دعوة !!!...قطب دي شنو ؟

06:48 AM June, 20 2017

سودانيز اون لاين
Awad Omer-
مكتبتى
رابط مختصر

بسم الله
من الملاحظ ان السودان من اكثر شعوب الارض إفتتاناً باطلاق الالقاب بدون كونترول و زي ما يتفق ... يعني في السهلة ساكت كدة.../ من شاكلة... قطب المريخ، قطب اتحادي او الامة اوالاخوان ..او الاقطاب الاربعة المثبتين اللارض .

يعني..ببساطة كدة اي واحد قاعد بالطرف كدة في اي ركن من الدنيا ..وقدامو شوية عدة كتابة ممكن يقوم يعمل ليه مقال او موضوع في اي شان من الشؤون ومعاها إستستمنت من قبل فلان فلاني القطب او اي لقب اخر .. كانه متفق عليه ومسلم به من الكل .

اذن : ما معني القطب ومن هو ؟ او ال GURU ...,وكيف يستحقها وباتفاق الناس المتاثرين بقطبيته..


ملاحظة تانية : من الامراض السودانية الانقاذية الحديثة الاخري ....عادي جدا ممكن تلقي يلصقو ليك او لاي ضيف بروفيسور ودكتور..بدون ان يرف لهم جفن ..

لاحظت اخيرا مثلا ...في ناس برة السودان ..وفجاء اشوفم ليك في شاشات رمضان معلقين دكتور ..

او تشوف ليك واحد ضيف مع مزيع غرير ...يقوم يلصق ليهو كل مرة: يا برف او يا دكتور ..

حتي انه في واحد من الاصحاب قبل كم سنة كدة قال لي انت قاعد برة ساكت كدة مربع يدينك .........ما تعمل ليك دكتوراة وانت برة .......تعمل ليك اي دكتوراة او ماجستير من الاسلامية او الفرع او الخرطوم او اي جامعة....!!

الحاصل شنو؟

وماشي بعيد ليه يا عوض, خد عندك هنا في المنبر وشوف كيفية استسهال اطلاق الألقاب
نبيل و شريف و شفيف ومناضل و سلطان وكلس و ناظر وكنداكة بي جهة و بي جهة تانية مجاهد و شيخ و مولانا و بتاع
وكله خرطي ساكت