Post: #2
Title: Re: أنا قايل بعد دا أخير نتخارج . والله صحي ...
Author: معاوية المدير
Date: 06-24-2017, 10:58 AM
Parent: #1
العيد يتبارك عليكُم جت،
|
Post: #3
Title: Re: أنا قايل بعد دا أخير نتخارج . والله صحي ...
Author: معاوية المدير
Date: 06-24-2017, 11:01 AM
Parent: #2
حرّم أنا كان ضربتو بي الوآطة دي 10 مرات ما تلقو عندي
غير شهادة الثانوي العالي، ؤ دي زاتا جبتها بخراج الروّح.
والله صحي ...
|
Post: #4
Title: Re: أنا قايل بعد دا أخير نتخارج . والله صحي ...
Author: معاوية المدير
Date: 06-24-2017, 11:02 AM
Parent: #3
بعدينك بوستاتي كولها منبثقة واصداء لبوستات
مفترعة .
|
Post: #5
Title: Re: أنا قايل بعد دا أخير نتخارج . والله صحي ...
Author: نعمات عماد
Date: 06-24-2017, 11:22 AM
Parent: #1
علينا وعليك يتبارك و على السودانيين الجوه و البره.
ياخي شهادات شنو و بطيخ ... خلينا في العيد البكره دا
عايزين نفرح و نتفائل رغم الاخبار و الحروب داخل و خارج
المنبر ... و ما بس نبتسم بالغصب زي say cheese حقت المصوراتي.
ملحوظة: --
صدقني في شهادات احسن يبلوها ويشربو مويتها
و لو بليتها و شربت مويتها تعمل ليك تسمم... ورطة بس !!
|
Post: #6
Title: Re: أنا قايل بعد دا أخير نتخارج . والله صحي ...
Author: معاوية المدير
Date: 06-24-2017, 11:30 AM
Parent: #5
Quote: صدقني في شهادات احسن يبلوها ويشربو مويتها
و لو بليتها و شربت مويتها تعمل ليك تسمم... ورطة بس !! |
برضو أخيّر من الكوليرا .
يا نعمات العيد يتبارك عليكِ ؤ علي وِليداتك وعلي جميع السودانيين
في مشارق الأرض ومغاربها . لا بُدّ من الضحكة في وجه هذا الزمن
العبوس .
حكاية المؤهل دي معشرقا لي من يوما الدخلت حلقي رغم إني فهمت
منها إنو الزول ما يناقش الزول في إختساسو ...
|
Post: #7
Title: Re: أنا قايل بعد دا أخير نتخارج . والله صحي ...
Author: أحمد محمد عمر
Date: 06-24-2017, 11:35 AM
Parent: #6
تاني بروفيسور ابو القاسم قور يرسلك تجيب موية
|
Post: #8
Title: Re: أنا قايل بعد دا أخير نتخارج . والله صحي ...
Author: معاوية المدير
Date: 06-24-2017, 12:23 PM
Parent: #7
| Quote: تاني بروفيسور ابو القاسم قور يرسلك تجيب موية |
يا زوّل إنت مآك نصيح !، أنا البيوديني جنبو شنو !.
لكن بيني ؤ بينك أكان لمّ فيّ فرِد كردة اجيبلو غردو ...
|
Post: #9
Title: Re: أنا قايل بعد دا أخير نتخارج . والله صحي ...
Author: معاوية المدير
Date: 06-24-2017, 12:27 PM
Parent: #8
ثُمّ ويقولون في المثل،
لكل جوادٍ كبوة، ؤ قسماً بالله العظيم هو جواد وفرس رِهان
أراهِن عليه دون تردُد، والواجب يحتِم عليّ أن أقيّل عثرته،
وكل عام وأنتم بخير ...
|
Post: #10
Title: Re: أنا قايل بعد دا أخير نتخارج . والله صحي ...
Author: عبدالحفيظ ابوسن
Date: 06-24-2017, 12:36 PM
Parent: #8
الشهادة والعمل الطيب
علي بالشنو داك في ظل هذه السلطة الراشدة الشهادات رقدت هبطرش
التهبشو كلو عندو دكتوارة . اللابس رسمي واللابس مدني .. دكترة جدة والحال يعلمبو خالك
زمان بي الله الا دكتور عبدالله الطيب والبلد دي فوق
هسة دكترة في كلو
انا غايتو شهادتي ياها كتابتي دي . ختوني مع ناس الخلاوى
اها نسيت
عشان يلحقو السوق بقت في دكتوراة فخرية . دي اظنها للناس الما عندها شهادة سودانية . علا محيراني يكتبو عليها دال ولا يخلوها طلقيبا ساي
اها اقراء
دكتور عميد طيار مهندس فلان ود فلانة
اتا يا ودالمدير
مهاتير باني ماليزيا بقولو دكتور مهاتير
|
Post: #11
Title: Re: أنا قايل بعد دا أخير نتخارج . والله صحي ...
Author: Hani Arabi Mohamed
Date: 06-24-2017, 12:48 PM
Parent: #10
كثير من أفضل طلاب السودان لم يكملوا جامعاتهم او فصلوا منها لاسباب متعددة
|
Post: #12
Title: Re: أنا قايل بعد دا أخير نتخارج . والله صحي ...
