حوالي 12:25 ليلا ظهر ضوء ساطع جدا كأنه فلاش . وقريب من الارض قي كوستي حسب قراءتي في مواقع تواصل كوستي . اعلب الناس ارتعبو وخافو بعضهم قال شم ريحة حريق
Post: #2 Title: Re: ضوء ساطع يخيف اهل كوستي Author: ناصر حسين محمد Date: 06-20-2017, 11:31 PM Parent: #1
الحبيب ابو سن الله يسلم كوستي من كل شر
شاهدوه وين بالضبط اي حي في كوستي
Post: #3 Title: Re: ضوء ساطع يخيف اهل كوستي Author: عبدالحفيظ ابوسن Date: 06-20-2017, 11:34 PM Parent: #2
حبابك ناصر تقريبا كل كوستي وحتي كنانة قريب جدا للارض حسب الناس الكانوا برة جوة البيوت ضوت عديل كدة زي نور الفلاش انا شفتو برتقالي من جوة البيت زي اللهب ناس قالوا ابيض
Post: #4 Title: Re: ضوء ساطع يخيف اهل كوستي Author: عبد الحافظ خضر Date: 06-20-2017, 11:49 PM Parent: #3
عبدالحفيظ أبوسن مليون سلام
حسب مصادر انو دي زيارة شيخ مدفون في مرابيع وداللبيح بجي يزور ارضه كل ٥٠ سنه الضو ده حصل سنة ١٩٦٧
Post: #5 Title: Re: ضوء ساطع يخيف اهل كوستي Author: ناصر حسين محمد Date: 06-21-2017, 00:26 AM Parent: #4
عبد الحفيظ واحدين بقولو مذنب وواحدين بقولو في انفجار جهة كنانة ( ربما القاعدة الجوية) الصورة التحت دي جاتني من واحد قال صور الضوء في ربك
Post: #6 Title: Re: ضوء ساطع يخيف اهل كوستي Author: محمد البشرى الخضر Date: 06-21-2017, 00:46 AM Parent: #5
Post: #7 Title: Re: ضوء ساطع يخيف اهل كوستي Author: يحي قباني Date: 06-21-2017, 00:54 AM Parent: #6
يا ود البشرى ...
انت حتعرف اكتر من الحكومة ؟
ايم الله ناصر ده ما ناصر زمان ...
قال ليك ربك يعني ربك ...
امكن القصة بدت سنة 99 و انتهت اسي ؟
انت عارف تذكرتهم دي بي كم ؟
Post: #8 Title: Re: ضوء ساطع يخيف اهل كوستي Author: محمد أحمد الريح Date: 06-21-2017, 00:59 AM Parent: #7
ضيعتو الفرصة تكون دى ليلة القدر جاتكم بدل ماتدعو إنخلعتو!!!!
سلام ود ابو سن وكل عام وأنتم بخير.
Post: #9 Title: Re: ضوء ساطع يخيف اهل كوستي Author: محمد البشرى الخضر Date: 06-21-2017, 01:02 AM Parent: #7
يا هندسة الزول القال ليهم صورها برضو حكومة؟ ما يمكن مناضل من عندينا هنا :) تعرف الزول البجيب او يلفح شتلة بعد تفطّسها ليه نفسي اشوف وشه بكون عامل كيف , لكن غالبا بكون زاد ليك حسناتك بالسب :)
Post: #10 Title: Re: ضوء ساطع يخيف اهل كوستي Author: ناصر حسين محمد Date: 06-21-2017, 01:35 AM Parent: #9
Post: #14 Title: Re: ضوء ساطع يخيف اهل كوستي Author: ناصر حسين محمد Date: 06-21-2017, 02:04 AM Parent: #13
هههههه الوش الاخضر مابجي معاي بالتلفون انت مش في واحد قال ليك ال(قبقة ) خفف منها
Post: #15 Title: Re: ضوء ساطع يخيف اهل كوستي Author: أحمد محمد عمر Date: 06-21-2017, 02:08 AM Parent: #14
لكن دي ما قبقبة دة تفطّس عدييييل كدة
Post: #16 Title: Re: ضوء ساطع يخيف اهل كوستي Author: معاوية المدير Date: 06-21-2017, 02:11 AM Parent: #15
القبحة فوقك يا ود البشرى . يا ناصر ما تشتغل بالزول دا ؤ جيب واحدة تاني من الوستوديو .
