هل استهلاك الكهرباء(قدرة الكيلووات) ملعوب فيهو ؟

05:55 AM July, 03 2017

سودانيز اون لاين
Khalid Elsayed-Sudan
مكتبتى
رابط مختصر

هل تم تخفيض قدرة الكيلووات بنسبة 10% ؟
تدفع تمن الكيلووات كاملا بينما الاستهلاك ناقصا 10%
يشتكي معظم الناس من الاستهلاك العالي والغير طبيعي للكهرباء منذ الزيادات الاخيرة.
وباخذ عينة عشوائية من 15 عداد اتضح ان هناك زيادة في الاستهلاك مع ان الكمية المشتراة هي نفسها والاجهزة المستخدمة في البيت هي هي لم تتغير .
في انتظار راي الخبرا من المهندسين وناس IT

زيادة ما طبيعية ..
عملوها اولاد الهرمة .

زيادة ما طبيعية ..
عملوها اولاد الهرمة .
_________________________________________
اولاد هرمتين
زيادة في السعر الكيلو
وسرقة في قدرة الكيلووات

لا استبعد
انا لاحظت كدة
زمان ناس الاتصالات واحدة من الشركات كانت بتحسب الدقيقة 45 ثانية . ودي قسناها
تلاعب في البرمجة وكل البرمجة في الخرطوم .
ما بعيد عليهم
اذا كان السيخة تلاتة لينية بتقصوها
والزنكي بنقصوهو
الزنكي زمان تطلع فيهو هسة بقا شرقانية بس

لا استبعد
انا لاحظت كدة
زمان ناس الاتصالات واحدة من الشركات كانت بتحسب الدقيقة 45 ثانية . ودي قسناها
تلاعب في البرمجة وكل البرمجة في الخرطوم .
ما بعيد عليهم
اذا كان السيخة تلاتة لينية بتقصوها
والزنكي بنقصوهو
الزنكي زمان تطلع فيهو هسة بقا شرقانية بس
________________________________________________________________________________
بلد زبالة والله
لاحظ انو شركة الاتصالات اكتر من واحدة يعني ممكن تحول الى شركة آخري تحاسب بالثانية
لكن الكهربا ما عندك مفر ...حسبنا الله ونعم الوكيل

سلام يا خالد وشكراً على البوست المهم ..
الناس ديل انتهازيين وما تستبعد عليهم أي حاجة
وانتهازيين دي بقولها لأنو رقم البلاغات حقهم -مدفوع القيمة- والمفترض انو يكون مجاني زي أي شركة محترمة بتستقبل بلاغات العملاء بتاعنها
يعني تتصل ورد آلي ودخل رقم العداد وبعد داك يجيك الموظف واول ما تبدا تحكي مشكلتك الخط يقطع !!
نعم أنا بقدر أأكد اني لاحظت الموضوع ده طوالي في بيتي .. يعني أولادي كانوا كم يوم مع أهلهم ورغماً عن كده اضطريت أشتري كهرباء تاني
مع اني في العادة بشتري كهرباء بتقعدني شهر واسبوع على أقل تقدير .. المرة دي والله الشهر ما كملتو ودي رسمت في ذهني مليون علامة استفهام
افتكرت في مشكلة خاصة بي وعايزة مراجعة لكن لقيت الجيران وصاحب السوبرماركت الجنبي برضو بيشتكو من الإستهلاك الخرافي ده
يعني الفرقة ما بسيطة بل كبيرة جدا وواضحة زي الشمس
من ناحية برمجية التلاعب ده ممكن ، العدادات كانت شغالة كويس لو عايزين يعملوا حركة زي دي لازم يكون عندهم (تحكم عن بعد) للعدادات عشان يغيروا البرمجة الكانت موجودة
وانا هنا بقصد العدادات وليست الشاشات ، لأنو الشاشات البنقرا بيها الكهرباء وندخل بيها الكهرباء ما عندها علاقة بالموضوع ده
لو في زول شغال في الكهرباء يورينا حتى لو في الخاص وما بنجيب اسمو اذا كانت ادارة الكهرباء عندها امكانية الوصول والتحكم عن بعد في العدادات
وعشان ما يودونا السجن بقول نحنا بنشك في وجود شئ غير طبيعي ولا نتهم إدارة الكهرباء بالسرقة
ولو الزحمة دي خفت شوية عايز أجيب جهاز استهلاكو عالي جدا واركبو جنب الشاشة ونفصل كل الأجهزة في البيت ونشوف الحسابات كيف .. بيان بالعمل

تحياتي ..

