أها، قلنا نتعضّر للجماعة ديّل ؤ نقعلهم فوق راسُن .
وإعتذار مقدّم للأخ حاتم عشان لو بعد كم إتضح إنو بكري سحب العِدة بتاعتو أنا بصراحة ما بقدر علي الشوالِيّت ...
Post: #2 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-07-2017, 10:45 PM Parent: #1
طيّب يا اب صلعة من اللوّل ما كان تقول، إنّك بريئ من سحب عِدة الراجل، كان في داعي تدخلنا في هذه الفتحة الحاااااارة من جسم الوِزّة !.
مودتي للجميع ...
Post: #3 Title: Re: إعتذار للزملاء بكري أبو بكر ويوسف الموصلي Author: sadig mirghani Date: 06-07-2017, 10:52 PM Parent: #1
حييييييييي انا رمضان دخل العضم
Post: #4 Title: Re: إعتذار للزملاء بكري أبو بكر ويوسف الموصلي Author: عبدالحفيظ ابوسن Date: 06-07-2017, 11:00 PM Parent: #3
فقع الكلام ورينا عملت شنو عشان نفهم اعتذرت من شنو انا برة الشبكة
Post: #5 Title: Re: إعتذار للزملاء بكري أبو بكر ويوسف الموصلي Author: عبدالحفيظ ابوسن Date: 06-07-2017, 11:05 PM Parent: #4
الاعتذار ليس هدفا في ذاته بل وسيلة لجعل علاقتك مع الآخرين تتجاوز مطبات سوء الفهم والخطأ غير ذلك يصير الاعتذار منقصة او محاولة ملتوية للاساءة مرة اخري ف شنو فقع لينا الكلام بالضبطي ورينا غلطت مع اللزملاء الاعزاء بكري الموصلي الخواض في شنو بدون لولوة رش لينا الكلام خلينا نكرب الموضوع الواطة فللت لينا
Post: #6 Title: Re: إعتذار للزملاء بكري أبو بكر ويوسف الموصلي Author: عزالدين عباس الفحل Date: 06-07-2017, 11:12 PM Parent: #4
معاوية المدير
سلام ياخي ، بكري دا إعتذارك ليهو تكسير آيس، لكن قريبي أسامة الخواض داك ، وجعني مخاشنتك معاه ، قلت أسحب السفير ، و أقلب طاولة العلاقات ، لكن أفووو ، سبقتني بالإعتذار المُر ، دي المحرية فيك ، و شايفك الأيام دي ، نجمك في العلالي ، بس لو لحقت وفد المرافئ ، أشواقي المترعة ، بالعسل ، ***
عزالدين عباس الفحل ابوظبي
Post: #7 Title: Re: إعتذار للزملاء بكري أبو بكر ويوسف الموصلي Author: محمد أبوالعزائم أبوالريش Date: 06-07-2017, 11:34 PM Parent: #6
Post: #8 Title: Re: إعتذار للزملاء بكري أبو بكر ويوسف الموصلي Author: Kabar Date: 06-08-2017, 00:09 AM Parent: #7
ول ابا ، صاحبي العريبي الأصيل.. رمضان مبارك يا صاحب.. ما غريبة عنك يا صاحب..ورغم تواجدك لسنين طويلة في نورث امريكا وثقافتها القاتلة الساحقة..لازلت زول اصيل..تربال تركة ترابلة عادي..في جواك امسودان...بتاعة التربال والراعي وما بينهما..! لازلت يا صاحب..ليك القدرة تفرق بين الواجب والمستحيل على قول اهلك البقارة..!! اسامة ويوسف ، مهما اختلفنا معاهم..لكن لينا القدرة على ان نحفظ ليهم حقهم في صناعة مشهد سوداني يتسرب بين أيدينا بفعل حاجات كتيرة يااااااااااااااخ..!!
كتر خيرك يا معاوية..وكن هكذا دوما يا صديقي..!
الدنيا رمضان..وما تعصر علي اجيب ليك شعر نهي الكباشي..!!
صديقنا حاتم بيتريق على الموصلي في قراية نص النوتة الموسيقية..والموصلي في هذا الفيديو..سنة 2010.. العازفين وراهو..بيقرأوا نص النوتة الموسيقية وبيشتغلوا معاهو..ثم الكاونتر بوينت..خليهو في سرك يا معاوية..!!
Post: #9 Title: Re: إعتذار للزملاء بكري أبو بكر ويوسف الموصلي Author: Basamat Alsheikh Date: 06-08-2017, 01:24 AM Parent: #8
انت يا ود ابو سن بتصدق ان ود المدير ود عطبرة بيغلط ليهو على زول، ناهيك عن الباشمهندس صاحب الحوش الكبير وصاحب الحوش الزارع فيه شجرة القريب فروت والاستضاف فيه ود المدير ...ناس عطبرة با ود ابو سن حساسين شديد وما بيغلطوا ابدا.. وبعدين يا بختكم نحن هنا في نص النهار وانتو الدنيا فللت عندكم وتستعدوا للفطور.. ودمت بالف خير
Post: #10 Title: Re: إعتذار للزملاء بكري أبو بكر ويوسف الموصلي Author: معاوية الزبير Date: 06-08-2017, 04:20 AM Parent: #9
Quote: أنا بصراحة ما بقدر علي الشوالِيّت ...
