لماذا لا تُسيير الخطوط السودانية طيران للدوحه ؟

10:27 AM June, 12 2017

سودانيز اون لاين
الطيب عباس-ناوي للبلد الامين
مكتبتى
رابط مختصر

في ظل الظروف الحالية كثير من الرحلات الغيت و كثير من الاسر المصرية تريد الذهاب للاجازات واصبحو مضطرين للمكوث في الدوحه
لماذا حكومتنا ما تعمل خير فينا وفيهم وتكسب من وراهم وتفتح خطوط للخرطوم شان ترحمنا من جشع الخطوط القطرية بعد قفل خطوط الامارات وفلاي دبي في ظل الازمة الراهنه .. ؟؟
دوحه خرطوم قاهرة ,,

ماعندكم طيارات قدر دا عارف بس اجرو يخ .؟ ولا دا شعر ما عندكم ليو رقبة ؟

سلام،

أولاً .... الخطوط الجوية السودانية، ما عارف آخر مرة شفناها متين في الدوحة (بالجد هي لسة عايشة؟).

ثانياً: ما عارف تقصد شنو بي جشع الخطوط القطرية .... الأسبوع الماضي (بعد اندلاع الأزمة) اشتريت تذكرة بنفس السعر القديم.

بالمناسبة، حتى لو كانت سودانير عندها طيارات، وكان عندها إمكانية تسير رحلات للدوحة، كانت حتضاعف ليكم السعر تلاتة مراة على الأقل وما كانت حتتحمل مصاريف الرحلة الطويلة.

بمناسبة الرحلة الطويلة، كلنا عارفين الرحلة كانت من الخرطوم تتحرك شرقاً، تعبر البحر الأحمر والسعودية لتجد نفسك في قطر. أما الآن، فتقلع الطائرة من الخرطوم، تتجه قليلاً نحو الشرق، ثم جنوباً لتعبر أثيوبيا من الشمال للجنوب، ثم تعبر الصومال، فخليج عدن، فسلطنة عُمان وتعبر الخليج إلى أيران، ثم تتجه شمال، ثم تعبر الخليج مرة ثانية لتصل قطر.
كانت الرحلة من قبل حوالي 3:30 ساعة. الآن الرحلة 6:30 ساعة أو تزيد قليلاً ... تفتكر تذكرة سودانير كانت حتكون بي كم؟

تحياتي الطيب و ابو العزائم
يا ابو الريش الاجواء السعودية رسميا مغلقة امام الخطوط القطرية و قالوا ح يشوفوا مع الدول الصديقة كيفية حظر النقل الجوي من وغلى قطر لكن لا اعتقد انهم اغلقوا الاجواء بشكل رسمي امام الخطوط الاخرى من وإلى قطر
فا لو السودانية او غيرها رأت تسيير رحلات للدوحة لا اعتقد انهم سيضطروا لسلوك راس الرجاء الصالح

مرحب ود البشرى،
كلامك صحيح ... ده الشئ الفهمناه كلنا، لكني قصدت أتابع سير الرحلات في موقع Flight Radar ووجدت إنو الطائرة العمانية في رحلتها من مسقط إلى الدوحة تتحاشى عبور الأجواء الأماراتية. إما أن هناك شئ غير معلن أو أن خطوط الطيران لا تريد إحراج الدول المقاطعة.

