هل كل السودانيين لايجيدون تقبيل حبيباتهم ؟! .. سؤال المرحلة

05:33 AM June, 12 2017

سودانيز اون لاين
يحي قباني-فى الدنيا العجيبة
مكتبتى
رابط مختصر

كتب هاشم صديق :

I know I think a lot
But somehow it just doesn't help,
It only makes it worse,
The more I think,
The more I know
The more it hurt's
(CAT STEVENCE)

(أنا أعلم أنني أفكر كثيراً
ولكن بطريقة ما هذا لا يساعد أبداً
بل يجعل الأمر أكثر سوءاً
اذا أنني كلما فكرت أكثر
عرفت أكثر
فتألمت أكثر .
( كات ستيفنس )

كانت الموسيقي تحلق بأجنحة أسطورية في سقف الملهي الليلي في وسط لندن ، وكان هو مدعواً لتلك السهرة من صديقه الحميم السوداني ،
الذي يقوم بالتحضير لدرجة الدكتوراه في الهندسة المعمارية بجامعة ( لندن ) ،
وكان هو يدرس الأدب الإنجليزي – السنة النهائية – بجامعة (سالفورد)، بمدينة (مانشيستر)
وقد حضر خصيصاً لقضاء عطلة نهاية الأسبوع بمدينة ( لندن ) استجابة لدعوة صديقه السوداني ( ياسر )
الذي اصطحب معه للملهي الليلي صديقته البريطانية ( كارولاين ) التي تعمل في السكرتارية الأكاديمية بنفس الجامعة .

قام ( ياسر) بتعريفها به وقدمها له ، نظرت اليه بعينيها الزرقاوتين نظرة متأملة ،
وهي تقوم بمصافحته وهي تؤكد أنها سعيدة بمقابلته ، ثم أضافت أن ياسر صديقه قد حكي لها عنه الكثير .

كان هو ( صلاح ) القادم من مدينة ( مانشستر) خجولاً ، قليل الكلام ، كثير التأمل ،
كان يعشق الموسيقي ، والشعر العربي والغربي ، والتبغ (الفرجيني ) و ( البيرة الجيدة ) ،
وفوق هذا وذاك كان شغوفاً بجنس النساء الغربيات الجميلات دون أن يجرؤ أن يخطو خطوة واحدة نحو واحدة منهن ،
فقد كانت سلاسل حيائه العجيب تقيده الي حد العجز عن التواصل ،
وأحياناً الي حد العجز عن الكلام ، كان ذلك هو جزء من تكوينه الذي عاني منه تجاه المرأة في الغرب ، والسودان علي السواء.

أربكته ابتسامتها وهي تصافحه ، كما أن طريقتها وهي تضغط علي الكلمات
وهي تقول له بلكنتها الأسكتلندية ( أن ياسر حكي لي عنك كثير) وهي تنظر إليه بعينيها الجميلتين ، الزرقاوتين ،
جعلته يهتز من أعلي شعر رأسه وحتي أخمص سعير إحساسه ، فقد قرأ من خلال الضغط علي الكلمات ،
( وفصاحة ) النظرة ، الجملة الناقصة التي لم تقلها ، وهي ( واود أن أعرف عنك المزيد ) .

داخل الملهي الليلي ، و أثناء ( سونامي ) الموسيقي الصاخبة بطبولها ورقص الشباب الجنوني داخل الحلبة
التي تومض أرضها وسماؤها بالإضاءة الملونة التي تتشكل علي إيقاع الموسيقي،
كان ( ياسر ) و (كارولاين ) في قمة السعادة والنشوة وهما يتبادلان الضحك ، والتعليقات ، يرقصان تارة ،
ويجلسان تارة ، يحتسيان من كؤوس المشروب الذهبي ذو الرغوة الفائرة ،
ثم يطيران من جديد الي الحلبة ، ولكن رغم هذا الإطار الخارجي فقد لاحظ أنها مشغولة به ، تنظر إليه تارة ،
وتحاول إخراجه من صمته وتأمله وحيائه ببعض الأسئلة والكلمات تارة أخري
، ولكنه إستجار بتكوينه العجيب وإستمات علي حصار طبول الجنون التي بدأت تدوي داخله ، وذلك المزيج العجيب من الإحساس بالنشوة والحزن ،
كانت الموسيقي قد توقفت وعاد الجميع لمواقعهم وكأنها إستراحة مباراة لكرة القدم بين الشوطين لإلتقاط الأنفاس .

وجد نفسه ودون وعي يردد أبيات من الشعر الغربي لشاعر أمريكي عن عاشق يقول لحبيبته
( أنه لديه الآن الوقت ليقول لها أشياء كثيرة ويصطحبها لأماكن كثيرة أو يفعل من أجلها ما تحب ، ويعترف بـ .....

عندما إمتطي صهوة الأبيات التي تقول ( الآن لدي الوقت لأعترف بالأكاذيب الكبيرة والصغيرة ، عندما لم يكن لدي الوقت لأقول لك الحقيقة) .
جفل مثل الفرس الذي أيقظه من سباته دوي الصاعقة وهي تصرخ جزلة وتميل نحوه .
أيها المجنون ... من أين أتيت بهذا الشعر المدهش .. من هو شاعره ؟!
إنفجر ياسر ضاحكاً في صخب وهو يردد ،
ألم أقل لك ؟! ... ألم أحكي لك ؟!
نظرت إليه وهي تكاد تلتهمه
لا ... لم تقل لي وأجاب بصوت متلجلج مبحوح
إنه شاعر أمريكي معاصر ، إسمه ( رود ماكيوون )
عندها عادت الموسيقي وومضت الأضواء الملونة ، ولكنها وهذه المرة كانت موسيقي هادئة وشفيفة ، وبعدها حدث له شىء كالإعصار ، وجدها تمسك
بيده وتقف وهي تجذبه قائلة :-
من العادة أن الرجل يطلب من الفتاة الرقص معه ، ولكني أنا الفتاة أطلب منك الرقص معي ، ولدهشته وجد نفسه مستسلماً وهو يسير معها الي وسط حلبة الراقصين، فقط سمع نفسه يقول بصوت متقطع
ولكني لا ... لا أعرف الرقص
لم تجبه بل وضعت يدها اليسري علي يده اليمنى ورفعتهما معاً بمحاذاة الكتفين ودفعت بيده اليسري حول خصرها ووضعت يدها اليمني حول عنقه وجذبته نحوها في حنو وهي تهمس له
الآن أفعل ما أفعله ، حرك قدميك علي إيقاع الموسيقي مثلي ... تمايل بهدوء مثلي ... أشعر بالموسيقي ، حس بها ... نعم ..نعم ..هكذا ... أحسنت ... أحسنت ...
ولدهشته وجد نفسه معها وكأنهما طائران يسبحان علي متن الريح ، ووجد نفسه يستغيث وهو يهتف بداخله
- ياربي .. يا إله البحار والقفار ... أنقذني من الجنون والإنهيار .
هو لم يقترب في حياته من إمرأة ولم يكن يتصور أنه سوف يقترب من إمرأة الي هذا الحد . عندها أحس بشفتيها تهمس في أذنه بصوت كالفحيح
أود أن أسألك سؤالاً هاماً للغاية
نعم .. ما هو ؟!
هل كل السودانيين لايجيدون تقبيل حبيباتهم ؟! .. أن صديقك ياسر بدلاً من تقبيلي ...يبدو وكأنه يأكلني .

الكلام للشاعرة الليبية ردينا الفيلالى
(قبلنى باحساس إن زيف القبل تفضحه الانفاس)

كلام الفيلالي في الصميم يا بدر ...

لكن صحي ...

السودانيين يعرفوا التقبيل من وين ؟

يا ساتر

رمضان ولّى وللا شنو؟؟؟

شنو يا هيثم ؟

انتو وليدات الزمن ده القصة دي ما معاكم ولا شنو ؟

تعلموا كيف تحبون

القبلة ليست مقدمة لممارسة الجنس
بل هي احيانا
هي الغاية
ان تحس انك توحدت مع من تحب
انه قبلته اثارت في دواخلك كوامن الشجن
تلك القبلة الدافئة المشبوبة
القبلة حين تقول احبك
تحسها
كإحساسك بصدق القول
شكرا قباني
شكرا يا صديقي
بعض القبلات تصنع مني رجلا جميلا

بعض القبلات تصنع مني رجلا جميلا


بل انسانا جميلا


ولكن بعض العادات والتقاليد تظل قيودا في شفاه المحبين لتفسد اللحظات

محبتي

شفة عطشى واخرى ,,, هي كأس خمرها نار وجمرة ،،،، ليتني لو زقتها في العمر مرة .... مرة .

وبرضو تقول لي ما بعرفو يا قباني ؟؟؟ اها شوف الكلام ده هسة في الشعر العربي والافريقي كلو قابلك ؟؟

لكن يبدو لي انو ما بيعرفو وهذا ناتج عن التربية المحافظة التي تربو عليها ولا شنو يا جماعة ...

انا حبيبت امر واسلم واقول ... رمضان كريم عليك وعلى الجميع استاذي قباني ..... وواصل في هذا الخيط الشفيف ..


تحياتي : ياسر العيلفون ......

