أحسن يأخ .. أصلا نحن كورتنا دي محتاجة اعادة نظر من أول وجديد .. دي ولا كورة ولا حاجتين .. لانها ماجايبه لينا غير الفضائح .. فرق ودول اتعلمت الكورة قريب ده ملطشونا ومرمطونا .. النظام الفاسد ده حاشر أنفه في كل شي فأفسده .. دي حكومة فاسدة .. أفسدت كل البلد كورة على غير كورة .. أخير يشوفوا ليهم شغلة تانية يقضوها .. بلا كورة بلا بطيخ .. أول ترفع الدولة يديها عن النشاط الرياضي تماما .. وتتعهد بعدم التدخل .. وهذا ما لن يحدث ابدا .. لان النشاط الرياضي من أهم أدوات الفساد التي تستخدمها الانقاذ .. فاخير يقطعوها ليهم فوق رأسهم ..
النشاط الرياضي يتجمد..و العقوبات يوم 12 تتمدد ماشين كويس , الله يبعد العوارض الحكومة دقست
Post: #6 Title: Re: خبر عاجل ومؤسف ... الفيفا تجمد نشاط السودا� Author: على محمد على بشير Date: 07-06-2017, 07:31 PM Parent: #5
عبد العزيز شروني
فى مداخله الان مع برنامج البحث عن هدف في قناة النيل الازرق اكد الخبر واضاف انو اذا صدر قرار من الدوله بخصوص المقر او اذا خرجت مجموعة سر الختم من المقر وتم مخاطبة الفيفا بذلك يمكن ان تلعب مباريات الغد وبعد الغد لهلال الابيض
المشكله
Post: #7 Title: Re: خبر عاجل ومؤسف ... الفيفا تجمد نشاط السودا� Author: على محمد على بشير Date: 07-06-2017, 07:34 PM Parent: #6
المشكله
اذا تم تدارك المشكله مساء اليوم او صباح الغد ، فان المريخ وهلال الابيض مهزومين بلا شك لان الاسترخاء يكون قد تم للاعبي الفريقين والتوتر هل ستقام المباراه ام لا وبلبله للاعبين
الحل الناس تطلع الشارع وما يرجعو الي منازلهم الا بعد كنس النبت الشيطاني المسمي بالمؤتمر الوطني الراجعين ليها شنو ؟؟؟ الناس بتموت بالجوع والمرض . مادام الناس ساكتين البشير وعصابتو الهواء دا تاني المواطن مايلقاهو . علي الجمهور الرياضي الخروج للشارع وحرق الاتحاد السوداني بمن فيهو والله صحي
Post: #15 Title: Re: خبر عاجل ومؤسف ... الفيفا تجمد نشاط السودا� Author: على محمد على بشير Date: 07-06-2017, 09:10 PM Parent: #13
قرن شطه رجع لقناة الملاعب وافاد بالاتي
نعم خبر تعليق نشاط السودان حقيقي الكاف سيخاطب الانديه والمراقبين والحكام غدا بتعليق وايقاف المباريات
سؤال هل هناك مخرج شطه قال بكره قبل ١٠ الصباح يتصرف السودان والاتحاد الدولى مرن جدا واذا حلت المشكله هذه الليله او غدا صباحا سيتم تعليق مراسلة المراقبين وستجرى المباريات
Post: #16 Title: Re: خبر عاجل ومؤسف ... الفيفا تجمد نشاط السودا� Author: على محمد على بشير Date: 07-06-2017, 10:14 PM Parent: #15
الان رسميا عبر قتاة الملاعب
عماد الطيب امين عام نادى الهلال اعلن تسلمهم رسميا خطاب من مراقب مباراتهم مع الفار الموزمبيقى بالغاء مباراة الغد
"أصلا نحن كورتنا دي محتاجة اعادة نظر من أول وجديد .. دي ولا كورة ولا حاجتين .. لانها ماجايبه لينا غير الفضائح .. فرق ودول اتعلمت الكورة قريب ده ملطشونا ومرمطونا .. النظام الفاسد ده حاشر أنفه في كل شي فأفسده .. دي حكومة فاسدة .. أفسدت كل البلد كورة على غير كورة .. أخير يشوفوا ليهم شغلة تانية يقضوها .. بلا كورة بلا بطيخ .. أول ترفع الدولة يديها عن النشاط الرياضي تماما .. وتتعهد بعدم التدخل .. وهذا ما لن يحدث ابدا .. لان النشاط الرياضي من أهم أدوات الفساد التي تستخدمها الانقاذ .. فاخير يقطعوها ليهم فوق رأسهم .."
نعم اتفق معك .. واضيف غسيل الاموال ايضا .. من اين لاقطاب المريخ والهلال دفع ملايين الدولارات في لعيبة كحيانين دون ان يطرف لهم جفن وكان الواحد فيهم قد دفع 30 جنيه ؟ نعلم تماما قدرة الاندية السودانية و ميزاتياتها .. الموضوع بقى بحث عن الشهرة والوجاهة الاجتماعية ، كما ان له جوانب سياسية ايضا . اكتر حاجة زعلتني هي دخول الجيش والشرطة كمان في الكورة وتبنيهم لبعض الاندية وتغيير اسم فريق الهاشماب العريق الى " شنو كده ما عارف " في اغرب عمليات طمس التاريخ ! لايمكن ان ينعم اي نشاط من اي نوع بالاستقرار في ظل نظام البشير ..
