مكارم بشير /الغيـــــــره والأنــــــانية

10:01 AM June, 23 2017

سودانيز اون لاين
يوسف شوبرا-Sudan
مكتبتى
رابط مختصر

عامود/رشقة شوبرا



بقلم/يــــوسف شــوبرا

مازال الغيره والاعلام يحاربون الاستاذة مكارم بشير
الاستاذة مكارم تقوم بأعمالها الخاص بعض الغيرة التي تهاجم المطربة في اعمالها...
اما الشرازم التي تبقي (نقاع بتاع زير للاستاذة مكارم)
ينتظرون الرواسب لبعض الامراض المعدية.....
اما الاسباب التي تقوم من اتجاه الفن السوداني الخيانة والغدر
ومزال الملحنين ليس لهم كلمة او راي...
الراي هم العازفين الذين تم بترهم من الفنانين بعض العنصرية والدكتاتورية الذي يمارسونا مع الفنانين بعد الالحان التي يهدوها العازفين الي الفنانين..
مكارم بشير له اغنيه اسمها(خائفة)
بعد ان تم ايقافها من الملحن لاسباب مع عازف. وووو>>>>
وتواصل حياتها الفنية ..
ويقوم الاعلام بالمهاجمه.ضد المطربة الانيقة صاحبة الصوت الملائكي ..والغيره التي يقوم بها الفنانين ..
ولماذا :تتكرر اغنية خائفة في الاعلام
ولماذا الفنانين يقومون بأختطاف الاغنية
ولماذا يسمحون الفنانين ان يأدوها بعد ان تم مهاترات بين الفنانه والملحن...
ولماذا الفنانه تحذر داخل الاعلام الفنانه مكارم والفنانين من هذا الاغنية...

ولماذا..ولماذا..ولماذا..ووو>>>
هل الاغنية التي يقومون بتوقيفها
كمثل اغنية جميلة ومستحيلة .
اما في أجندة تحرك هذا الاعلام..

مرحب بيك شوبرا فى المنبر .
.
.
.
انت يا اخوى ذو اليد ببقى ليك شنو ؟

الزول دا داير يقول شنو ؟؟؟
وبمعنى آخر ،،، الزول دا شايت وين ؟؟؟

استاذ شوبرا

ممكن تراجع مقالك وتوضح الكلمات لأنه ما فهمت إلى ماذا يرمي وذلك لعدم وضوح اللغة والفكرة

كل عام وانت بخير

احمد ده اكيد بيكتب بالرطانة :))

يوسف .. انا ذاتي رطاني مرات بقلب لساني عند الكتابة

استاذ انور التكينة هههه ذولايد شنو الراجل دا قريب عز الدين الفحل
ناقصو التوقيع المعروف (مداخلة من الايفون).

يوسف سلامات ..

لفتت انتباهي كلمة "عامود" .
ويبدو ان فيها شيئا من السخرية التي لم أفهمها ,,,

المهم ..
هل انت صحفي ؟!
هل تمتلك قيدا صحفيا ومؤهلات اكاديمية للعمل في الصحافة ...

اعترف احسن ليك :)

بوسف
وينك يا خوي
فتحت ليك موضوع أنت ذاتك ما عارف داير تقول شنو
وبعد داك كبرتا اللفة

ياخوي مكارم خلها في حالها
وهي كفيلة بالرد على من يحاربوها
بتقديمها لكل ما هو جميل وراقي
دا لو كنت قاصد تقول كدا
لأنو بي خرمجتك العملتها فوق دي بتودي مكارم ذاتا في ستين داهية
دحين يا خوي أرعى بي قيدك
ودا شعراً ما عندك ليهو رقبة

وأرقد عافية !!!

والله دا إرهاب منكم ساي
هسع بعد كلامكم دة أنا لو كنت محلو بكبر اللفه

كل سنة وانتو طيبين

علي دفع الله عامل شنبك زي شنو كدة بتاع المغنطيس
أذا رايت أنياب الفحل بارزة فلا تظنن أن الفحل يبتسم

عادل الباهي كل سنة وانت طيب يا صديقي

عندي سؤال لو جاوبت عليه بديك هدية
ممكن تعرف لي الفرق بين المداخلة من الايفون والمن اللابتوب !!!
او كما قال اسامة بابكر

علي دفع الله ياحبوب

عيد سعيد وعمر مديد
عادة المدراء والمسئولين الكبار يتداخلون من الايفون لكثرة الاسفار والكرسي
الدوار اما اللابتوب عادة يتداخل منه البروليتاريا الزينا ديل

انا ما مستغرب لي دا أنا مستغرب للكتابة بخط كبير مرات بيحسسني بيكتب لطه حسين


والله الواحد يباريك يا ود دفع الله تودي في داهية عمك دا عندو هوك بالشمال
والله يرشك بيهو يمرقك في الدمازين ههههههه .

الأخوان ود دفع الله وود الباهي
القولتو في ود الفحل دا كوم
وحقي أنا كوم تاني
لأني سألتو كم مرة إنت ليه يا عبس بتكتب إسمك في يافطة كبيرة تحت كل مداخلة / رد
مع إنو إسمك موجود في البروفايل في الجنبة اليمين
وكان ردو لي بأنو دا الإستايل بتاعو
غلبني أقول ليه شنو
وإنطميت على الرغم من إنو القصة دي حارقاني وعاملة لي نملة في مخي
وأرى بأنه لا داعي لها ،،،
ألستم معي في ذلك ؟؟؟

ربنا يجعل كلامنا خفيف عليه
مع تحياتنا له ومباركتنا بالعيد

الحبيب سيف الدين محجوب
كل سنة وانت طيب وتقبل الله منا ومنكم
أنا كلمات الانجليزي البيحشرها وسط الكلام جابت لي حنكلو ههههههههه
ألستم معي في ذلك ؟؟؟

أسأل علي دفع الله أنا أعتبرني من هسع عردتا أقعد اباريكم
تلبسوني في الحيطة

عيد مبارك يا الفحل وينعاد عليك

رشهم عليك الله ههههههه

ليس من الآيفون فحسب
بل من الآيفون الجديد بعد رمي القديم
والما عاجبو يقوم يلف في الكرسي الدوار

يا اخوانا الكوشة القدام بيتنا سمحة خلاص العاوز يرمي ليه آيفون يديني ارميهو ليه

غايتو
تحبون الهرجلة
حبّاً لمّا
استغفر الله العطيم من كل ذنب عظيم
اها . تعالوا كفّرونى

بل من الآيفون الجديد بعد رمي القديم
كل عام وانتم بخير وتقبل الله منا ومنكم

أنت بالذات يا سادومبا أنا تاري ما ناسيهو والله الفحل دا لو جاء رشاك
أكون أنا من المسرورين

جلالدونا الكافر

كل سنة وأنت طيب والسنة الجاية ربنا يحقق الاماني
شيخ قصي رجع لياقة الف هسع بيجي يزوزي بيك هههههه

قام ( رشق ) تانى...

ود دفع الله وود الباهي
ألحقوا
ود الفحل شغال مداخلات تش بالآيفون في بوست طه الحسين بي غادي
والإسم والعنوان ما يدنك الدرب يمين وشمال وتحت وفوق
بس الحمد لله الخط صغرو شوية وبدون ألوان


يا عبس والله عملت لينا كُرضمة في بنكرياسنا