فان كان عاصم سمح أو ود البنا السمح اجدر بك ان تقوليها له عندما تخرجى من الاستوديو
او عند ايقاف التسجيل
ارحمنا يا السر قدور من هذه الفوضى
كان الله فى عون المشاهد والمستمع
بالله اسمعوا عند الدقيقة ( 5:26 ) وانت ماشى
لكم مودتى
Post: #2 Title: Re: لو كنت المسئول لاوقفت هذا البرنامج ( اغانى Author: الطيب رحمه قريمان Date: 06-08-2017, 08:16 AM Parent: #1
بسم الله الرحمن الرحيم اخى العزيز و استاذى الفاضل انور سيد ابراهيم نبارك لك الشهر الكريم و تقبل الله منا و منكم صالح الاعمال .. لابد و ان تراعى ادارة التليفزيون ما يدور فيه و ان تراعى و تضبط ما يقال و يصل الى بيوتنا ..
انا .. لو كنت المسؤول لما اوقفت هذا البرنامج فحسب .. و انما احاسب القائمين عليه فى مقدمتهم مدير التليفزيون ..
Post: #3 Title: Re: لو كنت المسئول لاوقفت هذا البرنامج ( اغانى Author: ANWAR SAYED IBRAHIM Date: 06-08-2017, 09:24 AM Parent: #2
ونسال الله الغلى القدير ان نراك ( حاجا ) هذا العام - على الاقل نشوفك بعد الغيبة الطويلة - نتمنى ان يجمعنا الله فى ساعة خير
...........
ياريت والله محاسبتهم جميعا - فالامر يتطلّب التدخّل السريع
صدقا كما يقولون ( الاختشو ماتوا )
................
لك كامل الود والتحايا الخالصة للاسرة الكريمة
Post: #4 Title: Re: لو كنت المسئول لاوقفت هذا البرنامج ( اغانى Author: محمد البشرى الخضر Date: 06-08-2017, 10:46 AM Parent: #3
مافيها حاجة يا انور ياخ مجرد مجاملة ما اكتر
Post: #5 Title: Re: لو كنت المسئول لاوقفت هذا البرنامج ( اغانى Author: ANWAR SAYED IBRAHIM Date: 06-08-2017, 11:56 AM Parent: #4
محمد البشرى اخوى
السلام عليكم ورمضان كريم
انا من معجبى الاخ عاصم البنا وكما لا ارضى لغيره لا ارضى ان تحرّف الكلمات ولا الالحان الخاصة بما يغنّى
ولكن ما اختارته مكارم من كلمات لا علاقة له بكلمات الاغنية
قد يكون من ( الاحساس ) .......
تابعتها فى الاسبوع الماضى وفى احدى الاغنيات ايضا قالت كلمات شبيهة ...
فى كل الاحوال احترم رأيك وشكرا كثيرا يا حبيب
Post: #6 Title: Re: لو كنت المسئول لاوقفت هذا البرنامج ( اغانى Author: بدر الدين الأمير Date: 06-08-2017, 12:45 PM Parent: #5
انور كيف انك هو السودان فيهى مسؤل بل قل يجب مقاطعت منتجات الشركات الراعية لهذا الخبوب المسمى اغانى واغانى
Post: #7 Title: Re: لو كنت المسئول لاوقفت هذا البرنامج ( اغانى Author: Amira Hussien Date: 06-08-2017, 01:24 PM
الاستاذ أنور تحية طيبة حلقة كانت مخجلة وفيها كمية من العبط والسماجة ، و حقيقة كان فى رقيب كان قطع البرنامج ونزل مقطوعة موسيقية ، بعدين يفردوا لى عاصم البنا حلقة كاملة يتكلموا عن غناهو انا ما بعرف غنية لى عاصم البنا غير منو السمح ياهو السمح يعنى هو بلغ مرتبة الكبار ناس الكاشف وحسن عطية وعثمان حسين ؟ ! ثانيا بيقولوا الهدف من البرنامج تعريف الشباب باغانى الكبار هل لحق الشباب ان ينسى غنا عاصم البنا وهو المعاصر ومنتشر فى بيوت الأفراح والقنوات السودانية مال عام مهدر بلا تدبر ولا بصيرة إدارة النيل الأزرق فاشلة والسر قدور اصبح ظاهر من ظواهر المجتمع السوقى
Post: #8 Title: Re: لو كنت المسئول لاوقفت هذا البرنامج ( اغانى Author: ANWAR SAYED IBRAHIM Date: 06-10-2017, 07:55 AM
بدر الدين الامير - الحبيب
الحمد لله طيّب ( طااب ) على قول المسنوح صاحبك
والله صدقت فى قولك :
[بل قل يجب مقاطعت منتجات الشركات الراعية لهذا الخبوب المسمى اغانى واغانى
لك مودتى