Post: #18 Title: Re: خبر عاجل ومؤسف ... الفيفا تجمد نشاط السودا� Author: على محمد على بشير Date: 07-06-2017, 10:28 PM Parent: #17
عقليه الاربعينات البتدير البلد دي حا تجمدنا نحن زاتو بعد شويه
Post: #22 Title: Re: خبر عاجل ومؤسف ... الفيفا تجمد نشاط السودا� Author: Deng Date: 07-07-2017, 09:45 AM Parent: #21
بصراحة هلال الابيض ما يستاهل.
لأول مرة في تاريخه يصعد ويتأهل الى هذه الأدوار النهائية في تاريخه، يقوم يخرج بمثل هذه الطريقة ؟
والذي تسبب في خروجه هو بني جلدته وأبناء بلده؟؟
ياخ دي فعلا مآساة.
بعدين الزول الإنتهازي السخيف اللي أسموا محمد سر الختم ، لن يهمه شئ سوى أن يكون هو على رأس سلطة الأتحاد. وهو رجل معروف بأنتهازيته وتسلطه على الأخرين. مثل هذا الرجل يجب أن لا يشغل أي منصب رياضي. كفاية تملقه للدكتاتوريات في السودان منذ أيام نظام مايو المباد. رجل عاش كل حياته يخدم في الأنظمة الدكتاتوزرية، لن نجد فيه خير أبدا.
Post: #24 Title: Re: خبر عاجل ومؤسف ... الفيفا تجمد نشاط السودا� Author: عبدالعظيم عثمان Date: 07-07-2017, 11:05 AM Parent: #23
معتصم جعفر وود خالته الجاكومي (أولاد الحصاحيصا) يتحملون مسؤلية إيقاف النشاط الرياضي في السودان ما معقول ناس يفشلوا في الإنتخابات يقوموا يستنصروا بالفيفا ويقتلوا الرياضه في السودان بالقوة وغصبا عن عين أي زوول في السودان يا هم يا الطوفان ( يا الجاكومي قاعد أو الطوفان) ما معقول الكلام دا كله كله ....
الحكومة بغباء ورعونة تدخلت عبر وزارة العدل ووفرت مصوغ لمعتصم جعفر والجكومي للإستنصار بالفيفا وبحكم علاقاتهم مع المجتمع الدولي الرياضي قدروا يزبطوا خازوق كبير للرياضه سيذكركم التاريخ ...
الطرفين يا عبد العئيم ومعاهم ادارتي الهلال والمريخ بتحملو المسؤوليه كامله .. واضح انو الطرفين بتحركوم ادارتي هلال مريخ ..عملو حل تكتيكي لحدي ما نتنتهي مباراة القمه وكل طرف يحرك ناسو في الاتحاد ..المريخ فاز مجموعه سر الختم ومن خلفهم الكارينال يسععو للتجميد ..الهلال فاز مجموعه معتصم ومن خلفها الوالي تسعي للتجميد
السلام عليكم اتسأل هل في واحد منهم لعب كورة حتي لو احتياطي او يلم الكور أعني الكاردينال وجمال الوالي بكيت وما في البكاء عزاء للاعب وخانك القوم والمنابر شاهد دربت الفريق وصنته الا ان معتصم والسر كلاهما حاقد
االوالي تعيين حكومي والكاردينال برضو رغم انو ما تابع لكن تعيين حكومي ..سمسره وغسيل اموال وبيع وهم لجماهير الرياضه ..
الحل انو الناس توعي الجماهير مافي طرف احسن من التاني ومافي طرف مظلوم ..الجماهير تقاطع دخول الاستادات (المدفوع) تقائع الصحف الرياضيه وتقطع اي وسيله دعم ولو ماديه للطرفين
يا معاوية ناس معتصم جغفر وود خالته الجاكومي هم سبب الكارثه دخلوا إنتخابات لجنة التحكيم والتدريب وهي نفس الإنتخابات الجابت عبالرحمن سر الختم مفروض يسلموا الإتحاد , ركبوا راسهم وقالوا يا (يا فيا يا نفسيا) .. يا أنا أو الطوفان معتصم وجعفر والجكومي هم سبب هذه الكارثــه يا معاوية .... مفروض الموضوع ينتهي بدون التصعيد للفيفا ... والحكومة طبعا جات وزادت الطين بلل .. حشرت وزارة العدل كان تخلي الموضوع يمشي بدون تدخل ... نزاع ويمشوا الفيافا ما كان ناس معتصم يشموا الإتحاد دا ...
Post: #30 Title: Re: خبر عاجل ومؤسف ... الفيفا تجمد نشاط السودا� Author: عبدالله محمد أحمد Date: 07-08-2017, 11:52 AM Parent: #18
هل نسيتم ماساة فريق الاطفال جيم (ج)؛ و كيف كانت الكارثة في الدورة التي اعقبت الدورة التي فاز فيها ابناؤنا من مدرسة مغمورة في ود مدني بالبطولة؟ ابحثوا عن ايادي المؤتمر الوطني في كل منافسة سواء كانت رياضية او سياسية او نقابية؛ ستعرفوا السبب و الحقيقة.
زي ما قال واحد الفيفا تجمد النشاط الكروي في السوداني والمحكمة الجنائية تجمد نشاط الرئيس وأمريكا تجمد النشاط الإقتصاد ودول الخليج يمكن أن تجمد النشاط الإغترابي,,, ياخي البلد أصبحت عبارة دن فريزر كبيـــــــــــــــــــــــر تجميد في تجميد