بُنى المِنبر العام على خمسٍ ...

04:50 PM July, 05 2017

سودانيز اون لاين
يحي قباني-فى الدنيا العجيبة
مكتبتى
رابط مختصر

١- النقد الهادم ... لا البنّاء ..

٢- قبقة الأعضاء ..

٣- الونسة مع الأصدقاء ..

٤- الونسة في بوستات الغِناء ..

٥- غرف الأخبار ( بضبانتها ) من الواتساب .. لمن استطاع اليه سبيلا ..


و الطالبنا دين اليجي يحاسبنا ...🤔

الا من رحم ربي ...

اذا لم تكن معي فأنت بطبيعة الحال ضدي

Quote: قبقة الأعضاء

اها دي عندها متخصصين هنا كمان



اشطبها قبل تتقبقب

كيفك يا باشمهندس ؟ ان شاءالله سعيد و رايق
رغم ان الموضوع في بدايته لسه لكن اسمح لي احي اصحاب البوستات الممتدة لشهور او اعوام

احمد طراوة
سوداني عجوز
فيصل خليل
عبداللطيف حسن علي
عماد احمد
الشغيل
و الشعراء بلة الفاضل و ابوذر بابكر
الشامي الحبر
الامين عبد الرحمن
و اخرين فاتني ذكرهم ربما اعود اذا ما عندك مانع .
و شكرا .

أخي الحبيب قباني
أرى - كما ذكر احد الأخوان من قبل - أنه ليس من الصعب ترسيخ عرى الديمقراطية التي افرغت عن مضمونها
بسبب سلوكيات البعض في هذا المنبر . وأتمنى أن تنجح جهود الحادبين على أن تسود روح الديمقراطية في
المنبر و الارتقاء به إلى فضاء أرحب .

تحياتي ووافر احترامي

الأخ قباني
و الله توصيفك صحيح و ذكي.
و على كده كل واحد مننا برواقة يقوم يشوف حيلقى نفسه وين.
الله يستر!
تحياتي

غايتو يا يحى قباني الركن الاول والثاني موافقينك فيهم ميه في الميه
وهما النقد الهدام وقبقبة الاعضاء....واذا كانت القبقبة بسبب مشروع مافي
مشكلة ولكن المصيبة ان القبقبة تكون بدون سبب وبدون سابق معرفة...
وهناك من يتلذذ بسب الاعضاء وشتمهم ونقدهم ، ، ولا يصطاد الا في المياه العكرة
مع وافر الاحترام والتقدير

يا قباني والله القبقبة دي مرات كويسه وبتكون ملح المنبر

ياخ في ناس خيالها واسع شديد وممكن عادي لو ما حسا بانو ممكن يتقبقب يجيب لينا حاجات ويغرق المنبر بدراب كبار كبار ويعيش الدور عادي

وبعدين في قبقبة حميدة زي مثلا زول يشتم ليهو زول(ه) ويجو الجماعة يقبقبوهو لامن الله يغفر ليهو

وبالتالي القبقبة كويسه

زمان كان عندنا اخونا كوستاوي متخص في الناس البيسرقو وبيعلفو من النت

ياخي احسن قبقبة شفتها في المنبر ده هي قبقبة اخونا البروف امين نوتة التي قبقب فيها اخونا هشام ادم

ياخي ديك كان قبقبة جد !!!

استمرت زي عشرين يوم لاكين كانت قيقبة علي الايمان سنة اخونا هشام ادم راقد سلطة !

لكين اخونا هشام استعاد عافيتو ببوست اعتذار محترم يليق برجل مثقف وكاتب عظيم

والانبثاق يا عمك

الحاصل شنو؟؟؟

في زول قبقبك وللا شنو؟؟؟

غايتو مبدئياً كدا لو في زول مقبقبك شوف مؤهلاتو شنو

ورد على اساسها😂😂

Quote: اذا لم تكن معي فأنت بطبيعة الحال ضدي

سيرلانكا ....

صحيح يا زول يا جميل ...:)

بس ما كل الوقت ...

الشايفو انو في بعض الناس بتجي في اللفة ...

مهما كاجرو و آزرو ... بفترو في النهاية ...

Quote: ...اها دي عندها متخصصين هنا كمان اشطبها قبل تتقبقب

ناصر ... ازيك ياخ ...

بالله كيف لقيتها بعد دخلت فيها القصة ديك ؟

انحنا ما اخوانك ياخي ... ليه ما تورينا لقيت شنو ؟

Quote: والانبثاق يا عمك

تبزُغ في إيّدك .