لام يا خالد وشكراً على البوست المهم ..
الناس ديل انتهازيين وما تستبعد عليهم أي حاجة
وانتهازيين دي بقولها لأنو رقم البلاغات حقهم -مدفوع القيمة- والمفترض انو يكون مجاني زي أي شركة محترمة بتستقبل بلاغات العملاء بتاعنها
يعني تتصل ورد آلي ودخل رقم العداد وبعد داك يجيك الموظف واول ما تبدا تحكي مشكلتك الخط يقطع !!
___________________________________________________________________________________________

دا غير العداد البشتريهو وتدفع عليهو ايجار شهري



نعم أنا بقدر أأكد اني لاحظت الموضوع ده طوالي في بيتي .. يعني أولادي كانوا كم يوم مع أهلهم ورغماً عن كده اضطريت أشتري كهرباء تاني
مع اني في العادة بشتري كهرباء بتقعدني شهر واسبوع على أقل تقدير .. المرة دي والله الشهر ما كملتو ودي رسمت في ذهني مليون علامة استفهام
افتكرت في مشكلة خاصة بي وعايزة مراجعة لكن لقيت الجيران وصاحب السوبرماركت الجنبي برضو بيشتكو من الإستهلاك الخرافي ده
يعني الفرقة ما بسيطة بل كبيرة جدا وواضحة زي الشمس
من ناحية برمجية التلاعب ده ممكن ، العدادات كانت شغالة كويس لو عايزين يعملوا حركة زي دي لازم يكون عندهم (تحكم عن بعد) للعدادات عشان يغيروا البرمجة الكانت موجودة
وانا هنا بقصد العدادات وليست الشاشات ، لأنو الشاشات البنقرا بيها الكهرباء وندخل بيها الكهرباء ما عندها علاقة بالموضوع ده
لو في زول شغال في الكهرباء يورينا حتى لو في الخاص وما بنجيب اسمو اذا كانت ادارة الكهرباء عندها امكانية الوصول والتحكم عن بعد في العدادات
وعشان ما يودونا السجن بقول نحنا بنشك في وجود شئ غير طبيعي ولا نتهم إدارة الكهرباء بالسرقة
ولو الزحمة دي خفت شوية عايز أجيب جهاز استهلاكو عالي جدا واركبو جنب الشاشة ونفصل كل الأجهزة في البيت ونشوف الحسابات كيف .. بيان بالعمل
___________________________________________________________________________________________________________

انا جربتها فعلا .. عندي مكيف اسبليت باظ جبت مكيف موية وسبحان الله الاستهلاك الشهري زاد مع ان استعمال بقية الاجهزة ما اتغير

الفرق تقريبا 10% ( لاحظ اننا نتحدث عن قدرة الكيلووات وليس زيادة سعر الكيلووات)
لو افترضنا ان هنالك 15 مليون مشترك ومتوسط الفرق هو 25 جنيه للمشترك في الشهر ..
جملة الفروقات في الشهر 375 مليون جنيه (بالجديد) تعادل 20 مليون دولار شهريا

رمضان الفات جبت لي مكيف اسبليت سامسونغ وضربت الطراوة
وحاة الطلاق 4 يوم بس ضربت السكلي
بياكل يومياً كهرباء بي 25 جنيه
معطت ليك اسلاكه ورجعت لدفار الموية أبو صوتاً رعدة والبسألني المكيف دة شكلو جديد مالو ما شغال بقول ليه يا عمك السوق بقى كلو صناعة صينية تعبانة ياخ
قياس الجهاز الواحد يا محمد مختار ممكن يتم في دقيقة واحدة
تفصل بقية الأجهزة وتنتظر دقيقة للتأكيد ثم تضغط #1# - تقريباً - في العداد بتجيب ليك استهلاك الجهاز دة في الساعة
يعني إذا عارف الجهاز استهلاكه كم ممكن تجيب الفرق
ما عارف بفرضية وجود تلاعب هل ممكن يتلاعبوا في الاستهلاك الحقيقي ويخلو المقياس بتاع #1# بدون تلاعب ولا لأ
ودي ممكن التأكد منها بسهولة برضو بقياس استهلاك البيت بحالته الراهنة وكل أجهزته الشغالة ثم انتظار انتقال العداد إلى رقم وحساب ساعة بالضبط وتشوف هل الكهرباء الاتشالت قدر المقياس ولا لأ

تحياتي خالد
مشكلة شركة الكهرباء أنّها محتكرة للخدمة وعقودها عقود اذعان ولا أظنها تطبق انظمة ضبط جودة وإسعاد مستهلك عشان تقدر تشتكي وتطالب بمراجعة!
و البلد يها هيئة مواصفات لكن اظن يدها مغلولة, جمعية حماية المستهلك وأمينها العام الرجل الشجاع نزار ميرغني أحسن حالا, يا ريت يصلوا الموضوع دا ويتولاه ويمكنه المتابعة مع ادارة الكهرباء وعمل قياسات و معايرات لعدد من العدادات التي يشتكي اصحابها

Quote: تفصل بقية الأجهزة وتنتظر دقيقة للتأكيد ثم تضغط #1# - تقريباً - في العداد بتجيب ليك استهلاك الجهاز دة في الساعة

يا حبيب العداد بقا متهم عشان كده ما ممكن نستخدم قرايتو .. أنا قصدي نشوف طريقة تانية للقياس ..