اسمها الشولات ياخ، شواليت شنو، راعي لناس كردفان ديل (تُقرأ كبر) بعدين الكسل في شنو؟ أمثال التلاته ديل تـُضرَب ليهم كبدةُ الإبلِ لهم المودة والله
Post: #11 Title: Re: إعتذار للزملاء بكري أبو بكر ويوسف الموصلي Author: يحي قباني Date: 06-08-2017, 04:36 AM Parent: #10
Quote: إعتذار للزملاء بكري أبو بكر ويوسف الموصلي وأُسامة الخواض
كان ( زملاء ) ما بعرف ...🙄 الأول سيد الموقع و التاني موسيقار فنان و التالت شاعر
الزمالة لقيتا وين 🤔
Post: #12 Title: Re: إعتذار للزملاء بكري أبو بكر ويوسف الموصلي Author: عبدالحفيظ ابوسن Date: 06-08-2017, 05:06 AM
دة ما الكلام زاتو يا بتي انا داير اعرفو غلط عمل شنو وهو بي عضمة لسانو قال بعتذر عشان غلط اها داير احكها معاهو وارقدوا في واطة الله دي يوريني عمل شنو الليلة شمعة استنارتي دي الا اوقدا فيهو . عندي امتحان استنارة وداير اكرب موضوعي اها يا ود عطبرة تعال ورينا ما تقوم تجي شايل فرارك وجاي كما قال قباني زمالتك دي فيها استجداء عاطفي لسيد الحوش يعني عشان ضربت الشية معاهو وسلخ ليكم الخروف ابان زيارتك طوال زملتو
Post: #13 Title: Re: إعتذار للزملاء بكري أبو بكر ويوسف الموصلي Author: محمد البشرى الخضر Date: 06-08-2017, 06:05 AM Parent: #12
يا ود اب سن كيف عايز تعرف غلطو؟ ما على يدك و انت حاضر في البوست الشليق بتاع جلّي الرجل اتهم الموصلي و الخوّاض بتحريض بكري على ايقاف حاتم وهذا ما اتضح لاحقا انه خطا حسب نفي بكري لمسالة الإيقاف وكدا
Post: #14 Title: Re: إعتذار للزملاء بكري أبو بكر ويوسف الموصلي Author: جلالدونا Date: 06-08-2017, 06:20 AM Parent: #13
ود الخدر البوست الشليق ده ادّى غردو تماماً مش سيد الحوش جا جارى و قال ما وقفّتو يبقى خلاص ... الموصلى براءة ده بوست مفتوح بى فهم مش زى بوستاتك مع زميلنا صلاح جادات و ام ضبيبينة الكديس و الفار المملة ديك و لا يوم الليلة ما فيهن بوست ظهرتلو نتيجة ___ يا حليلك يا ابو حسين شايف فى احتمال كشف عفو ح يطلع فى العيد يا ريت يشملو و نرتاح من ناس
Post: #15 Title: Re: إعتذار للزملاء بكري أبو بكر ويوسف الموصلي Author: امير بوب Date: 06-08-2017, 06:22 AM Parent: #13
يا ود المدير رغم افادة الباشمهندس بكري انو حاتم ما موقوف بس الراجل دا ما قادر يدخل المنبر حتي الان. بالباسوورد القديم. ... يبدو انو محتاج لباسوورد جديد و قد ناشدنا الباشمهندس بكري لحل هذه المشكلة و إعطاء الاخ حاتم باسوورد ، و ما زلنا في انتظار استجابة سيد الحوش. .... فيا خوي ما تستعجل في اعتذارك دا ، كان تخلّي المشكلة تنتهي و الراجل يُمكّن من الدخول.و تتضح الرؤية 😂 وبعد داك كلنا بنعتزر !!
تحياتي
Post: #17 Title: Re: إعتذار للزملاء بكري أبو بكر ويوسف الموصلي Author: أحمد محمد عمر Date: 06-08-2017, 07:46 AM Parent: #15
Quote: الليلة شمعة استنارتي دي الا اوقدا فيهو
ود اب سن يقوم من المرج يقع في الاستنارة .. والتي أفتى شيخ جمال ود القوز قدس الله سره ذات مرة بارتباطها بحل التكك والسراويل والانحراف الجنسي
Quote: هل الاستنارة دي إلا تكون مرتبطة بي حل التككـ والسراويل ... والتهليل للانفلات الأخلاقي والجنسي حتين تبقى استنارة .. ............. وليه الحرية يتم التغول عليها والإساءة لها .. من دعاة التفسخ الأخلاقي ودعاة الميول الجنسية المنحرفة .. تحت عباءة الاستنارة فهل مافي حرية مقننه ومنضبطة .. وهل الموضوع ده عنده أي علاقة باسقاطات نفسية وممارسات قديمة .. أو أي أرتباط بالنشأة والطفولة ومايحدث فيها كنوع من ردود الأفعال .. التي لايستطيع الواحد أن يبوح بها إلا في سن متاخرة .. بعد أن يكون قد حصل على الاستقلالية والحرية التي تمكنه .. من البوح عما يجيش ويعتمل بدواخله .. في شكل استنارات وخواطر منحرفة تاتي دايماً بعد سن معينة .. لانه شايف الناس البتتجرأ على القيم والتقاليد وبتحاول تكسر الحاجز ده .. بتكون دايماً في أعمار انكسرت فيها حدة الشهوة والميول الجنسية .. فهل للسن ارتباط بالممارسات الفكرية الاستنارية الزي دي .. لانه المفروض الانسان العادي والطبيعي وعند بلوغه سن معينة .. الاتجاه لمناحي فكرية أبعد ما تكون عن الترويج للجنس الفالت والاباحية .. فما هو الرابط بين الاستنارة والانحراف الجنسي ..