Author: معاوية المدير
Date: 06-24-2017, 12:54 PM
Parent: #10
Quote: دكتور عميد طيار مهندس فلان ود فلانة
اتا يا ودالمدير
مهاتير باني ماليزيا بقولو دكتور مهاتير |
غايتو يا ود اب سِن دي عِتالة تفتل الضهر الناس ديّل بيقدروا يقِلّو الرُتب
دي كولها كيف !؟.
مهاتير دا أنا شِن خبرني بيهو !، ترا بيقولو مرتو دكتورة،
لكن ياخوي السودانيين ديّل بدورو الزول البيِتفّن معاهم في
بطن الوآطة دي ؤ بيرفعوهو مكاناً علِيا، ؤ وحات رب العباد
زولنا دا وِإنت أعرف به مني يفرشلهم توبو يقنبو فوقو ...
|
Post: #13
Title: Re: أنا قايل بعد دا أخير نتخارج . والله صحي ...
Author: عباس محمود
Date: 06-24-2017, 01:08 PM
Parent: #12
كل سنة وأنت طيب .
تعال السودان عشان تشوف مهزلة الدرجات العلمية
مرة واحد صاحبي علق لي علي واحدة من مؤسسات التعليم العالي في السودان .
قال لي ديل الدكتوراه عندهم زي ( الختة ) كل شهر يدوها لي واحد من ناسهم .
|
Post: #14
Title: Re: أنا قايل بعد دا أخير نتخارج . والله صحي ...
Author: عبدالحفيظ ابوسن
Date: 06-24-2017, 01:11 PM
Parent: #12
في الصقيعة عندنا مسيد جدي مادح الرسول الشيخ حياتي ود حمد
ود ولدو بقا دكتور من غير سماعات ! وبقوهو مدير جامعة الخرطوم
اها مكجنو من قالو مباري الناس ديل !
اصلي ما ظنيت شفتو
امو ماتت . وسافرنا شلة تملا عربية صالون
من دخلنا علي الصيوان ولا قبل نخش زاتو الناس جات متلهمانا . والوقت وقت غدا
انقرن فينا زول وسلم علي بالاسم وطايبني مطايبة سمحة خلاس
وحلف علينا فرزنا من الناس . دخلنا الصيوان ووقف فوق راسنا
تعال يا ود غسل
جيبو اللحمة
زيدو
كبو
والزول في نايطتي بدور اسال منو
اخد ليهو خفسة يستعجل الناس
سألت ود عمتي بكري ودفاطنة بت اب سن ساكن هناك
انت دة منو
ها زول ما عرفتو دة ود ما شيخنا احمد الطيب
دة المدير
قال لي اياهو
حرم يخدم فينا حفيان ومتحزم
انا اخوك انت
اخوك ما اتلوم
والله يا ودالمدير خجلت التقول شاكلتو زمان
|
Post: #15
Title: Re: أنا قايل بعد دا أخير نتخارج . والله صحي ...
Author: عبدالحفيظ ابوسن
Date: 06-24-2017, 01:22 PM
Parent: #14
جامعة قوقل
google university
النحكي ليك
قبال سنتين جاني وجع اضان وباقي البلد دى لا فيها بتاع اضنين ولا جلدية عليهو الرك
دقشت قوقل وبحت
تلاتة يوم ابحت
عربي وانجليزي
اسأل قوقل
اضاني دي بتوجعني
يسألني اليمين ولا الشمال
اقولو اليمين يقول لي خش هنا
ااخش هنا القا طمنطاشر عيادة
وهكذا دواليك
يسعلني ويحولني
لامن طق لميت في الدكتور الدرسني مرضي
يسعل فيني التقول وجع الاضان جاهو
بتوجعك من جوة
ايا
فيها اكولة
ايا
بتطلع مادة كدة لامن تحكها
ايا
ايا ايا
مشيت لي بتاع الاضنين بدا يسأل فيني
قلت ليهو اضاني فيها فطريات
عاين لي
حمرت فيهو
جاب الطرمبة
قلت ليهو لا لا ما تنضفها لي بالموية
نعمنو د. قوقل قال لي كدة
نخسها نخسها طلع الوسخ
كتب لي ورشتة
مرقت برة جدعتها
مشيت الاجزخانة قلت ليهو اديني كانديد للاضان
عليك امان الله اكان ما دكتور قوقل قال امشي لي دكتور للنضافة ما كان مشيتلو
|
Post: #16
Title: Re: أنا قايل بعد دا أخير نتخارج . والله صحي ...
Author: عبدالحفيظ ابوسن
Date: 06-24-2017, 03:15 PM
Parent: #15
هسة انا بطالب ود المدير بي ابراز ما تقراها 😷😷😷 لانك ما متشهود
اطالبو بي ابراز صورة الشهادة الثانوية الاصلية وبي رقمها المتسلسل ديييش ابوك كم سا دى
|
Post: #17
Title: Re: أنا قايل بعد دا أخير نتخارج . والله صحي ...
Author: يحي قباني
Date: 06-24-2017, 03:35 PM
Parent: #16
انا يا ود المدير امي الله يرحمها ...
كانت كاشفة دورنا كلنا ...
رحمة الله عليها كان ليها القدرة على التعامل مع جميع الاعمار لغاية ما توفاها الله ...
كانت شغالة مسجات مع كل احفاها و أبناء و بنات احفادها ...
و كل واحد منهم متفاهمة معاهو و تتعامل بي حرفية شديدة و كانو دون فرز فاتحين ليها قلوبهم و اسرارهم ...