Quote: ما عارف بفرضية وجود تلاعب هل ممكن يتلاعبوا في الاستهلاك الحقيقي ويخلو المقياس بتاع #1# بدون تلاعب ولا لأ

نعم يمكن التلاعب في (إظهار) الإستهلاك الحالي ، في البرمجة كلو شئ ممكن بل اعتقد انو لو فعلا تم التلاعب في موضوع الكيلووات ما حيفوت عليهم إنو ممكن اي مهندس أو اي زول بيفهم في الكهرباء انو ممكن يعمل مراجعة للموضوع ده بإستخدام #1# بالتالي ده برضو حيكون ملعوب!

ههههههه
والله مااستبعد القصة دي
حقيقة ناس بيتنا اشتكو منها
بقولو كهرباء ب50 بقت ما بتقعدهم زي زمان وتنتهي سريع




غايتو في السودان ده ما تستبعد شي

الموضوع ملاحظ بشكل واضح لدي الناس كلها
انا شخصيا كل اول شهر بشتري 200 كيلوواط . المدعوم . بحتاج ازيدو مرات بي مية وحاجة واط
ال200 الاولي بي 30 ج
البعدها ال 100 بي 26 ج
اها في الشتاء بتوفر معاي
هسة حساب كدة بستهلك اكتر من 500 كيلو واط
مافي اجهزة جديدة
وبخش في الزون بتاع ما فوق ال400 كيلوواط ودة قالو زادوهو من غير اعلان
اكرر
البرمجة كلها في الخرطوم مركزية

لموضوع ملاحظ بشكل واضح لدي الناس كلها
انا شخصيا كل اول شهر بشتري 200 كيلوواط . المدعوم . بحتاج ازيدو مرات بي مية وحاجة واط
ال200 الاولي بي 30 ج
البعدها ال 100 بي 26 ج
اها في الشتاء بتوفر معاي
هسة حساب كدة بستهلك اكتر من 500 كيلو واط
مافي اجهزة جديدة
وبخش في الزون بتاع ما فوق ال400 كيلوواط ودة قالو زادوهو من غير اعلان
اكرر
البرمجة كلها في الخرطوم مركزية
_______________________________________________
حتي ال500 كيلو دي ( بالسعر الجديد) ما تديك نفي القدرة الحقيقية لل500 كيلو

ههههههه
والله مااستبعد القصة دي
حقيقة ناس بيتنا اشتكو منها
بقولو كهرباء ب50 بقت ما بتقعدهم زي زمان وتنتهي سريع




غايتو في السودان ده ما تستبعد شي
_________________________________________________________
ككمية كيلووات
يعني الكان بجيب في الشهر 500 كيلو ( بغض النظ عن السعر ) في الشهر بقت تكفيهومن 20 الي 25 يوم بنقصان33% الى 16% شهري ( ودي اللعبة في الموضوع)

تحياتي خالد ....
1 :- اي جهاز كهرباء فيهو بليت بتوضح استهلاكو للكهرباء خلال
ساعة عادة" ومنها يمكن القياس والتأكد.
2 :- اجهزة التسخين والتبريد تستهلك كهرباء اضعاف لمبات
الانارة.
3 :- يمكن التلاعب في برمجة استهلاك الكهرباء في اجهزة
القياس الرئيسية يعني 100 كيلووات/ساعة اعتبرا 90
كيلووات/ساعة ... ودي بتعتمد علي مهندسي البرمجة
باشراف مهندسي الكهرباء وديل طبعا" ما ممكن يكونو
كلهم كيزان وإلا تكون قيامتكم قامت.
4 :- في بداية كل شهر في كهربا مدعومه من الشركة
(600 كيلووات/ساعة في حساب 32 قرش) واي زيادة
في حساب 85 قرش.
5 :- الاجهزة المستهلكه للكهرباء بي نهم هي :- الاسبلت ،
المكوة ، سخان الماء للدش والشاي ، المايكرويف ،
الموتور الموصل مع مكيفات التبريد الماءيه ، الثلاجات ،
الأفران والبوتجازات الكهربائية ، الغسالة.
6 :- بيت فيهو 2 سبلت و2 مكيف ماء وتلاجة وعدد
8 لي 10 لمبات في وجود استهلاك محدود لي سخان
الشاي والمكوة والغسالة والمايكرويف بيستهلك ما
قيمته 1500 لي 2000 جنيه.
7 :- عموما" قيمة الكهرباء في السودان أرخص من
ابوظبي بي مقدار الضعف.