_____________ ملحوظة : تم حذف بعض العبارات من المقتبس على سبيل التدليس :)
Post: #16 Title: Re: إعتذار للزملاء بكري أبو بكر ويوسف الموصلي Author: Elmosley Date: 06-08-2017, 07:31 AM Parent: #8
كبر ازييكياخي شكرا ليك على توضيحاتك للكاونتربوينت في مرتع الجهل القوقلي لقد افحمت النقل المنظم المرتب المبهر وتخيل جلالدونا بديني حصة في الكاونتربوينت ياااااه ياحليلك يا بالسترينا يا الكنت سيد القهوة إنت طلعت فارغ ساكت واستايلك البتدرسو كل الكليات الموسيقية في العالم Strict Counterpoint طلع "ماسورة ساكت" على يد عبقري قوقل وبيتر مين كده والعقل الجمعي التابع ------------- يامعاوية احترامنا ليك ما اهتز و لا اشك فيما قاله لكم بكري فلم نعهد فيه الكذب لكن الدخلت منك وابوسن وجلالدونا تحديدا ما بتمرق بي ساهل انها جرح عميق جدا وغائر اما كورس النشاذ فلا يهمني كثيرا ولكن لا يهمني الموضوع كثيرا سواء ان تم اذهابه او لم يتم ولن اطالب بعودة شخص يطاردني كالشيطان في كل الاماكن خصوصا في صفحتي في الفيسبوك وفي المنبر أوقفته وقفلته في صفحتي فجاء هنا ملئيا بالحقد والغل الاعمي فافرغ ما افرغ وليس لي قدرة او طاقة نشاط لمتابعة صغار السن والعقل ------------ اعتذار للاخ احمد محمد عمر لانني وعدته بعدم الكتابة هنا والتفرغ لكتابة الكاونتروينت والتوتة الموسيقية "غير القوقلية" ولكنني اعده بان ذلك سيتم تدريجيا فارجو ان يتحمل ذلك وبقية المحبين والكمال لا ياتي مرة واحدة فانا في طريقي الى السودان غدا لاتفرغ لفني واعطيه وقتي وفي ذلك فلينظر المنظرون من القوقليين وغير القوقليين احييكم جميعا فالسلام لله
Post: #18 Title: Re: إعتذار للزملاء بكري أبو بكر ويوسف الموصلي Author: جلالدونا Date: 06-08-2017, 08:11 AM Parent: #16
و الله ثم والله يا موصلى لا بعرف الكاونتر بوينت ده شنو و لا ود عمتو المولدى بى رغم لغة الاستخفاف و خقرة الكبار برضو مجبور ارد عليك بى حبة الفهم العىدى بس حبيت اوضح لى اخونا كبّر وجهة نظر حاتم قلت كمان اجيب مثال لى كلامو النصيحة لى الله قوقلت و جنس الشغل الفى المثال ما موجود فى غنانا هو الزول بتعلّم كيف يعنى حكاية حصّة دى ما عارف جبتها من وين نجى للبوست المطبول حقارة الكبار جانا الخبر انو حاتم موقوف .. طيب و ده بعد مشاكسة فى بوست التكريم الايقاف الاول برضو بعد خلاف بيناتكم قرايتى للحاجات دى نتيجتا انو عندك يد فى ايقافو و لو صدق ظنى كتير من العضوية يمكن يكون عندهم الاحساس ده اول حاجة يسعدنى انو قرايتى طلعت علط و اسعدنى اكتر انك تحديداً بريئ من هذه التهمة الظالمة بس الفات عليك انو موضوع البوست كان بحث عن الحقيقة و يزيل اللبث عن كتير و الحمد لله بانت و لك العتبى حتى ترضى
Post: #19 Title: Re: إعتذار للزملاء بكري أبو بكر ويوسف الموصلي Author: MOHAMMED ELSHEIKH Date: 06-08-2017, 08:17 AM Parent: #16
افووووو
انا والله ماعندي خبر انو جنونني (جمع جنا وليس جن) العارفين نفسهم قاموا اتعارضو(طبعا ما ممكن يتطاولوا وكدى) على الموصلى كمان .(ابصلعة زولهم ماعندي بيهو شغلة) يعلم الله كنت بطحتهم وادبتهم. اكتر ماعجبني مداخلة في بوست بتاعت الكاونتر(ماعارف شنو كدي) مداخلة لاحد الزملاء انو دايما المسجون الجديد لمان يجي داخل يادوب وعشان يرهب الجماعة بيقوم يشوف اكتر واحد عاتي و يلصق لو بوكX عشان باقي القراف يخاف.
سلامي وتحياتي للجميع دون فرز
وعلى العموم اهي دي الحياة أحلى الطيور مقفولة في اقفاص حديد والحرة طايرة بلا شروط : غربان وبوم
Post: #20 Title: Re: إعتذار للزملاء بكري أبو بكر ويوسف الموصلي Author: عبدالحفيظ ابوسن Date: 06-08-2017, 08:34 AM Parent: #16
يا موصلي يا اخوي ياخ طول بالك انا اولا زعلان منك خليتني احبس بداية اغاني يوماتي اقلاها بدايتو راجي حلقتك يا حبيب مافي جرح ولا حاجة لكني اعتقد ان الود يسمح بتقدم الخطو نحو حميمية المداعبة والهظار افضل اصحابك من تداعبه وتنجضه وتمقلبه مع حفظ الود لا ار الامر حفل شواء آدمي عشان نكسب شنو مثلا لا اظن يا صاحب وتأكد واتحدث عن نفسي من احترمه واوده لن اصل لعلاقتي معه بالساهل فأنا شخص موسوس صعب الارضاء من رسخ عندي احتاج لاكثر من بوست حتي اتشكك فيه
Post: #21 Title: Re: إعتذار للزملاء بكري أبو بكر ويوسف الموصلي Author: أبوبكر عباس Date: 06-08-2017, 10:39 AM Parent: #20
سلام موصلي، كويس يا موصلي، كونك متابع وليس كما ادعيت، هل نفهم انك تتبنى كلام كبر؟
سلام يا زميل جلالدونا
Post: #22 Title: Re: إعتذار للزملاء بكري أبو بكر ويوسف الموصلي Author: امير بوب Date: 06-08-2017, 12:42 PM Parent: #21
يا مستنير يا معاط !😂😂 .... عليك الله يا مستنير خليك قريب من بوست الكاونتربوينت عشان تتابع ردود الاخ حاتم علي الاخ كبر . ... بما انو الاخ حاتم لسه ما قادر يدخل المنبر ... ولسه في انتظار الباسوورد الجديد ﺍﺫﺍً. لحين عودة حاتم ... فسوف أقوم بنقل ردوده علي الاخ كبر ... و ذلك إحقاقاً للحق ثم ... غلاسة ساي كدا 😜
تعال لينا بهناك بالله ... و معك آخرون !!
