المُهم جا في راسي كدا .. والعندو عنوان أفضل يسعفنا بيهو !!
Post: #2 Title: Re: إدارة الهلال وسوق البصل !! Author: صبري طه Date: 07-03-2017, 11:34 AM Parent: #1
الحالة الأولى: استجلاب مدرب ليبني لك فريق للمُستقبل يتنافى مع إعفائه منتصف الموسم لتوفير ما تصرفه عليه !!
الحالة الثانية: إعفاء مُدرب بحجة أنّ بوادر تدريبه غير مُشجعة في الاستمرار معه يتنافى مع إعفائه بعد أوّل هزيمة له في مباراة رسمية طوال الموسم !! يعني إنت شايف كدا ما حتتنظر حتى نتيجة مُباراة المريخ عشان تعفيه !!
الحالة الثالثة: شطب لاعب منتصف الموسم بسبب مستواه رغم أنّ ذلك سيجعلك تلعب بكشف ناقص بحجة توفير ما ستصرفه عليه بس الحالة دي خلتني أكتب العنوان الفوق دا وما عارف العلاقة ذاتو شنو !!
Post: #3 Title: Re: إدارة الهلال وسوق البصل !! Author: صبري طه Date: 07-03-2017, 11:40 AM Parent: #2
الحالة الرابعة: أن تعفي مُدرّب بعد نتيجة مباراة انهزم فيها كأول خسارة له طوال الموسم وأنت مُقتنع أنّ الخسارة جاءت عن طريق الأخطاء التحكيمية فدا اسمو سوق العدّة !!
Post: #4 Title: Re: إدارة الهلال وسوق البصل !! Author: صبري طه Date: 07-03-2017, 11:42 AM Parent: #3
الحالة الخامسة: أن تشطب لاعب كموكورو بحجة توفير ما ستشتري به البصل في الموسم القادم ثمّ تشتري بصل أقل جودة وتقوم بشطبه بحجة أنّه بصل معفّن ولا بد من توفير ما ستصرفه عليه لموسم البصل الجايي فدا ياهو عنواني ذاتو بالكربون .. يعني أخيراً العنوان لفق والحمد لله !!
Post: #5 Title: Re: إدارة الهلال وسوق البصل !! Author: Maawya Hussein Date: 07-03-2017, 11:54 AM Parent: #4
Post: #6 Title: Re: إدارة الهلال وسوق البصل !! Author: صبري طه Date: 07-03-2017, 11:58 AM Parent: #5
غايتو يا معاوية كان أخير ليهو يشتري نادي برشلونة ويجيبهم يلعبوا في البطولة الإفريقية .. ولحظتها لو خرج بالتحكيم برضو كان يوفي بي وعدو القطعو دا !!
Post: #7 Title: Re: إدارة الهلال وسوق البصل !! Author: عبد العزيز محمد عمر Date: 07-03-2017, 12:02 PM Parent: #6
انت الشطب محمد عبد الرحمن منو ..؟؟؟
ما اظن عندو علاقة بالكورة ... قصدي (ما عندها ) علاقة بالكورة..
Post: #9 Title: Re: إدارة الهلال وسوق البصل !! Author: صبري طه Date: 07-03-2017, 12:14 PM Parent: #7
شطب محمد عبدالرحمن على غرار سوق البصل ...
غايتو إلاّ أرجع للتفاصيل لكنها قريبة من سوق البصل ...
Post: #8 Title: Re: إدارة الهلال وسوق البصل !! Author: Maawya Hussein Date: 07-03-2017, 12:03 PM Parent: #5
تحياتي يا صبري
دي مثال مصغر للعقليه البيدار بيها الهلال وحال الرياضه عموما في البلد ..الجو في البلد عموما مهيئ لصعود امثال الكاردينال وجمال الوالي ومعتصم جعفر والجاكومي ومزمل ابو القاسم وفاطه الصادق والرشيد
الناس الراجيه امل من ديل بتضيع في زمنا ساكت ..السمسار همو الاول والاخير يبيع بضاعتو ويتربح منها ..ومرات علي حساب اي حاجه
الحل الوحيد الناس توفر حق الجرايد ودخول المباريات وتجدد اشتراكا في الجزيره الرياضيه وتستمتع بي الدوري الاسباني والانجليزي والفرنسي مالا ومال وجع القلب
نحن زاتنا بنساهم بي وعي او بدونو في اننا نلمع الناس دي ماديا ومعنويا ..
Post: #10 Title: Re: إدارة الهلال وسوق البصل !! Author: صبري طه Date: 07-03-2017, 12:15 PM Parent: #8
تحياتي أخي معاوية ...
Quote: دي مثال مصغر للعقليه البيدار بيها الهلال وحال الرياضه عموما في البلد ..الجو في البلد عموما مهيئ لصعود امثال الكاردينال وجمال الوالي ومعتصم جعفر والجاكومي ومزمل ابو القاسم وفاطه الصادق والرشيد
الناس الراجيه امل من ديل بتضيع في زمنا ساكت ..السمسار همو الاول والاخير يبيع بضاعتو ويتربح منها ..ومرات علي حساب اي حاجه
الحل الوحيد الناس توفر حق الجرايد ودخول المباريات وتجدد اشتراكا في الجزيره الرياضيه وتستمتع بي الدوري الاسباني والانجليزي والفرنسي مالا ومال وجع القلب
نحن زاتنا بنساهم بي وعي او بدونو في اننا نلمع الناس دي ماديا ومعنويا ..
