الجيل الأول من اهلهم, كانوا دائماً فى المشهد..السودانى.. ماذا , الذى يحدث الان؟
Post: #2 Title: Re: سؤال اين شباب الاقباط السودانيين؟ Author: محمد عوض احمد Date: 07-09-2017, 11:06 AM Parent: #1
حالياً من النادر تلاقي شباب الاقباط فى الشأن العام وما اظن ابداً انو فى مضايقات بتواجه اى منهم, السودان يختلف تماماً عن مايحدث مثلاً فى مصر ولله الحمد..لا توجد كراهية أو احقاد احترام متبادل منذ الازل,
Post: #3 Title: Re: سؤال اين شباب الاقباط السودانيين؟ Author: عبد العزيز محمد عمر Date: 07-09-2017, 11:35 AM Parent: #2
حبابو ود عوض
المشهد الحالي ما فيهو غير ( الخرمجة والدغمسة )... وديل ناس دوغرييين في الغالب الأعم... معظمهم حزم حقائبه وغادر... والآخر يجهز فيها .... وقليل من الأخرين يتثاءبون في رصيف الملل الحاصل..
وريثما تتبدل الأحاويل ... نجد أن السواعد الموشومة بالصليب ... ستأخذ حظها مجددا في البناء...
وبالمناسبة دي نهديك أغنية ( مسيحية ) للعطبراوي .. واللي هي مشهورة بـــ ( إلى حسناء )...
Post: #4 Title: Re: سؤال اين شباب الاقباط السودانيين؟ Author: محمد المرتضى حامد Date: 07-09-2017, 12:24 PM Parent: #3
وإضافة إلى ما قاله الأخ عبدالعزيز أقول : كانت بعض طفولتي بينهم في المسالمه وحي العرب ، ما كنا نعرف ماذا تعني كلمة أقباط رغم أن لهم كنيسه جميله ومقبره مسوره وحسناوات يحرسهن العفاف، اقول لك كانوا شركاء في رأس المال الإجتماعي والقيم بمشاركات عينيه ونقديه وحميمية بلغت فتح نفاجات بينهم وبين جيرانهم من المسلمين ، شبيبتهم يحفرون للأعمدة ونصب الصيوان ويحملون صواني الغداء والعشاء للمشاركه في الفراش ويدفعون في كشف العرس والعزاء ، كان أهلي ، وما زالوا، يثقون بهم لاستقامتهم ودقتهم في مواعيدهم وصدقهم ولاحقا فهمنا لماذا كتب الفخم صالح عبدالسيد ابوصلاح ما كتب فالسماحة ليست في أناتومي الجسد ومورفولوجي الروح فحسب، بل تمتد لتشمل معان وقيم لاتترك غير الإقرار والإنحناء للجمال بمفهومه العام.. قدموا لنا الكثير وشاركناهم في كافة تفاصيلهم وفتحوا آذاننا على (حليم) وكامل الأوصاف والهوى هواي ولا يخلو صوت المذياع ليلا من (فادنُ مني وخذ إليك حناني ثم اغمض عينيك حتى تراني)، جميلين في عشقهم سرا ..حتى في حزنهم سمحين ونسوتهم يتوشحن بسواد وخمار يضيف للحزن جلالا وبهاءا. ظلوا لونا بهيجا في نسيجنا الإجتماعي وبعدا ثالثا للتآلف يزخرف الروح وهذا ما أرضعتهم إياه المجدلية حتى جاءت أخرى فطمست القوافى (ثم أهدتهم المنافى) ، كما قال صديقي شمو، فتبعثروا في أقاصي أطلس الجغرافيا وذهبت عايده وحكيم إلى كندا وميرامار وميشيل إلى استراليا وغيرها من بلدان (تموت من البرد حيتانها) فلم تعد مراتع الصبا بعد رحيل الكثير منهم كما عرفناها ولم يتبق لنا، يا محمد ، غير أن نردد في صمت مقدس أمام الصليب (وديار كانت قديما ديارا)..
Post: #5 Title: Re: سؤال اين شباب الاقباط السودانيين؟ Author: جمال ود القوز Date: 07-09-2017, 01:39 PM Parent: #4
أغلبهم هاجروا ومن بقي في الداخل في حاله .. لان البلد تغيرت كثيرا وما عادت الأوضاع فيها .. تسمح لهم بتلك الأريحية القديمة .. إلا ما ندر .. حتى حميمية تواصلهم قلت لأن الأمور كلها مترابطة ..
Post: #8 Title: Re: سؤال اين شباب الاقباط السودانيين؟ Author: محمد عوض احمد Date: 07-09-2017, 09:25 PM Parent: #5
جمال ود القوز طبعا الاهم الفى الداخل ديل..ليه يبقو فى حالهم؟ هم مواطنين سودانيين ولازم الهم يبقا واحد خبرتهم فى الادارة وفى الضبط المالى بالتحديد, مافى زيها, ياربى فيهم من تولى وزارة ماالية السودان ؟ ولا ..لا؟
Post: #7 Title: Re: سؤال اين شباب الاقباط السودانيين؟ Author: محمد عوض احمد Date: 07-09-2017, 09:16 PM Parent: #4
شكرا محمد المرتضى على هذه الذكريات الطيبة, ونتمنى المزيد منها,ونتمنى ان يستمر شباب الاقباط, فى العمل داخل السودان, هم يمتكلون اقوى رأس مال,..الثقة التى يتمتعون بها تاريخياً, فى اعمال واخلاق السوق حالياً نادر ما تلاقى موظف قبطى او ضابط شرطة, أو حتى معلم, فى المدراس ياريت كمان واحد يذكرنى بالاسم الكامل لاحد استاذتى فى وادى سيدنا, اظن اسمو رأفت وفى الاخر تقريبا اصبح مدير او وكيل للمدرسة
Post: #6 Title: Re: سؤال اين شباب الاقباط السودانيين؟ Author: محمد عوض احمد Date: 07-09-2017, 08:54 PM Parent: #3
حبابك يا عبدالعزيز وناس عطبرة والدامر, وغيرها من اقاليم السودان, يشهدون, للأقباط, بكل خير طبعا الظروف الحالية ما مبرر كافى, الاقباط استطاعو تجاوز فترة المهدية نفسها !! وين الاغنية؟ جيبا خلينا ننتشى مع انى بحب جداً , الدويتو فى العجيب بينو وبين ابو داوود عليهم رحمة الله