كُلو مِن سِيّد البرندة ، أضرم النيران في الحوش، ثم جدعلو جبيق جريّد فوق كتفو ؤ في عقِلتو طبقلو كُليقتين حلفا وشيّد بمهارة سنمار برندة . أكمل برندته ؤ ختالو عنقريب في نصها ثم خلف كُرآع فوق رِجِل وأشعل غليونه وراح ينفُث دخانه في الفضاء مستمتعاً بالعكنيبة والكعّة الحاصلة بين سكان الحوش !...
عجيّب أمر هذا البُكان عجيّب !، والذي رفع السماء بلآ عمدٍ ترونها أمر هذا الجخنون عجيّب !، حتي في بوستات التهنئة تلقى العكنيبة عجاجا في العلآلي، وإحتمال في بوستات العزاء برضو !.
غايتو يا سيّد البرندة الختيتا رقدت، لكن برضو الكلآم الفوق دا يشمل بوست تكريمك في مصر، أديّن العكنيبة الحصلت فيهو...
يعني ممكن في بيت البكاء النسوان تكون زغارِيّتِن عاكلة في السماء يجي وآحد عِكلِيّتة يقولك صوت النسوان ديّل فيهو كاونتربوينت يِشبِك فيهو وآحد أعكلت مِنّو يقولو، مافيهو كاونتر لكن فيهو ميلودي، العِكلِيّت اللوّل يقولو، بل هو يذخر ويعِج بالكاونتر !، فجأة يظهر الزوّل سيّد البِكا يقولهم فيهو حاجة خفيييييييفة من الكاونتر، وهكذا ساقيتنا لِسا ولِسا لِسسسسسا مدورة، حتي في البِكيات مدوّرة !...
أو في بيت البِكا دا زاتو اللوري ينزلو مجموعة رُجال ؤ نِسوان من البلد يقوم شيخ العرب الباقي قدآم الرُجال يرمي عُكازو في الوآطة رب، والعكاكيز فوقو رب، رب رب، كرررب، كرب، ثم ينهروا جمعهم بصوت جهوري، الفاااااتحا، العِكليت بدل يرفع معاهم الفاتحة يقول، صوت العِصي دا أكوردينق لمايكل جيمسون فيهو كاونتر وآضح، وهكذا يكون العِكلِيّتة وتكون العكلتة اللُمها بِت اعم ابوها ...
Quote: كان كدي انا ظني مشى بعيد .... لاني كنت قاصدة العكليتة البيحارب ويهاجم بدون سبب ،، ويقف عقبة بدون سابق معرفة وياجج النيران بصب زيت السمسم على الفول....لا اقصد على النيران....كي تزداد اشتعالا مع وافر الاحترام
يا إمتثال الرجاء عدم الخلط بين العِكلِيّت ؤ صاحب البرندة .
Quote: الحمد لله البوست اتفتل بركاتك يا البردنة ام شلالات وعشان خانر عكلتة اللغة و كده ,, شلالات دة ما بتاعت النيل اول و تانى و تالت شلّالات دى جمع شلّالة
يا زول هووي برندة شنو العندها بركات كمان ؟، البرندة لا عندها بركات ولآ حاجة لكن صادق ميرغني دا كُج ...
Post: #15 Title: Re: عِكلِيّت الحوّش ... Author: عبدالمنعم الطيب حسن Date: 07-08-2017, 01:58 AM Parent: #14
تصدق فتشت في النت لقيتا البرندة مشرعة وصاحبك متحكر وغاليونو قصبة لكن يا مدير اتاريك فقري وبتمشي البرندات بدري، بدري عبدالحميد....
يعني أكان وآحد ادآك جنيه طوالي تأخدو بالأحضان ؤ تقولو، ألف مبروك يا عثمان والله إنت شرفتنا ؤ رفعت راسنا فوق والحريم يزغرِتن، ؤ ممكن برضو تقولو، مبروك النجاح عادي .
بأختصار المنطق نوع من العكلتة ...
Post: #17 Title: Re: عِكلِيّت الحوّش ... Author: عادل الباهي عبدالرازق Date: 07-08-2017, 02:38 AM Parent: #16
والله يا ود المدير اب زنبارة دا خوفي يشرد البورد دا كلو و يقعد هو وبكري سيد الكفر ويقعد يتلايق في بكري زاتو وبكري يخلي ليهو الكفر ويشتت
لو اصلا الشغلانية كدة من بكرة بنقع ليكم عمكم قوقل دا عشان نوريكم نحن زاتو بنعرف اي حاجة وكل حاجة في أي حاجة علي قول قيقراوي الله يطرا بالخير المافي شنو ونعذبكم عذاب الجندب
Quote: بكره الصباح حنزور هوليوود ....وفي رسام هناك قالو بيرسم اي شخصية توصف ليه فقط بيفكر كيف ونوعية اخلاقياته....واحتمال ننزل ليك صورة زولك هنا...(وجه ضاحك). مع وافر الاحترام
سيّبِك من صاحب البرندة يا إمتثال لأنو صورو ماليات برندات السوق ؤ عِمدان الكهربا ركزيلينا علي العِكلِيّتة عشان في ناس الشمار كاتِلُن عدييييل كِدا ...