Quote: شفة عطشى واخرى ,,, هي كأس خمرها نار وجمرة ،،،، ليتني لو زقتها في العمر مرة .... مرة

صديقي ياسر ...

حتى صلاح احمد ابراهيم لم يكتبها في فاطنة السمحة بل كتبها في ( ماريا ) ...

Quote: بعض القبلات تصنع مني رجلا جميلا بل انسانا جميلا ولكن بعض العادات والتقاليد تظل قيودا في شفاه المحبين لتفسد اللحظات محبتي

عافاك أختنا نعمات ...

بالنسبة للكثيرين ان تتحدثين عن الممنوع و المحرّم في شرع اهلنا ...

Quote: تعلموا كيف تحبون القبلة ليست مقدمة لممارسة الجنس بل هي احيانا هي الغاية ان تحس انك توحدت مع من تحب انه قبلته اثارت في دواخلك كوامن الشجن تلك القبلة الدافئة المشبوبة القبلة حين تقول احبك تحسها كإحساسك بصدق القول شكرا قباني شكرا يا صديقي بعض القبلات تصنع مني رجلا جميلا

عبد الحفيظ يا صديقي ...

الم اقل لك انك مولود في الزمن الغلط و في البلد الغلط !

تحية طيبة لك أخي يحي قباني
وكل عام وانت وضيوفك الهنا بخير

زمااااااااااااااااااااااااااااااان أذكر أننا تناولنا مايشبه هذا الموضوع
ضمن نقاش في واحد من المنتديات أيام المنتديات ليها شنة ورنة
كان الموضوع الرئيسي حول مسألة ضعف تبادل المشاعر بمافيها
الجنسية عند الزوجين السودانيين بالتحديد ...وذلك بقصد حصر النقاش
في جنسية واحدة وكده ....
واحدة اتحدثت بلسان صاحبتها قالت ‘نها :

لامن إتزوجت وبعد كم يوم كده وفي شهر العسل ..قبلت زوجي قبلة
طوييييييييييلة وممتعة شديد أدتني إحساس بأنو ملكي عديييييييييييييييييل
ولا يمكن أفرط فيهو أبداً أبداً ...وهو كان حاضني بصورة أكدت لي أني ملك
له لن يفرط بي أبداً ....
..............................
......................................
...........................................
عليك الله يايحي شوف الصدمة كانت كيف !!!!!!!!!!!!!!!!!!!!!!

قالت المتناقشة في الموضوع وهي تحكي بلسان صاحبتها :

قال زوجي فجأة سألني قال لي إنتي الحكاية دي إتعلمتيها متين ؟؟؟
شكلك خبرة في القبل !!!!!!!!!!!!!
أها المسكينة أصيبت بصدمة وإحباط قاد لبرود جنسي تام من ناحيتها
وكرهت القبل والعناق وشوية شوية مشكلة في زعلة ومامرت أكتر من
3 شهور إلا والطلاق حصل ..

عنداللفة بس :
-------------
وقبلتها 99 قبلة وواحدة أخرى وكنت على عجل

حقبقة الرجل السودانى شحيح فى نطق كلمات الغزل
و اظهار حالة الحب
خليك من القبل .. الكلام ده بعد الزواج
قبل الزواج .. جنس كضب هو
عبد الحفيظ الرومانسية دى بتوديك فى داهية
هيثم غالى شايفو حايم فى البوست

Quote: تحية طيبة لك أخي يحي قباني وكل عام وانت وضيوفك الهنا بخير زمااااااااااااااااااااااااااااااان أذكر أننا تناولنا مايشبه هذا الموضوع ضمن نقاش في واحد من المنتديات أيام المنتديات ليها شنة ورنة كان الموضوع الرئيسي حول مسألة ضعف تبادل المشاعر بمافيها الجنسية عند الزوجين السودانيين بالتحديد ...وذلك بقصد حصر النقاش في جنسية واحدة وكده .... واحدة اتحدثت بلسان صاحبتها قالت ‘نها : لامن إتزوجت وبعد كم يوم كده وفي شهر العسل ..قبلت زوجي قبلة طوييييييييييلة وممتعة شديد أدتني إحساس بأنو ملكي عديييييييييييييييييل ولا يمكن أفرط فيهو أبداً أبداً ...وهو كان حاضني بصورة أكدت لي أني ملك له لن يفرط بي أبداً .... .............................. ...................................... ........................................... عليك الله يايحي شوف الصدمة كانت كيف !!!!!!!!!!!!!!!!!!!!!! قالت المتناقشة في الموضوع وهي تحكي بلسان صاحبتها : قال زوجي فجأة سألني قال لي إنتي الحكاية دي إتعلمتيها متين ؟؟؟ شكلك خبرة في القبل !!!!!!!!!!!!! أها المسكينة أصيبت بصدمة وإحباط قاد لبرود جنسي تام من ناحيتها وكرهت القبل والعناق وشوية شوية مشكلة في زعلة ومامرت أكتر من 3 شهور إلا والطلاق حصل .. عنداللفة بس : ------------- وقبلتها 99 قبلة وواحدة أخرى وكنت على عجل

ثم نستغرب يا معتصم ... من أين أتت الإنقاذ !

فقد أتت من رحم هذا البلد المعقد أهله ...

هذا البلد الذي أنجب مثل هذا الزوج المتخلف ...

Quote: حقبقة الرجل السودانى شحيح فى نطق كلمات الغزل و اظهار حالة الحب خليك من القبل .. الكلام ده بعد الزواج قبل الزواج .. جنس كضب هو عبد الحفيظ الرومانسية دى بتوديك فى داهية هيثم غالى شايفو حايم فى البوست

و المرآة السودانية صامتة ...

همست لماذا اليوم قبلتك قصيرة
اتراك مللت شفتاى ام نلك استبدلتهما
قلت وحبك لا
بل ترعبنى شفتاك
كل ماقبلتهما تزدادين انوثى
وانا لا احتمل
ضحكت وقالت
عجبى ان يخاف النبع المصب
عد وقبلنى بعنف ما ارق عنفك

Quote: يحتسيان من كؤوس المشروب الذهبي ذو الرغوة الفائرة ،

ده شراب الزنجبيل مش يا يحي؟ ههههههههههههههههههههههه


خبئيني بين جدران المسام
قبليني مرة فى كل عام

حتى الشاعر قال بس مرة فى كل عام

هى الشفايف دي فيها شنو بخافو منها كده

Quote: ده شراب الزنجبيل مش يا يحي؟ ههههههههههههههههههههههه

طبعا طبعا يا صديقي ... ههههههه

Quote: خبئيني بين جدران المسام قبليني مرة فى كل عام حتى الشاعر قال بس مرة فى كل عام هى الشفايف دي فيها شنو بخافو منها كده

لا يستوقفني أي بيت في الشعر السوداني يتحدث عن القبل ...

و لا شاعر ... اشعر انه خيال ... مخالف للواقع ...

عدا حسين بازرعة ... و إلياذة القبلة السَكرى ... حينما يقول :

أتذكر عهد لقيانا
ويوم القبلة السَكرى
تقّبل ثغري الظامئ
فقد لا تنفع الذكرى
وترقد في يدى كالطفل
ألثم ثغرك العطرَ

احسه و كانه جالس بجواري مع محبوبته و انا اتلصص لأرى حتى اتعلم ...

اييييييييييه ... خليها في سرك يا عمو .... :)

Quote: همست لماذا اليوم قبلتك قصيرة اتراك مللت شفتاى ام نلك استبدلتهما قلت وحبك لا بل ترعبنى شفتاك كل ماقبلتهما تزدادين انوثى وانا لا احتمل ضحكت وقالت عجبى ان يخاف النبع المصب عد وقبلنى بعنف ما ارق عنفك

اين اختفت صاحبة النص يا بدر الدين ...

علها لم تُرجم على ثورتها تلك ...

فالسودان لا يرحم ... و يتشبث بكل ما يئد المرأة ...

ود قباني جبت ضقلها اكركب

و الله قصه حقيقيه عندي صاحبي ايام الثانوي العام و نحن قرويون ، طالعين من المدرسه قال قال بس لي بنت انا بحبك كلمت ابو الولد مش ابوها صاحبنا ثلاثه يوم مزازي من البيت و النوم خزاز . تقول لي قبله .

Quote: ود قباني جبت ضقلها اكركب و الله قصه حقيقيه عندي صاحبي ايام الثانوي العام و نحن قرويون ، طالعين من المدرسه قال قال بس لي بنت انا بحبك كلمت ابو الولد مش ابوها صاحبنا ثلاثه يوم مزازي من البيت و النوم خزاز . تقول لي قبله .

ليه بس يا الزبير ...

ياخي القبلات دي اسرع من الحمام الزاجل في توصيل المشاعر ...

Smooch

فى زمنكم يا قبانى كان اسمو قدًوم
و كان لذيذ
لكن القبلة ما لذيذة
عشان كده الناس ما شغالة بيها

قباني جاب "العيد" ...

جاب العيد دي با قباني بالسعودي ... وربما بالخليجي ... تعني جاب ضقلها يتلولح ...

عموما أنا قصدت المعنيين ...