ما خليت لي حاجة ذاتو أرد عليها ... يسلم قلمك ...
Post: #11 Title: Re: إدارة الهلال وسوق البصل !! Author: عباس محمود Date: 07-03-2017, 12:27 PM Parent: #10
سلامات يا صبري .... كل عام وأنت بخير
( كأول خسارة له طوال الموسم ).
الصحيح ثاني خسارة له طوال الموسم ... الأولي أيضا كانت من المريخ بهدف بكري في كأس الطلاب .
المقتبس بين قوسين من مداخلتك التالتة
دم بخير
Post: #12 Title: Re: إدارة الهلال وسوق البصل !! Author: صبري طه Date: 07-03-2017, 12:34 PM Parent: #11
وعليكم السلام يا محمود ...
Quote: الصحيح ثاني خسارة له طوال الموسم ... الأولي أيضا كانت من المريخ بهدف بكري في كأس الطلاب .
المقصود في مباراة رسمية .. وقد ذكرتها في الحالة الثانية .. يمكنك مراجعتها ...
ــــــــ
Post: #13 Title: Re: إدارة الهلال وسوق البصل !! Author: Nasser Amin Date: 07-03-2017, 12:35 PM Parent: #10
سلام صبري...
البيان دا من نادي الهلال عايزين ليهم شماعة بأي طريقة لتبرير الهزيمة و الفشل
Quote: سم الله الرحمن الرحيم والصلاة والسلام علي رسول الله الامين. الي جماهير الهلال الوفية.. لقد ظل نادي الهلال وعبر تاريخه الطويل مدافعا عن الحق وحاملا لواء الكرة السودانية منافحا ومدافعا حتي صار تمثيل السودان باربعة اندية سودانية في المنافسات الافريقية المختلفة نتاجا طبيعيا وثمرة مستحقة لتميز الهلال ونتايجه التي ستظل خالدة في سفر الوطن العزيز . الاوفياء من اهل الهلال..
لقد قاد الهلال ممثلا في مجلس ادارته وكل مكوناته ومن خلفه هذا الجمهور العظيم واحدة من اشرس المعارك في مواجهة الاتحاد السوداني السابق لكرة القدم ودفع الهلال في سبيل تطهير الكرة السودانية من كل ضروب الفساد الاداري والتحيز الاعمي والانتماء الضيق مهرا غاليا كان ثمنه البطولة المحلية والمشاركة في البطولة العربية.
ومما لا شك فيه ان المجموعة التي هزمت في انتخابات الاتحاد السوداني لكرة القدم كان لها القدح المعلي في اخراج الهلال في عام 2015 من البطولة الافريقية عن طريق الموامرات التي حيكت ليلا ونهارا من اجل اقصاء الهلال. ففي الوقت الذي سعي فيه الهلال باعتباره النادي الرائد في تجنيب الكرة السودانية خطر تعليق النشاط تلك العصي التي ظل يلوح ويهدد بها قادة الاتحاد السابق والكل تابع تلك المخاطبات والتي تنشر قبل كل ساعات من كل مباراة افريقية طرفها الهلال والتي كان اخرها اشتراط اخلاء المقر الخاص بالاتحاد السوداني .بمبادرة اطلقها رئيس النادي ووجدت القبول من اغلب المهتمين بالشان الرياضي. هاهي تجهض وتاتي الانباء من قبل الاتحاد السابق بتاجير مقر جديد لادارة النشاط الرياضي.وذلك حفاظا علي حظوظ المريخ في المنافسة وهنا نوكد باننا في مجلس ادارة نادي الهلال لن نشارك في اية مسابقة تديرها جهة بخلاف الاتحاد المنتخب والشرعي. جماهير الهلال…
هاهو التاريخ يعيد نفسه امس الاول لتلعب ذات المجموعة ذات الادوار ولتكرر افعالها القبيحة وتاتي بذات الحكام الذين اقصوا الهلال لتكرر ذبحها واراقتها لدم الهلال في ليلة الجمعة . ففي الوقت الذي كان ابناءكم في معسكرهم يتفاكرون في طرق تحقيق الانتصار كان الخزي والعار يضع لمساته الاخيرة مع الحكام وطاقمهم المعاون. سيظل الهلال وستظل المنافسات الافريقية مستمرة، وسيظل موقف الهلال راسخا رسوخ الجبال الراسيات في دعمه وموازرته لمجموعة التطوير والنهضة مجموعة الفريق عبد الرحمن سر الختم ورفاقه الميامين.مهما كان حجم التضحيات ولن يتراجع الهلال عن موقفه الداعم والمناصر مع الاندية الشقيقة المهمومة بتطوير الكرة السودانية وتحريرها من تبعية الانقياد الاعمي وتحقيق مصالح افراد علي حساب الوطن الكبير. ولتعلموا يا جماهير الهلال ان حجم الخيانة والتربص اكبر مما تتصوره العقول. وانه لا انجاز للهلال في هذا العهد الاسود عاش الهلال حرا ابيا عصيا. عماد الطيب الامين العام لنادي الهلال بأمر مجلس الادارة
Post: #14 Title: Re: إدارة الهلال وسوق البصل !! Author: صبري طه Date: 07-03-2017, 12:39 PM Parent: #13
وعليكم السلام يا ناصر ...
طيب مُش البيان دا معناهو الكوكي بريء من الهزيمة !!
غايتو الناس حتحفظها للتاريخ أسوأ إدارة مرّت على الهلال هي هذه الإدارة !!