ناس الحريق عندهم تقاليد طبعا بكونوا في واحدين حرفاء واحدين كيشة أو ضيوف أو ناس عندهم قروش القروببير الحرفاء بيجوهو بدري ومنتظرين الكيشة وناس القروش تلقاه يتلفت بوفق الحيطة لما يشوف الجماعة جو يرجع للحرفا ويقول ليهم الصيد ورد
هسه اليومين ديل في المنبر شايف في صيد ورد من الاعضاء القدامى
Post: #2 Title: Re: الصيد ورد Author: محمد البشرى الخضر Date: 07-08-2017, 08:56 PM Parent: #1
هههههههههه أها واستعديت عايز تخرتهم
Post: #3 Title: Re: الصيد ورد Author: جمال ود القوز Date: 07-08-2017, 09:02 PM Parent: #2
الفترة الاخيرة في كركبة شديدة .. فمحتاجين بلالي ركب وطقم كركبة ..
Post: #4 Title: Re: الصيد ورد Author: عبدالمنعم الطيب حسن Date: 07-08-2017, 09:24 PM Parent: #3
قالوا الصيد ورد في حلة حمد لبد؛ ...............
Post: #6 Title: Re: الصيد ورد Author: حمد عبد الغفار عمر Date: 07-09-2017, 06:32 AM Parent: #3
كيفك يا جمال عودة كثير من القدامى فيها وفيها لو عايز تقرا بتقرا لو عايز اكشن برضو في وبوست الاكشن كان بستمر 4 ارشفات او 10 صفحات ايهما اكثر في كباتن مخسوسين بتعاقدوا معاهم للكركبات دي انت قايل اي زول بكركب زي هسه هههههههه
Post: #5 Title: Re: الصيد ورد Author: حمد عبد الغفار عمر Date: 07-09-2017, 06:22 AM Parent: #2
هلا ود البشرى تخرت منو هسه هشام هباني وخضر ديل بنخرتو ديل يبيعوك قميصك في نص المنبر دا
Post: #7 Title: Re: الصيد ورد Author: أبوبكر عباس Date: 07-09-2017, 06:40 AM Parent: #5
زمان أوي أوي يا حمد، إتّا كنت بتغني في كافتيريا البيطرة، أنا جيت بشرت وأديتك ورقة صغيرة طلبت فيها أغنية الأغنية المطلوبة كانت: الليمونة الجوة قلبي مشتولة
الكلام دا بتذكرو؟
Post: #8 Title: Re: الصيد ورد Author: حمد عبد الغفار عمر Date: 07-09-2017, 07:00 AM Parent: #7
هلا عبد المنعم في حلة حمد وقرض الناس قرض عودة بعض الناس الكتابين بتدي امل لزيادة البوستات الحوارية وتنوع المواضيع مداخلة على عجل وساق بواسطة الثريا
Post: #9 Title: Re: الصيد ورد Author: حمد عبد الغفار عمر Date: 07-09-2017, 07:40 AM Parent: #8
هلا ابو بكر يا سلام عليك ياخ شوف عشان اثبت ليك متذكر كنت بغني في لو احبك عمري كلو وقبلك جاء محمد صلاح نقرية وحنان الشافعي بشروا
بس ما غنيتا لاني كنت فنان ملتزم ما بغني غنا هابط في الحفلات العامة يعني سابقك في الاستنارة بسنين كتيرة انت مصيبة بس الغريبة يا ابو بكر اسمك معلق في راسي بس الصورة غابت مني لحدي ما نزلت صورتك في المنبر حتى الهارد ديسك عمل باك اب
Post: #10 Title: Re: الصيد ورد Author: حيدر حسن ميرغني Date: 07-09-2017, 07:56 AM Parent: #9
Post: #11 Title: Re: الصيد ورد Author: عبد اللطيف السيدح Date: 07-09-2017, 08:16 AM Parent: #10
الصيد ورد .... لباوقة حمد
تعني ود الباوقة يا حمد ؟؟
Post: #12 Title: Re: الصيد ورد Author: حمد عبد الغفار عمر Date: 07-09-2017, 09:12 AM Parent: #10
مرحبا حيدروف ربة شديدة وكورالات وبتاع انا الغناء دا ابيتو ساي هسه كان اكون اخر ترطيبة خاصة الساحة زمان فاضية محمود عبد العزيز يا دوبو ظاهر
Post: #13 Title: Re: الصيد ورد Author: علي محمد الفكي Date: 07-09-2017, 09:45 AM Parent: #12
الصيد ورد في حلة حمد نقول الخير في قدوم الواردين حبابهم المولى جابهم تحياتي حمد
Post: #14 Title: Re: الصيد ورد Author: حمد عبد الغفار عمر Date: 07-09-2017, 04:04 PM Parent: #13
السيدح كيفك باوقة شنو كمان في السخانة دي نحن نفكر في ناس كبارات في الكتابة
مع ذلك باوقة مطلوب حيا جيبو حي
Post: #15 Title: Re: الصيد ورد Author: حمد عبد الغفار عمر Date: 07-09-2017, 04:15 PM
مراحب علي الفكي
نتمنى عودة كبيرة لقدامى المحاربين للتواصل إبداعاتهم
Post: #16 Title: Re: الصيد ورد Author: محمد المرتضى حامد Date: 07-09-2017, 04:36 PM Parent: #15
معناتا كنا قريبين لبعض في حفل محمد الأمين الشهير أمام كافتريا البيطره ونحن ننصت قرب الحسان من جوار الهزبندري ..ههه .. أمبارح أواخر الليل شايف صاحبي خضر حسين عمل إبرار مظلي بالمنبر قربت أضرب ليك تلفون (أتصل فيك بلغة مغتربي السعوديه)..أقول ليك والله الصيد ورد جد وكما قال محمد المنسي قنديل (ظباء مكه صيدهن حرام)..
Post: #17 Title: Re: الصيد ورد Author: حمد عبد الغفار عمر Date: 07-09-2017, 07:29 PM Parent: #16
مرحب مولانا
معناتا كنا قريبين لبعض في حفل محمد الأمين الشهير أمام كافتريا البيطره قطع شك قريبين حفلات أبو الامين ووردي في كلية البيطرة كانن حفلات استثنائية لاشيء البتة يقف حائلا دون حضورها خضر خليل صيدة كبيرة من السافنا الغنية كمان شوف - خضر خليل - شيقا - هباني - عمر محمد أدريس وانت وكم نفر لا استحضرهم حاليا