هو العيد جا يا قباني؟؟؟

سؤال من وحي القيود التي ذكرتها أختنا نعمات ...

وتصوموا وتفطروا على خير ....

ردي بعد الفطور

جلال وهل تحلو الحياة دون احساس كوننا احيانا كائنات تحيا بغير الطعام
نشف حتي تري من خلالنا
ثم نغلظ حتي لا يخترقنا دمع طفل
نرق حتي نصير نسيما
القبلة رسول الحب .. تلك القبلة المتأنية المتمهلة . القبلة التي ليس لها ما بعدها
ترتشفها مغمضا عينيك فتراك تصالحت مع الكون كله
ونعم
نعمومة
بعض القبلات تخلقني انسانا جديدا
تخلقني عصفورا

هوى يا عبد الحفيظ ما تسرح بى قدر ده
من القبلات ما قتل ياخ
بصفتى اختصاصى فى المجال ده
القبلة خطرة على مرضى
الازمة
الربو
القلب
السكرى
ناس ضغط الدم مسموح ليهم بى ثانيتن كل تلاتة يوم
و ده بعد التأكد من بلع الحبّة
كدى يا اب سن ما دام هايم بيها كده
خش بينا على انواع القبل
القبلة السكرى ما معانا
سمح

يا ود قباني ... أما وردك قصيدة المحجوب .....
ياخي نحن أساتذة في كل حاجة ... بس الإعلام ضعيف .
هههههه



فلسفة القبل

قالــتْ وقــد أمعنــتُ في تقبيلهــا
مــاذا بِربــّك تنفــعُ القُبُــلآتُ
أوَ تطفِئُ الشــوقً القديــمَِ لِلتُبتَلى
بالشــوقِ تُلهــِبُ نــَارَهُ الحَسـَراتُ
يَا للرِّجــَالِ قُلُوبُهُـــمْ وعُقُولُهـــمْ
ذَهَبــتْ بِهــَا الأَهــواءُ واللّــذّاتُ
فَأجَبْتُهــَا بِاللّثْــمِ غَــيرَ تــَردُدٍ
أَفــلا تُجِيـبُ سُؤاَلَهـــَا اللّثَمــاتُ
الصَامِتَاتُ يُثِرْنَ كُــل ّ شَهِيــّةٍ
والصّاخِباتُ جَمِيعُهـَا آيــَاتُ
فَتَصَاعَــدَتْ أَنْفاَسُهــاَ مَشْبوُبــَةً
وَتَعَثّـرَتْ في ثغرِهـا الكلماتُ
وإذا الشّفــاهُ مــَعَ الشِّفــاهِ تَقَابلــتْ
عجَِـزَتْ لُغـاتٌ واَزْدَهـَرْنَ لُغــَاتُ
هـاكِ الحديـثَ عَنِ القُلـُوبِ مُتَرْجَمـَاً
بِاللّثــْمِ ، إِنّ اللّثــْم َ فِيـهِ حَيَــاةُ

قَالتْ ودمعُ العينِ يَقطُـرُ سَاخِناً
مَاذا بِربِكَ تَنْفَعُ القُبُلاَتُ
أَتُزِيـدُ في التّقْبِيلِ غَيرَ تَـوَرّع
وَغَداً تُذِيبُكَ فُرْقَةٌ وَشَتاتُ
فأجبتُهَا باللّثْمِ لستُ مُباليـاً
مـاذا تقـول ُ أحِبـّة ٌ وَ عـُداَةُ
وَ بَثَثْتُهَا شَوقــاً يُؤجـّجُ نـَارَهُ
حُبٌ فَرِيدٌ ما روتهُ رُواةُ
ووهبتُهَا قلبي ولستُ بِراجِعٍ
ما في الْغَرَامِ إذا رَضيْتُ شَكاةُ
لُغَةُ الشّفاهِ الصّامِتاتِ بليغةٌ
فيها جَمالٌ ساحرٌ و عِظَاتُ
والْعارِفونَ بِسِرّهَا آيَاتُهُمْ
قُبَلٌ تُمازِجُ بَعْضَهَا الآهَاتُ
إني أُنوّعُهَا وَ أُلْهِبُ نَارَهَا
لأُريـِكِ أنّ الحُبّ فِيه ِ ثِقَاةُ
هَذِي بِمُفْتَرَقِ الشّفاَهِ طَبَعْتُهَا
أو لَيْسَ بينَ العاشِقينَ دُهاَةُ
و خَطفتُ كالطيرِ المغرّدَ قُبلةً
ضَحِكَتْ لِرَنّةِ وَقْعَهَا النُونَاتُ
وَأَطلْتُ في الأُخْرَى قُبَيْلَ رَحِيلِنَا
ما لِلمُسَافِرِ ليلةٌ و غداةُ
أتَذوَّقُ الشَّهْدَ الشَّهِيَّ هُنَيهَةً
يا للثَنَايا الغرِّ كيف تُفَاتُ
إنِّي تزودتْ القليلَ ورُبَّما
تَشْفَي غَلِيلا هذِهِ الْبَسَماتُ
أعَرِفْتِ يا أُخْتاهُ يوم فِرَاقِنَا
مَاذا تُفِيدُ الظَاعِنَ القُبُلاَتُ
ضحِكتْ وَقالتْ في حَدِيثٍ ماكِرٍ
أتُفيدُ قلبَك في الْغَـرامِ أُسَــاةُ
حوَّاءُ لمْ تتْرُكْ فُؤَاداً واحداً
إلا غَزَتْهُ في الحياَةِ فتَاة
هذِي برِقَتِهَا و تِلكَ بِحُسْنِهَا
تَغــْزُو فَلاَ هَـرَبٌ وَ لا إِفــْلات
أنا ما جَهِلتُ و إنَّما مِن طَبعِنَا
أنْ نَسْتَفيدَ مِن الرِّجَالِ فَهاتوا
فَحَنَوْتُ مُشتَاقاً أُقبِّل ثغْرَهَا
ما بعدَ هذا الحُبِّ ثمَّ مماتُ
و أتاَبِعُ البسَمَاتِ صُنْعَة َ ماهِـرٍ
بِاللَّثْم تُلْهِبُ وَقْعَهُ الضَّحِكَاتُ
وَ أعَدْتُهَا قُبَـلاً لَتَعْـرِفَ سِرَّهَـا
وَ كَــذَاكَ تَفْعــَلُ بِالحَمــَامِ بــُزَاةُ
ضَحِكَـتْ و قَالـتْ تَسْتَفِـزَّ مَشَاعِـرِي
مــَاذا بِرَبــ ِكَ تَنْفــَع ُ الْقُبــُلاَتُُ




الشغيل

يا قبة يا عجوز انت تتكلم عن جيل( كم)😀 تعلم الرومانسية في أبوصليب حيث لا تبوسني عندي حرارة الآن ثورة جيل تقول ما يعرف يبوس والله تكابس يا جدو تلقى اللسان في لوزك أقول قولي هذا واللهم إني صائم

هههههههههههههههههههههههه

دا شنو يا منتصر

كمان جابتلها لسان ولوز😂😂😂

ضبحت صيامنا بي منجل ياخي

يا ابو الجل

ياخي لي يوم الليلة اسمو القدوم

ناس البندر كانو بقولو السلوم حالياً بقى بوسة

قال الشاعر .. والله نسيت اسمو

يا ليل كم عبثت يداي بخصلةٍ
ومشت على نهدٍ وفوق الساق
كم غبت دهراً فوق ثغرٍ ظامئٍ
واغرقت في خدرٍ من الاحداق

الله يجازيك يا منتصر البوظت صيامنا

سلام باشمهندس يحي
اعتقد المسألة دي تعتمد علي ما ﺍﺫﺍ كان التي تتعامل معها شفاه ام شلاليف !

Quote: سلام باشمهندس يحي اعتقد المسألة دي تعتمد علي ما ﺍﺫﺍ كان التي تتعامل معها شفاه ام شلاليف !

ياخي بالغت يا دوك ...

ليك حق ملخبت الكاونتربوينت ههههه..

أشارك معكم اخ قباني

وكان في قضاء ... نقضي

ولك التحيـة

أحمد الشايقي

Quote: أشارك معكم اخ قباني وكان في قضاء ... نقضي ولك التحيـة أحمد الشايقي

حبابك مولانا ...

يا زول لا قضا لا كفارة ...

ده نداء الطبيعة يا صديقي ...

ياود قبانى
مسعول من الخير ود المدير خلص اعتذارتو
دايرنو يجى يلحق سوق القبلات داك قايلو زى
بتاع كوستى دا بيان بالعمل مش تنظير

نان نحن ما صايمين يا قباني اخوي اكان تصبر بيهو بعد نفطر

بالجد كدا انت مسنووووووووووووووووووووووح لامن غلط هههههههههههها

يا ساتررمضان ولّى وللا شنو؟؟؟QUOTE
><><<<<><<<<<<<<
هيثم غالي

الله يجازي شيطان عقلك

بسماااااااااااااااااااااااااات

بالغتي ياخ كان تنتظري بيها للنهاية مالك متلبة بيها على عجل ..

