Post: #2 Title: Re: افتقاد روح المرح Author: عبدالحفيظ ابوسن Date: 07-03-2017, 06:21 AM
يعني تاني الواحد لو داير يهظر الا يكتب قبل المداخلة وبي خط عريض للضحك ايام جست كيدنيق فور لاف زي برامج التلفزيون العنوان ثم المصور والمقدم والمخرج
Post: #3 Title: Re: افتقاد روح المرح Author: عبدالحفيظ ابوسن Date: 07-03-2017, 06:24 AM Parent: #2
الناس دي بقت طوالي قايمة سداري ونفسها حار تخلي الكلام الكتبتو ليهم يقومو يقروا الكلام البفترضو انك داير تكتبو اها واحد من عيوب الردود انك تحاسب الزول بشكل جاد ما كتبه مداعبة
Post: #4 Title: Re: افتقاد روح المرح Author: عبدالحفيظ ابوسن Date: 07-03-2017, 11:14 AM Parent: #3
سلامات ود اب سن الواحد بقي عامل حسابو, تهظر ساي يتعمل ليك بوست مع انبثاقته ياخ ان شاء الله النفوس تهدأ وتبقي القصة سحابة صيف و العفوية تبدأ
Post: #6 Title: Re: افتقاد روح المرح Author: حمد عبد الغفار عمر Date: 07-03-2017, 12:37 PM Parent: #5
كيفك يا ابو سن مفهوم التواجد بالمنبر هل لخلق شخصية اسفيرية مهابة وقطيمة ولا شخصية مفيدة تاخذ وتعطي مثلا زمان تلقى كيتة مدورة بين ناذر الخليفةوتراجي هي تقول ليهو امنجي وهو يقول ليها ام ريشيرش العميلة وفي نص الكيتة دي فجاة يدوروها عشرة ونسة وهظار وضحك وتاني يرجعوا للكيتة مرات تلقى البوست دمو سايل من كلمة واحدة يتقلب لكوميديا ساخرة وساحرة
ازيك حمد حمد الذي هههه عليك الله سمعت زول بعد مات قالوا حليلو القطيم ياخ المناكفات والقطامة حلوة اثناء الحوارات لكن ما تكون هدف الناس طوالي كراعها في الابنص . لو داير تتخفف معاهو تخاف يهرشك شايف في بعض الناس بكتبو ههههه بين ثنايا الكلام كأشارة والله ما قاصد لآمة لقيتو تكتيك كويس تقول ههههه وتكتب بين قوسين بهظر معاك لكن كلامي جاد ياخ بنحاسب بعض حساب عسير
Post: #9 Title: Re: افتقاد روح المرح Author: Salah Zubeir Date: 07-03-2017, 01:15 PM Parent: #7
ود اب سن ... حبابك .. غايتو قاعد أمرح واضحك براي علي تصرفات بعض الإسفيرين البعرف انو ما بيطيق مداخلاتي وقام فتح ليهو بوست انشاالله بتاع تهنئة بقوم عن قصد الصق ليهو مداخلة كانو كان دفعتي في السنوي ... تصور تاني يعمل رايح من البوست وما يرجع ليهو نهائي حتي لو اداخلو 50. دي عينه بس.
ههههههه غايتو الله يسترنا ما نتقنطر و يشوتونا الاجتهاد الشديد في قراءة النوايا دا سبب المشاكل ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ تعرف يا اب سن من فترة "هاشم نقد الله - كوستي" بسلًم عليك بس ما جات الفرصة المناسبة اكلمك مع الكوماج الحاصل و الماسنجر عطلان
Post: #10 Title: Re: افتقاد روح المرح Author: محمد حيدر المشرف Date: 07-03-2017, 01:22 PM
يا زول انت قاصد منو بالكلام ده ؟!
Post: #11 Title: Re: افتقاد روح المرح Author: Salah Zubeir Date: 07-03-2017, 01:25 PM Parent: #10
هههه انا ولا اب سن ولا ناصر امين ولا حمد؟ كيف حالك دكتور ... محمد بس
Post: #16 Title: Re: افتقاد روح المرح Author: Salah Zubeir Date: 07-03-2017, 01:49 PM Parent: #14
ههههه لا لا البخلينا نقرب للمكاء شنو ... بعيد بعيد ... تقوم ترزعنا بي عنوان ابكينا لزومو شنو .... علي اية حال انا ما قصدتا دكتور وانما باشمهندس وإذا اصريت بديك اسمو هنا عادي ....
Post: #18 Title: Re: افتقاد روح المرح Author: عمر عثمان عبد الوهاب Date: 07-03-2017, 01:51 PM Parent: #14
Quote:
يا زول انا عارفكم كلكم شللنجية و قاصدني ..
ههههههها علي راي ود اب سن
والله يادكتور اتا راجل عسل وكتاباتك كلها لا فيها تجريح لا مغرزه ودي معرفتي بيك ومن خلال مداخلاتك فقط
اها قاصدك طزززز يا ود المشرف رايك شنو لومك علي نتداوس الا افرزونا بالريحة انا ما متريح هاك دي بدل هههه مرة د. منعم اخوي جا من السعودية نزل معاي اتعطر . قلت ليهو ريحتك حلوة حنك مني ساي . حلف اداني ليها قال مشتريها بي كم كدة لو تميت عليها شوية بتجيب لي موبايل سمح سافر جا بعد سنتين . استحمي قال لي عندك ريحة . قلت ليهو بالحيل يا بت جيبي الريحة جابت الريحة من دولابي انخلع قال لي دة فتيلي زاتو قلت ليهو وحياتك اخر مرة شفتو لامن كنت معاك
بصراحة المونساتية ضررهم اكتر من نفعهم ليه ؟؟؟ لأنو الناس استسهلت الونسة و السبب لأنها ما دايرة شهادات و تخصصات و جانا زمن شهدنا الونسة المعسمة و ال على عجل* ديك* و كمان أى واحد يتزنق فى جخنون يقول ليك .... يعنى ما نتونس فى البورد ده ... بقت مرّاقة و زوغة من الاسنا ثم بيد ان احترتى فى حتة الونسة التحت دى و لقيت نفسى بليد زى ابو حسين
Quote: والشرط الساخن لا يوضع علي الجراح الملتهبه
الشرط الساخن عارف بكانو وين و برررضو الجراج الملتهبة ممكن تكون نتيجة للشرط الساخن لكن احترت فى النهى عن الوضع و بدون الوضع لا يستقيم المعنى اها جنس الاشارات الخنثى دى , ده اعتداء سافر على الونسة من قبيل اهل الدال اسياد الشهادات وعليه قررت اعتزال الونسة و مقاطعة بوستاتها حتى و لو جاءت على ظهر جمل ثم ثانياً دينق بقى يتونس !!!! ____ حاشية *عجل من مستعجل ما من جنا البقرة *ديك من ذلك ما راجل الجدادة
غايتو فرازين خلاص حمد لبد ما اياها زي حقتي الفرق شنو ما اياها نفس الملامح والشبه زاتو غايتو من تشوفو طرحة تتراجفو دحين دي ما اياها المكسرة بكري عباس 😆 اتجدع واتقطع وهي ما شاء الله تقلة جد عفنتو ليهو هسة الواحد يخش البورد تتقبقب لامن يبين ليك صاحب يقبقب القبقبك زاتو
Post: #32 Title: Re: افتقاد روح المرح Author: عبدالحفيظ ابوسن Date: 07-04-2017, 06:14 AM Parent: #31