و حاتك الله يرحمها ما قرت أي مدرسة ... لكن فكت الخط براها ...
كنت اشاغلها و أقول ليها انا ما بصدق انك ما قريتي ؟
تقول لي خشيت أولى كتاب ... امتحنوني لقوني ما محتاجة شي فمرقوني ... ما تميتها ... وهم القرو عملو شنو ؟
حبوبتي كانت تقول القلم ما بزيل البلم ... الله يرحمهم جميعاً ...
امي رحمها الله ... كان عندها دكتوراه في علم الحياه ... رغم انو كل ثقافتها استقتها من الجرايد اليومية و المجلات زمان ... أيام الصحافة كانت ذات معنى ...
كشك الجرايد كان عارف النظام اليومي ... صحافة أيام راي عام صباح الخير العربي الشرق الأوسط ، العربي ... دقشة يوميك الكل يقراها و هي اول زول ...
|
Post: #18
Title: Re: أنا قايل بعد دا أخير نتخارج . والله صحي ...
Author: محمد البشرى الخضر
Date: 06-24-2017, 03:35 PM
Parent: #16
Quote: بعدينك بوستاتي كولها منبثقة واصداء لبوستات
مفترعة . |
ههههههههههههههه
سبقتني الله يسألني
|
Post: #19
Title: Re: أنا قايل بعد دا أخير نتخارج . والله صحي ...
Author: امتثال عبدالله
Date: 06-24-2017, 03:56 PM
Parent: #18
معاوية المدير
بس انت ما وريتنا العيد متين..هل يوم الاحد ولا يوم الاثنين
ولا يوم الاحثنين زي ما بنقرا في الواتساب ان العيد في السعودية
يوم الاحد وفي قطر يوم الاثنين وفي السودان يوم الاحثنين
عشان ما نزعل السعودية ولا قطر..
وبعدين في ناس عندهم شهادات دكتوراة لكن ما بيعرفوا الالف
من الواو...وفي ناس تخرجوا من مراحل الاساس وتلقاهم انسكلوبيديا
المعارف ويعرفون كل شئ لان مدرسة الحياة والتجارب العملية غير النظرية
اهم وافيد من المدارس النظرية
وكل سنة وانت طيب
مع وافر الاحترام والتقدير
|
Post: #20
Title: Re: أنا قايل بعد دا أخير نتخارج . والله صحي ...
Author: muntasir
Date: 06-24-2017, 04:03 PM
Parent: #19
شهادة الثانوي نسبتك كم والبوكسنق كم ومن شنبك ده بتكون أدبي فلو سمحت صور الشهادة موثقة
|
Post: #21
Title: Re: أنا قايل بعد دا أخير نتخارج . والله صحي ...
Author: جمال ود القوز
Date: 06-24-2017, 04:16 PM
Parent: #20
تتخارج آآآ ود المدير !!! .. ليه ؟ ..
عشان موضوع الشهادة يعني .. ههههههه ..
والله البلد كلها بقت جوامع يا قول صاحبي ..
فأي جامع بيديك شهادة وتبقى قاعد مكانك ..
والله في ناس عندهم شهادات يخلوك ..
تكره اليوم الاتخرجت فيهو من جامعة ..
أنا غايتو كان رجعوني لي ورا ..
والله كنت حأعرس من ضو ..
واشوف لي أي صنعة وانتهينا ..
عليك الله القراية الكتيرة ..
غير وجع القلب والشغل الشين ده جابت لينا شنو ..
والله الواحد يجي بالليل راسه وارم من جوه .
.وينتح .. تح .. تح .. تح .. التقول اصبع فيهو ( نشبه ) ..
تقول لي برضو شهادات وبتيخ ..
الزول النجيض نجيض من يومه ..
لا محتاج شهادة لا حاجتين ..
والمثل بقول .. الناجحة من عشها زوزاية ..
|
Post: #22
Title: Re: أنا قايل بعد دا أخير نتخارج . والله صحي ...
Author: عبدالحفيظ ابوسن
Date: 06-24-2017, 04:27 PM
اثني منتصر
بكون من زمنالرقعة
تمتحن تسقط السنة الجاية تمتحن السقطت فيها
ملحق عالي
اها ودالمدير
ابقا مارق
ودالبشرى قاعد لو عملت فوتوشوب
|
Post: #23
Title: Re: أنا قايل بعد دا أخير نتخارج . والله صحي ...
Author: sadig mirghani
Date: 06-24-2017, 04:40 PM
Parent: #1
كلكم المتداخلين في البوست دا فاقد تربوي :-)
مجقلبين
تعملو ليكم منبر براكم تبرطعو فيها
Sudanese undergraduate. Online. Com
|
Post: #24
Title: Re: أنا قايل بعد دا أخير نتخارج . والله صحي ...
Author: عبدالحفيظ ابوسن
Date: 06-24-2017, 06:02 PM
Parent: #23
دحين ما بالغت يا الصادق يا اخوي
اكان تخليها بالانجليزي
|
Post: #25
Title: Re: أنا قايل بعد دا أخير نتخارج . والله صحي ...
Author: Asim Ali
Date: 06-24-2017, 06:38 PM
Parent: #24
الاخ ودالمديروضيوفه
كل سنه وانتو طيبين ويعود على الجميع بالصحه والعافيه .