Post: #18 Title: Re: ضوء ساطع يخيف اهل كوستي Author: ناصر حسين محمد Date: 06-21-2017, 02:13 AM Parent: #16
ههههههه اجيب ليهو من وين يا ود المدير كملن ياخ وانا بتوسم الصدق في زولي الرسلها احمد ود عمر ناقل الكفر ليس بكافر
Post: #19 Title: Re: ضوء ساطع يخيف اهل كوستي Author: أحمد محمد عمر Date: 06-21-2017, 02:21 AM Parent: #18
ما الصورة بس يا البشرى خبر الكوتش كلو ثقوب حاولو يلحقو السوق سريع سريع بس يظل هو التوثيق الوحيد الموجود في موقع على النت حالياً
_____ يا ناصر ناقل كفر دة زيي أنا بجيب الصورة ومعاها مصدرها لكن انت عبرت خلاص :) بقيت تجيب اخبار لسة ما حصلت ذاتو .. حتتقال للرئيس بكرة ومن امريكا شخصياً ياخ
Post: #20 Title: Re: ضوء ساطع يخيف اهل كوستي Author: muntasir Date: 06-21-2017, 02:29 AM Parent: #19
يكون ده طه
Post: #21 Title: Re: ضوء ساطع يخيف اهل كوستي Author: قصي محمد عبدالله Date: 06-21-2017, 02:54 AM Parent: #20
http://www.up-00.com/
Post: #22 Title: Re: ضوء ساطع يخيف اهل كوستي Author: معاوية الزبير Date: 06-21-2017, 04:08 AM Parent: #21
ما آخر الأخبار صباح اليوم يا عبد الحفيظ .. هل من جديد؟ اللهم اجعله خير في كل الأحوال
Post: #23 Title: Re: ضوء ساطع يخيف اهل كوستي Author: عبدالحفيظ ابوسن Date: 06-21-2017, 05:48 AM Parent: #22
تسلمو جميعا لا اخبار معاوية سوي ما يتناقله الناس من مشاهداتم تكررت شهادات بعضهم انهم رأوا شيئا يسقط جهة كنانة قرب القاعدة الجوية الضو ساطع وقريب امكانية التصوير معدومة فالامر لم يستغرق سوي ثانية . وفي دون توقع . برق خاطف الجيش اعتبره هجوم واعلن الاستعداد حكاية نيزك وسقط وكدة هي الاقرب عقلا ان عجزت مؤسساتنا بوزير دفاعنا قديما من تحديد صاروخ فهم اليوم اعجز اللهم ألطف بهذا البلد
Post: #24 Title: Re: ضوء ساطع يخيف اهل كوستي Author: Haytham Ghaly Date: 06-21-2017, 06:28 AM Parent: #23
Quote: ربك الفي المكسيك ؟ وسنة 2013 !!!!
هههههههههههههههههههههههههههههههههههه
Post: #25 Title: Re: ضوء ساطع يخيف اهل كوستي Author: Haytham Ghaly Date: 06-21-2017, 06:36 AM Parent: #24
Quote: فعلا اترفعت غلط حقيقة تلفوني اتملى صور للظاهرة بعضعها في درعة وبعضها من الواق الواق اترفعت غلط وانا شغال بالتلفون
بالاسفل الصورة المقصودة الاتصورت من ربك
ؤ كمان جاي مالي يدو وواااااثق
والله يا ناصر ما عجبتني ليك السيك السمحة دي
بالذات انو الموضوع بعيداً عن السياسة
يعني في الحالتين انت ماخد الاثنى
Post: #26 Title: Re: ضوء ساطع يخيف اهل كوستي Author: عبدالله ود البوش Date: 06-21-2017, 07:37 AM Parent: #25
دي النجمة ام ضنب البتجي بعد سنة الضلمة . ود البشرى يا قبقبنجي هههههههههههههه بالله الزول كلما يجري منو يلحقو تاني يقبقبو
Post: #27 Title: Re: ضوء ساطع يخيف اهل كوستي Author: Hani Arabi Mohamed Date: 06-21-2017, 07:42 AM Parent: #1
في 2008 كنت في زيارة لجدي في الولاية الشمالية وحصل شيء مشابه ضوء عند الرابعة فجراً احال السما كلها إلى نهار كامل والغريبة ان الجميع كانوا نياماً في القرية - سالت عدة أشخاص الصبح ان كانوا لاحظوا شيئاً ولم اجد اجابة ..