حياتي خالد ....
1 :- اي جهاز كهرباء فيهو بليت بتوضح استهلاكو للكهرباء خلال
ساعة عادة" ومنها يمكن القياس والتأكد.
2 :- اجهزة التسخين والتبريد تستهلك كهرباء اضعاف لمبات
الانارة.
3 :- يمكن التلاعب في برمجة استهلاك الكهرباء في اجهزة
القياس الرئيسية يعني 100 كيلووات/ساعة اعتبرا 90
كيلووات/ساعة ... ودي بتعتمد علي مهندسي البرمجة
باشراف مهندسي الكهرباء وديل طبعا" ما ممكن يكونو
كلهم كيزان وإلا تكون قيامتكم قامت.
4 :- في بداية كل شهر في كهربا مدعومه من الشركة
(600 كيلووات/ساعة في حساب 32 قرش) واي زيادة
في حساب 85 قرش.
5 :- الاجهزة المستهلكه للكهرباء بي نهم هي :- الاسبلت ،
المكوة ، سخان الماء للدش والشاي ، المايكرويف ،
الموتور الموصل مع مكيفات التبريد الماءيه ، الثلاجات ،
الأفران والبوتجازات الكهربائية ، الغسالة.
6 :- بيت فيهو 2 سبلت و2 مكيف ماء وتلاجة وعدد
8 لي 10 لمبات في وجود استهلاك محدود لي سخان
الشاي والمكوة والغسالة والمايكرويف بيستهلك ما
قيمته 1500 لي 2000 جنيه.
7 :- عموما" قيمة الكهرباء في السودان أرخص من
ابوظبي بي مقدار الضعف.
___________________________________________________________________________________
سلام Salah Zubeir
بس هي نمرة 3 الله ينور عليك :- يمكن التلاعب في برمجة استهلاك الكهرباء في اجهزة
القياس الرئيسية يعني 100 كيلووات/ساعة اعتبرا 90
كيلووات/ساعة ... ودي بتعتمد علي مهندسي البرمجة
باشراف مهندسي الكهرباء وديل طبعا" ما ممكن يكونو
كلهم كيزان وإلا تكون قيامتكم قامت.

تحياتي خالد
مشكلة شركة الكهرباء أنّها محتكرة للخدمة وعقودها عقود اذعان ولا أظنها تطبق انظمة ضبط جودة وإسعاد مستهلك عشان تقدر تشتكي وتطالب بمراجعة!
و البلد يها هيئة مواصفات لكن اظن يدها مغلولة, جمعية حماية المستهلك وأمينها العام الرجل الشجاع نزار ميرغني أحسن حالا, يا ريت يصلوا الموضوع دا ويتولاه ويمكنه المتابعة مع ادارة الكهرباء وعمل قياسات و معايرات لعدد من العدادات التي يشتكي اصحابها
_________________________________________________________________________________________________
لو عندك تلفون نزار ميرغني ممكن ترسلو في الخاص
والاغرب لمن عدادك يبوظ ويكون فيهو باقي كهرباء بتضيع عليك لكن بعد مرات بترجع لك ( مسألة حظ ولا تخضع لاي معايير علمية )

رمضان الفات جبت لي مكيف اسبليت سامسونغ وضربت الطراوة
وحاة الطلاق 4 يوم بس ضربت السكلي
بياكل يومياً كهرباء بي 25 جنيه
معطت ليك اسلاكه ورجعت لدفار الموية أبو صوتاً رعدة والبسألني المكيف دة شكلو جديد مالو ما شغال بقول ليه يا عمك السوق بقى كلو صناعة صينية تعبانة ياخ
قياس الجهاز الواحد يا محمد مختار ممكن يتم في دقيقة واحدة
تفصل بقية الأجهزة وتنتظر دقيقة للتأكيد ثم تضغط #1# - تقريباً - في العداد بتجيب ليك استهلاك الجهاز دة في الساعة
يعني إذا عارف الجهاز استهلاكه كم ممكن تجيب الفرق
ما عارف بفرضية وجود تلاعب هل ممكن يتلاعبوا في الاستهلاك الحقيقي ويخلو المقياس بتاع #1# بدون تلاعب ولا لأ
ودي ممكن التأكد منها بسهولة برضو بقياس استهلاك البيت بحالته الراهنة وكل أجهزته الشغالة ثم انتظار انتقال العداد إلى رقم وحساب ساعة بالضبط وتشوف هل الكهرباء الاتشالت قدر المقياس ولا لأ
_____________________________________________________________________________________________
هههههههههههههههههههههههه عاقل والله
#1 ما تديك قراءة حقييقية لانو العداد مشكوك فيهو