Post: #9 Title: Re: لو كنت المسئول لاوقفت هذا البرنامج ( اغانى Author: ANWAR SAYED IBRAHIM Date: 06-10-2017, 07:59 AM Parent: #8
اختنا المحترمة Amira Hussien
لك التحايا الطيبات
وكل سنة وانت بالف خير
كتّر خيرك كتييييير وشكرا على مشاركتك فى هذا الامر الذى ( فقعوا ) به ( مرارتنا )
ومعك متفقا فى : مال عام مهدر بلا تدبر ولا بصيرة إدارة النيل الأزرق فاشلة والسر قدور اصبح ظاهر من ظواهر المجتمع السوقى
Post: #10 Title: Re: لو كنت المسئول لاوقفت هذا البرنامج ( اغانى Author: الطيب شيقوق Date: 06-10-2017, 10:38 AM Parent: #9
حبيبنا أنور
والله يمكن اول مرة اشوفك عملت ليك بوست لكن نشهد لك بالمشاركات في كل المحافل
غايتو دي زعلة حقيقية الخلتك تفرع ليك بوست دي
لكن فعلا زي ما تفضلت اختنا اميرة كان المشهد قبيح جدا و سماجة تغضب كل مشاهد
Post: #11 Title: Re: لو كنت المسئول لاوقفت هذا البرنامج ( اغانى Author: ANWAR SAYED IBRAHIM Date: 06-10-2017, 11:09 AM Parent: #10
الله يرحم مــريسيلا ( بتاعة كوستى ) ويجعلها من اهل الجنة
والله كان تغنى احسن منهم ( اسال معاوية الزبير )
بالله يا الطيب شفت فوضى اكتر من كدا - قلة حياء .. !!!
تسلم يا الحبيب
........
Post: #12 Title: Re: لو كنت المسئول لاوقفت هذا البرنامج ( اغانى Author: الطيب شيقوق Date: 06-10-2017, 01:32 PM Parent: #11
الله يديك العافية يا أنور
المصيبة بقى لينا شر لابد منه و عندما نهرب منه لحظة الدعايات للشروق نلقى ليك سلمي سيد .......... بهناك برضها دعايات
Post: #13 Title: Re: لو كنت المسئول لاوقفت هذا البرنامج ( اغانى Author: أبوبكر عباس Date: 06-10-2017, 02:16 PM Parent: #12
سلام أنور، شنو يا أخينا، قصة لو كنت مسؤول دي؟ زول عندو قناة تلفزيونية وداير يبث ما لا يتعدى قانونيا على زول؟ مسؤول دي تقصد بيها انك تكون سيد القناة؟ زمن الأبوية (من ابو) انتهى حاليا كل فرد في الدنيا عندو قناة في اليوتيوب
Post: #14 Title: Re: لو كنت المسئول لاوقفت هذا البرنامج ( اغانى Author: ABDALLAH ABDALLAH Date: 06-10-2017, 07:22 PM Parent: #13
تحياتى الأخ العزيز أنور حسب وجهة نظرى أن من يحمل غبينه تجاه عمنا الأستاذ السر قدور إستغل زَلة الفنانه مكارم بشير فى تلك الحلقه وصوب كل سهامه نحو عمنا السر قدور وبرنامج أغانى وأغانى . ومن العدل أن نكون منصفين فبرناج أغانى وأغانى أثبت نجاحه بدليل إستمراره لأكثر من عشرة سنوات بمساندة ومشاركة فطاحلة فن الغناء السودانى ومنهم الفنان محمد الأمين والفنان صلاح بن الباديه والفنان محمود تاور وغيرهم . من ناحيه أخرى الأستاذ السر قدور هو شاهد عصره فى معايشته ومشاركته مراحل تطور الأغنيه السودانيه من زمن الطنابره ثم الإيقاع والشيالين إلى مرحلة الغناء الحديث وعاصر إنشاء إذاعة إم درمان شاعراً غنائياً وممثلاً ومقدم برامج وموثقاً لهذا المجال الثقافى الأصيل فمن العدل إنصاف الرجل بدل العمل لإغتيال شخصيته . من ناحيتى أقدر هذا الرجل وأشيد بإستمراريته فى العطاء الفنى ولتوثيقه لثقافة فن الغناء السودانى من زمن كرومه وسرور إلى زمن مامون سوار الدهب ومكارم بشير . ربنا يديهو العافيه .
Post: #15 Title: Re: لو كنت المسئول لاوقفت هذا البرنامج ( اغانى Author: othman mohmmadien Date: 06-11-2017, 02:01 PM Parent: #14
أطيب تحية وتقبل الله صيام الجميع ... ربما تعني سمح السجايا والصفات ... الكلمة أتت نتاج إنفعال عفوي لشخص ما أو فنان كان موضوع الحلقة ... لا تحملوا الموضوع أكثر مما يجب...، البرنامج رائع وجميل ويمكن أن يستمر لعدة سنوات وطرح انماط غناؤنا الجميل العفيف