لكن الجميع تعجبو من ثلاث سحابات ملونة بقيت في المكان يخالط لونها الأبيض عدة ألوان أخرى ... فصدقوا روايتي
بعد عدة أيام جاءت الإجابة من ناسا بأن جرماً سماوياً سقط في محيط محافظة وادي حلفا وأرسلت ناسا خبراؤها على شكل سيّاح ليبحثوا عن بقايا الجرم وفعلاً وجدوها وعادوا بها إلى بلادهم ثم أعلنوا ذلك في مؤتمر علمي تحدث عنه وقتها هنا في المنبر الأستاذ صلاح غريبة في ظل تجاهل كامل من الإعلام السوداني لذلك الحدث ولربما لم يسمعوا عنه أصلاً. كنت قد كتبت بوستاً وقتها حول الموضوع وأبحث عنه الآن في الأرشيف لعلي أجده ،
فيا أهل كوستي انتظروا الإجابة من ناسا ولو بعد حين
Post: #29 Title: Re: ضوء ساطع يخيف اهل كوستي Author: أحمد محمد عمر Date: 06-21-2017, 07:58 AM Parent: #27
ناس الجماهير ما قصرو بعد لقطوا الصور من النت كتبوا على الأولى من تصوير أحد مواطني أم القرى بموبايله والتانية أكدوا إنها قبل سقوط النيزك في الولاية بلحظات وما نسوا ينسبوا إفادة وائل ليهم
Post: #31 Title: Re: ضوء ساطع يخيف اهل كوستي Author: Osama Mohammed Date: 06-21-2017, 08:02 AM Parent: #27
استاذنا عبد الحفيظ سلم الله اهل كوستي من كل شر .
دي المخلوقات الفضائية جات تشوف الفوضى الحاصلة ف السودان .
بالمناسبة اسم السودان حضر بقوة في السنة الماضية والسنة الحالية في افلام الفضاء والخيال العلمي في هوليوود.
غايتو حاولو سورو المنطقة الوقعت فيها البلوة دي وما تقربو منها ( دي لو هي فعلا صخرة او نيزك- شهاب جاء من الفضاء.
لك الود
Post: #35 Title: Re: ضوء ساطع يخيف اهل كوستي Author: ANWAR SAYED IBRAHIM Date: 06-21-2017, 08:48 AM Parent: #27
اخونا ابو سن
السلام عليكم ورحمة الله
لا نملك الاّ الدعاء بان يحفظ الله الجميع
..............
Post: #28 Title: Re: ضوء ساطع يخيف اهل كوستي Author: الطيب عباس Date: 06-21-2017, 07:54 AM Parent: #1
التحايا لكل الحضور
(ولقد زينا السماء الدنيا بمصابيح وجعلناها رجوماً للشياطين).
طالعت في موقع فلكي قبل يومين انو في زخات شهب تقيلة والله اعلم ساراسل صاحب الموقع وافيدكم كان نيزك ولا شي وقع ولا ضرتنا الجبهه الثورية
Post: #30 Title: Re: ضوء ساطع يخيف اهل كوستي Author: MOHAMMED ELSHEIKH Date: 06-21-2017, 08:02 AM Parent: #28
يعني كوستي كوووولها ما اتلقى فيها زول يدافع بالنظر يديكم اللكيدة؟
Post: #32 Title: Re: ضوء ساطع يخيف اهل كوستي Author: عبدالعظيم عثمان Date: 06-21-2017, 08:34 AM Parent: #30
لكن يا ود البشري لقيتك أخطر من شيطان الكوشة في القبقبة (قبقبة تقطع النفس)
" شيطان الكوشة " واحد من كوادر أنصار السنة في جامعة الجزيرة " ناصر بكون بعرفه" اذا جبت ليك معلومة عن حش البرسيم أو مريسة الفيتريتة بنط ليك في حلقك ويقوليك دليلك شنو من( الكتاب السنة والبخاري ومسلم وإبن ماجة والترمزي والزهاوي أبراهيم مالك)
Post: #34 Title: Re: ضوء ساطع يخيف اهل كوستي Author: د.محمد حسن Date: 06-21-2017, 08:40 AM Parent: #32
حيكون ماكينة لحام
Post: #33 Title: Re: ضوء ساطع يخيف اهل كوستي Author: أحمد محمد عمر Date: 06-21-2017, 08:34 AM Parent: #30
Quote: بالمناسبة اسم السودان حضر بقوة في السنة الماضية والسنة الحالية في افلام الفضاء والخيال العلمي في هوليوود.