المسالة سهلة جدا

الكرت او الرصيد الذي يعبأ به العداد يوضح مقدار القيمة التي دفعتها
العداد يقوم بحساب قروشك و عدد الكيلواطات التى يمكن لك ان تستهلكها و يقوم بوقف مرور التيار بمجرد انتهاء الفلوس
هذه العدادات يتم التحكم فيها عن بعد بنظام الاسكادا و التيلميترى يعني ببساطة اذا قررت ادارة شركة الكهرباء تغيير سعر الكيلواط فانها تقوم بتغيير السعر من عنها عبر البرمجيات التي تتيح لها الاتصال بكل العدادات ...يعنى انتو دايرنهم يمشو يغيروا تمنية ولا عشرة مليون عداد يدويا

في مثل حالتنا دي قامت الشركة بزيادة سعر الكيلواط دون اخطار المستهلك لاسباب سياسية

ودي قمة في الفساد والاستهتار

لمسالة سهلة جدا

الكرت او الرصيد الذي يعبأ به العداد يوضح مقدار القيمة التي دفعتها
العداد يقوم بحساب قروشك و عدد الكيلواطات التى يمكن لك ان تستهلكها و يقوم بوقف مرور التيار بمجرد انتهاء الفلوس
هذه العدادات يتم التحكم فيها عن بعد بنظام الاسكادا و التيلميترى يعني ببساطة اذا قررت ادارة شركة الكهرباء تغيير سعر الكيلواط فانها تقوم بتغيير السعر من عنها عبر البرمجيات التي تتيح لها الاتصال بكل العدادات ...يعنى انتو دايرنهم يمشو يغيروا تمنية ولا عشرة مليون عداد يدويا

في مثل حالتنا دي قامت الشركة بزيادة سعر الكيلواط دون اخطار المستهلك لاسباب سياسية

ودي قمة في الفساد والاستهتار
_________________________________
اخونا هشام كلامك صحيح 100% لكن نحن نتكلم عن كيلووات كقدرة بغض النظر عن زيادة السعر .. دي زاتا ملعوب فيها
ال500 كليو الكان بتكفيك شهر بقت تقعد حوالي 22 يوم رغم انو استخدام الاجهزة الكهربائية ما اتغير

الاخ خالد

تحياتى

عندما تزيد السعر بتكون تلقائيا قللت من عدد الكيلواط التي يمكنك استخدامها قبلما يزيد السعر. لذل يظهر لك ان قدرة الكيلواط اقل خاصة بعد زيادة غير معلنة فى الاسعار

خ خالدتحياتىعندما تزيد السعر بتكون تلقائيا قللت من عدد الكيلواط التي يمكنك استخدامها قبلما يزيد السعر. لذل يظهر لك ان قدرة الكيلواط اقل خاصة بعد زيادة غير معلنة فى الاسعار__________________________________________________________________________________________________________________
اخونا هشام المقارنة تمت بعدد الكيلو واتات ( بغض النظر عن سعرها ) يعني الكان بجيب 500 كيلوات في الشهر بقت اسه بتعقد 22 يوم تقريبا رغم انو استخدام الاجهزة الكهربائية ما اتغير


حسبة القروش كالاتي
ال500 زمان كان سعرها 78 جنيه ( 200 كيلو بي 30 جنيه وال300 بي 78 جنيه ) الآن 500 بي 114 جنيه ( 200 ب 30ج ،200 ب52ج و100 بي 32ج)

الناس ديل بعذبوا في الناس عاوزين يصلوا لي ويـن
ما معقول حكومة شغالة تنهب في الناس بالقلبة والعدلا
وكل يوم مغرزة اكثر في جيب المواطن

Quote: اذا قررت ادارة شركة الكهرباء تغيير سعر الكيلواط فانها تقوم بتغيير السعر من عنها عبر البرمجيات التي تتيح لها الاتصال بكل العدادات ...يعنى انتو دايرنهم يمشو يغيروا تمنية ولا عشرة مليون عداد يدويا

