حبابك كريم وصديق كريمودالمدير شابكنا ليك كل يومغلبت عمر منصور اربعة اقيام وستة اقيام قد اضانا قدقلت ليهو شغلك دة كسير حطب بي فرار ولا ياها التيوةحبابك شرفت
معاوية ياخي عودة عمر تساوي عودة الجمال عمر افتقدته الموسيقى السودانية هو ورفيق عمره اي عمر الاخر "عمر فتح الله" مادام انت في كندا يا معاوية جيبو برضو جيل تيمان برقو الما مفروض ابدا يتفرقو مرحب عمر منصور حبابك الف
Quote: معاوية ياخي عودة عمر تساوي عودة الجمال عمر افتقدته الموسيقى السودانية هو ورفيق عمره اي عمر الاخر "عمر فتح الله" مادام انت في كندا يا معاوية جيبو برضو جيل تيمان برقو الما مفروض ابدا يتفرقو مرحب عمر منصور حبابك الف
الشكر كل الشكر لكلٍ من أتى مرحباً بالزول الخلوق الأُستاذ عمر منصور . يا أُستاذ الموصلي عمر كل الجمال، أمسك عندك أهو لميناك فيهو علي بآل ما لمينا في عمر فتح الله . وردي الله يرحمو كان مسميهم العمرين، وكان يدعو، اللهُم أنصر وردي بأحد العمرين، عمر منصور أو عمر فتح الله . بالمناسبة عمر منصور بيسأل مِنّك بشدة ؤ طلب رقم تلفونك في السودان ...
الف مرحب بالاخ الاستاذ عمر منصور ,,, حقيقة لم يحصل لي الشرف بمقابلته ولكن يكفي انه اخ لصديق واخ عزيز وهو علاء منصور (تمبس) هذا الرجل الرائع لذلك لا عجب بان يكون عمر منصور شبيه باخيه الاصغر علاء وكلاهما بزرة طيبة ان شاء الله .... فالف مرحب بك اخي عمر ونتمنى ان يطيب لك المقام في هذا الحوش الوسيع ونحن في انتظار نثر ابداعك هنا .... ونسال الله ان نلتقي في رحاب اوسع ...
سلامات يا ود المدير أولاً مرحب بالأستاذ الموسيقيار عمر منصور ثانياً هذا اللفتة الرائعة من القامة الراحل وردي (طيب الله ثراه) المتمثلة في التعريف بالموسيقيين تحكي عظمة وأصالة معدن هذا الفنان الخالد، يعطي هؤلاء الموسيقيين حفهم الأدبي والمعنوي ويقدر جهدهم الابداعي في هذه الأعمال الغنائية. وهو لا يذكر أسماءهم بشكل عابر، بل الاسم الثلاثي بشكل محترم وينم عن تقدير واعتزاز.
مرحب ، بالعودة ، صديقنا واخونا واستاذنا الجميل عمر منصور..
لحظة نادرة..اهديها للأصدقاء ترهاقا واحمد يسن..
واقول لهم: عمر منصور هو السوداني الوحيد..الذي هزم ثقافة الدوت كوم..وبهرجة نورث امريكا..الناس الشافت عمر منصور قبل عشرات السنين..بنقول ليهم هو عمر نفسه..نحيل..نحيف ..وسيم..يعانق كمان ويقول لدنيا ترامب:طظ..!! حبوب كما هو..بسام كما هو..والأهم لم يفارق الكمان..!!
ويا معاوية المدير: عليك اهله زر لينا عمر وعبد اللطيف (ساورا)..خليهم يشتغلوا بمزاج..عمر بالكمان وعبد اللطيف بالطرمبة..غنية الما نسونا..عشان اشوف ملامح ابوي يااااااااااااااخ..
هل تصدق يا حامد الصاوي: الشهيدة التاية ابو عاقلة اتغسل جثمانها في بيت ابونا منصور عليه السلام؟...
التحية لأستاذنا عمر منصور..والتحية لأسرة جميلة وهبتنا ابوي منصور..فقام وهبنا عمر وتمبس وناس تانين مالين المشهد الثقافي والإبداعي السوداني ضجيجا مبدع وخلاق..!!
Post: #20 Title: Re: فلنرحب جميعاً بالزوّل السمح بالحيّل المو� Author: عمر منصور Date: 06-22-2017, 10:26 AM
شكرا اةحباب حامد الصاوى ياسر السر, منى, نادر, كبر ومحمد الشيخ وياريت الواحد يقدر يرد على كل كلمهوكبر جاب لقطه عجيبة مع الوالد رحمة الله عليه وربما قصد الوالد هذه الاغنيه لغيابى لمدة عشرين سنه وعودتى فى زواج الغالى تمبس والعزيزه (دلو)
مرحباً بالإنسان المرهف الخلوق، والصديق الصدوق، صاحب الحس و الذوق الفنان عمر منصور على ما اعتقد ان عضوية عمر منصور ليست جديدة و لكنه كان ضنين القلم، اتمنى ان يفعِّل عضويته و يمتعنا بما يكتب، فلعمر منصور الكثير من الحكايا و المعرفة في ضروب الأدب و الفن و الموسيقى و الحياة عموماً ستفيد الأعضاء خصوصاً و القراء على وجه العموم الف مراحب يا دفعة، يلا سن قلمك و كمنجتك و ابقى داخل
يا مرحبا بالعزيز عمر منصور الزول الجميل بجانب استاذيته الموسيقية وانامله الساحرة فهو لاعب تنس طاولة لا يشق له غبارمعاوية المدير دا اتغلب منو ملايين المرات
Post: #25 Title: Re: فلنرحب جميعاً بالزوّل السمح بالحيّل المو� Author: عمر منصور Date: 06-23-2017, 10:12 AM Parent: #24