سلامات ود البشري وابو العزايم
بالله لو في عروضالقطريه ادوني خبر ..
القطريه حتي في عروضهم جشعين بدوك تذكره ب الف ونص بس بخلصوها وزن 😂 بكون الكيلو بي ١٠٠ الزايد ( مجربه )
السودانيه نهههه ايام علي بن علي بقولو ليك ماتجي المطار بنضرب ليك لمن الطياره تتحرك من هناك زي باص الحاج يوسف بس ارحم هههههه بتريح في العفش
هسع ادوني النجيضه امش ارجع قروشي واتوكل علي القطريه ولا اصبر
قاطع في شهر ٧ انا فلاي دبي الله يقطع الكان السبب
تحياتي للكل

همع انو العربيه نت غير محايده بس دا خبر منهم


أعلنت الهيئة العامة للطيران المدني في الإمارات في بيان، اليوم الثلاثاء، أن الحظر الجوي المفروض على قطر منذ بدء الأزمة الدبلوماسية مع الدوحة يشمل حصراً شركات الطيران القطرية والطائرات المسجلة في قطر.
بدورها، أصدرت هيئتا الطيران المدني في كل من السعودية والبحرين بيانين مطابقين بشأن هذا الحظر الذي فرضته الدول الثلاث على قطر عندما أعلنت قطع العلاقات الدبلوماسية معها في 5 حزيران/يونيو إثر اتهامها الدوحة بـ"دعم الإرهاب"، وفقا لما نقلتة وكالة "فرانس برس".
وجاء في البيانات التي نشرت على وكالات أنباء الدول الثلاث أنه بموجب الحظر الجوي "تمنع كافة شركات الطيران القطرية والطائرات المسجلة في دولة قطر من الهبوط في المطارات أو العبور في الأجواء السيادية" للإمارات والسعودية والبحرين.
ولفت البيان إلى أن "هذا القرار لا يشمل شركات الطيرات والطائرات غير المسجلة في دولة قطر" أو في أي من الدول الثلاث "والراغبة في عبور أجواء هذه الدول من وإلى دولة قطر".
وصدرت هذه البيانات بعد ساعات على دعوة وجهها الرئيس التنفيذي للخطوط القطرية أكبر الباكر الاثنين إلى المنظمة الدولية للطيران المدني مطالبا بإعلان "عدم قانونية" الحظر الذي فرضته السعودية وحلفاؤها على بلاده، معتبرا أنه "حصار" ينتهك الاتفاقية الدولية حول النقل الجوي.
https://www.alarabiya.net/ar/mob/aswaq/travel-and-tourism/2017/06/13/%D8%A3%D8%A8%D9%88%D8%B8%D8%A8%D9%8A-%D8%A7%D9%84%D8%AD%D8%B8%D8%B1-%D8...%B1%D9%8A%D8%A9.html

حلو كدا معناها شوف الاثيوبية أو الكينية ربما تلقى عليهم عروض مناسبة للخرطوم مع الكونكشن للأسف

القطريه مدردقه في نفس اللاين القديم حسب كلام الموظفه ماف لفه ما عارف هل في مسافر سافر قريب يورينا هل صحيح الرحله اصبحت 6 ساعات ؟؟؟؟

Quote: القطريه مدردقه في نفس اللاين القديم حسب كلام الموظفه ماف لفه ما عارف هل في مسافر سافر قريب يورينا هل صحيح الرحله اصبحت 6 ساعات ؟؟؟؟

نعم في مسافر سافر قريب.
الرحلة حسب الخط الرسمتو فوق ... أي كلام غير كده غير صحيح (بالتجربة).
والرحلة 6 ساعات ونصف الساعة، وفي بعض الحالات وصلت 7 ساعات.

الأجواء السعودية لو قفلت لقطر تانى ما أظن اى شركة طيران تمر عبر الأجواء السعودية إلى قطر إلا وفق تصاديق عبور خاصة أو حالات ضرورية ..

رحلات غير تجارية وبدون مسافرين غالبا ما تحصل على تصاديق مرور خاصة التابعة للدول الغربية..