تحياتي يا المجمر ..
صحيح نظام المراقبة والتحكم (اسكادا) موجود من زمن مكاوي وشفتو بي عيني بداية الألفينات لكن المعلومة العندي الوقت داك كانت للمراقبة والتحكم في المحطات لكن العدادات ما عندي فكرة والله
بالنسبة لي زيادة التسعيرة أعتقد ما عندها علاقة بالعداد بي صورة مباشرة بل بالسوفتوير بتاع ناس الكهرباء والخوارزمية البيعمل بيها جنريت للرقم البيتم ادخالو عبر شاشة العداد
قصدي انو العدادات مبرمجة مسبقاً بتحويل الرقم المدخل عبر خوارزمية محددة الى كيلووات ، الخوارزمية دي قابلة لحساب زيادة التعرفة مقابل الكيلووات
لكن على العموم المنطقي انو يكون عندهم وصول للعدادت عن بعد على الأقل لتغيير الخوارزمية في حال تفكيكها من قبل هاكرز وكراكرز
بس البيخليني اتوقف في الفرضية دي انو لا بد من وجود شبكة واي ماكس عشان يكون في وصول للعدادات ودي عايزة تأكيد
أو الوصول ليها عبر أسلاك الكهرباء نفسها ودي تقنية متوفرة لكن لمساحات محدودة جدا -حسب المعلومة العندي- وما اعتقد انها تنجح في المساحات الشاسعة المنتشرة فيها شبكة الكهرباء

عايز اقول انو في احتمال وارد برضو انو الخوارزمية بتاعتة العداد بعد ما تستقبل الرقم المدخل عبر الشاشة بتطلع منو باراميترات وممكن يكون في بارميتر لحساب كمية الكهرباء مقابل الكيلووات وبالتالي يصبح الكيلووات هنا مجرد باراميتر وليس كيلووات حقيقي أي يمكن نظرياً خصم 10% من الكيلووات الحقيقي دون الحوجة لإعادة برمجة العدادات ..

عايز اقول انو في احتمال وارد برضو انو الخوارزمية بتاعتة العداد بعد ما تستقبل الرقم المدخل عبر الشاشة بتطلع منو باراميترات وممكن يكون في بارميتر لحساب كمية الكهرباء مقابل الكيلووات وبالتالي يصبح الكيلووات هنا مجرد باراميتر وليس كيلووات حقيقي أي يمكن نظرياً خصم 10% من الكيلووات الحقيقي دون الحوجة لإعادة برمجة العدادات ________________________________________________________________________________________________
محمد عبدالله مختار
اعتقد انو دا الحاصل الآن السؤال كيفية اثبات هذا ؟ طيب لو انا عارف استهلاك جهاز كهربائي معين في الساعة ( حسب الليبل الفي الجهاز ) وقمت تشغيل هذا الجهاز فقط (افصل جميع الاجهزة الكهربائية الآخري) لو استهلك اكتر من الكمية المكتوبة في الليبل معانتو فعلا ملعوب في قدرة الكيلووات

الناس ديل بعذبوا في الناس عاوزين يصلوا لي ويـن
ما معقول حكومة شغالة تنهب في الناس بالقلبة والعدلا
وكل يوم مغرزة اكثر في جيب المواطن
___________________________________
حسبنا الله ونعم الوكيل فيهم

Quote: تقدم النائب المستقل محمد علي نمر، بمسألة مستعجلة لاستدعاء وزير الموارد المائية والكهرباء معتز موسى لاستجوابه حول زيادة تعريفة الكهرباء دون سند قانوني ومخالفته قانون الرسم الاضافي لسنة 2016م المصادق عليه من قبل رئيس الجمهورية. وقال نمر إن الوزارة فرضت قرشين في الفئة الثالثة والرابعة دون سند قانوني، وتساءل عن المبرر لمخالفة قانون الرسم الاضافي للعام 2016م المصادق عليه من الرئيس والقاضي بتحديد اسعار الكهرباء. وأوضح نمر خلال المسألة المستعجلة انه سبق وأن أثار الامر خلال الدورة الماضية، الا ان رئيس البرلمان ابراهيم احمد عمر، طلب من الوزارة الإفادة كتابة ولكن الاخيرة لم تقدم الافادة المطلوبة حتى الوقت الراهن، علماً بأن الزيادة مستمرة من نوفمبر 2016م وحتى الآن، واستفسر عن المبالغ المتحصلة من هذه الزيادة واين تورد. البرلمان: سارة تاج السر الجريدة

لا أري إمكانية غش او خداع في انظمة التحكم والمراقبة
والقياس خصوصا" اذا احتاج الأمر النزول من طبقة إتخاذ
القرار إلى تنفيذ ذلك القرار بواسطة المهندسين في البرمجة
او مهندسي الكهرباء وهم من عامة الناس واهلهم من مستهلكي
الكهرباء. لا انفي امكانية الغش والخداع ولكن تنفيذه وسط
ذلك الكم من الناس امر في غاية الصعوبة وكان تفشى الخبر
وزاع وعم القري والحضر.