شهاده شنو ياناس !!! .....عندكم العقاد وفراج الطيب ... شهاداتهم معرفه جابوها بى قراتيهم براهم لاجامعه ولا يحزنون ..المهم الواحد قدر مايعرف يتواضع زياده لانو يتلقى قدر شنو فى حاجات اكتر لازم تعرفا مهما كنت قارى براك ولا فى مدرسه او جامعه عيب الناس ايامنا دى الواحد يدخل كليه الطب يادوب فى اولى يتنفش ويركب مكنه اخصائى (منظر...... ازيك يادكتور - الدكتور جا - الدكتور مشا ) .....
العيد مبارك عليكم
|
Post: #26
Title: Re: أنا قايل بعد دا أخير نتخارج . والله صحي ...
Author: عبدالعظيم عثمان
Date: 06-24-2017, 07:01 PM
Parent: #25
ود المديــر سلامات
موضوعك دا موضوع مهم جدا وهو واحد من كوارث
التعليم العالي من زمان ...
المجتمع السوداني زاته نفخ خريجين الجامعات نفخ علي الفاضي
زمان خريج الجامعه دا نبي إلا ربــع .. المجتمع يشيل ويلولي فيه
كان كضاب الناس تضحك ليه وإذا حرامي تفتش ليه في الأعذار
بس تعرف بعد ثورة المعلومات أصبح الوصل للمعلومات متاح أمام الجميـع
ما عاوز إذن عشان تدخل مكتبة الجامعه من تلفونك ممكن توصل لاي معلومة
, وإنفتاح الناس علي تجارب الشعوبالثانية , زي جنس تقديس الشعب
السوداني لخريجي الجامعات دا ما لاقاني ...
مافي بلد غير السودان بغنوا فيه البنات "الدكاترة ولادة الهنا"
البلد كلها عاوزة تدخل طب (دا موضوع عاوز دراسة) ...
مفروض نمط التعليم في السودان يكون متناسب مع حاجة سوق
العمل المحلي , وسوق العمل المحلي مفروض يكون مربوط بإمكانيات البلد الإقتصاديه
يعني في بلد زي السودان مفروض الكوادر الوسيطه الفنيه تكون أهم من حملة الشهادات
العليا , ومفروض الدوله يكون عنها شروع زي دا ....
في بلد زراعي زي السودان البنات بغنوا : (هي هي يا هي انا ما بدور المزارعيه )
في بلد زي السودان خريجي الزراعة عطالي ....
عشا موضوع التأهيل الأكايمي دا واحد من خيبات البلد دي خلال ال80 عام الماضيه
وأكثــر ناس ضروا البلد هم المتعلمين وأكثر ناس إتآمروا علي البلد كانوا المتعلمين
وأكثـر سياسين فاشلين في البلد برضه المتعلمين .. المجتمع ميــز المتعلمين وعاملهم
كصفوة وهم تعاملوا مع المجتمع بإنتهازيه ..
|
Post: #27
Title: Re: أنا قايل بعد دا أخير نتخارج . والله صحي ...
Author: جلالدونا
Date: 06-24-2017, 09:07 PM
Parent: #26
غايتو محسوبك خريج خلوة
يعنى شبه أمّى كده
لكن النصيجة بقولا
مستواى الفكرى احسن من اخونا الاسمو
محمد البشرى الخضر
ياخى ده ميكانيكى غنم سااااى
---
مسعولين من الخير ..
الاستاذ الدكتور الاعلامى الضليع معاوية الزبير مالو ؟
|
Post: #28
Title: Re: أنا قايل بعد دا أخير نتخارج . والله صحي ...
Author: عزالدين عباس الفحل
Date: 06-26-2017, 05:08 AM
Parent: #27
ااااااااااي البوست دا .
ما مقاسي ولا يناسبني.
دخلتو غلط .
اميييين في القرن 21 .
احسن الخارج بسرعة.
ود المدير اقابلك في الانستقرام.
****
مداخلة من آيفون جديد.
و القديم رميتوووووووو.
عزالدين عباس الفحل
ابوظبي
|
Post: #29
Title: Re: أنا قايل بعد دا أخير نتخارج . والله صحي ...
Author: Gaafar Ismail
Date: 06-26-2017, 06:45 AM
Parent: #28
Quote:
عشا موضوع التأهيل الأكايمي دا واحد من خيبات البلد دي خلال ال80 عام الماضيه
وأكثــر ناس ضروا البلد هم المتعلمين وأكثر ناس إتآمروا علي البلد كانوا المتعلمين
وأكثـر سياسين فاشلين في البلد برضه المتعلمين .. المجتمع ميــز المتعلمين وعاملهم
كصفوة وهم تعاملوا مع المجتمع بإنتهازيه .. |
معاوية المدير وضيوفه الكرام
كل عام وانتم بخير
صدقت اخي الفاضل عبدالعظيم
|
Post: #30
Title: Re: أنا قايل بعد دا أخير نتخارج . والله صحي ...
Author: أحمد محمد عمر
Date: 06-26-2017, 07:11 AM
Parent: #29
مرة في الداخلية كهربتنا ضربت .. قلنا نحن محظوظين لأنه الغرفة الجمبنا فيها واحد بقرأ هندسة كهرباء
ناديناهو يصلحها قال لينا جيبوا لي ورقة وقلم برسم ليكم الدائرة لكن والله لا بمسك مفك ولا حاجة 
عارفين!
