ههههههه أخد ليهو جعيرة في نهاية الفيديو مريحة خلاس.
تعرف يا عبد العظيم والله البكية دي كلنا دايرنها لكن مافي خلا الزول يمرق ليهو وكان لقاهو يتلفت يمين شمال زول ما يشوفوا مع إنو حلاتا قدام الناس
أها، الياباني لما يبكي قدام الناس فهو في رأيي نوع من التكفير لأنو الناس ديل عشائريين، فهو بكدة لوث شرف العشيرة شرقيين يا سيدي، بل أقصى الشرق ودا معناهو إنو أهلوا يبتدوا يتجنبوهوا وطبعاً حيفصل من وظيفته وما حيلقى أي زول يوظفه فالبكاء هنا ليهو أسباب مركبة
Quote: ههههههه أخد ليهو جعيرة في نهاية الفيديو مريحة خلاس.
تعرف يا عبد العظيم والله البكية دي كلنا دايرنها لكن مافي خلا الزول يمرق ليهو وكان لقاهو يتلفت يمين شمال زول ما يشوفوا مع إنو حلاتا قدام الناس
أها، الياباني لما يبكي قدام الناس فهو في رأيي نوع من التكفير لأنو الناس ديل عشائريين، فهو بكدة لوث شرف العشيرة شرقيين يا سيدي، بل أقصى الشرق ودا معناهو إنو أهلوا يبتدوا يتجنبوهوا وطبعاً حيفصل من وظيفته وما حيلقى أي زول يوظفه فالبكاء هنا ليهو أسباب مركبة
الندم على إهدار المال العام آخر هذه الأسباب.
تعرف يا حاتم ناسك اليابانين ديل أقلاه عندهم حاجة رادعة وخلت المجتمع ملتزم بالقيم والسلوك لانه بكاء الزوول دا اكيد دليل علي ندم كبير وخوف أكبــر من مآالات تبديده للمال عام , واذا تابعت الموضوع كويس الزول أغلب القروش ضيعها في سفر ونثريات ..
عندنا الكيزان ديل يا كافي البلاء لا عندهم دين يرع لا عدهم ضمير ولا في سلطة مجتمع تردع ولغوا في المال العام وإستطالت عماراتهم دون أن يصحي ضمير أي واحد منهم , يعني ما شفنا فيهم زوول ندمان علي سرقة المال العام أو علي تبديد أموال الدوله ... ودا كله تحت غطاء الديــن ودي المصيبة الكبيرة ..
حسب تقرير المراجع العام إجمالي الأموال المنهوبة في 2016 43 مليار
ما شفنا أي زوول من الناس السرقوا المليارات دي طلع يبكي أو ندمان
Post: #9 Title: Re: مسؤول حكومي ياباني (ضميره حي) يجهش بالبكاء Author: عبدالعظيم عثمان Date: 06-14-2017, 10:26 AM Parent: #8
تعرف يا حاتم جعيــرة صاحبك الياباني ما يكون خايف من مصيرالساموراي .. . الصور الفوق دي عمرها 130 عامعندما يهزم الساموراي يطلع خنجره ويبقر بطنه ومصارينه برالانه بيكون جلب العار .. الهزيمة تجلب العار أتوقع بكيه المسؤول الياباني تعود الي ثقافه شبيهة بالساموراي
Post: #10 Title: Re: مسؤول حكومي ياباني (ضميره حي) يجهش بالبكاء Author: حاتم إبراهيم Date: 06-14-2017, 11:13 AM Parent: #1
فعلاً، اسمها (هاراكيري) بس دي قديمة خفت حالياً، لكن بيستخدمو بدلاً منها السم والشنق والرصاص أو الوقوع تحت عجلات القطار أو الغرق
في غابة مشهورة بالانتحارات دي وعادة البوليس ما بيحقق كتير في الموضوع لأنهم بيكونوا عارفين وراء الموضوع فضيحة
الفضيحة دي نظرهم قد تكون (فشل الحصول على وظيفة، الرسوب في امتحان، الفشل أمام منافس آخر) الغاية جوار جبل فوجي، وهو مقدس ومليان معابد تحته لكل الطوائف قارن دا بموضوع الجهاد والموت في سبيل الله.