ياخ دي من اروع ما تغنت بها هيام يونس

Quote: الله يجازي شيطان عقلك

حباب بسمات بنية عطبرة الجميلة

تصدقي يا بسمات تعلق قلبي بصوت هيام يونس دي عندي معاها ذكريات مضحكة جداً

الواحد لو قام كباها هنا .. والله الناس دي كلها حا تضحك رغم انهم كلهم واقصد جيل السبيعنات عاشوا نفس الحالة

ياخي نحنا زمان في مسلسلات الاطفال زمن ابيض واسود ناس افتح يا سمسم

نكون قاعدين نحضر فيها ومعانا غير الاهل جزء من اولاد وبنات الجيران لمن تجي كلمة حب في اي جملة

قسماً عظماً يا بسمات الخجلة تقرب تودرنا.. والله العظيم انا كنت بخجل لمن عيوني بدمعو وباقي المسلسل كلو ما بفهم فيهو التكتح

وهي الجملة الوردت في المسلسل تلقاها على شاكلة . فلان يحب البرتقال.. او هل تحب اخاك؟؟

يعني كلام عادي لكن تقولي شنو..

الاغنية يا بسمات كانت بتصور حالتنا كمراهقين في مجتمع محافظ لمن بهناك يعني من شدة المحافظة لمن بايخة زاتو

ما كان في اي طريقة تعبر عن مشاعرك لاي شخص مهمن كان

عشان كدا كنا بنلجأ للحب في الخيال ومن المستحيل ان تصرح به لاي زول حتى ولو اقرب اصدقائك.. الضمان شنو يقص ليك

وهو كلو خيال في خيال .. يعني تحب ليك واحدة في خيالك سااااكت عمرك ما شفتها ولا عارف هل موجودة وللا لأ

ههههههههههه غايتو يا حليل زمان .. برغم كل شيء يا بسمات يبقى الماضي اجمل وانضر واوضح من الان

والمشاعر زمان كانت صادقة نابعة من وجدان نقي وقلب ابيض عشان كدا كان عندها طعم ..

يقوم يجيك ود قباني يقولك اجادة تقبيل الحبيبات ياخي قوم لف انت عايز تجننا وللا شنو ههههههههههههه


تحياتي

Quote: ياود قبانى مسعول من الخير ود المدير خلص اعتذارتو دايرنو يجى يلحق سوق القبلات داك قايلو زى بتاع كوستى دا بيان بالعمل مش تنظير

قبلات شنو مع ود المدير يا بدر ...

خليها على الله بس ....

Quote: يا قبة يا عجوز انت تتكلم عن جيل( كم)😀 تعلم الرومانسية في أبوصليب حيث لا تبوسني عندي حرارة الآن ثورة جيل تقول ما يعرف يبوس والله تكابس يا جدو تلقى اللسان في لوزك أقول قولي هذا واللهم إني صائم

يا مونتا...

قلت لي اللهم انك صايم ؟

بعدين السودان كان اكثر أمانا زمن ابو صليب ...

Quote: يا ود قباني ... أما وردك قصيدة المحجوب ..... ياخي نحن أساتذة في كل حاجة ... بس الإعلام ضعيف . هههههه„

مشكلتي مع عمنا المحجوب ...

كلما اطراهو أتذكر قصيدة الجعفريات ...

لكن كلام في القصيدة دي و الله ...

Quote: ردي بعد الفطور

و ليه هسي ما فطرتو ؟

ده فطور و لا موت يا دكتور ... ؟ :)

Quote: قباني جاب "العيد" ... جاب العيد دي با قباني بالسعودي ... وربما بالخليجي ... تعني جاب ضقلها يتلولح ... عموما أنا قصدت المعنيين ... هو العيد جا يا قباني؟؟؟ سؤال من وحي القيود التي ذكرتها أختنا نعمات ... وتصوموا وتفطروا على خير ....

لا حياء في العلم يا عبد الباقي ...

لو ما ناقشنا الأشياء دي ... الدنيا حتظل معقدة ...

Quote: Smooch

فهمتنا غلط يا الصادق ...

Quote: فى زمنكم يا قبانى كان اسمو قدًوم و كان لذيذ لكن القبلة ما لذيذة عشان كده الناس ما شغالة بيها

جلّي يا جلّي ...

قدوم شنو ياخوي ... اصلها شكلة ...

زمنا كان بي خيرو و الله ...

كانت للقبلة معاني ...

سلامات عمي يحيى وضيوفك الأكارم

اسمح لي أن أناقش عنوان البوست لا متنه

أنتَ - مع احترامي الكامل لك وحفظ المقامات - تتحدث عن أجيالٍ سبقت -

أجيال اليوم لا تشبه أجيالكم في شيء


مودتي

قال لا يجيدون !!!

خودك شوف واسمع يا خالي قباني

و ماذا نفعل مع التهاب حلق الحبيبة أو إصابتها بنزلة برد أو انفلونزا؟
هل من اثبات علمي أنها تشفي من هذه الامراض؟

ود شيقوق
رمضان لمن يدخل في العشرينات خلاص معناهو انتهى ..
..وبعد يومين بس حيكون عشرين رمضان...يعني النهاية..
لان اوله رحمة واوسطه مغفرة واخره عتق من النار..
واوله يعني الايام العشرة الاوائل واوسطه الايام العشرة الاواسط
واخره الايام العشرة الاواخر..
ودمت بالف خير

تقبيل يعني شنو يا شيقوق؟

مولانا واستاذنا وحبيبنا محمد المرتضى حامد سلامات وعوافي يا رجل

ياخي للمنبر دا ضريبة ولنا نحن الاعضاء حقوق عليك يا ود المرتضى

فلما الغياب يا حبيب ..

اشتقنا والله لبوستات على شاكلة النهود الجميلة وغيرها مما يكتب يراعك

لك التحايا النواضر واتمناك دوماً بخير

------

يا قباني ياخي امسك ناس ابسن ديل فطروا عديييل

بس دايرلهم سبب يا كافي البلا وما صدقوا لقو النفاج دا

Quote: ياخ دي من اروع ما تغنت بها هيام يونس

بالمناسبة هيام يونس دى صوتا ألطو
و يتماشى مع الحاجات ال على عجل دى
و ده سر خلود الاغنية
_____
هسى احمد يسن يجى ناطى فى رقبتى

قبلة شنو دي
99 ولحقتها واحدة تمت مية
كان ببوس ولا بعد
ديل بوسات اي كلام وتنعدم فيهن الرقة والعاطفة .
لو كانت واحدة بس تكفي
القبلة السكري
معقولا ياخ مية

لكن يا السودانيين لقيتكم تجيدون التنظير بشكل مخيف
وزي ماقلت ليكم في المخيخ لكل منا في كوم مخاوف وقصص وترسبات تفسد هذا الكم المعرفي لكل مايختص بموضوعنا المطروح وتقتل شعور اللحظات الجميلة من ان يترجم لفعل
كما قال صديقي الجميل (يجعلك انسانا نبيلا )

محبتي لكل من مر من هنا معبرا او محدقا بنظره في فضفضتنا وفي حروفي .

ود قباني وضيوفك الأكارم.... رمضان كريم،
قبال (التقبيل) وكدة .. أعجبتني كثيراً هذه الكتابة (سؤال المرحلة)... في إثارتها لكوامن النفس بما يصطرع فيها من آمال وتطلعات واختلاجات وهواجس وعقد... و ادعي بأن تساءل (كارولاين) – التحريضي الاستنكاري: (هل كل السودانيين لا يجيدون تقبيل حبيباتهم؟!.. أن صديقك ياسر بدلاً من تقبيلي... يبدو وكأنه يأكلني) قد أزال القناع الكثيف الذي كان تتدثر خلفه شخصية (صلاح) الحقيقية.. لتنفتح بداية جديدة محتدمة............. لا أعلم ما إذا كان الأستاذ هاشم صديق قد كتب الرواية أم لا... ولكني أرى – بكل تواضع - بأن تلك الكتابة قد تكون مشروعاً لرواية عظيمة..
---
أعود إلى سؤال المرحلة المطروح.. كدي شوف مرافعة (وائل الجابري) - بطل رواية الزهر الشقي لعزيز جاسم - حول رأيه بـ (جنسية القبلة)... وأنها هي وحدها القبلة الحقيقية وما عداها زائفاً!؟

رحم الله شاعر القبلة السكرى ،
( قبلي ثغري الظامئ فقد لاتنفع الذكرى)..
وكما قيل: It's now or never,
come hold me tight Kiss me my darling, be mine tonight Tomorrow will be too late
وفي رواية أخرى Tomorrow may never come

عزيزنا هيثم.. تحايا ومحبة طويلة التيله يا أمير..
شغلتنا العبوس الغراره عن هذا المنبر ،
المعايش يا بركه ، فقد قتَلَنا الرغيف وهلك بعيرنا..
الغياب كان شاملا لأن وسائل التواصل (بتاكل تلج كتير) وأنت أدرى بحالنا ،
لم يبق في العمر الكثير يا هيثم وما يجري على سطح الأرض وسمائها جعلنا
من الزاهدين في كثير من ما كنا نحتفي به وبهم ونسأله أن يحسن خاتمتنا،

-

مشيت قوقلت معنى (تقبيل) لأشارك في التنظير القالت عليهو أختنا نعمات فوجدت الآتي:
( وعن عائشة، أن النبي صلى الله عليه وسلم: كان يقبل وهو صائم، وكان أملككم لإربه).