كل الفساد المالي الفي البلد دة ممكن يختفي عن الوجود لو كانت في حكومة اليكترونية
وكذلك كل مآسي الخدمة المدنية وتلتلة المواطن في مكاتب الحكومة .. والله جد
برنامج الحكومة الالكترونية دة شغال في السودان من نهاية التسعينات وماسكينو بروفيسورات أصحاب شهادات امريكية وكانوا مدراء جامعات وعمداء كليات حاسوب في أعرق الجامعات السودانية .. والنتيجة حتى الآن Big Zero
عارفين ليه!
عشان ما بعرفو يشتغلوا بيدهم .. بتاعين نظريات في الكتب فقط لكن على أرض الواقع يخربهم
أنا بتاع كمبيوتر
في مجالنا الحكم الأوحد الميدااااان يا حميدان
لو بروفيسور في علوم الحاسب وما بتعرف تشتغل بيدك أو تبرمج أعمل بيك شنو !
وعلى فكرة النموذج دة راقدة هبطرش وحالياً ماسكين الوظائف الإدارية الكبرى في وزارة الاتصالات .. انت قايلين بلدنا دي منتهية من شوية!
لو عندك مدرسة خاصة مثلاً وعاوز تعمل ليها برنامج تعليم اليكتروني بحيث تكون الواجبات والامتحانات اليكترونية اونلاين وأولياء الأمور يطلعوا على درجات أبناءهم أول بأول .. لو عاوز تعمل مشروع زي دة حتختبر الناس القدموا ليك كيف ؟
أقول ليك أنا .. بالـ portfolio
تطالب أي متقدم يبرز ليك أعمال حقيقية مشابهة أنجزها وشغالة هسة وتدخل النت تختبرها بنفسك
لكن لو جبت لي عشرمية ورقة علمية في أفضل المجلات المحكمة وانت ما اشتغلت بيدك ما عندي ليك حاجة
عندنا في الكمبيوتر المؤهل الأكاديمي دة ينفع فقط في حالة التدريس الجامعي .. أي حاجة تانية بسألوك من الخبرة والشهادات المهنية
يعني أنا لو عاوز لي متخصص شبكات واتقدموا لي بروفيسور عامل دراسات فوق الجامعية في مجال الشبكات وخريج ثانوي عندو شهادة CCIE صدقني بشيل العندو شهادة خبير شبكات من سيسكو دة واقول للبروفيسور دة بي بدلتك وكرافتتك دي لمن افكر اعمل لي مركز دراسات بجيبك لكن هسة عاوز زول يلبس الأفرول ويشيل زرديته ومفكاته يرقد تحت مكنة السيرفر
أقسم بالله العظيم وكتابه الكريم قبل كدة واحد عامل دكتوراة في امريكا في تطوير الويب وناشر فيه أبحاث في مجلات عالمية كلفني أعمل ليه موقع شخصي عشان هو ما بعرف يصمم مواقع!
في مجالنا الـ ببتعد عن سوق العمل ببقى out of date لأنه كل اسبوع بتطلع لغة برمجة جديدة وكل يوم بتتغير طرق انجاز الأعمال وكل ثانية بتظهر تقنية جديدة والبأهلك مواكبتك وتجريبك وانجازاتك الحقيقية على أرض الواقع
___________
عشان كلامي ما يتفهم تحامل شخصي على حملة الشهادات بقول ليكم أنا عملت ماجستير - ما اضاف لي أي معلومة جديدة - وبشتغل في كتير من الأحيان بالتدريس الجامعي
|
Post: #31
Title: Re: أنا قايل بعد دا أخير نتخارج . والله صحي ...
Author: ناصر حسين محمد
Date: 06-26-2017, 07:37 AM
Parent: #30
هههههههه
معاوية شفتا نخيسك للبوستات الضاربة بؤدي وين
شغال ترفع لي بوست شركة انتركونتنتال داك وانا اشيل وادعي عليك لمن جبت خبرك
.......
ياعمك كبك من الكنتات الما جايبة حقها
ارفع قزازك واركب الزلط مع ولا تكن مع الفارات
الشهادة لله وحقت الله
وايم الله انت عندي بروفيسر طق طرق
|
Post: #32
Title: Re: أنا قايل بعد دا أخير نتخارج . والله صحي ...
Author: Hassan Makkawi
Date: 06-26-2017, 10:14 AM
Parent: #31
يا معاوية...يا شباب
الرزق تلاقيط والمنبر والحياة مليانة ( كهربجية )
هسى شاويشنا شاويش الهنا ... بالمناسبة رقيناهو برانا فى المنبر ل شاويش
يمين فد ( شريط ) مشاة يناول M.R.E طبيخ مافى
ويفتى ليك فى السياسة الكيزانية والعالمية وسياسة ما وراء البحار
وينبز اتخن سمين
دحين لا تجيبوا طارى الشهادات تطيروا الكهربجية
دعونا نعيش....
|
Post: #36
Title: Re: أنا قايل بعد دا أخير نتخارج . والله صحي ...
