عليك الله ابعد من اغتني عبد العزيز دواود لانو طبقات صوتك ما بتساعدك على مقدرة التطريب العالي عند الراحل بعدين ابو داوود عمره ما كورك انت جبت الزعيق ده من وين ثم هي سكر السمار والخمار في حان الغرام يعني ما شربو عرقي عشان تغير الكلمة فتضيع المعنى السامي الجميل
طبيعة صوتك حلوة جدا في بعض اغاني الحقيبة بالله اسمع بتمعن قبال ما تحفظ
شكر الله انت ما سمعت نصيحة سبت دودو لود الشايقي؟
Post: #2 Title: Re: يا عاصم البنا والله مرات بتغني حلو بس Author: وضاحة Date: 06-21-2017, 08:18 PM
هووووووووووووووووووى يا دكتور عاصم دا خط احمر ان شاء الله ما يغنى يكفي الواحد يعاين لى بث وتشبع من وجاهتوا تقول لى الزول الشين ياخى قوم لف
Post: #3 Title: Re: يا عاصم البنا والله مرات بتغني حلو بس Author: سيف الدين محجوب Date: 06-22-2017, 06:47 AM Parent: #2
أُؤيدك بشدة يا دكتور ومعذرة للأخت وضاحة عليك الله ماشفتي ولا سمعتي عاصم دا بهدل رائعة أبوداؤد أغنية أوتذكرين حبيبتي كيف ؟ والله جنس بشتنة وخرمجة ونشازوطبيز ما بعده عاصم حبيبنا كلنا وما بنرضى فيه لكن برضو ما بنرضى ليهو البشتنة
مودتي للجميع
Post: #4 Title: Re: يا عاصم البنا والله مرات بتغني حلو بس Author: mohmmed said ahmed Date: 06-23-2017, 09:53 AM Parent: #3
فى القيافة والوجاهة مافى كلام بالبدلة وباليلدى
لكن الغناء يخربو
Post: #5 Title: Re: يا عاصم البنا والله مرات بتغني حلو بس Author: د.محمد حسن Date: 06-23-2017, 01:49 PM Parent: #2
وضاحة الجميلة جدا حبابك الف
ردا على الخط الاحمر ود حلتنا النصيحة لله قيافة ولبيس بعض اغاني الحقيبة يجيدها خاصة تلك التي تتناسب وطبقات صوته غير كدة ما يجازف انا بالنسبة لشخصك الجميل فيعجبني فيك وضوحك التام في حب الجمال ولا تخفين الجرسة اطلاقا وجه ضاحك