متفق عليه.

طبقنا الحنة مع صديقي عصر رمضان
وصايمين،
وحضرنا تاني يوم الحفلة الهاجة، وعندما غني الفنان يا ريت
ووصل تعبت تعبت ااااه تعبت
تماسك الأولاد والبنات المهججين، بالايادي الراعشة،
واحد قاعد في الحيطة صاح: رمضااان ياجماعة
رد واحد متسائلا :
رمضان زايد؟
القصة أعلاه مهداه لصديقنا الطيب شيقوق؛
......................
ابي وجيله يتحدثون في حضوري ؛
وانا عامل فيها منشغل بموضوع اخر؛ وليس متابعا لهؤلاء العجائز....
اتفقوا ان القبلة ليست مهمة؛
والكلام الهناي؛
انا استغربت جدا لهذا المفهوم،
فقد كنت مراهقا ربما؛
وكان حلمي قبلة؛
لاحقا جدا وجدت لهم العذر!!!
وربما المعقولية؛
فالقبلة نصف الطريق لمنبع النهر؛
ولكنها ليست الشلال.....
..................................

شكرا قباني للقبلة في زمن الكوليرا؛

مع درويش:
احلم ان اري عينيك يوما تبسمان
فارى هدوء البحر عند شروق شمس
احلم ان أرى شفتيك حين تقبلان
فارى اشتعال الشمس في ميلاد عرس؛

ونقل مولانا محمد المرتضى حامد عنه صلى الله عليه وآله وسلم

"( وعن عائشة، أن النبي صلى الله عليه وسلم: كان يقبل وهو صائم، وكان أملككم لإربه).


النجيضة يا مولانا : من لا يستطيع ان يملك إربه ، فلا يقبل وهو صائم ،

والأحوط أن لا يطالع مثل هذا البوست .... في نهار رمضان ...

وتصوموا وتفطروا على خي ...

نهد

ضاق القميص بطامح
تحت القميص له شبوب
نهد تكور مثل حق
العاج توجه اللهيب
لو كنت املك امره
لتفتقت عنه الجيوب
ومضى يطاول ما يشاء
وتستجيب له القلوب
مابين صرعى كبروا
والساجدين لهم وجيب
يا نهدها ماذا جنى
عشاق حسنك هل تجيب

(محمد احمد المحجوب)

ده كان رئيس وزراء السودان
فتخيل ماوصل اليه الحال والمآل
يايحى قبانى
تمدد القبح واستشرى..ياصديقى.

Quote: رحم الله شاعر القبلة السكرى ، ( قبلي ثغري الظامئ فقد لاتنفع الذكرى)..

رحم الله بازرعة يا مرتضي ...

سمعت انه غادرنا الى الرفيق الأعلى صباح اليوم ...

انا لله و انا اليه راجعون ...

فلنترحم عليه جميعا ...

القبلة السكرى
كلمات: حسين بازرعة 
 غناء: عثمان حسين

أتذكرى فى الدّجى السّاجي
مدار حديثنا العذب
وفوق العشب نستلقى
لنطوى صفحة الغيب
وإذ ما لاح نجم السعد
نرشف خمرة الحب

أتذكرى عهد لقيانا
ويوم القبلة السكرى
تقّبلى ثغرى الظامى
فقد لا تنفع الذكرى
وترقدى فى يدى كالطفل
ألثم ثغرك العطرا

وقطرات الندى الرقراق
تعلو هامة الزهر
وألحان الهزار الطلق
فوق خمائل النهر
ولمّا ينقضى الليل
وينعس ساقى الخمر
يرف الضوء كالحلم
لنسكب خمرة الفجر
أتذكرى قبلتى والليل ..
يروى طلعة البدر

وكيف أناملى الحيرى
تداعب خصلة الشّعر
وتنعس فى ظلال النور
 تحلم بالهوى العذرى

سلامات ياباشمهندس

ورمضان كريم

ويييييين الصور ؟؟

رحم الله حسين بازرعة بقدر ما قدم لنا واسعدنا وادخل البهجة في قلوبنا فقد كان من اعظم عظماء بلادي الذين شكلو وجداننا وجملو نفوسنا بشعرهم العزب الجميل .... حزن كثيف يكتنفني تجاه رحيل هذا الرجل الانسان ... ولا نقول الا ما رضي الله عز وجل .. انا لله وانا اليه راجعون..
اسف للتعزيه هنا ولكن ورد ذكر اسم با زرعة هنا فوجب علينا نعيه والترحم عليه ...

ياسر العيلفون ...

القباني
نحن من يوم ثقافة غتّي قَدَحَكْ ما كسبنا عافية
تحية تليق بمقامك ومقام ضيوفك الأكارم
____
الحليلة

Quote: نان نحن ما صايمين يا قباني اخوي اكان تصبر بيهو بعد نفطر بالجد كدا انت مسنووووووووووووووووووووووح لامن غلط هههههههههههها

كان اخليها شوية ... ما كده ... :)

ما فيها شي يا ود شيقوق ...

Quote: تقبيل يعني شنو يا شيقوق؟

شن عرّفو يا مولانا ... تقبيل شنو في الدندر كمان ...

ياخ ده عشان يثبت لي انو بعرفو و ( يجيدون )

جابلي شاعر بوصف حبيبتو و قال :

تبدين في خير الجفاف ( كناقة ) عجفاءَ ..

تخيل يا ود المرتضى ... ناقة !!!

مساء الجمال واللحظات الجميلة للجميع بدون فرز ...


يا اصلي انت عارف اكتر الشعوب ادمانآ للقبل منو ؟؟؟
تصدق الشعب الهولندي ... حسب الاحصائية الانا عملتها
سافرت كم دولة اقليميـــة وابعـــــد شوية لقيت نسبـــــة ..
التقبيل في اي ملف ما بنسبة هولندا لكن رجحت الحاجــة
دي للجو لانه فعلآ رومانسي ! يعني محل ما تقبل بتلقـــي
اغراءات للقبل خاتين ليك زهور وكترة المياة والخضرة
اها دا كله اضيفوا ليهو الوجه الحسن ...

نشكرك يا اصلي علي الموضوع الحيوي .

ولي عودة ...

يا جماعة حرمة رمضان الكريم .
لا تجعلوا من صيامكم الجوع و العطش.
و يا قبة حرام عليك والله.
يا خي نحن في العشرة الأواخر من رمضان.
تحياتي المتداخلين.
بت عمسيب شايفك مبسوطة خالص.

*****
مداخلة من الآيفون.




عزالدين عباس الفحل
مكة المكرمة . السعودية

يا هندسة
يعني خلاص دخلنا في العشرة الاواخر
الشياطين بدوا يفكوهم و لا شنو ؟

احلى القبلات هي جنب الباب
و انت طالع
و اعذبها جنب الباب و انت داخل

يا عز الدين الفحل

رمضان كريم....القبلة كالمضمضة

Quote: - أخبرنا الفضل بن الحباب الجمحي قال : حدثنا أبو الوليد الطيالسي قال : حدثنا ليث بن سعد قال : حدثنا بكير بن عبد الله بن الأشج عن عبد الملك بن سعيد الأنصاري عن جابر بن عبد الله أن عمر بن الخطاب قال : هَشَشْتُ فقبَّلتُ وأنا صائم فجئت رسول الله صلى الله عليه و سلم فقلت : لقد صَنَعْتُ اليوم أمراً عظيماً قال : ( وما هو ) ؟ قلت : قبَّلتُ وأنا صائم فقال صلى الله عليه و سلم : ( أرأيت لو مضمضت من الماء ) ؟ قلت : إذاً لا يضرُّ ؟ قال : ( ففيم ) =(3544)[30:4] قال الشيخ الألباني : صحيح - (( صحيح أبي داود)) (2064) .

يعني ما فيها حاجة فى نهار رمضان ...فما تجي على يحي المسكين ده....ههههههههههه

استاذنا يحي قباني
كده ننوع ليك البوست شوية ، واحتمال يكون فيه شوية اجابة لسؤالك....فبعض السودانيين عندهم رأي في جمال الفتيات السودانيات، واقرأ رأي
قرشو ووليد طه هنا....