Post: #23 Title: Re: إعتذار للزملاء بكري أبو بكر ويوسف الموصلي Author: قسم الفضيل مضوي محمد Date: 06-08-2017, 03:37 PM Parent: #22
Post: #24 Title: Re: إعتذار للزملاء بكري أبو بكر ويوسف الموصلي Author: عزالدين عباس الفحل Date: 06-08-2017, 05:53 PM Parent: #23
اخوي قسم الفضيل مضوي سلام . ورمضان كريم. و كل سنة و انت طيب ياخي بمناسبة النجم الصاعد الشاهق بتاع ود المدير دا وزي ما انت شايف و عارف ياخي ممكن تلبسوا لينا ود المدير لابسة خليجية بس يكون لابس سفنجة سودانية و ممكن تدخل فيها الديكور المناسب من الحمير و الجداول ذات الخرير و نهديها لعشاق و محبي ود المدير في كل العالم من كندا الي اتبرا عسي و لعل يخش لينا البرلمان و يملأ لينا القيزان
*** مداخلة علي عجل.
عزالدين عباس الفحل ابوظبي
Post: #25 Title: Re: إعتذار للزملاء بكري أبو بكر ويوسف الموصلي Author: Kabar Date: 06-08-2017, 06:46 PM Parent: #24
صديقنا واستاذنا الموصلي..حبابك كتر خيرك يا صاحب..ونحن لم نفعل شئ سوى الواجب في مواجهة التستطيح.. يقيني ان هناك شباب كثر من اهل الموسيقى في السودان يتابعون الخيط..ومؤكد سيحدث تشويش كبير في المفاهيم ، خصوصا في ناشئة الموسيقى في السودان (ضحايا التعريب ممن لم تتاح لهم الفرصة للقراءة بلغات اخرى كألإنجليزية مثلا)..يعني اجيال ممكن تتأثر بالمفاهيم الخاطئة وتعتبرها صحيحة.. وسوف نواصل...
كبر
Post: #26 Title: Re: إعتذار للزملاء بكري أبو بكر ويوسف الموصلي Author: Kabar Date: 06-08-2017, 06:47 PM Parent: #25
Post: #27 Title: Re: إعتذار للزملاء بكري أبو بكر ويوسف الموصلي Author: عبدالحفيظ ابوسن Date: 06-08-2017, 07:02 PM Parent: #26
افوووو يا احمد جابت ليها حلل تكك ومرج هدا طرفي من الاستنارة وشمعة استنارتي دي بختها في جلال و ود المدير جمل شيل وبحملو وبشيلو فوق الدبر والدم ما بتسوي ليهم الحبة نحن الغنا دة بنتكيف ليهو بس انتو ادرسو واتثقفو ونحن بنكرب السمع زى قباني
Post: #28 Title: Re: إعتذار للزملاء بكري أبو بكر ويوسف الموصلي Author: جمال ود القوز Date: 06-08-2017, 07:55 PM Parent: #27
Quote:
Quote: ود اب سن يقوم من المرج يقع في الاستنارة .. والتي أفتى شيخ جمال ود القوز قدس الله سره ذات مرة بارتباطها بحل التكك والسراويل والانحراف الجنسي
Quote: هل الاستنارة دي إلا تكون مرتبطة بي حل التككـ والسراويل ... والتهليل للانفلات الأخلاقي والجنسي حتين تبقى استنارة .. ............. وليه الحرية يتم التغول عليها والإساءة لها .. من دعاة التفسخ الأخلاقي ودعاة الميول الجنسية المنحرفة .. تحت عباءة الاستنارة فهل مافي حرية مقننه ومنضبطة .. وهل الموضوع ده عنده أي علاقة باسقاطات نفسية وممارسات قديمة .. أو أي أرتباط بالنشأة والطفولة ومايحدث فيها كنوع من ردود الأفعال .. التي لايستطيع الواحد أن يبوح بها إلا في سن متاخرة .. بعد أن يكون قد حصل على الاستقلالية والحرية التي تمكنه .. من البوح عما يجيش ويعتمل بدواخله .. في شكل استنارات وخواطر منحرفة تاتي دايماً بعد سن معينة .. لانه شايف الناس البتتجرأ على القيم والتقاليد وبتحاول تكسر الحاجز ده .. بتكون دايماً في أعمار انكسرت فيها حدة الشهوة والميول الجنسية .. فهل للسن ارتباط بالممارسات الفكرية الاستنارية الزي دي .. لانه المفروض الانسان العادي والطبيعي وعند بلوغه سن معينة .. الاتجاه لمناحي فكرية أبعد ما تكون عن الترويج للجنس الفالت والاباحية .. فما هو الرابط بين الاستنارة والانحراف الجنسي ..