معناتا ماعاوزين يورو الناس في الواقع ومطبوعه في التذكرة 3 ساعات و25 ق
ان اشاء الله فيا عضه اضافية ههههه
مرة جا غبار اتاخرنا عليك امان الله غدونا مرتين في المطار وفي الطيارة .. ارتع يا طيب ما دام دافع ارتع خخخخخ

البت ام رموش حلوه دي ( اللهم اني صايم ) قات لي لو ما جيت بسرعه السعر كان بزيد هههه انا حاجز من فرع الصناعية بس ما اكدتو قت امش ارجع قريشاتي من فلاي دبي واجيهم بالليل ومفتكر نفسي سبت السعر هههههه اتاري ما دفعت ماف ثبات بعد ما دفعت قت ليا هي التغيير الاول مجان صح قات لي انت شكلك طولت مننا قت ليا انا محاربكم عديل .. قات لي لو اخطرني قبل الدفع ما كنت بقطع ليك هههههه
المهم تحويل الايام مهم جدا في اختيار الاسعار انا غيرت يوم واحد خفضت لي 2500 ريال .. عجيب مش وتقولي ما جشعين ؟؟

سؤال اخير ممكن اشيل الكولر بتاع المويه في الطيارة ( كولر منزلي ) بي كرتونتو وزنو 13 كيلو فقط متر ونص في 50 سم عرض ؟

Quote: نعم في مسافر سافر قريب. الرحلة حسب الخط الرسمتو فوق ... أي كلام غير كده غير صحيح (بالتجربة). والرحلة 6 ساعات ونصف الساعة، وفي بعض الحالات وصلت 7 ساعات

سالتهم ووريتم الصورة ما ادوني عقاد نافع قالي زمان كان بتشال قالي تمش الكاونتر تسال في المطار

Quote: سؤال اخير ممكن اشيل الكولر بتاع المويه في الطيارة ( كولر منزلي ) بي كرتونتو وزنو 13 كيلو فقط متر ونص في 50 سم عرض ؟

السعودية لاتمنع عبور الطائرات الغير قطرية لاجوائها من والى الدوحة بشرط اذن قبل 24 ساعة على الاقل قبل الرحلة، ومعلومات عن الركاب، والطائرة.
الخبر تم تاكيده قبل يومين ونشر في عدة صحف من ضمنها الصحيفة الالكترونية السعودية رقم واحد "سبق"
...

https://up.top4top.net/

منقولة من أحد قروبات الواتس اب

شكراً قصي وكل الحضور الانيق💕

افيدونا الكولر دا بتشال في الطيران ؟؟

بالنسبة للكولر
اجيبك بشكل عام :

تطبق شركات الطيران مقياسين للامتعة: الوزن والحجم ،

يتم الحساب بالوزن بشرط الا تتجاوز أبعاد القطعة (الطول والعرض والارتفاع) مقاسات معينة ، بعدها يتم تطبيق الحساب الحجمي بأن يتم محاسبتك على المساحة الحجمية التي ستشغلها أمتعتك في الطائرة
وهذه أيضاً محدودة، إذا تجاوزت هذه الحدود سيتم الطلب منك أن تشحنها عبر الشحن الجوي (كارجو) ، كذلك تلعب طبيعة المواد دوراً في الأمر ،

تختلف القوانين من شركة إلى أخرى، والأفضل أن تتواصل مع خدمات العملاء في الشركة التي ستسافر بها وتوفر لهم كافة المعلومات المتعلقة بنوع ووزن وحجم وابعاد المنتج الذي ترغب في شحنه عبر طائراتهم


مودتي

شوف الصورة في تغريدة خالد الشيحي وقارنها بالخط الرسمتو في مداخلتي فوق.
حتلقاها متطابقة بالمللي.
عشان كده، قلت ليك أي كلام غير كده غير صحيح.











ad2sellqatar.com

ابو العزايم انت الصادق ..
مطبوعه في تذكرتم 4 ساعات او 3 ساعات و 25 ماف ابديت امكن
تحياتي

Quote: شوف الصورة في تغريدة خالد الشيحي وقارنها بالخط الرسمتو في مداخلتي فوق. حتلقاها متطابقة بالمللي. عشان كده، قلت ليك أي كلام غير كده غير صحيح.