لا أري إمكانية غش او خداع في انظمة التحكم والمراقبة
والقياس خصوصا" اذا احتاج الأمر النزول من طبقة إتخاذ
القرار إلى تنفيذ ذلك القرار بواسطة المهندسين في البرمجة
او مهندسي الكهرباء وهم من عامة الناس واهلهم من مستهلكي
الكهرباء. لا انفي امكانية الغش والخداع ولكن تنفيذه وسط
ذلك الكم من الناس امر في غاية الصعوبة وكان تفشى الخبر
وزاع وعم القري والحضر.
______________________________________________________________________
كلامك منطقي لكن الحاصل شنو كل الناس تشتكي من زيادة الاستهلاك ( بغض النظر عن الزيادة في سعر الكيلووات)

اكيد في حاجة غلط

(-) سلامات الحضور الكريم
(-) التلاعب قد يحدث ولكن صعب جدا ان تتحكم مؤسسة في ضبط العداد او التلاعب به وخصوصا الرقمي
(-) ولكن الملاحظ ان الاسلاك في السودان والمواد واللمبات والترانسات حتى ادوات الكهرباء ذات الصناعة السودانية في حد ذاتها نوعيات سيئة ردئية
(-) ملقطه من مصر ومصانع لا تستوفي الشروط العالمية لذلك هذه المواد المستخدمة تكون مقاومتها كبيره نوعا ما
ولا ننسى طريقة التوصيل في السودان عشوائية\ وان السلك يقطع بلاد في الحيشان وقد يوصل للجار وياتي دون الاستفادة منه
(-) المواد وطريقة التوصيل الخاطئة ونوعية الاسلاك والادوات المستخدمة هذه اظنها لوحدها 7 % من الهدر الحاصل في الكهرباء
(-) لابد من وضع هذه النقاط في الاعتبار موادنا مقاومتها الداخلية كبيره تحتاج لجهد وتيار استهلاك

-) سلامات الحضور الكريم
(-) التلاعب قد يحدث ولكن صعب جدا ان تتحكم مؤسسة في ضبط العداد او التلاعب به وخصوصا الرقمي
(-) ولكن الملاحظ ان الاسلاك في السودان والمواد واللمبات والترانسات حتى ادوات الكهرباء ذات الصناعة السودانية في حد ذاتها نوعيات سيئة ردئية
(-) ملقطه من مصر ومصانع لا تستوفي الشروط العالمية لذلك هذه المواد المستخدمة تكون مقاومتها كبيره نوعا ما
ولا ننسى طريقة التوصيل في السودان عشوائية\ وان السلك يقطع بلاد في الحيشان وقد يوصل للجار وياتي دون الاستفادة منه
(-) المواد وطريقة التوصيل الخاطئة ونوعية الاسلاك والادوات المستخدمة هذه اظنها لوحدها 7 % من الهدر الحاصل في الكهرباء
(-) لابد من وضع هذه النقاط في الاعتبار موادنا مقاومتها الداخلية كبيره تحتاج لجهد وتيار استهلاك
________________________________________________________________________________________________________
دا كلو حاصل وموجود لكن الفرق الاستهلاك عالي جدا قريب ال30%
مافي طريق للتأكد غير انك تجيب جهاز كهربائي ذو جودة عاليا وتشغلو هو بس وتشوف الاستهلاك عامل كيف

Quote: اكيد في حاجة غلط

بالتاكيد في حاجة غلط .... اذا استبعدنا السياسة وركزنا علي الامور الفنية
مثال
1 :- العدادات اجهزة قياس وتحتاج لي معايرة (calibration) كل فترة
زمنية محددة غالبا" كل سنة او بالكتير سنتين وتتم عن طريق شركة الكهرباء
ولابد من تذهب اليهم لانو ما حا يجوك اصلا".
2 :- نقاط البرنس عن تصنيع المواد والأسلاك والادوات الغير مطابقة للمواصفات
لها اكبر من نسبة ال 7% .
3 :- التاكد من توصيل خطك الناقل للكهرباء الي منزلك فقط اذ ان الكثير من فني
الكهرباء يقومون بي تجاوزات لزيادة دخلهم في ظل عدم كفاية الراتب الدائم .
5 :- اللجوء لي مهندس كهرباء لحساب استهلاك الكهرباء في منزلك وكل المعلومات
المحتاجه هي معرفة استهلاك الجهاز او اللمبة في الساعة (مكتوبة مباشرة او في بليت)
مضروبة في عدد ساعات الاستعمال في اليوم مضروبة في 30 يوم بديك تقريبا "
استهلاكك في الشهر وبي كدا ممكن تعمل كروس جيك مع العداد اذا سليم وزيد
ليها ال 7% بتاعت البرنس.
ملحوظة ... لا احمل اي مؤهل/هويه في هندسة الكهرباء فمافي داعي للقبقبه يا
احمد محمد عمر.