Quote: ملحوظة : تم حذف بعض العبارات من المقتبس على سبيل التدليس :)
هههههههه .. والله قدس الله سرك اتا ده .. يا أبوحميد .. طلعت زول ما ساهل .. والله صحي ياقول بشاري .. غايتو أنا من زمان مستنيري المفضل في المنبر .. المستنير / حافظ بشير .. لكن وخاتك من يوم الليلة وبعد حركتك الرهيبة دي .. أنا وضغتك معاهو مستنير أول مكرر ..
ود أب سن بأخ شن قدرو على الاستنارة أم مرج دي .. خخخخخ .. هو يشجع اللعبة الحلوة من بعيد لي بعيد .. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ انت مشيت نكت الكلام ده من وين يا شقي .. ..
رمضانك مبارك يا أحمد محمد عمر إتا .. وود أبو سن وأخونا وحبيبنا حافظ بشير .. .. وتصوموا وتفطروا على خير .. مع أكيد محبتي لكم .. ود أبو سن ده عارف محبتي ليهو من زمن .. لكن فلتعلم أنت وحافظ محبتي الأكيدة .. دمتم .. والله ضحكتني شديد .. بالذات ربطك للاستنارة القديمة بالمرج الذي أتى لاحقا .. هههههههه .. وان كانت الاستنارة لاحقا لاتعدمة بس بمسميات أكثر ايغالا وشفافية .. خخخخ .. حقوق الـ خخخخخخخ ... محفوظة لحبيبنا طلحة عشان استلفنا أدةات تعبيره .. رمضان مبارك عليك يا طلحة يا أخوي ..
أأأأأأأيه دنيا ..... يوم تفرّح ويوم تبكّي .. دواره وبت لذينا .. قدر ما كنت زعلان قبل ساعات هسه مبسوط .. اللهم ارحمنا برحمتكـ يا حنان يا منان يا قديم الاحسان ..
Post: #29 Title: Re: إعتذار للزملاء بكري أبو بكر ويوسف الموصلي Author: عبدالعزيز الفاضلابى Date: 06-08-2017, 08:11 PM Parent: #28
Quote: وانتو الدنيا فللت عندكم
حولاااا يابسمات الكلمة دى نَكتِّيها من وين؟ لى اكتر من خمسة وعشرين سنة ما سمعتها. انا ما كنت قايل بنات حى السودنة الراقى بنضموا زى نضمينا نحن ولاد الضواحى ,, الله يديك العافية وتحياتى للجميلة اميرة وقولى ليها عرفنا الجعليين راسن قوى هى حلفاوية قوة الراس دى جابتا من وين؟ ولَّ آآآه خالها مو صدام حسين الله يرحمه.
Post: #30 Title: Re: إعتذار للزملاء بكري أبو بكر ويوسف الموصلي Author: جمال ود القوز Date: 06-08-2017, 09:41 PM Parent: #29
يا فاضلابي بسمات دي موديل حديث .. الليل يفلل دي تقريبا قالا ود أب سن لو أنا ما غلطان .. والله قبل كده أبديت دهشتي من كلمة الليل يفلل دي .. لاني كنت بسمعا من ناسنا الكبار .. حلاة الدنيا على المفردة دي يأخ ..
كان تعرف شنو البحصل لي ....
Post: #31 Title: Re: إعتذار للزملاء بكري أبو بكر ويوسف الموصلي Author: Basamat Alsheikh Date: 06-09-2017, 00:30 AM Parent: #30
ود الفاضلاب الدنيا فللت دي لقطتها من ود ابو سن...لكن لعلمك الكلمة دي ما غريبة علينا انت نسيت انا عطبراوية...وحكاية البرجزة دي واللصقتها فينا اميرة بت السيد دي مظاهر خارجية بس ..لكن والله جواي بدوية قروية ريفية وبحب جو القرى والريف ...ويا ما استمتعنا بحكاويكم وحكاوي ود البوش وود شيقوق وبلة ود فداسي وود الطيب في بوست بت السيد الناس السمحين.... وبرضه بقول ليك ان بت السيد راسها ما قوي لكن الشتيمة اللقتها في المنبر العام ما حاجة ساهلة، وهي حلفت ما تكتب تاني...ومرة واحدة دخلت عشان تعزي في المرحوم كباشي الصافي وصامت ثلاثة ايام عشان كسرت الحليفة...وهي متابعة مواضيع سودانيز اون لاين خطوة بخطوة.. ..وهي قبل ما تقيف من الكتابة كانت بتستعد لترجمة كتاب المملكة لكنها الان تركت المهمة للمسنوحة امتثال التي لا تمتثل لكلام احد... و د مت بالف خير وصحة وعافية
Post: #32 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-09-2017, 04:02 AM Parent: #31
Post: #33 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-09-2017, 04:06 AM Parent: #32
Quote: فقع الكلام ورينا عملت شنو عشان نفهم اعتذرت من شنو انا برة الشبكة
برّة الشبكة كيف يعني وإنت كانكيّج بشنبات !، إنت قايلني انا مشرّك لزرازيّر هنا ما لي سمك ...
Post: #34 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-09-2017, 04:38 AM Parent: #33
Quote: بالضبطي ورينا غلطت مع اللزملاء الاعزاء بكري الموصلي الخواض في شنو بدون لولوة رش لينا الكلام خلينا نكرب الموضوع الواطة فللت لينا
إنت الجايبك تدبي بي فلليّل شنو ؟. الجماعة ديّل أنا باقي تهمتهم بأنهم تأمروا علي الزميل حاتم زول الزُنبارة، لكن الريس بكري أتى بتوضيح مفاده أنه لا علآقة له بإيقاف الزميل حاتم وربما يكون حاتم عنده مشكلة في كلمة السر حالت دون دخوله للمنبر . أها، إرتِحتَ !...