خلال بحثي في الارشيف عن مواضيع معينة لفت نظري بوست كتبه وليد طه بعنوان:" رأي الكاتب العراقي المعروف خالد القشطيني في الفتاة السودلنية"
ولكن لفت نظري ايضا تعليق قرشو الذي علق قائلا: ان الكاتب العراقي جاملنا كثيرا بكلماته الرقيقة. " وقد وافقه صاحب البوست وليد طه في تعايقه..
ولكن ايضا اعجبني تعليق عضو المنبر جعفر محي الدين الذي علق قائلاً:" الاستاذ خالد القشطيني كاتب عقلاني ولا اظنه بحاجة إلى مجاملتنا ، ورأيه هذا
شهادة نعتز بها ، فهو غير الذين ينظرون للجمال بمعيار الإثارة الحسية..."
وفي نهاية البوست سأل وليد هذا السؤال:"
أستاذ خالد ترى كم من اهل بلادالرافدين او لنقل كم من أهل البلاد العربية يشاركك هذا الرأى؟
وانا ارد له واقول بانني سألت بت السيد، وهي سودانية ولكنها عندها جذور من ارض الرافدين، وقالت بت السيد
ردا على سؤال وليد طه:" نعم يا وليد كل اهل بلاد الرافدين يشاركون الكاتب العراقي خالد القشطيني الرأي في جمال الفتاة السودانية""

ودمت بالف خير وصحة وعافية""

وهذا هو البوست الذي كتبه وليد طه والذي وجدته في الارشيف::"

للكاتب العراقي المعروف خالدالقشطيني مقال يحوي رأيه فى الفتاة السودانية وذلك عند زيارته للسوادن خلال فعاليات الخرطوم عاصمة للثقافة العربية.
المقال ملئ بالثناء على الفتاة السودانية
فماذا قال؟

أدناه المقال
،،،،
Quote: واجهته فى كل مكان ، فى النادلات والمستخدمات فى الفندق فى الفلاحات والعاملات فى المزارع المجاورة وفى طالبات الجامعة والمدارس. فى دخولى الى حدائق الجامعة ومواجهة تلك النماذج
من الجمال السوادني فى طالبات الجامعة ، شعرت وكأننى فى عالم اثيري غير هذا العالم الذى اعرفه ، عالم من الدمى الفاتنة المعدة لعرض الأزياء فى فاترينات المخازن الأوروبية ، او الدمى الصغيرة
المصنوعة لدغدغة مشارع الأطفال او كوكبة من ملائكة الرحمن خطر لى ان وجوه الملائكة ستكون بمثل هذه الوجوه السماء الداكنة .

وجه الفتاة السودانية أشبه بصورة رسمها فنان من نوع ديور او دافنشي . الشقتان محددتان مرسومتان بقدرة الخالق . المرأة الاوروبية تحتاج الى قلم الشفايف لتحدد وترسم شفتيها . لا حاجة للمراة السودانية لمثل هذا القلم .
وحيث اجدها وقد شدت الحجاب على شعرها ، تعود لمخيلتى لوحة فرمير عن الفتاة ذات اللؤلؤ . وبين الحجاب وامامه توجد هذه اللؤلؤة السوداء المتمثلة بالوجه الصغير الناعم البشرة الدقيق العوالم والساحر النظرات.

الفتاة السودانية بطولها الممشوق وجسمها النحيف تعطى المثال الذى يصبو إليه دهاقنة الأزياء والموضة فى عرض إنتاجهم ، وبوجهها المرسوم المحتشم تعطى بديلاً لهذه النماذج المبتذلة من مذيعات التلفزيون ونجومه .
إنها تعطى عالماً جديداً من القيم الجمالية تخرج عن دنيا الجمال المصطنع بالبودرة والحمرة والمسكارة ، وامامها لا يملك المتذوق للجمال غير ان يعيد النظر فى مقاييسه الأستاطيفية ويشعر بهذا الإنقلاب نحو فهم واستيعاب
الشعار الشائع أخيراً على مستوى العالم BLACK IS BEAUTIFUL .


أستاذ خالد ترى كم من اهل بلادالرافدين او لنقل كم من أهل البلاد العربية يشاركك هذا الرأى؟

بسمات بت الشيخ

رمضان لمن يدخل في العشرينات خلاص معناهو انتهى ..
..وبعد يومين بس حيكون عشرين رمضان...يعني النهاية..
لان اوله رحمة واوسطه مغفرة واخره عتق من النار..
واوله يعني الايام العشرة الاوائل واوسطه الايام العشرة الاواسط
واخره الايام العشرة الاواخر..


كلامك دا هنا ما راكب تكوني قاصدة بيهو بوست تاني و جاء متلب هنا سهوا و لا كيف ؟



المرتضى


قلت لي اعرف شنو ؟ القدوم تقصد ؟



بت عمسيب

ما خاتي عليك لابدة اتاريك كاتلة الزهور و خامة العنكوليب

Quote: و ماذا نفعل مع التهاب حلق الحبيبة أو إصابتها بنزلة برد أو انفلونزا؟ هل من اثبات علمي أنها تشفي من هذه الامراض؟

استاذنا مالك الجاك

قال رامي في رباعيات الخيام ...

أطفئ لظى القلب بشهد ( الرضاب )
فإنما الأيام مثل السحاب ...

و قالت العرب ان الرضاب هو الريق او ماء الأسنان ...

و جاء في لسان العرب ان الرضاب في معناه المبسط هو شهد العسل ...

و قال سبحانه و تعالى في سورة النحل :

" وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ (68)
ثُمَّ كُلِي مِنْ كُلِّ الثَّمَرَاتِ فَاسْلُكِي سُبُلَ رَبِّكِ ذُلُلًا يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ إِنَّ فِي ذَلِكَ لَآَيَةً لِقَوْمٍ يَتَفَكَّرُونَ (69)

فبناء على ما جاء أعلاه ...

فالرضاب فيه الداء و الدواء ...

فقبل و لا تجعلن نزلةُ بردٍ ان تكون حاجزاً بينكما ...

لكن يا قبة كدا الالتهابات والنزلات حا تنتشر اكتر من الكوليرا

في هذه الحالة انصح بالتقبيل من وراء حجاب 😂😂

قباني يا جميلحسين عثمان منصور قال :شفةٌ عطشى و أخرى هي كأسُ نارٌها خمرٌ و جمرةليني لو ذقتها في العمر مرة (ليلٌ و خمرٌ و شفاه )لخبطتو مع صلاح ال قال في مريا :شفةٌ عطشى و أخرى تتحسّر 😊::الشاهِد يا صديقي كلهم كانوا بيعرفوا التقبيل لو واتتهم الفرصة والمزاج و الطمأنينة 😊:رمضان كريم عليك و الأسرة.

قال ليهو يا شيخ ...

زوجتي قبلتني في نهار رمضان ... فهل علي القضاء ؟

فقال الشيخ :
انت متزوج ليك كم سنة يا ولدي ؟

قال الرجل : عشرين سنة يا سيدنا ...

فرد الشيخ :

صوم صومك يا ولدي .. دي ما زي اختك خلاص ... :)


سأعود لكل الاحبة بالرد ...

يا قباني لانقبل بالشفاه
بل نقبل بالقلب
نقبل بما داخلنا من مشاعر الوجد والهيام
فليس كل قبلة .. قبلة سكرى
رب حبيبة كل ما تقبلها كأنها اول قبلة لك كون ان مشاعرك في مرقاها العاطفي كل حين هي في ارض جديدة
وبعض القبلات تكفي
تكفي عن كل شئ

ياخ بوسكم دا ولا بوستيكم دا ما عارف أكان العين وقعت في عنوانو ساي يكون لازمو صيام شهرين متتابعين

بوست يفطر عدييييل كدا.
المشكلة العنوان جذاب وبه إثارة.
غايتو في ميزان حسناتك .
يا قبة.
في الشهر الفضيل دا .
شايفك كبيت الزوغة
كويس وين بت عمسيب ؟
شايفها آخر انبساط.
غايتو كان دا ال style بتاعك .
اوعدك تجي الخليج .

***
مداخلة من الآيفون.



عزالدين عباس الفحل
مكة المكرمة . السعودية

انتظرت زول يكتب نفي واضح لموضوع الإجادة ولا يكتب اعتراف صريح بعدم الإجادة
عماد قال كلام حلو جدير بالتجربة .. قصدي كان جدير زمان هسة مع الأولاد مافي طريقة
ابو سن قعد يقول ليه في طلاسم علي الحلف ما فاهم منها شئ

أنا غايتو ما بعرف
اعرف بي وين وانا من عمري 6 سنين بقولوا لي اللعب مع البنات حرام !!
جدير بالذكر إني عديت زمن ساكي فيديوهات تعليمية في اليوتيوب لكيفية التقبيل .. البضحك ما عافي ليه
ولما ما نفعت كسرت الدركسون أقصد البروكسي ومشيت شفتها عند أهلها بي هناك
لكن برضو لما تكون بتتعلم في حاجة زي الفيزياء وتطبقها زي الممتحنينك فيها ما حيجيك احساسها الحقيقي بالكامل حتى لو خيل إليك ذلك

يبدو لي الموضوع محتاج تصالح عاطفي ما كان متاح لجيلنا أو الناس الاتربو زينا

اها يا احمد يا اخوي دي دغمسة منك
تصالح عاطفي
كيف يعني
علي بالحلف كنا ممنوعين نخش السينما ومجلة سمر والكواكب ونبوس احسن من بوست الخواجات زاتو
ودخلت في ليلين فرعك والدجي
الشغلة دى ما دايرالها تعليم شرح قصايد بس وحياتك
تقول لي تعليم
يعني يا قباني باقي لي اقل من سنة وابوس ولو متوضي زاتو

حولاااااا سينما عديييل كدة !
دي عندنا موجبة للرجم حداً
ياخي نحن ما اتونسنا مع بنات إلا في الجامعة وونسة مدنقر ديك لمن البت تتعقد