Author: عبدالعظيم عثمان
Date: 06-26-2017, 12:08 PM
Parent: #30
Quote: تطالب أي متقدم يبرز ليك أعمال حقيقية مشابهة أنجزها وشغالة هسة وتدخل النت تختبرها بنفسك
لكن لو جبت لي عشرمية ورقة علمية في أفضل المجلات المحكمة وانت ما اشتغلت بيدك ما عندي ليك حاجة
عندنا في الكمبيوتر المؤهل الأكاديمي دة ينفع فقط في حالة التدريس الجامعي .. أي حاجة تانية بسألوك من الخبرة والشهادات المهنية
يعني أنا لو عاوز لي متخصص شبكات واتقدموا لي بروفيسور عامل دراسات فوق الجامعية في مجال الشبكات وخريج ثانوي عندو شهادة CCIE صدقني بشيل العندو شهادة خبير شبكات من سيسكو دة واقول للبروفيسور دة بي بدلتك وكرافتتك دي لمن افكر اعمل لي مركز دراسات بجيبك لكن هسة عاوز زول يلبس الأفرول ويشيل زرديته ومفكاته يرقد تحت مكنة السيرفر
أقسم بالله العظيم وكتابه الكريم قبل كدة واحد عامل دكتوراة في امريكا في تطوير الويب وناشر فيه أبحاث في مجلات عالمية كلفني أعمل ليه موقع شخصي عشان هو ما بعرف يصمم مواقع!
في مجالنا الـ ببتعد عن سوق العمل ببقى out of date لأنه كل اسبوع بتطلع لغة برمجة جديدة وكل يوم بتتغير طرق انجاز الأعمال وكل ثانية بتظهر تقنية جديدة والبأهلك مواكبتك وتجريبك وانجازاتك الحقيقية على أرض الواقع
___________
عشان كلامي ما يتفهم تحامل شخصي على حملة الشهادات بقول ليكم أنا عملت ماجستير - ما اضاف لي أي معلومة جديدة - وبشتغل في كتير من الأحيان بالتدريس الجامعي |
سلامات يا محمد عمر
تعرف إنت معاي في نفس الخط
كلامك دا ما بفهموا ليك ناس زمان ( ناس الزمن الجميل)
وديل ثورة الإنترنت جاطت ليهم رأسهم جوطة شديده
أعلي درجات عرفتهم بالإنترنت الواتساب
عشان أي حاجة عاوزين يوقفوها عندهم ... لسه مقايس الكفاءة
والفلاح عندهم شهادات ودرجات علمية ... في بوست المشرف كتبت :
Quote: أنا وجهة نظري مبنية علي الآتي : -
التأهيل الأكاديمي المرتكز علي الدرجة العلميه يعني خريج مؤسسة تعليم عالي
زمان الزول دا كان نبي إلا ربع في المجتمع ... عشان ثقافنا كلها ألقاب ودرجات
الدكتور جا وماشين للباشمهندس والمحامي يعني كل أسره تتباهي بالدرجات العلميه
الفي داخل حوش البيت .. ثقافة مجتمع (أتوقع جاتنا من مصر) ..
مصدر المعلومات :- قبل ثورة الإنترنت وإنتشار المعلومات كان الأستاذ ومكتبة الجامعه
والمطبوعات (المصدر الوحيد للمعلومة) وإكتسبوا قداسة المجتمع الذي ينظر اليهم
ككنوز معرفيه ... ودا الأساس الذي قامت عليه الجامعات والمؤسسات التعلمية
بعد ثورة الإنترنت وإنفجار المعلومات إتفك الإحتكار للمعلومة وأصبح الوصول
اليها سهل وبلا قيود (بلا قيود نهائيا) وهنا الأفنديه (أكلوا نيم)...
العالم من حيث مصادر المعلومات مرحلتين : - يفصل بينها Google + YouTube
ما قبل كان الأفنديه من خريجي الجامعات ليهم شنه ورنة هم ورثة الأنبياء
وبعد محلة قوقل ويوتيوب تحولوا الي شغيلة ورانكرات (شوي ويمشوا المعاش)..
الضروري في مرحلة ما بعد قوقول ويتيوب هو إستخدام الفلتر لفرز المعلومات
زمان الأستاذأو المحاضر كان بقوم بالمهمة دي الآن فيوسائل ديثة تساعد علي هذا الفرز
للمعلومات .. |
|
Post: #33
Title: Re: أنا قايل بعد دا أخير نتخارج . والله صحي ...
Author: علي دفع الله
Date: 06-26-2017, 10:34 AM
Parent: #28
Quote: البوست دا ما مقاسي
اميين في القرن ال21 |
!!!!!!!!!!!
الصبر من عندك ياااااا رب
|
Post: #34
Title: Re: أنا قايل بعد دا أخير نتخارج . والله صحي ...
Author: وضاحة
Date: 06-26-2017, 10:42 AM
Parent: #33
ود المدير كل عام وانت بخير
تتخارج وين ياخى انت الكاتب المفضل عند ابوى
وابوى طبيب بروفيسر خريج جامعة الخرطوم لما كانت جامعة
وبخش سودانيز مخصوص يفتش بوستاتك وبشرح لى كلامك المدغمس الما بفهموا بعض المرات
قلت لى ابو صلعة دا ما بفهم كلاموا البر
قال لى دا احسن زول بكتب في سودانيز
شوفت حكمة الله
|
Post: #35
Title: Re: أنا قايل بعد دا أخير نتخارج . والله صحي ...
Author: محمد أبوالعزائم أبوالريش
Date: 06-26-2017, 11:44 AM
Parent: #34
Quote: ****
مداخلة من آيفون جديد.