Post: #35 Title: Re: إعتذار للزملاء بكري أبو بكر ويوسف الموصلي Author: جلالدونا Date: 06-09-2017, 04:50 AM Parent: #34
لالا .. حاتم ما عندو مشكلة مع كلمة السر لانو كلمة السر اصلاً ما شغالة سجن سجن غرامة غرامة
Post: #36 Title: Re: إعتذار للزملاء بكري أبو بكر ويوسف الموصلي Author: حاتم إبراهيم Date: 06-09-2017, 07:41 AM Parent: #16
Quote: لن احقق حلم الديوك الاليكترونية في الدخول معها في حوار طرشان ولن ادع اي فرصة لشجرة لبلاب ما كي تتسلق الحوائط العالية صدقت فيما اقترحت وانا الحقيقة لم اقرأ ذلك البوست متعمدا لانه فارغ مقدما في وجهة نظري لذا اشكرك على تنبيهي ان ابو بكر حاول ابداء وجهة نظره بامانة فلاقى ما لاقى المصدر : Re: القاهرة تكرم الفنان يوسف الموصلي - فيديو -Re: القاهرة تكرم الفنان يوسف الموصلي - فيديو -
Quote: حبيبنا احمد والله انا البوست بتاع الراجل ده تجنبت قراءته تماما ولا اعلم ماذا يدور فيه وكما ترى فانني كنت منهكما في رد التحية على من هم يبادلونني المحبة في بوست تكريمي هذا وفجأة وجدت جمع من الاخوان يلومونني عاى عدم الحضور الى الىبوست "الشوائي ذاك" وعدم الرد فيه وبعضهم اشار بصراحة الى انني "دعي" ومدعي فوحياة اولادي انا لم اكلف نفسي النظر الى البوست المعني ذاك ولم ارد أن اصيب رأسي بداء الفارغة ------------------------- لم اشر باي اسم ولن اشير لم اعرف بانه قد تم ايقافه الا منك ولا اشعر باي سعادة بذلك ليس بيني وبين بكري اي تواصل منذ تمد طويل جدا ولكنني قد اعذر بكري فيما فعل افتح بوست تكريمي هذا ستجد أن الرجل جاء فيه بلا تعليق مع ابتسامته الخضراء الباهتة تلك فلم اعره اهتماما وحذره البعض في بوست اخر لي خاص بمصر بالابتعاد عن مشاكستي والتهكم تحديدا عليش وبعد كل هذاذهب وفتح حفلته الشوائية تلك التي لم اقراء فيها حرفا لانني لم افتحها من الاصل براهم الجماعة جابو الشمار واللوم المصدر : Re: القاهرة تكرم الفنان يوسف الموصلي - فيديو -Re: القاهرة تكرم الفنان يوسف الموصلي - فيديو -
Quote: ولكن لا يهمني الموضوع كثيرا سواء ان تم اذهابه او لم يتم ولن اطالب بعودة شخص يطاردني كالشيطان في كل الاماكن خصوصا في صفحتي في الفيسبوك وفي المنبر أوقفته وقفلته في صفحتي فجاء هنا ملئيا بالحقد والغل الاعمي فافرغ ما افرغ وليس لي قدرة او طاقة نشاط لمتابعة صغار السن والعقل المصدر : Re: إعتذار للزملاء بكري أبو بكر ويوسف الموصليRe: إعتذار للزملاء بكري أبو بكر ويوسف الموصلي
قلت لي منهمك إلا (فجأة) جابوا ليك الخبر هههه يا راجل قول حاجة تانية نحنا عارفينها
تراكا متاااابع نوم مافي مش؟ واشريري!
تعال يا كبرونا وشوف لينا التمثيلية فيها (Dramatic Affection) ولا كيف!
ما هو شوف يا يوسف، لو النصيحة ما مرقتك الكضب ما بيمرقك، قبيل لما شتمتني واتهمتني أنا اتحملت ودلوقتي حدي معاك تجي تجاوب على أسئلتي الزمان ديك، متذكرها طبعاً، ما تحاول تقنعني إنك ما قريتها.
الله ينعل الشيطان، دخل بيناتنا، وقعد يطاردنا واحد واحد، بس المعاك دا حاتم بنانا، ما شيطان، انت الظاهر ما اترحمنت عشان كدة شيطانك مرق بيك مسافة سنة ضوئية لمن بقيت تنشاف أيقونة ايقونة، على قول كبر، الملخبط الإيقاع بالميلودي والتنغيم بالمثلثات.
داير أقول شنو، أنا كمان جيت هنا اعتذر على الغياب حق الأربعة يوم الفاتن، قلت احتمال تكون اشتقت للبوستات بتاعتي.
______ ياخي أذكرك، انت نسيت بوست تكريمك ولا شنو؟ أكرموني ولا تحرموني سنة الإسلام السلام
Post: #37 Title: Re: إعتذار للزملاء بكري أبو بكر ويوسف الموصلي Author: Munir Date: 06-09-2017, 10:42 AM Parent: #36
بصراحة اليومين ديل من شدة الكسل السودانى العجيب بقيت زوول لايكات ساى .. حايم فى الفيس فوق كراع كلب وأشيل وأوزع فى اللايكات .. أتارى السودانيين برة الحوش ده يطلقوا الضهر من شدة الظرافة والوعى وخفة الدم .. أها هسة جيت دخلت البوست شايل لايكاتى وقلت أوزع شوية لقيت الشغلانة "ملفك عدل رد" بدلاً عن "share comment like" ووجدت أنى طاشى من الدرب ..