الطامة الكبرى وين ؟ إنه الكلام دة نتيجته عكسية تماماً في اولادي
فاكي ليهم اللعب في الريسيفر والانترنت بدون أي رقابة وولدي المراهق لو لقيتو بحضر في مسلسل تركي ما بدخل الأوضة عشان ما يتحرج وكمان مدخلهم مدارس مختلطة
يعني كان خربوا ذنبهم على أبواتنا ما علي أنا

القبله رحله على بساط الريح ... تجعل العالم بين يديك ... وتجمع الزمان فى لحظه

احمد محمد عمر
في جملة ما فهمتها يا احمد...كيف يعني اذا خربوا ذنبهم ما عليك انت ولكن
على ابهاتكم...وابهاتكم ذنبهم شنوا....ما انت قلت الفاكي ليهم الحبل...
..لكن بصراحة انت رجل ديمقراطي وطريقتك عجبتني بالجد....ولكن ولدك
المراهق ده ، وعلى الرغم من انك اديته حريته الكاملة لكن لازم تعامله كصديقك
وما تخليه يدس منك حاجة ...ومن وقت لاخر تديه النصيحة الايجابية وتاكد
ليه ان العلم هو الذي سيحميه من الوقوع في الخطا والزلل...وشجعه على الدراسة
والمذاكرة عشان ما يكون عنده وقت فراغ...وقول ليه..الله قال في محكم تنزيله
"انما يخشى الله من عباده العلماء"" ...
اجمل شئ اولادك يتربوا في جو من الحرية افسح عشان ما يطلعوا معقدين،،،،
واذا سمح الوقت ، واذا سمح صاحب البوست ، وبعد العيد ، ساحكي ليكم تجربة
ستكون مفيدة ...او ممكن افترع بوست خاص..
مع وافر الاحترام والتقدير

Quote: جدير بالذكر إني عديت زمن ساكي فيديوهات تعليمية في اليوتيوب لكيفية التقبيل .. البضحك ما عافي ليه

يا احمد ياخي اعفي ليً....لكين قلبت الهوبة
طبعاً انا مشيت اليونان للدراسة لقيت ليك فجأة الحاجة دي لايف و جمبك في البص في القاعة في الشارع وانا زيًك كنت خجول...
المهم بعد فترة الموضوع بقي عادي و اتعلمنا
تحياتي للباشمهندس قباني و المرور الكرام
رمضان كريم

تعرفي يا امتثال
أخوك ماسك دور الـ good cop وسايب دور الـ bad cop للمدام :)
مرة شكت لي إنه ما راضي يصلي بتتضطر تذكرو بالصلاة 3 مرات حتى يقوم يصلي على مضض قالت لي اتكلم معاهو عشان انت بسمع كلامك
مشيت غرفتهم لقيتو قاعد براهو أول ما دخلت غير القناة .. شلت الريموت ضغطت recall لقيتو بحضر في mbc2 قلت ليه ميل جيبسون عديييييل كدة! لقيتك معلم لكن .. طالع لأبوك وعلى فكرة الفيلم دة أنا حاضرو 3 مرات وحأحضرو تاني معاك وبقينا نحضر ونعلق وكل مرة يسألني من بطل امريكي يوصف لي شكلو والفيلم الحضرو ليه وانا أوريهو دة منو وأفلامه السمحة شنو
لما دخلت المدام الغرفة عشان تشوف نتيجة مباحثات قضية الصلاة وكيفية شرحي لأهميتها لقتني بشرح في تاريخ جوائز الاوسكار

فاااا شنو ... أنا اتربيت في بيت كله دين وقرآن وحرامه أكتر من حلاله .. ما بقول ليه اتعلم عشان تخشى الله بقول ليه اتعلم عشان تفيد نفسك وتتميز .. دة لو فتح الموضوع واضطريت أقول طبعاً .. لأنه أنا مقتنع بإنه التربية ما بالبري والنصائح والارشادات بل بالقدوة الحسنة .. العاوزهم يعملوهو تعملو قدامهم وخلاص
أبوي كان إمام المسجد لما يدخل علينا ومعاي اصحابي يسكت الناطق ويكف اللاعب والبادي ليه ضحكة ببلع باقيها .. هسة ولدي كتير بعمل لي تاق في الفيسبوك على منشوراته ومرات بعملوهو اصحابه وبدخل أقرق واضحك معاهم وادورهم عادي

Quote: طبعاً انا مشيت اليونان للدراسة لقيت ليك فجأة الحاجة دي لايف و جمبك في البص في القاعة في الشارع وانا زيًك كنت خجول... المهم بعد فترة الموضوع بقي عادي و اتعلمنا

يا ناصر وحاتك أنا الطلعة الطلعتها من السودان مشيت السعودية .. من كي لي كي
يعني بدل اشوف البوس عادي اتعقدت منه زيادة
يجيك الخليجي بشنبو ودقنو الكبيرة ديك ومادي شلاليفو للبوس .. انت تزوغ وشك بيجاي وبيجاي وهو ساكيك ما فاهم حاجة شايف روحه بسلم عادي كدة
بقلبي أقول ليه وحاة الله حركتك دي تعملها لي في السودان تبقى ليك بآخر تواجد على قيد الحياة

هههه
يا احمد بحاول اتفادي اخطاء كتم المشاعر مع عيالي
قلت لي علاء ولدى الفي الصورة قريب 3 سنة عمرو
يا علاء انا بحبك
دايرو يرد لي وانا بحبك كمان كما يقول اخوانه . رد لي رد لي هسة انا مندهش منو
قال لي
حبني
قلت ليهو والله ردك دة ما سبقك عليهو زول
كررتها ليهو رد لي بنفس الطريقة
حبني ثم انصرف
حكيت لي ناس البيت
اختو قالت ليهو بحبك
قال ليها
لا
قلت نجحت تربيتي
وانبسطت وكاويت اختو حتي اخذت الامر جد
فأغرته بجيب ليك وبجيبك وهو مصر
قلت ليهو بحبك
قال لي حبني
فنظرت نحوها شمتانو
اجي يا حب الكبر دة

''الشفقة'' السودانية تفسد متعة القُبل

Quote: انتظرت زول يكتب نفي واضح لموضوع الإجادة ولا يكتب اعتراف صريح بعدم الإجادة عماد قال كلام حلو جدير بالتجربة .. قصدي كان جدير زمان هسة مع الأولاد مافي طريقة ابو سن قعد يقول ليه في طلاسم علي الحلف ما فاهم منها شئ أنا غايتو ما بعرف اعرف بي وين وانا من عمري 6 سنين بقولوا لي اللعب مع البنات حرام !! جدير بالذكر إني عديت زمن ساكي فيديوهات تعليمية في اليوتيوب لكيفية التقبيل .. البضحك ما عافي ليه ولما ما نفعت كسرت الدركسون أقصد البروكسي ومشيت شفتها عند أهلها بي هناك لكن برضو لما تكون بتتعلم في حاجة زي الفيزياء وتطبقها زي الممتحنينك فيها ما حيجيك احساسها الحقيقي بالكامل حتى لو خيل إليك ذلك يبدو لي الموضوع محتاج تصالح عاطفي ما كان متاح لجيلنا أو الناس الاتربو زينا

نطيت كم مداخلة و جيتك يا أبو حميد ...

لانك الوحيد الكفشته الناس البتضاير من قبيل دي ....

كضابييين ...

ياها حالتنا من ولدونا ....

يمين في واحده زمان كنت بريدها من بعيد لي بعيد و هي زي عارفه ...

اها انا راجل كبييير أيام ما بعد الانتفاضة كتب موضوع في جريدة الأيام ختوهو في الاستراحة محل ما بكتب حساس محمد حساس ...

طبعا كانت حاجة كبيرة بالنسبة لي ...

اها صاحبتنا دي.. اتلاقينا في حفله في الملازمين ...و في وسط الزحمة الشديدة القى ليك يد ناااعمة ضغطت على يدي ...

عاينت لقيتها هي ... لا عرفت انضم لا اسحب يدي ... لا اخليها ... وقفت زي العوير ...

قامت ادتها ضغطة تاني و قالت لي موضوعك الفي الجريدة رايع ... لازم نتقابل ....

اها لا شفتها بعد اليوم داك ... لا لقيتها بالصدفة ...

و اها لي 31 سنة من اليوم داك متذكرو و شاعر بي الضغطة لي هسي ...

(اها لا شفتها بعد اليوم داك ... لا لقيتها بالصدفة ...)

إنت؟
إنت يا يحيي؟
يحيى الواحد البعرفو دا؟
ياخ خليك شفاف فالزواج جب ما قبله..

على أية حال وعودا على بدء أقول أن السودانيين عليهم ترك التمباك لتصحيح الوعاء الضريبي أولا

بعدين نشوف سالفة الضم والحجز عند المنبع....

Quote: (اها لا شفتها بعد اليوم داك ... لا لقيتها بالصدفة ...) إنت؟ إنت يا يحيي؟ يحيى الواحد البعرفو دا؟ ياخ خليك شفاف فالزواج جب ما قبله.. على أية حال وعودا على بدء أقول أن السودانيين عليهم ترك التمباك لتصحيح الوعاء الضريبي أولا بعدين نشوف سالفة الضم والحجز عند المنبع....

شنو يا مولانا ... و الله شفاف سلوفان بس ...