بالتاكيد في حاجة غلط .... اذا استبعدنا السياسة وركزنا علي الامور الفنية
مثال
1 :- العدادات اجهزة قياس وتحتاج لي معايرة (calibration) كل فترة
زمنية محددة غالبا" كل سنة او بالكتير سنتين وتتم عن طريق شركة الكهرباء
ولابد من تذهب اليهم لانو ما حا يجوك اصلا".
2 :- نقاط البرنس عن تصنيع المواد والأسلاك والادوات الغير مطابقة للمواصفات
لها اكبر من نسبة ال 7% .
3 :- التاكد من توصيل خطك الناقل للكهرباء الي منزلك فقط اذ ان الكثير من فني
الكهرباء يقومون بي تجاوزات لزيادة دخلهم في ظل عدم كفاية الراتب الدائم .
5 :- اللجوء لي مهندس كهرباء لحساب استهلاك الكهرباء في منزلك وكل المعلومات
المحتاجه هي معرفة استهلاك الجهاز او اللمبة في الساعة (مكتوبة مباشرة او في بليت)
مضروبة في عدد ساعات الاستعمال في اليوم مضروبة في 30 يوم بديك تقريبا "
استهلاكك في الشهر وبي كدا ممكن تعمل كروس جيك مع العداد اذا سليم وزيد
ليها ال 7% بتاعت البرنس.
_________________________________________________-
Valid Points
لك التحية

رد من احد المهندسين

دا كله ما عندو علاقة بالتلاعب في البرنامج المشكلة في الشبكة القومية في انه انخفاض ضغط الكهرباء الفولت في الشبكة عامة يؤدي الي ضعف في جميع مستويات الجهد في الشبكة وذلك يكون فقط وقت الذروة في الصباح الساعة العاشرة ويستمر حتي الثالثة والمسائية من الساعة الثامنة حتي العاشرة فقط في الصيف لارتفاع درجة الحرارة و رمضان لانه الاستهلاك في الكهرباء يكون كببر جدا اما بعد رمضان ينخفض الاستهلاك و يتحسن الجهد

Quote: احمد محمد عمر.

تطير عيشته
وحاة الله مسيكين الغنماية تاكل عشاهو :)

غايتو يا احمد ختينا ليك القدرك
بقيت متلقي حجج ههههههه
☝☝☝ انظر للهههة
صحي نوعية السلك ونوعية التوصيلات ليها اثر
لكن ياهن زاتن الزمان ما توصيل جديد

Quote: كن ياهن زاتن الزمان ما توصيل جديد

ههههههههه
هسع في زمتك حفيظ زمان وهسع نفس الإفيشنسي ...
ههههههه
حفيظ مقاومتو بتنقص والسلوك مقاومتا بتزيد ....
والله ما ياهو.

قدمت ال هههههه
خليناك
صلاح يا اخوي لسة الطرمبة بترفع زيت والموتور ستاندر ما خش مخرطة

Quote: مداخلاتي هنا ما بتخصك براك بتخص كل الفالقيننا بالحقانية ومتصدرين بوستات الزرزرة والقبقبة وهسة خشمهم فوقه الموية

طبعا" المداخله دي ما فضل ليك إلا تكتب في الظرف بره
ود البشرى CC النادي الرياضي لحجز حلبة المصارعة ...

Quote: وحاة الله مسيكين والغنمايه تاكل عشاي :)

قال مسيكين .... زكرتني الكضمي ... ههههه .... قبقب بحري كلها.
غايتو متعتونا حتي الاشباع ...

الثقة فيهم معدومـة

Quote: طبعا" المداخله دي ما فضل ليك إلا تكتب في الظرف بره ود البشرى CC النادي الرياضي لحجز حلبة المصارعة ...

لا لا ياخ دي تورية عميقة جداً محتاجة لاجتهاد شديد حتى تتعرف زي لما أقول ليك بقول باع وبضبحوهو في عيد الضحية واتحداك تعرفو شنو

رد من احد المهندسين

دا كله ما عندو علاقة بالتلاعب في البرنامج المشكلة في الشبكة القومية في انه انخفاض ضغط الكهرباء الفولت في الشبكة عامة يؤدي الي ضعف في جميع مستويات الجهد في الشبكة وذلك يكون فقط وقت الذروة في الصباح الساعة العاشرة ويستمر حتي الثالثة والمسائية من الساعة الثامنة حتي العاشرة فقط في الصيف لارتفاع درجة الحرارة و رمضان لانه الاستهلاك في الكهرباء يكون كببر جدا اما بعد رمضان ينخفض الاستهلاك و يتحسن الجهد
______________________________________________________________________________________________________________________________---

الحال ياهو نفس الحال ولا علاقة له بالاستهلاك في رمضان
بعدين إنخفاض ضغط الكهرباء و الضعف في جميع مستويات الجهد في الشبكة دا حاجة ستنادرد وللا عندنا بس في السودان