غايتو من العينة الكنت عايز أليّكها عبارة صاحبى عزالدين الفحل :"أشواقى المترعة بالعسل" !! ياسلام ياخ .. دائماً تطربنى عبارات ودالفحل الأدبية حينما ينداح بفن التعبير اللغوى البلاغى .. :)
Post: #38 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-09-2017, 12:52 PM Parent: #37
Quote: غايتو من العينة الكنت عايز أليّكها عبارة صاحبى عزالدين الفحل :"أشواقى المترعة بالعسل" !! ياسلام ياخ .. دائماً تطربنى عبارات ودالفحل الأدبية حينما ينداح بفن التعبير
هههههههههههههههههههههههه،
تِترّع أُم تكشو، قول آمين ...
Post: #39 Title: Re: إعتذار للزملاء بكري أبو بكر ويوسف الموصلي Author: حاتم إبراهيم Date: 06-10-2017, 07:09 AM Parent: #1
هسع البوست دا موقفه شنو؟ فلقد ثبت بالدليل القاطع والبرهان الساطع إنو حاتم المجرم كان عامل تمثيلية
لكن فجأة تم تبرئة ساحته وتم التوصل لتسوية فالاعتذار البقى ماعندو سيد دا مش حقو نقدمه للفقراء والمساكين في هذا الشهر الفضيل؟
Post: #40 Title: Re: إعتذار للزملاء بكري أبو بكر ويوسف الموصلي Author: عزالدين عباس الفحل Date: 06-10-2017, 08:54 AM Parent: #39
سلام الحبيب منير عبدالرحيم كل سنة و انت طيب والاسرة الكريمة شكرا علي الثناء والأطراء. وهذه شهادة من قامة. ونرجع لود المدير. ام تكشو دي شنو ؟ اي نوع من الآيس كريم ؟ امكن تكون وجبة دسمة من ال KFC او هي ضاحية في اتبرا ؟ نحن اولاد العاصمة ياخي
*** مداخلة من الآيفون علي عجل.
عزالدين عباس الفحل ابوظبي
Post: #41 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 11:52 AM Parent: #40
Quote: أشواقي المترعة ، بالعسل ، ***
رشفناها جت يا عسل، ثمّ والشوق لك أطنان ...
Post: #42 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 11:54 AM Parent: #41
Post: #43 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 12:10 PM Parent: #42
Quote: اسامة ويوسف ، مهما اختلفنا معاهم..لكن لينا القدرة على ان نحفظ ليهم حقهم في صناعة مشهد سوداني يتسرب بين أيدينا بفعل حاجات كتيرة يااااااااااااااخ..!! كتر خيرك يا معاوية..وكن هكذا دوما يا صديقي..! الدنيا رمضان..وما تعصر علي اجيب ليك شعر نهي الكباشي..!!
وكذلك نحفظ لهم المودة دوماً، رمضان كريم يا صاحب . مشكور علي أُم سماح يأخ، أما بِنية الكباشي فمصيري أرجع عشان أتم البوست . الكاونتر بوينت، قعدت مع الصديق الأُستاذ عمر منصور وتحدثت معه مستفسراً وكعهده جلس وتحدث لي بكل أريحية وتواضع حديث العارف الذي يملك مفاتيح العلم اللدُني في المزيكا، واستمتعت جد بشرحه الوافي والمستفيض، ولم يفُت عليه ان يوضح لي دور الموصلي في الموسيقى السودانية وخاصةً الدور الكبير الذي بذله في حِتة الكاونتر بوينت . هذا نقل لشهادة العارف ببواطن المزيكا الصديق الجميل عمر منصور ...
Post: #44 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 12:14 PM Parent: #43
Quote: انت يا ود ابو سن بتصدق ان ود المدير ود عطبرة بيغلط ليهو على زول، ناهيك عن الباشمهندس صاحب الحوش الكبير وصاحب الحوش الزارع فيه شجرة القريب فروت والاستضاف فيه ود المدير ...ناس عطبرة با ود ابو سن حساسين شديد وما بيغلطوا ابدا.. وبعدين يا بختكم نحن هنا في نص النهار وانتو الدنيا فللت عندكم وتستعدوا للفطور..
شكراً بنتنا بسمات، ؤ لا تنسي تخُتي تحيتي المعطرة بين يدي اميرة اللميرة وإمتثال ...
Post: #45 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 12:19 PM Parent: #44
Quote: اسمها الشولات ياخ، شواليت شنو، راعي لناس كردفان ديل (تُقرأ كبر) بعدين الكسل في شنو؟ أمثال التلاته ديل تـُضرَب ليهم كبدةُ الإبلِ لهم المودة والله
يأخي إن شاء الله إنت تبقى طيّب ؤ تجي تزور أهلك في حِلة الفلآليّت ؤ نقعد معاك فوق عِرق الحرازة ؤ نوقعلك النضمي، إنت اوّل شِن عرّفك ؟. كبدة البِل ؤ معاها سنام كمان هؤلاء الزملاء يستاهلون طبعاً ...
Post: #46 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 12:24 PM Parent: #45
Quote: كان ( زملاء ) ما بعرف ...🙄 الأول سيد الموقع و التاني موسيقار فنان و التالت شاعر الزمالة لقيتا وين 🤔
ما زمالة حوش، إنت قايلآ زمالة طِب واللآ شنو !...
Post: #47 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 12:29 PM Parent: #46
Quote: يا ود اب سن كيف عايز تعرف غلطو؟ ما على يدك و انت حاضر في البوست الشليق بتاع جلّي الرجل اتهم الموصلي و الخوّاض بتحريض بكري على ايقاف حاتم وهذا ما اتضح لاحقا انه خطا حسب نفي بكري لمسالة الإيقاف وكدا
معليش يا ود البشرى يأخ، أمسحا لينا في ايّ حِتّة، وآسف إذ جعلتك تتجشم مشقة الرد علي هذا المِتلقي حِجج ...