فيلم Arrival الاترشح لعدة اوسكارات السنة دي من بينها أفضل فيلم بحكي عن مخلوقات فضائية نزلت تستكشف الأرض وتحاول تتواصل مع الأرضيين واختاروا امريكا وروسيا والصين والسودان هييييييع :) بس يا كافي البلا ما قدروا يلقوا لينا أي رد فعل إلا المظاهرات ويلقوا كيف كان نيازك بتهبط علينا ونحن نقوقل في الصور وناس الارصاد بتاعنا لسة ما صحو
Post: #36 Title: Re: ضوء ساطع يخيف اهل كوستي Author: Osama Mohammed Date: 06-21-2017, 09:07 AM Parent: #33
الاخ احمد محمد عمر فعلا دة واحد من الافلام والتاني المتذكرو برضو فلم قوي Fantastic Beasts and Where to Find Them
ودة فلم فانتازيا قال البطل فيهو بالحرف الواحد انو قابل واحدة نوبية وهي اعطته بعض القوي السحرية . قال ساحرة تقريبا بس قابلها في مصر .
Post: #37 Title: Re: ضوء ساطع يخيف اهل كوستي Author: محمد البشرى الخضر Date: 06-21-2017, 09:16 AM Parent: #36
القصّة ما قوّة ولا خطورة يا عبد العظيم بس الناس استسهلت اللفح من قوقل بظن انه الصور بتدّي مصداقية للخبر الملفوح لكن المشلكة الأكبر فيكم انتم الإستصعبتوا مجرد الرايت الكليك واستثقلتم القراءة الواعية المحاققة و اخترتم الساهلة (هز الجرس و اكمال العليقة ) فا شنو... أنتم من يشجّع القوقلاتية و اللفحنجية على مواصلة استحماركم
Post: #39 Title: Re: ضوء ساطع يخيف اهل كوستي Author: عبدالعظيم عثمان Date: 06-21-2017, 09:31 AM Parent: #37
Quote: فا شنو... أنتم من يشجّع القوقلاتية و اللفحنجية على مواصلة استحماركم
كان جابت ليها إستحمار وبردعه يا زول قبقب قبقبتك وما تشتغل بينا الشغله
يقال أن العلامة عبالله الطيب وصف بعض من الناس(سخروا منه) يوما بأنهم ذوي البطون البيضاء وعنما بحثوا عن المعني وجوا أن أبيض البطن هو الحمار
عشان ما تبقي بطنا بيضاء يا ودالبشري قبقب قبقتك وأبدأ بي ناصر أب دنقوسن كبير دا
Post: #38 Title: Re: ضوء ساطع يخيف اهل كوستي Author: حيدر حسن ميرغني Date: 06-21-2017, 09:18 AM Parent: #36
لا هذا ولا ذاك دي بركات معاوية من برلين - ده الفلاش بتاع صورة الاشعة
Post: #40 Title: Re: ضوء ساطع يخيف اهل كوستي Author: محمد عمر ابراهيم Date: 06-21-2017, 09:50 AM
سلامات جميعا ده بكون البراق القبلي شلع بس ما لقي الحاسه الشعريه عندكم عشان تكتبو فيه
Post: #41 Title: Re: ضوء ساطع يخيف اهل كوستي Author: Mohammed Abdullah Date: 06-21-2017, 10:25 AM Parent: #40
-------------------------------------------------------------------------------------------------------------------------------------------------------------------------- منقول من الواتس اب
Post: #42 Title: Re: ضوء ساطع يخيف اهل كوستي Author: أحمد الشايقي Date: 06-21-2017, 11:53 AM Parent: #41
والي الخرطوم السابق (زول الحكايات داك) عبد الرحمن الخضر
