Post: #2 Title: Re: شاب يدخن السجارة داخل الحرم المكي أثناء ص� Author: عزالدين عباس الفحل Date: 07-02-2017, 07:49 PM Parent: #1
تناقلت وسايل . ال Social media فيديو لشاب يدخن السجارة. داخل الحرم المكي . بمكة المكرمة. و أثناء صلاة الجماعة. كاميرات الحرم المكي صورت الراجل. و يدخن بكل ازدراء السجارة . و تم القبض عليه . عقب انتهاء الصلاة مباشرة من قبل الشرطة. شي مؤسف للغاية. و أمام الكعبة المشرفة.
*** لا حول و لا قوة الا بالله.
عزالدين عباس الفحل ابوظبي
Post: #3 Title: Re: شاب يدخن السجارة داخل الحرم المكي أثناء ص� Author: عزالدين عباس الفحل Date: 07-02-2017, 07:50 PM Parent: #2
لا حول و لا قوة الا بالله
Post: #4 Title: Re: شاب يدخن السجارة داخل الحرم المكي أثناء ص� Author: عزالدين عباس الفحل Date: 07-02-2017, 07:58 PM Parent: #3
قمة السخرية انو الراجل. واقف في صف الجماعة. وعند الركوع . لا يدري انو الكاميرات تصور. كل الأرجاء من الحرم. ثم اصطادته الكاميرا و هو يرفع رأسه الخاسر فجأة. ويمسك السجارة بيده . ثم يدخلها في فمه القذر. ليدخن السجارة. مشهد تقشعر له الابدان. اللهم اجرنا من النااااااااار.
عزالدين عباس الفحل ابوظبي
Post: #5 Title: Re: شاب يدخن السجارة داخل الحرم المكي أثناء ص� Author: عزالدين عباس الفحل Date: 07-02-2017, 08:34 PM Parent: #4
يا قصي . تعال بالله نزل لينا الفيديو. قمة الوقاحة . لا حول و لا قوة الا بالله.
عزالدين عباس الفحل ابوظبي
Post: #6 Title: Re: شاب يدخن السجارة داخل الحرم المكي أثناء ص� Author: قصي محمد عبدالله Date: 07-03-2017, 12:51 PM Parent: #5
تاريخ نشر المقطعين مختلف...
============================================
لا أدري هل هو نفسه بتاع السيجارة ،أم شخص آخر! يقال هذا شخص آخر، في بعض التعليقات!
------ كل مقطع نشر في تاريخ مختلف،وإن كان هنالك مقطع فيديو يشمل المشهدين (السيجارة والقبض) -----------
Post: #7 Title: Re: شاب يدخن السجارة داخل الحرم المكي أثناء ص� Author: ادريس خليفة علم الهدي Date: 07-03-2017, 01:00 PM Parent: #6
بالسرعة دي نصبتوا المشانق !!!
نسأل الله له الهداية
Post: #8 Title: Re: شاب يدخن السجارة داخل الحرم المكي أثناء ص� Author: قصي محمد عبدالله Date: 07-03-2017, 01:07 PM Parent: #7
Quote: بالسرعة دي نصبتوا المشانق !!!
نسأل الله له الهداية
----------
نسأل الله لنا وله الهداية.
Post: #9 Title: Re: شاب يدخن السجارة داخل الحرم المكي أثناء ص� Author: أحمد محمد عمر Date: 07-03-2017, 02:19 PM Parent: #8
مرة في السعي كان قدامي شاب لبناني حليووني والشعر للضهر محاوطاتنو اتنين صبايا يقولن يا غربتي جادعات خمار نص كم كدة يعني أغلب الشعر ظاهر والعبايات قصااااار الشنكارات برة يتضاحكوا ويتونسوا بأعلى حسهم لفتوا انتباه الناس كلهم ومرات يمشوا متماسكين .. الولد يتأبط ليك ذراعاتهم الاتنين ومرة يميل على دي ومرة على دي هو قطع شك ما دعا بي أي دعاء عداها كلها نكات وضحك معاهم لكن بوظ للعالمين عمرتهم معاو .. وانا منهم أنا غايتو صريح مع روحي مراقبه بدافع الحسد لكن المطوعين الحوالي يعاينوا في البنات المعاهو من فوق لتحت ويميلوا معاهم يمين شمال ويدعوا عليهم باللعنة وكل مرة يمشوا قدامهم ويتلفتوا يكحلوا فيهن قووووي عشان الدعوة عليهن تكون متينة أها لما نجي حتة الهرولة صاحبنا حيله ميتان ما بقدر يجري ولا بتدلع قدامن ما عارف لكن هن بموتن بالضحك على جريته مرة في جرية كدة لفتت الأنظار اكتر من جريتو