و القديم رميتوووووووو.
|
أها ....... ده بيكون دكتور/ مهندس/ أميرالاي/ بروفيسور ......... إلخ.
|
Post: #37
Title: Re: أنا قايل بعد دا أخير نتخارج . والله صحي ...
Author: امتثال عبدالله
Date: 06-26-2017, 01:40 PM
Parent: #35
د.وضاحة
كلام ابوك في ود المدير صحيح ميه في الميه...
بس كمان ود المدير مرات عنده شطحات بتزعل شديد
ولكني مطمئنة ان قلبه من ذهب ولا يقصد ولا بطلع من جوه
قلبه...مثل مثله في الموسيقيين...ونحن قبيلة الموسيقيين
هدفنا اسعاد الناس وجعل حياتهم بلون الورد والزهور..
وتحياتنا من هنا لود المدير واسرته...
(بس ما تجيني المسنوحة بسمات ..لانها لا تقبل اي كلام
في اهل عطبرة الطيبين والزينين..
مع وافر الاحترام وبراميل الود التي تعلمين
|
Post: #38
Title: Re: أنا قايل بعد دا أخير نتخارج . والله صحي ...
Author: أحمد محمد عمر
Date: 06-26-2017, 02:18 PM
Parent: #37
سلامات عبد العظيم
زمان جاني ولدي عمرو 9 سنوات سألني أكبر دولة في العالم شنو ؟
بكل ثقة قلت ليه الولايات المتحدة الأمريكية
قال لي اكبر من روسيا ؟
قلت ليه زمان كان في حاجة اسمها الاتحاد السوفيتي وكان أكبر منطقة في العالم لكن اتحل واصبح دول كتيرة من بينها روسيا عشان كدة هي حالياً أصغر من الولايات المتحدة لأنها لسة متحدة مع بعض وما اتفكفكت زي السوفيت
بجاوب ليه بثقة نظام الود خبير وما محتاج يبحث
3 دقائق مروا جاني شايل التاب بتاعه وفاتح ويكيبيديا وقال لي طلعت روسيا اكبر وكندا ذاتا أكبر من الولايات المتحدة
اتخيل براك تعاسة منظري قدامه كانت كيف لكن بقت لي بي توبة
من الزمن داك لحدي هسة ما حصل نجرت لي معلومة على السريع لأولادي .. عادي بقول ليهم ما عارف خلوني النتأكد
أصلاً ازدادت الهوة بين الأكاديميا والحياة العملية من فترة طويلة بسبب ديناصورات التعليم العالي .. دكاترة بيدرسوا الطلاب الحاجة الدرسوها قبل 20 سنة باعتبارها الأفضل .. ما بطوروا أدواتهم وطرقهم لتصبح مقاربة للواقع العملي
وجات عليها الطامة بتاعة العولمة وإتاحة المعرفة واصبح الدكتور ما عندو أي قداسة .. تختلف معاهو تحرش عليه عمو قوقل يلبعو ليك زي الما حاصل حاجة
مقدار العلم المطلوب أصبح أكبر من طاقة الاستاذ الجامعي لأنه العالم بقى مفتح على بعض والحاجة البتظهر في القطب الشمالي بتجينا بالنت ووسائل التواصل بعد دقيقة والعلوم اصبحت متاحة اونلاين
طالبك البتدرسوا في جامعة ام طرقاً عراض بكبسة زر بدخل محاضرات MIT ويشارك في كورسات هارفارد ويتناقش مع بروفيسورات ستانفورد في نفس اليوم عبر مواقع coursera و exd
دة غير انه احتياجات الجيل الحالي المعرفية مختلفة تماماً عن احتياجاتنا لما كنا في عمرهم وطريقة حياتنا القائمة على مجتمع بسيط فيه إمام المسجد هو المفتي المعتمد مقابل حياتهم المفتوحه شارع على العالم أجمع بكل علمائه ومفكريه
_________
أثناء كتابة هذه المداخلة جاني ولدي عمرو 11 سنة قال لي عاوز العيدية عشان يشتري بيها سنيبر
مين سنيبر دي ؟
قال لي حرفياً : دي لعبة بتخفف حدة التوتر
يا النبي نوح! متوترين في العمر دة !! وحاة الطلاق أنا ما عرفت توتر يعني شنو إلا في الجامعة
|
Post: #39
Title: Re: أنا قايل بعد دا أخير نتخارج . والله صحي ...
Author: امتثال عبدالله
Date: 06-26-2017, 02:37 PM
Parent: #38
احمد محمد عمر
كلام ولدك صاح ميه في الميه
وعندنا بروفيسور امريكي قال لينا كندا اكبر مساحة من امريكا ...
ولكن امريكا فايتة كندا بمية سنة وفايتة اوروبا بميتين سنة...لان القوة البشرية
لامريكا اقوى من كندا واوروبا فسكان امريكا اكثر من ٣٠٠ مليون سنة وفيهم علماء
من جميع بلدان العالم متخصصين في كل نواحي العلوم والتكنلوجيا وعشان كده
كندا بقت تسهل دخول علماء التكنلوجيا وتمنحهم الاقامة الدائمة والتجتس بالجنسية
الكندية بسرعة وكذلك بعض دول اوروبا بقت تسهل دخول علماء التكنلوجيا عشان يلحقوا
امريكا....
مع وافر الاحترام والتقدير
|
Post: #40
Title: Re: أنا قايل بعد دا أخير نتخارج . والله صحي ...
