا الموضوع ما بستاهل كان على الأقل سطر سطرين بيكفي.

وكده بيني وبينك لو ما المواضيع الزي ده, الشعب السوداني حيشغلوه من الحكومة كيف؟

كلامي زعلكم؟؟؟
خلاص أقوم أرجع لبوستاتي التانية ديك
الله معاكم..هههههههه
بالمناسبة شكرا يا اوسمان على المعلومات الوافرة و زدت الموضوع وضوح
تشكر يا أخي
و إنت ذاتك يا جني كلامك حلو و مداخلاتك كانت مفيدة..
بس شايفك هنا شوية نفس حار
يا زول ما مشكلة
أكرر شكري لكما يا أصدقاء