خليها مستورة ...

بمناسبة التمباك ...

صاحبنا عنده قرفة شديدة من حكاية التمباك دي ...

مره شاف واحد متزوج بنية صغيرونة كده ... و هو سافي اليوم كله ...

قال لي بالله حسي ده ببوسها كيف بي تمباكو ده؟

قلت ليهو انا عارف !!1 ...ما دي بت صغيره حتعرف الفرق كيف مش امكن قابلة البوس ريحتو كده ؟

يحي وجني وبكرى
خربتو صيامنا

قال ليك يا قبانى
أقدم الأدلة التي تثبت سلوك التقبيل لدى الإنسان مذكورة في الفيدا الهندوسي أي منذ 3500 عام، والتقبيل لدى الحيوانات نادر جداً،
ولكن هناك حالات تقبيل بالنسبة للشمبانزي وهي تعتبر من أشكال المصالحة وهي شائعة بين الذكور،
وحسب دراسة نشرت عام 2015 قإن التقبيل لدى البشر تطور من مجرد وسيلة لمعرفة ما لديه من الفيرومونات إلى تلامس الشفاه.[3]
ويعتقد بعض العلماء أن الشفتان تطورتا لتسهيل عملية اختيار الشريك، كما قال عالم النفس التطوري غوردن جي غالوب “Gordon G. Gallup”
خلال مقابلة مع إذاعة “BBC” “التقبيل يتضمن تبادل معقد جدا من المعلومات –معلومات عن طريق الشم، ومعلومات عن طريق اللمس،
ووضعية الجسم إثناء التقبيل، إجراءات نستفيد منها عن طريق آليات التطور والتي تمكن الأشخاص من اتخاذ قرارات حول الدرجة التي نتفق أو لا نتفق
فيها مع الشريك وراثيا”. كما أن التقبيل يكشف لنا مدى استعداد الشريك للقيام بتربية الأطفال، والذي يعتبر أمر مفصلي في العلاقات طويلة الأجل ويعتب
ر أمر حيوي لبقاء الجنس البشري[4].

ده ما المهم
المهم ان اطول قبلة فى التاريخ كما فى ادناه
أطول قبلة في التاريخ كانت في تايلاند في 14 فبراير 2013 يوم عيد الحب حيث استغرقت القبلة
58 ساعة و25 دقيقة و8 ثواني،و دخلت هذة القبلة موسوعة غينيس للأرقام القياسية.
دى القبلة البجد اما ما عداها تحضيل حاصل

ولما ألتقينا بعد نأي وغربة شجيين فاضا من أسى وحنين
تسائلني عيناك عن سالف الهوى بقلبي وتستقضي قديم ديون
فقمت وقد ضج الهوى في جوانحي وأن من الكتمان أيّ أنين
يبث فمي سرّ الهوى لمقبّل أجود له بالروح غيرَ ضنين
إذا كنت في شك سلي القبلة التي أذاعت من الأسرار كل دفين
مناجاة أشواق وتجديد موثق وتبديد أوهام وفض ظنون
وشكوى جوى قاسٍ وسقم مبرح وتسهيد أجفان وصبر سنين

تبا للصعوط



محبتي

يعني نسجر يا نعومة ولا كيف
السياسة تتدخل في قبلتك
مصاريف اليوم
كيس صعوط ب 3 ج
علبة برنجي 10 ج
كيس واحد يكفي اليوم
علبة واحدة لا تكفي

Quote: تبا للصعوط محبتي

نعم تباً للتمباك ...

نؤيد و بشدة يا نعمات ...

و نهديك محمد منير على رأيك الشجاع في التمباك ...

يا سلام ياخ
نعومة اخت رجال واخت نسوان
بنية كان ختيتها في الجرح يطيب
انت يا قبة الليلة برضو انت قايلو السبت

قال ليها قبلتى المست غرورك و جمعّتنا يا حبيبى
يا سلااااااام ياخ .. شغل يشفى العليل السافّى

Quote: قال ليها قبلتى المست غرورك و جمعّتنا يا حبيبى يا سلااااااام ياخ .. شغل يشفى العليل السافّى

دا شنو دا ؟؟؟؟؟؟!!!!!!!

لو الدنيا ما رمضان كان نقول بتكتبو تحت تأثير البلموني

لكن مع رمضان موش حا تقدر ...

يا جلي ياخي كلمتي المست غرورك مش قبلتي


آمنت بالخلق البوس

عليك النبى هى ما قبلتى
يا حليلى انا الضايع
لامن كنت صغير كنت بسمعا كده
حتى بالاماره .. المسّت .. كنتا بسمعا حاجة تانية
عطفاً على حكاية عمى ود الفضل

يا سلام ياخ
نعومة اخت رجال واخت نسوان
بنية كان ختيتها في الجرح يطيب
انت يا قبة الليلة برضو انت قايلو السبت
كل الحب قباني وابوسن
الصوط وغيره هي مايوحي بان الرائحة لها تاثير وتعتبر من المقبلات او التوابل لكل العلاقات
وكما للعطر افتضاح فالعطر والرائحة شي مؤثر جدا في العلاقات الوجدانية ممكن تحب زول من عطرو وممكن تكرهو
والحب تحديدا هو البحدد قصة القبل ..العمق والطعم والاحساس فيها ....
فصراحة :
تبا للصعوط

Quote: كل الحب قباني وابوسن الصوط وغيره هي مايوحي بان الرائحة لها تاثير وتعتبر من المقبلات او التوابل لكل العلاقات وكما للعطر افتضاح فالعطر والرائحة شي مؤثر جدا في العلاقات الوجدانية ممكن تحب زول من عطرو وممكن تكرهو والحب تحديدا هو البحدد قصة القبل ..العمق والطعم والاحساس فيها .... فصراحة : تبا للصعوط

سآلت ايش الاسم ؟ ... قالوا البنات نعمات ...
أم صبعين رطب و الباقي بلح امهات ..

ياخي سلمتي و سلم بنانك ... هنا و هناك ...
و هناك دي ردّك الرصين القوي في بوست بورداب الامارات ...

ما خليتي ليهم فرقة للتردد ... تسلمي ياخ ...

و تاني تباً للصعود ..

يا هندسة القبلة عندها معاني كتيرة متعارف عليها
البوسة ال في اليد تعني التبجيل و الناس كانت نتتدافس عشان تبوس يد سيدي
أما بوسة الراس دي للاحترام و يكفي الرجل او المرأة ان يكون كبير في السن
و قاعد في العنقريب و الناس تجي تسلم عل راسو
بوسة الجضوم دي بيجيدوها الحبوبات و العمات و الخالات و معاها شَمْمَة
و للاطفال منها نصيب كبير و حتي الكبار حبوباتهم و عماتهم و خالاتهم ما بقصروا
معاهم خاصة لو كانوا مسافرين. مش بوسة و شمة ... كمان أحضان ملانة حب و ريدة
و مودة و إلفه و براءة
أما بوسة الحبيبة دي حرمتنا منها الثقافة و العادات و التقاليد و الحرمان طلع
كلام زي .... في ديارهم حجبوا القمر
و ده الخَلي ود الرضي يقول ..لمن تسرب ليهو نيد العُكَن
.................. و العيون لا أشعر بَكَنْ
هو جِنِس بِكَا
الحرمان من البوسة طلع لينا درر في الصدر و الضمير و الكفل
ود الرضي في المجاراه قال كلام ما إتغني منو
قلبي ذاب في بهجة هيبتك صداح
و المصابيح حالت نورك القداح
خِللي شوف إتمَعَن حكمة الفتاح
في الجلوس تتهدد و في الكفل ترتاح

و الكفل ده في الرقيص ما خلوه ينوم علي جهة
أسفل مرة و أعلي و اعلي الكان سفل
أكتفي بهذا القدر
و استمتعت حقيقة بالبوست و مداخلات الاعزاء
و لي عودة لو تيسر الوقت
و كل عام و الجميع بخير

رابط بوست دسم من الزمن الجميل للمنبر يتناول الموضوع من زاوية اخرى :
الزول السوداني والجنس !!!الزول السوداني والجنس !!!
.
.
.
.
كل عام وانتم بخير قباني وضيوفه ...

كل عام وانتم بخير .. محبين ومتاحبين .


يا ود الفحل .. عيدك سعيد .

اما بعد :!
كويس وين بت عمسيب ؟ شايفها آخر انبساط.
غايتو كان دا ال style بتاعك . اوعدك تجي الخليج .
طيب مالو لو انبسطة ؟ عليك الله موش احسن من بوست
التفجيرات والحروبات والدموم المالية علينا عالمنا ؟؟؟

خلاص انا جاية الخليج لكن حاول انت ما تلاقيني لانه دا ( اسطايلي ).



يا شباب لي عودة لشرح ما فائدة القبل ؟

القبلة السكري .. بلاي تمعنوا الكلمات دي كويس
وشوفوا مدي صدق الامانة في الحب !!!

رمضان ولى.. عدى فات مع الايام

بعد دا الواحد ممكن يشارك بقوة الف حصان في هذا البوست

باقي انا في رمضان كلمة قُبلة كنت قاعد اقراها قِبلة

اللهم تقبل منا انت السميع العليم


😘😘😘