والعكلتة يا قباني ما تنساها ...

Quote: كيفك يا باشمهندس ؟ ان شاءالله سعيد و رايق رغم ان الموضوع في بدايته لسه لكن اسمح لي احي اصحاب البوستات الممتدة لشهور او اعوام احمد طراوة سوداني عجوز فيصل خليل عبداللطيف حسن علي عماد احمد الشغيل و الشعراء بلة الفاضل و ابوذر بابكر الشامي الحبر الامين عبد الرحمن و اخرين فاتني ذكرهم ربما اعود اذا ما عندك مانع . و شكرا .

طبعا تعودي ...

كيفنك يا بت عماد ... ( قصة زول ابوهو يكون اسمو عماد دي ... لي هسي محيراني ) ...

و انحنا كمان نحيي أصحاب البوستات طويلة التيلة ...

أخير من المونساتية البكتبو الكلام ... ( بالتيلة ) ...

Quote: أخي الحبيب قباني أرى - كما ذكر احد الأخوان من قبل - أنه ليس من الصعب ترسيخ عرى الديمقراطية التي افرغت عن مضمونها بسبب سلوكيات البعض في هذا المنبر . وأتمنى أن تنجح جهود الحادبين على أن تسود روح الديمقراطية في المنبر و الارتقاء به إلى فضاء أرحب . تحياتي ووافر احترامي

استاذي الاجمل جعفر إسماعيل ...

ياخ معانا شباب من جيل الإنقاذ ما شاء الله عليهم ...

بس كأنك عصرت عليهم شوية بحاجات زي

عرى ... و سلوكيات و حادبين ...

حليل الزمن الجميل .. زمن الكلام يطلع كله ذوق زي كلامك ده و من غير اجتهاد ...

فمن يغني يذكر خليلا
ومن بينعي ماضي جميلا

ود المرتضى فتح بوست جميل حول المسألة ...

و مولانا رجل مريح في الكتابة ... حريف عديل كده :)

فحقوا نواصل بي غادي ...

يحدث في هذا المنبر

كل واحد بي نكهتو يا قباني ... أي نعم في تقاطع في الفكرة .... لكن كل واحد فيكم ليهو سواقتو

إنت سوق وهو يسوق

ونحن .....

نطير بي فوق ... بغرب السوق

Quote: و على كده كل واحد مننا برواقة يقوم يشوف حيلقى نفسه وين.

اتفق مع الاخ محمد عبد الله الحسن في هذه الجزئية
الاخ الباشمهندس قباني مازال المنبر ثر وغني لمن يرغب في المعرفة والاستزادهـ
بث عشان كل واحد مننا عايز يكون بوليس علي بضاعة اخوته بجينا الاحساس بتاع الخمسة اركان الفوق دا
لو كل واحد مننا دقق عشان يعرف ويين حا يلقي نفسه ...
كان الجو العام سيجبر الآخرين لتجويد بضاعتهم لتجلب لهم مشاركة بعض الآخرين ....
زمانكنا بنعفص اي رابط حسي بقينا بنختار وجوه ووجوهـ علي وزن أغاني وأغاني
:
:
:
:
:
:
:
:
مع التحيات لله الزاكيات

سلام باشمهندس قباني

محيراك ؟ هههههههههه دي تاني مرة

اسع انت قباني دا اسم الوالد الكريم ولا لقب و اسم العائلة ؟

ياخي عماد ده مش ممكن يكون اسم الوالد او لقبه او اسم الزوج

او بس جات كدا !!

عشان صراحتك و وضوحك انا ح اسال باشمهندس بكري ابوبكر اذا
ممكن اغير اليوزر نيم ل نعمات و بس !! كان اخلص من نقتك ههههه

على الاقل ترحبو بي من اول و جديد .

وددت ان اضيف للاسماء في مداخلتي السابقة اسم : -

البروفسير عبد الرحمن ابراهيم محمد .

(١- النقد الهادم ... لا البنّاء ..

٢- قبقة الأعضاء ..

٣- الونسة مع الأصدقاء ..

٤- الونسة في بوستات الغِناء ..

٥- غرف الأخبار ( بضبانتها ) من الواتساب .. لمن استطاع اليه سبيلا ..)