Author: محمد أبوالعزائم أبوالريش
Date: 06-26-2017, 06:32 PM
Parent: #39
Quote: حكاية المؤهل دي معشرقا لي من يوما الدخلت حلقي رغم إني فهمت
منها إنو الزول ما يناقش الزول في إختساسو ... |
ود المدير ..... حكاية المؤهّل خلّها ....
العُمُر (السن) لزومو شنو؟
|
Post: #41
Title: Re: أنا قايل بعد دا أخير نتخارج . والله صحي ...
Author: عبدالعظيم عثمان
Date: 06-26-2017, 07:47 PM
Parent: #38
Quote: أصلاً ازدادت الهوة بين الأكاديميا والحياة العملية من فترة طويلة بسبب ديناصورات التعليم العالي .. دكاترة بيدرسوا الطلاب الحاجة الدرسوها قبل 20 سنة باعتبارها الأفضل .. ما بطوروا أدواتهم وطرقهم لتصبح مقاربة للواقع العملي
وجات عليها الطامة بتاعة العولمة وإتاحة المعرفة واصبح الدكتور ما عندو أي قداسة .. تختلف معاهو تحرش عليه عمو قوقل يلبعو ليك زي الما حاصل حاجة
مقدار العلم المطلوب أصبح أكبر من طاقة الاستاذ الجامعي لأنه العالم بقى مفتح على بعض والحاجة البتظهر في القطب الشمالي بتجينا بالنت ووسائل التواصل بعد دقيقة والعلوم اصبحت متاحة اونلاين
طالبك البتدرسوا في جامعة ام طرقاً عراض بكبسة زر بدخل محاضرات MIT ويشارك في كورسات هارفارد ويتناقش مع بروفيسورات ستانفورد في نفس اليوم عبر مواقع coursera و exd
دة غير انه احتياجات الجيل الحالي المعرفية مختلفة تماماً عن احتياجاتنا لما كنا في عمرهم وطريقة حياتنا القائمة على مجتمع بسيط فيه إمام المسجد هو المفتي المعتمد مقابل حياتهم المفتوحه شارع على العالم أجمع بكل علمائه ومفكريه |
تعرف يا محمد عمر
عندي قناعه بأن العالم إتغير معرفيا بعد ثورة الإنترنت
ومتسارع بسرعه مخيفه جدا , الي أن جلس صناع التكنولوجيا
وحذروا من خطورة تطور (الروبتكس) والذكاء الإصطناعي
يل ناس ماك ذاكبريج وبيل غيتس وأيلون مسك ..
شوف سنه 1990 أكبر ثلاث شركات في أمريكا كانت في ديترويت
وكانت تشغل حوالي 1.2مليون شخص ... بعد 15 عام في 2015
أكبر ثلاث شركات في وادي السيلكون بتشغل 137ألف فقط ...
موضوع قياس التأهيل إتغير وعاوز أدوات جديده لقياسه
ما ينفع يجيني زوول عامل فيها عبقري زمانه وخبير الخبراء
وما بتعرف يستعمل الإيميل .. الكلام دا حصل قبل كدا وطير الدكتور كمال شداد من كرسي الرئاسه
بعد شوي أي زول ما بعرف ثلاث حاجات يكون زول ما عنده أي لازمة في التطور
يعني حيكون أمي تمام :
1-الكودينق Coding \ البلق شين block chain Technology 2/ الأتمتة Automation 3)
عشان كدا في قاب كبير وناس الزمن الجميل من المتعلمين ما عاوزيـن يفهموا بأن العالم إتغير
وما قادريـن يتقبلوا النتيجة دي , عشان كدا لسه مكنكشين في موضوع الشهادات العلمية والدرجات
كثير منهم ما قادرين يلقوا أكسس للإقتصاد الجديد وسوق العمل الجديد ..
لكن ما بتلاموا علي جهلهم بتقدير مدي التطور الحاصل لأنه الإيقاع سريع جدا
حتي الحكومات الغربيه ما قادرة تجاري إنفجار التكنولجيا ... مثلا شركة قوقول
الحكومات الأوربيه ما عارفه تعمل معاها شنو شفطت قروش زي الرز من الأسواق
الأوربيه وما عارفين يعملوا معاها شنو ..
شركة أوبـــر UBER واحد من المؤسسين طردوه من الجامعه ديل المجارمه ديل غيروا
الشكل التقليدي عن طريق تطبيق في الموبايل , الإقتصاد الجديد الحكومات ما قادرة توقفوا
وما عارفه تتعامل معاه كيف .... يجوا هنا في السودان يقوليك خريج الجامعه مؤهل أكاديما (مؤهل بتاع فنيلتك)
ويحق ليه يفتي والباقين يلزموا الصمت ... معقوله الناس دي ما حاسة بالتطور التكنولوجي
الكبير وتدفق المعلومات خلي الكاترة زاتم بغرفوا من قوقل ...
تحياتي
|
Post: #42
Title: Re: أنا قايل بعد دا أخير نتخارج . والله صحي ...
Author: على محمد على بشير
Date: 06-27-2017, 10:31 AM
Parent: #41
والله داير اخش عليكم واتفرجخ في الواطه دي
.اتناقش معاكم
علا من ما شفت الجني الاسمو الصادق دا قال
عليكم فاقد تربوي وداير يسويلكم منبر براكم
اها دا طرفي منكم ونقاش زاتو معاكم ما داير
نعلاتي وينن ....
|
|