نزلت مرة مصيبة كـدا .. طلع في التلفزيون قال بسيــطـــة
دي بـس .... (مكنـة لحام) .... حرقــت في مصنــع اليرمـــوك
طيب يا والينا ... مكنـة لحــام ..... مكنـة لحـــام
Post: #43 Title: Re: ضوء ساطع يخيف اهل كوستي Author: محمد البشرى الخضر Date: 06-24-2017, 03:56 PM Parent: #42
يا أحمد عمر و الأخوان ارسل لي الأخ عباس محمد ابراهيم المحرر العام لموقع الجماهير و هو عضو بالبورد بالمناسبة ألاّ انه فقد كلمة المرور الإفادة التالية
Quote: صباح الخير .. وكل عام وانت والأهل جميعاً بصحة .. تابعت نقاش في منبر سودانيزاونلاين بعنوان ( ضوء ساطع يخيف اهل كوستي) لم تختلف حالة الاختلاف بين مصدق و مشكك لكن استوقفني الخبر الوارد المنسوب لصحيفة الكوتش و بعدها ذات الخبر جاء في المداخلات في الجماهير و أشار المتداخلين إلى أن (الجماهير) لفحتوا و نسبة الصور.. حاولت التداخل لكن فقدت كلمة المرور و بحثت عن طريقة لاستعادتها و لم اتمكن حتى اللحظة. فقط اطلب منك توصيل تحياتي اولاً للمتفاعلين بالموضوع ثم توضيح بعض النقاط .. نحن في الجماهير نتحمل النشر للخبر كامل و قمنا بالتحدث للمصدر الوارد في الخبر السيد وائل محمد و هو مشكور قام بتوفير كل المعلومات و بعد 10 دقائق من النشر قامت الكوتش كما عودتنا بأخذ الخبر دون أن تشير إلى المصدر .. في ما يخص الصور وصلتنا من ذات المصدر و افاد بانها من تصوير احد المواطنيين كما ورد في الخبر... الجهات المسؤولة في تلك الساعات لم نتمكن من التحدث معها و عندما عدنا مرة اخرى قالوا ان الوزارة سوف تصدر بيان وهو ماحدث و أكدت أن الجسم نيزك و هو ما اشرنا إلى انه جسم فضائي يشتبه ان يكون و وضعنا خلفية للخبر عن ظواهر مشابهة قريبة و دراسات رجحت حدوث الامر . ساقوم بارسال بعض الصور التي تؤكد اننا اصحاب الخبر ونتحمل ماجاء فيه و تعودنا في حال قمنا بنقل معلومة من اي جهة نحفظ لها حقه ونشير لها بوضوح دون تردد .. عباس محمد إبراهيم محرر عام صحيفة الجماهير السودانية.
Post: #44 Title: Re: ضوء ساطع يخيف اهل كوستي Author: محمد البشرى الخضر Date: 06-24-2017, 03:59 PM Parent: #43
Quote: الصور تبين فرق توقيت النشر و بالرجوع إلى قوقل ستجد الخبر خيارات البحث لا تحيلك إلى الكوتش نسبه لأن الخبر ورد من قبلنا بفارق ٣١ دقيقة كاملة فقط حذفوا اسمنا
Post: #45 Title: Re: ضوء ساطع يخيف اهل كوستي Author: عبدالحفيظ ابوسن Date: 06-24-2017, 04:35 PM Parent: #44
تشكر ودالبشرى شكرا محمد عباس غايتو ما بعرف الاسبقية انا نشرتو بعد اقل من ساعة . تخيلتها ظاهرة عادية . لكن ونسة الناس في القروبات خلتني انظر ليهو بشكل مختلف
Post: #46 Title: Re: ضوء ساطع يخيف اهل كوستي Author: عرفات حسين Date: 06-24-2017, 07:24 PM Parent: #45
العظيم ابوسن كل عام وانت بخير
الصغير ده الخبت الناس ....