عزيز الكل قباني...
كل السنه وانت طيب..
النقد الهادم ما حبابو، أما القبقبه (الحميده) فهي مفيده كإكسرسايس وما صادفني منها هنا
كان أقرب إلى الطرفه إلا أن بعضها كان فيه انتهاز لهنة أو خطأ غير مقصود لتصفية حساب
وتفريغ شحنات شحناء والفرق بين الحالتين لايخفى على حصافة القارئ والأمثلة كثيرة.
لا أدري مقصودك من (الونسه) في البندين 3 و4 لكن الونسه في شأن عام أو مسائل لايعرفها
غير أطرافها وقد لايفهمها القارئ العادي غير مرحبا بها ولا أظنها ظاهرة خلافا ل (اللفح) من الواتساب
التي أصبحت في تزايد وحالة مد هي واللطش من حوش مارك..
أجدني لا أ تفق معك بإحالة هذا البوست إلى غيره لأن بوست (يحدث في هذا المنبر) له محاور
مختلفه حتى لو تقاطعا في نقطة أو بند من قائمتك وعلى أية حال (البوستين) فيهما تذكره للجميع،
لأنفسنا قبل غيرنا. وأشكرك على الثناء على (سواقتي ) للسفنجه البدفورد في الرحلات الطويله
لكن لاشك أداؤك ولونيتك ك PILOT لها جمالها وخصوصيتها وبصمتها وأنا أستشهد بها في
عدد من البوستات والونسات الخاصه..

مودتي يا حبيب..

Quote: الأخ قباني و الله توصيفك صحيح و ذكي. و على كده كل واحد مننا برواقة يقوم يشوف حيلقى نفسه وين. الله يستر! تحياتي

سلامات ود الحسين ...

ربك الستار يا حبيب ...

Quote: غايتو يا يحى قباني الركن الاول والثاني موافقينك فيهم ميه في الميه وهما النقد الهدام وقبقبة الاعضاء....واذا كانت القبقبة بسبب مشروع مافي مشكلة ولكن المصيبة ان القبقبة تكون بدون سبب وبدون سابق معرفة... وهناك من يتلذذ بسب الاعضاء وشتمهم ونقدهم ، ، ولا يصطاد الا في المياه العكرة مع وافر الاحترام والتقدير

ما عليك منهم ...

و ما عليك انك تكوني واثقة من رقبتك ...

السودان الإنقاذي افرز أشياء غريبة عن ما كن نعرفه ...

لكن الله غالب نسوي شنو ...

Quote: [يا قباني والله القبقبة دي مرات كويسه وبتكون ملح المنبر ياخ في ناس خيالها واسع شديد وممكن عادي لو ما حسا بانو ممكن يتقبقب يجيب لينا حاجات ويغرق المنبر بدراب كبار كبار ويعيش الدور عادي وبعدين في قبقبة حميدة زي مثلا زول يشتم ليهو زول(ه) ويجو الجماعة يقبقبوهو لامن الله يغفر ليهو وبالتالي القبقبة كويسه زمان كان عندنا اخونا كوستاوي متخص في الناس البيسرقو وبيعلفو من النت ياخي احسن قبقبة شفتها في المنبر ده هي قبقبة اخونا البروف امين نوتة التي قبقب فيها اخونا هشام ادم ياخي ديك كان قبقبة جد !!! استمرت زي عشرين يوم لاكين كانت قيقبة علي الايمان سنة اخونا هشام ادم راقد سلطة ! لكين اخونا هشام استعاد عافيتو ببوست اعتذار محترم يليق برجل مثقف وكاتب عظيم

السنوسي يا بدر ...

حقيقة في زمن السوشيال ميديا و اللفح العشوائي ...

لابد من رقابة حتى لا نزور التاريخ ...

اما البروف امين ... انا شخصيا افتقده بشده ...

و لكن يبدو ان اغراء الفيس بوك و قروبات الواتساب سرقت منا الكثير من الأقلام الواعية ...

تحياتي لك يا جميل ...

Quote: والانبثاق يا عمك

الإنبثاق يا صديقي أحيانا تحتمه الضرورة او ( الحبكة ) ...

و مرات بي امانة ( ثمة )* بوست قد يضئ امامك طريق لشيء منسي في دواخلك ...

فلا يضير ان ينبثق الكاتب هنا ...

اما الانبثاق التقليدي** ... فمزعج حقاً ...
_________________________
* قباني في ثياب ود المشرف و لغته الرصينة ... :)

** من تقليد ... ذلك الذي يُزعّل بوبي ***

*** i.e ود البشرى .,.. ههههه

Quote: الحاصل شنو؟؟؟ في زول قبقبك وللا شنو؟؟؟ غايتو مبدئياً كدا لو في زول مقبقبك شوف مؤهلاتو شنو ورد على أساسها 😂😂

سيب الفوضى الاسفيرية يا هيثم ...