واحد اسيوي كدة قصير وكرعينو مقوسات وبجري بالجمبات يمين شمال بعاين في جريتو فجأة ألقاهو ليك حاشر ليك صندوق سجاير مارلبوروا وولاعة بي وراء جوة الحزام لكن ظاهرات شديد لفوق تميت السعي غايتو ما عارفن سبعة ولا سبعين شوط لكن جاملت اللبنانيين لحدي النهاية وانا خلاص مارق أشوف ليك فردتنا القصير واقف في طرف المسعى ومولع ليك سيجارته باستمتااااااع كدة صراحة كيفني ولاااااا شغال بي زول .. تنفعك يا مان واللبنانين إن شاء الله تنقلب بيهم الطيارة بقلبي قلت ليه لولا الملامة الواحد كان جر معاك نفس حسرة على العمرة الضايعة دي
Post: #10 Title: Re: شاب يدخن السجارة داخل الحرم المكي أثناء ص� Author: علي دفع الله Date: 07-03-2017, 02:44 PM Parent: #9
Quote: وا اسلاماه
ههههههههه خايف عليه من سجارة 😂 ---------------- احمد محمد عمر ههههه العمرة عندك غايتو استمتعت بيها جدا دي العمرة ولا بلاش
Post: #11 Title: Re: شاب يدخن السجارة داخل الحرم المكي أثناء ص� Author: قصي محمد عبدالله Date: 07-03-2017, 03:16 PM Parent: #10
عن موضوع التدخين، أول لينا عمرة (1423 هـ- 2002) م عارف عندنا واحد (سَرَح شوية)وبعد ما كمل الطواف، وعلى بعد أمتار من الكعبة، طلع سجارتو وبدأ في ضغط الزناد. واحد من الزملاء لكزو ،، صاحبنا بسرعة انتبه لحرمة وقداسة المكان، وقام بسرعة وقف كل شئ، وبدأ يتعوذ من الشيطان ويستغفر. ------- أما في مشاعر الحج (منى ، مزدلفة، عرفات) فكل شئ مدور زي السلام عليكم، السجاير، الشيشة،التمباك.. وكيف الدس داك ، السوبركيف، الله أعلم به.
طالما الأبدان دي حساسة قدر دا ، فلن يضيرها أن تقشعر هنا.... قليلا !
Post: #13 Title: Re: شاب يدخن السجارة داخل الحرم المكي أثناء ص� Author: عزالدين عباس الفحل Date: 07-03-2017, 05:31 PM Parent: #6
شكرا جزيلا. الاخ قصي . علي مجهودك الجبار. الفيديو وصلني علي الواتساب. ولم استطيع أنزاله. في سودانيز. اشواقي.
عزالدين عباس الفحل ابوظبي
Post: #14 Title: Re: شاب يدخن السجارة داخل الحرم المكي أثناء ص� Author: عزالدين عباس الفحل Date: 07-03-2017, 05:40 PM Parent: #13
احمد محمد عمر. سلام . اشبعتني ضحكا. حتي الثمالة. العمرة اكيد ضاعت. بقي ليك اجر . رؤية الكعبة. و الا ما شفت الكعبة. كمان .
عزالدين عباس الفحل ابوظبي
Post: #15 Title: Re: شاب يدخن السجارة داخل الحرم المكي أثناء ص� Author: عزالدين عباس الفحل Date: 07-04-2017, 09:26 PM Parent: #14
بالسرعة دي نصبتوا المشانق !!!
نسأل الله له الهداية.
ادريس خليفة علم الهدي.
___^^^^____^^^^___^^^__
عزيزي ادريس ود الخليفة. الأديب الفخيم ادريس. توارد خواطر و قراءة أفكار لصيقة. الاخ قصي جزاءه الله خيرا قدر يرفع الفيديو من الواتساب. تأمل قول الله تعالي :- ﴿ وَفَوْقَ كُلِّ ذِي عِلْمٍ عَلِيمٌ ﴾ [يوسف: 76].
عزالدين عباس الفحل ابوظبي
Post: #16 Title: Re: شاب يدخن السجارة داخل الحرم المكي أثناء ص� Author: قصي محمد عبدالله Date: 07-05-2017, 00:08 AM Parent: #15
بكري مركب عدسة تؤدي الى مضاعفة الرابط، لابد من نسخ شفرة التضمين ولصقها هنا، اما عنوان الرابط فلا يصلح للعرض كفيديو... وشفرة التضمين تظهر بالضغط داخل المقطع على الزر الايمن للفأرة، وهي ثالث عبارة من الاعلى ضمن مجموعة من الدلائل...
Post: #17 Title: Re: شاب يدخن السجارة داخل الحرم المكي أثناء ص� Author: منتصر عبد الباسط Date: 07-05-2017, 01:11 AM Parent: #16
ناس داعش ما بتاعين تدخين ولا صعلقة وكلام فارق ....ديل من قطع الرقاب وانت طالع
