حكمة اعجبتني اهديها لحكومة الانقاذ...

11:11 AM July, 02 2017

سودانيز اون لاين
د.محمد حسن-
مكتبتى
رابط مختصر

اليوم حكومة ولاية الخرطوم وهي تعتبر حكومة جمهورية السودان حسب الصحف الصادرة تعلن انها عجزت عن نظافة العاصمة \
يعني كل السودان في الوسخ
وتذكرت حكمة اعجبتني لانو عندي عادة اقرا ما يكتب في الحمامات وبستمتع جدا بافرازات الشعوب النفسية في الحمامات
فمرة قريت الحكمة دي واعجبتني
( لاتكتب ذكراك محل خراك)
وبالمثال اكتب لحكومة السودان
كيف نقعد معاك محل خراك
حكومة تعجز عن توفير صرفي صحي
حكومة تعجز غن نظافة شوارعها
حكومة تعجز عن توفير مياه شرب نقية صحية ( بالمناسبة ارخص حاجة تنقية الموية وتعقيمها
لا تحتاج اكثر من مادة الشب والكلور ونحن بنشرب المياه الملكلورة في السودان من قبل الاستقلال وحتى عهد الاستغلال في الانقاذ
لو ما عارفين الشب بجيبو من وين
في سوق امدرمان في عطارة اسمها اتيمان يمكن يدوكم شوية ومعاه بخور عشان يطرد العين والضبان
حكومة تعجز عن توفير املاح تروية وهي تقدم مجانا في كل انحاء العالم ما في دولة في العالم
بتبيع املاح التروية الا نحن
حكومة تعجز عن توفير محاليل وريدية
حكومة تعجز عن اتضيف المشاري للخريف
حكومة تعجز عن ردم الحفر في الشوارع عشان ما تمسك موية
نفسي اعرف الجبايات الكتييييييييييرة بنتاعة المحليات
بتمشي وين؟
بعدين اغرب حاجة يشيلو القروش من الناس بداعي الخدمات ويختوها في جيوبهم
وعايزننا نقعد معاهم مكان خراهم
عاشت ثورة الانقاذ

أصرف عسكري للحكومة ..