Post: #48 Title: Re: إعتذار للزملاء بكري أبو بكر ويوسف الموصلي Author: عبدالحفيظ ابوسن Date: 06-10-2017, 12:36 PM Parent: #47
الزمن دة البقول النصيحة يخت فرارو جمبو انا بستفسر عن الحاصل تعتذر فوق ام كم واتا زاتك دواس ماحقك خاشي مالك انا بشكل مبدئي ضد ايقاف او حذف اي شخص اي زول وقفوهو انا متضامن معاهو اها علي يدي كيف الموضوع لعبة قردية
Post: #49 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-10-2017, 12:36 PM Parent: #47
Quote: فيا خوي ما تستعجل في اعتذارك دا ، كان تخلّي المشكلة تنتهي و الراجل يُمكّن من الدخول.و تتضح الرؤية 😂 وبعد داك كلنا بنعتزر !!
هههههههههههههههههههه،
يا امير قالوا، جحا طلع التمرة بنعلآتو، قالولو، يا جحا مالك طالع بنعلآتك ؟. قالهم، يمكن تجي سفرة علي هوا .
أها، أنا من جحا دا إتعلمت الحوآطة ؤ قدمت إعتذار لحاتم في مداخلتي اللُوّلة تحسُباً لوقوع كلآمك القلتو، لكن صاحب الحوش تبرع بعِدة كرت كرتونة ؤ حاتم جاب زُمبارتو ؤ جا، دحين يأخوي تعال إعتذر بِسراعك ...
Post: #50 Title: Re: إعتذار للزملاء بكري أبو بكر ويوسف الموصلي Author: امير بوب Date: 06-10-2017, 03:13 PM Parent: #49
سلام ود المدير والله لاكين لقيتك حويط !! خلاس ما دام الجنا أب زُمبارة جا و بدا يزمبر تاني و رغم اني فقط توجّهت بالسؤال مستفسراً لا متّهِماً إلا انني من بوستك دا كمان بقدم إعتزار لسيد الحوش و للموصلي علي الربط ما بين غياب حاتم و ان يكون للموصلي يد فيها هذه المرة ! ... يا موصلي دا اعتزار رسمي عن الجزئية دي بس لاكين باقي الحاجات زي ما هي و شكلتنا في محلها ! ابقي مارق تعال لينا في بوست كاونتربوينت 😂 ...
تحياتي ود المدير و ضيوفك.
Post: #51 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-11-2017, 12:30 PM Parent: #50
Quote: يامعاوية احترامنا ليك ما اهتز و لا اشك فيما قاله لكم بكري فلم نعهد فيه الكذب لكن الدخلت منك وابوسن وجلالدونا تحديدا ما بتمرق بي ساهل انها جرح عميق جدا وغائر .
حياك الغمام يا موصلي . هذا عتاب مؤلم وعميق يا رجل، فكأنك تقول لنا كما قال طرفة بن العبد، وظلم ذوي القربى اشدّ مضاضةً علي النفس من وقع الحسام المهنّد لك ألف عُذر وعُذر ونتركك والدخلت منا للزمن فهو كفيل بمسحها حيث مسحها من سيدنا يعقوب، فالذي دخلته من أبناءه بفجيعتهم إياه في يوسف جعلته لا يستغفر لهم بل يقول لهم، سوف استغفر لكم، أي أتركوني في هذه اللحظة حتي تهدأ نفسي من الفجيعة التي دخلتها، نحن نتركك علي أمل أن نلتقيك ونأخذ العفو منك مباشرة . ثق أننا سوف نحتفظ بالمقام الذي وضعتنا فيه ولك محبتي ...
Post: #52 Title: Re: إعتذار للزملاء بكري أبو بكر ويوسف الموصلي Author: Elmosley Date: 06-11-2017, 03:25 PM Parent: #51
عزيزي معاوية شكرا لكلامك وشكرا اكثر لانك تأكدت من أحد طلابي النجباء عن العلاقة الوثيقة بين الموصلي والكاونتربوينت لا اشعر باي كراهية تجاه اي احد بمافي ذلك حاتم ولكنني عائد الى عملي ومن حق الجميع ان ينتقدوا كما يشاء لهم النقد ماكان يجب علي من البداية ان ادخل في حوار لا يؤدي الى شئ نصحية الصديق احمد عمر من اغلى النصائح وانصعها بياضا فله ولكم الشكر ونحتفظ للجميع بالاحترام وبلا استثناء بعد الان ستلتقون بي مع شباب الفنانين والفنانات نعطيهم بعض مما حبانا الله به من علم وفن
Post: #53 Title: Re: إعتذار للزملاء بكري أبو بكر ويوسف الموصلي Author: حاتم إبراهيم Date: 06-11-2017, 04:10 PM Parent: #1
Quote: بعد الان ستلتقون بي مع شباب الفنانين والفنانات نعطيهم بعض مما حبانا الله به من علم وفن
Funny!
بالله التقول مستر بين.
Post: #54 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-12-2017, 02:59 AM Parent: #53
Quote: انا والله ماعندي خبر انو جنونني (جمع جنا وليس جن) العارفين نفسهم قاموا اتعارضو(طبعا ما ممكن يتطاولوا وكدى) على الموصلى كمان .
يا قريبي حصل خير، تسرعنا في حكمنا ؤ غلِتنا ثم جينا طالبين السماح ...
Post: #55 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-12-2017, 03:27 AM Parent: #54
Quote: سلام يا زميل جلالدونا
السلميّة التوضِبك ...
Post: #56 Title: Re: إعتذار للزملاء بكري أبو بكر ويوسف الموصلي Author: معاوية المدير Date: 06-12-2017, 03:30 AM Parent: #55
..
.. 
