صوت وردي ليس كعثمان حسين وشرحبيل يختلف من ابو عركي و إبن البادية واحمد المصطفي كل له مدرسته التي يعرف بها والكابلي وود اللمين كل له خارطة تطريب مختلفة ولا الموصلي كعبد العزيز المبارك ولا منى الخير والفلاتية يختلفون موسيقى واسلوبا وأداء واختيارا للكلمات اما فناني هذا الزمان نفس اسلوب التطريب المدائحي الريفي قد يختلفون في مدى الحدة والغلظة ولكنهم يتفقون في اسلوب التطريب نفس الذبذبة الخلقية المكتسبة من ايقاعات الطار والشتم وانشاد الخلاوي والطرق الصوفية تخيلوا معي إذا حاول احدهم أن يردد اغنية الود لمحمد وردي بصوت اسلوب المديح.
تشابه اداءهم فلا توجد نكهة خاصة بهم ولا اعمال خاصة بهم وإن وجدت فلن تخرج الى المستمع بقبول يذكر ولن تثبت تفردها نحن في عهد الببغاوات الترديدية لقد انتهى عهد الانتاج الغنائي وجيل الفنانين كنهاية فترة المعجزات.
Post: #2 Title: Re: لكل فنان سوداني صوته المتفرد ونكهته الممي Author: Kabar Date: 07-02-2017, 05:13 AM Parent: #1
نتونس ولا نمشي ناكل باسطة وننوم..!!
كبر
Post: #3 Title: Re: لكل فنان سوداني صوته المتفرد ونكهته الممي Author: Amira Hussien Date: 07-02-2017, 07:17 AM Parent: #1
التفرد فى الصوت هبة من الله الناس ديل اساسا ما موهوبين ماعندهم أصوات جميلة متميزة بغنوا بالقوة بالعضل ما فنانين ولا حاجة هسه يجى واحد ناطى يقول طه او عاصم البنا او حتى فرفور شنو ألبميز أصواتهم ويمنحهم التفرد انا معاك انتهى عهد التفرد والتميز والجمال الأساتذة الكبار الذكرتهم غير اختلاف الأصوات وطريقة الأداء حتى عزفهم للعود مختلف يعنى لو واحد بضبط فى أوتار العود تعرف انو ده منو ، هسه كتير من مغنيين الزمن لا يجيد العزف على العود ولا اى آلة موسيقية
Post: #4 Title: Re: لكل فنان سوداني صوته المتفرد ونكهته الممي Author: Kabar Date: 07-02-2017, 10:53 AM Parent: #3
كتر خيرك يا اميرة حسين.. بالمناسبة..كل سنة انتي طيبة يااااخ.. المدخل الجهزتو لصاحبي النيل..كان بادي بالتجاني مختار وانتي ماشة..!! ولكن..!!
ليك الهدية دي يا اميرة..وياريتها تتماشى مع الثيمة بتاعة اخونا النيل..!
عبد المنعم حسيب ، يا النيل ، لسع قاعد معانا ، ربنا يمد في ايامو..!! وهسع المنبر ده يطير ويرك لو في زول بيقدر يجيب خمسة اغنيات لعبد المنعم حسيب..طبعا بعيدا عن رايعتو (عيونك كانو في عينو)..
معليش يا اميرة..هديتك في محلها..!!
كبر
Post: #5 Title: Re: لكل فنان سوداني صوته المتفرد ونكهته الممي Author: Amira Hussien Date: 07-02-2017, 11:28 AM Parent: #4
وانت طيب ،هدية جميلة ومفرحة عبد المنعم حسيب ما بتتنسى صوت طروب وجميل انا بحب ليه رائعة محمد سعد دياب ياقلب لا تبكه علمته كيف العيون اذا أحبت فاضت الأشواق فيها دون حد علمته طعم المسا وحلاوة اللقيا وليلات السعد لكنه نسى الحنان جميعه و أضاع حبك و أبتعد
Post: #6 Title: Re: لكل فنان سوداني صوته المتفرد ونكهته الممي Author: محمد النيل Date: 07-03-2017, 06:29 AM
يا كبر السلام عليكم الشيئ الانا سمعتو وطول حدا انه عبد المنعم حسيب اتوفي زمااااان في حادث حركة الكلام دا كيف
Post: #7 Title: Re: لكل فنان سوداني صوته المتفرد ونكهته الممي Author: محمد النيل Date: 07-03-2017, 06:53 AM Parent: #6
شكرا أميرة للمشاركة التطريب الريفي هي الموضة الماشة اليومين ديل مافي غيرو بس كل مرة بتجي دماء جديدة آخرها سوار لم يأتي بجديد برغم قوة صوتو هذا النوع من التطريب موجود عند فناتي الغناء الشعبي امثال عوض الكريم عبد الله ويتفرع منه بادي محمد الطيب وفي الغناء الحديث ادخله الكاشف الاختلاف انه الكاشف عتده بحة خاصة والانتاج الفني الغزير والعبقرية الموسيقية ومن نوعية هذا التطريب الشعبي حسين شندي وعلي نسقه جاء فرفور المشكلة ..... نواصل بعد قليل انشغلت
Post: #8 Title: Re: لكل فنان سوداني صوته المتفرد ونكهته الممي Author: محمد النيل Date: 07-03-2017, 07:12 AM Parent: #7
الفنان الجديد هو الذي يأتي بجديد في كل شيئ عندما جاء ابراهيم عوض جاء بشيئ جديد وغريب علي الاذن السودانية النور الجيلاني ظهر بشيئ غريب في مدلينا الشرق أتي صوت غريب ولحن غريب لفت الانتباه للاستايل الجديد حتي قال عنه وردي ان النور الجيلاني قفز بالاغنية السودانية ولقبه بطرزان الاغنية السودانية لهذا القفز
Post: #9 Title: Re: لكل فنان سوداني صوته المتفرد ونكهته الممي Author: محمد النيل Date: 07-03-2017, 07:18 AM Parent: #8
أن ينافس المطرب الجديد عليه ان يظهر بصوت غريب غير مألوف من الاصوات الشبابية اللي كان فيها أمل وطريقة جديدة للتطريب ولكنه لم ينتج عمل جديد هو المرحوم نادر خضر لكن لا نتاج يذكر
انا فهمتا قاعد معانا بأغنياته الجميلة الخالدة اما نادر عليه الرحمة فهو بحق فنان جديد متميز متفرد صوتا وأداء وحتى شكلو البسيط لكنه حورب بشدة ولم يجد السند الكافى رغم الحققو ،كان فنان نادر وفاهم جداً