Quote: تصدق فتشت في النت لقيتا البرندة مشرعة وصاحبك متحكر وغاليونو قصبة لكن يا مدير اتاريك فقري وبتمشي البرندات بدري، بدري عبدالحميد....
منعم يا صديق، يعني إنتو لو جا زول عرشلكُم الحوش دا ما تحِسّو، معقولة يأخ !، تصدق أنا زي دُنان الشقيق دِيّمة مصنقر في البرندات . قلت لي لقيتو بالسروال الطويل والعراقي مُش !، أكتر شي ما حِلو إنو طلع أندركفر . عليك الله تاني كان ماشي البرندة كلمني عشان داير الِزلو كرتونة منقة معاك، منقة ابو سمكة سمح ...
في مُصطلح العكلتة، المرا يُقال لها عِكلِيّتة، والرجل يقال له عِكلِيّت ويصح إن قلت له عِكلِيّتة برضو . ............................................................................................ هوووى يا معاوية المدير...وبنت اخيه إمتثال...العبوا بقيدكم...ناس عكليت ديل اهلنا ولو عاوزين تعرفوا ادخلوا على موقع المرحوم خالد الحاج :( سودانيات) http://www.sudanyat.org/vb/showthread.php؟t=31841http://www.sudanyat.org/vb/showthread.php؟t=31841 اليكم بعض المقاطع: فخرالدين حسب الله:سوق السبت فى العزازى: حسن فرح:: مرحباً بعودة قلمك يا فخر الدين احكى لنا عن العزازى واهلها فلنا هناك ارحام...آل الحاج عكليت هل تعرفهم ؟ فخرالدين حسب الله: يا حسن كيفك وصحتك
خلينى أدعوك للعصارى النسخة الرابعة التي نتشرف بأن تكون ضمن موضوعات سودانيات ,,,
لك التقدير كمان وكمان ,, حسن فرح: لك التحية اخى فخرالدين والله ادخلت الفرحة على قلبى جزاك الله خيرا حيث انى فى غربتى التى طالت دائما اسعى وراء كل خيط يربطنى بالارحام الذين تشتتوا فى كل القرى والحضر داخل الوطن وخارجه عمنا الحاج عكليت بعد ان تزوج عمتى شقيقة والدى فاطمة بنت فرح عليهما الرحمة انتقلا من قريتنا القليعة فى الرباطاب للعيش فى المسلمية.....استقرت الاسرة فى المسلمية سنوات عددا.... وبعد ان توسعت اعمال عمنا الحاج اظنه قام بنقل اعماله للعزازى ...للاسف لم تتهيأ لى فرصة لزيارة الاهل هناك فارجوك ان تبلغهم السلام يجزيك الله خيرا فخرالدين حسب الله: حسن فرح ,,
طبعا اسم فرح كتير في عائلتكم وبعرف كم واحد بالاسم دا ,,
ومنهم المرحوم محمد الشيخ فرح ,,
وهذا تيمن بمعانى من الحياة عجيب ,, وفعلا اسما على مسمى ,,
وبكل تأكيد آل عكليت انتشروا في الأرض ربنا يحفظهم جميعا , موجود بالجزيرة كلها وجهات المناقل ,,المسلمية والعزازى ,, وكمان في امدرمان ,, وكم مرة حضرنا مناسباتهم في الثورات هناك ,,
عشرتهم طيبة وسمحة ,, وان شاء الله سوف أقوم بتوصيل رسالتك ليهم ,, وأربطك بهم ,, هذا وعد ان شاء الله ,,
لك فائق التقدير يا عزيز . حسن فرح: يا سلام عليك يا اخى فخرالدين يا اخى انت ايغظت فى وجدانى ذكريات غيبتها السنون ودفنها غبار دروب الحياة ...ابن عمى محمد الشيخ فرح(اومحمد) عليه الرحمة والمغفرة وانا حسن البدوى فرح كنا اكثر من اخوان فقد نشأنا سويا جيرانا الحيطة بالحيطة منذ ان تشرق الشمس والى ان تغيب لا نفترق...نتشارك فى كل شئ فى السباحة فى النهر و الشقاوة وفى رعى الغنم واذا ارتكبنا حماقة تستدعى العقاب نهرب مسرعين الى حبوبتنا العبادية الحرم بنت الفكى والدة والدينا عليها الرحمة فهى الملجأ الامين ولا تتجرأ امهاتنا الى خرق خطوطه الحمراء.... ذهبنا الى الخلوة سويا...عانى امحمد كثيرا من عيب فى النطق جر عليه غضب ابن الشيخ فتعرض للعقاب مرة ومرتين ...لم يحتمل كل هذا الاذى وفى لحظة فورة غضب القى باللوح على رآس ابن الشيخ وهرب الى بيت عمتنا الرسالة فى بت خميس كانت هذه حادثة فاصلة فى حياتنا فسرعان ما استدعانى الوالد للالتحاق بالمدرسة فى امدرمان وامحمد بدوره ارسله والده او هرب للجزيرة بعد ذلك لم التقيه قط رحمه الله رحمة واسعة..... اخى فخر الدين اذا كنت قد شاركت اهلنا فى افراحهم فى الثورات فربما قد تكون قد حضرت زواج ابن عمتى عمر الحاج عكليت من اختى غير الشقيقة المرحومة علوية البدوى فرح...تم هذا الزواج عام 1970 فى بيتنا بالثورة الحارة السابعة
،