http://www.up-00.com/
Post: #47 Title: Re: ضوء ساطع يخيف اهل كوستي Author: عرفات حسين Date: 06-24-2017, 07:33 PM Parent: #46
http://www.up-00.com/
Post: #48 Title: Re: ضوء ساطع يخيف اهل كوستي Author: عرفات حسين Date: 06-24-2017, 07:54 PM Parent: #47
من قسم الفيزياء جامعه الخرطوم أ. أميمه عثمان محمد عثمان المحاضر بالقسم أ: ضياء الدين النعمان أ:خالد مبروك النو من قسم الجيولوجيا جامعه الخرطوم أ. خديجة محمد المبارك المحاضر بالقسم من معهد ابحاث الفضاء والطيران (اسراء) أ.حذيفه احمد بريمه أ.احمد تاج السر احمد أ.ابو بكر احمد الطيي السائق السيد/حسن النور حسن بالإضافة للنقيب مصعب محسن ركاب صاحب الدور الفعّال في تسهيل مهام فريق البحث.
http://www.up-00.com/
Post: #49 Title: Re: ضوء ساطع يخيف اهل كوستي Author: عرفات حسين Date: 06-24-2017, 07:59 PM Parent: #48
تمكن فريق البحث المكون من معهد أبحاث الفضاء والطيران (إسراء) و #جامعة_الخرطوم قسمي الفيزياء والجيولوجيا من العثور على العينات الأولى من نيزك النيل الأبيض (العباسية).
يُذكر أنه شوهد من مناطق كوستي، ربك، الجبلين، كنانة، المناقل، ٢٤ القرشي، سقوط جسم غريب يُعتقد أنه جرم سماوي في يوم ٢٠/٦/٢٠١٧ وعلى إثر ذلك تحرك فريق البحث . إسمترت الرحلة لثلاثة أيام ، حيث بدأت من منطقه الجبلين في خط حدود السودان مع دوله جنوب السودان واستمر البحث شمالا حتى منطقة ربك وكوستي مرورا بمدينه كنانه وكل القرى الموجودة في المنطقه. تم تحديد الاحداثيات المتوقع العثور على حطام الجرم بين منطقتي كنانه في الناحيه الشرقيه للنيل ومنطقه امهاني غرب النيل الأبيض. تم العثور على اول قطعه في تمام الساعة الثانيه ظهرا من يوم السبت الموافق 24/6 في منطقة العباسية جنوب كوستي.
سوف يتم تحديد موقع العينات بناءاً على المعلومات المُتحصل عليها من هذة الرحلة وعمل نموزج يتم من خلاله توقع موقع ذروة الحدث وتنظيم رحلة ثانية لتجميع عدد أكبر من العينات بغرض البحث.
Post: #50 Title: Re: ضوء ساطع يخيف اهل كوستي Author: أحمد محمد عمر Date: 06-27-2017, 10:37 AM Parent: #49
أولاً اعتذر إني ما رجعت للبوست تاني بعد مشاركتي الأخيرة وهسة رجعت بالصدفة عشان أنزل فيديو سودانية24 شكراً محمد البشرى لنقل إفادة موقع الجماهير خالص الاعتذار للمحرر محمد ابراهيم إن مسك من تعليقي ما يسيئك لكن يظل خطؤكم الأكبر هو نسبة الصورة الملفوحة من قوقل إلى مواطن كوستي دون وضع أي disclaimer مما يشي بأن الصحيفة متأكدة تماماً من معلوماتها بأن الصورة فعلاً من تصوير ذلك المواطن الذي بعثها لك اعتذاري الواضح عن قولي بنقلكم من الكوتش بينما الحاصل هو العكس ساعدني في سوء الظن ضعف المهنية والاحترافية في نسب الصورة لمواطن كوستي دون التأكد أو حتى التنصل من المسئولية بكتابتكم الواضحة الواثقة أن الصورة تم التقاطها بجوال مواطن .. وهذا ما لم تقع فيه الكوتش وأعتقد أن هذا البوست قدم لكم خدمة جليلة بتبصيركم بموضع الخطأ خاصة أنكم حذفتم الـ caption القديم وكتبتم على الصورة (ارشيف)
