البعثة السودانية بنيويورك تدعو جميع افراد الجالية ليوم مفتوح اول ايام عيد الفطر المبارك

02:11 AM June, 20 2017

سودانيز اون لاين
حسن حماد محمد-نيويورك
مكتبتى
رابط مختصر

أعاده الله علينا وعلى الأمة الاسلامية بالخير واليمن والبركات

وذلك بحديقة كننقهام بكوينز

Francis Lewis Blvd and Union Turnpike

الدعوة لجميع أفراد الجالية والأسر وكل الكيانات المختلفة بنيويورك

وكل عام والجميع بألف خير

السلام عليكم الأخ حسن

بالمرة ممكن تسألوهم على هامش الإفطار عن كلام سفير النظام في واشنطن الذي نقلته بلومبيرج :

Quote: Khalid, Sudan’s ambassador, said the decision to include Sudan on the travel ban list was “understandable” and the government is “exerting extreme effort” to meet its requirements. “We are doing good in this regard,” he said.

السلام عليكم الأخ حسن

بالمرة ممكن تسألوهم على هامش الإفطار عن كلام سفير النظام في واشنطن الذي نقلته بلومبيرج :

عليكم السلام الأخ الهادى وكل عام وأنت بخير

ممكن تقوقل تيلفون السفارة وتتصل وتجينا بالخير اليقين

Quote: الدعوة لجميع أفراد الجالية والأسر وكل الكيانات المختلفة بنيويورك

مرحبتين مرة تانية يا أخ حسن..

بالنسبة لي فأنا عارف ممثلين النظام هم شنو، وإنهم ما هم إلا أدوات وموظفين لخدمة أجندة النظام زي ما ظهر في تصريح سفير النظام في واشنطن ولو على حساب هموم ومشاكل الجالية والتي يقع أمر حظر السفر في القلب من تلك الهموم لدى الكثير من الأسر

لكن بما إنكم بتتكلموا باسم جالية نيويورك أو شريحة من السودانيين في نيويورك، فانتم المفترض إنكم المعنيين بطرح مثل هذه الأسئلة..

يا جماعة الخير طلعوا السياسة من افطار رمضان
وشهر رمضان اوله رحمة واوسطه مغفرة واخره عتق من النار..
وبعدين هل في نيويورك في حديقة اسمها كننقهام..وفي شارع اسمه
فرانسيس لويس ويونيون تيرنبايك...
وكل سنة وانتو طيبين..
ودمتم بالف خير وصحة وعافية

بسمات الشيخ

هذا البوست لا علاقة له بفطور رمضان، كده راجعي البوست ده كويس.

ويا حسن حماد، حتى في العيد أنت ما داير تختشي؟

والله يا دينق انا افتكرت المناسبة افطار رمضان
وشكرا للتصحيح...
ولكن ما دام المناسبة بقت عيد. خلاص دي مناسبة سعيدة
ويطلعوا السياسة خارج الباب ويحتفلوا بالعيد ، وبعد العيد
يرجعوا لنكد السياسة تاني..
وكل سنة وانت طيب

بسمات.

بس كيف يطلعوا منها السياسية!

أعضاء البعثة ديل مش ياهم نفس الأفراد الذين يكتبون تقارير أمنية عن أفراد المجتمع ويرسلونها للخرطوم؟
وأفراد المجتمع السوداني الأمريكي ديل مش معظمهم لاجئين هاربين من جحيم الإنقاذ، فكيف يشاركون في أحتفال لجلادهم؟؟

( فكيف يشاركون في أحتفال لجلادهم؟؟ )


سلام يا دينق

انها الانتهازية والانانية والدناءة

والله يا دينق انا افتكرت المناسبة افطار رمضان
وشكرا للتصحيح...
ولكن ما دام المناسبة بقت عيد. خلاص دي مناسبة سعيدة
ويطلعوا السياسة خارج الباب ويحتفلوا بالعيد ، وبعد العيد
يرجعوا لنكد السياسة تاني..
وكل سنة وانت طيب

الأخت بسمات شكرا على المرور والتعليق وانتى طيبة اختى

بنرجع ليكم بى مهلة يا معارضى النظام عبر صقعى الكيبورد المترفين

الأخوة والأخوات أعضاء جالية نيويورك موعدنا أول ايام العيد السعيد والذى ربما يكون الأحد

وكل علم والجميع بألف خير

حسن حماد.

أنت متين ح تسيب الإنتهازية دي والتملق لنظام الإنقاذ الفاشي المجرم؟؟

كل عام والجميع بألف خير

نراكم غدا باذن الله ايها الأحباب وتقبل الله صيامكم وقيامكم وكل طاعاتكم