بالدليل والبرهان حاويات المخدارت تخص الحكومة السودانية

عشان ما كل مرة يغشوكم ب "نجحنا" في القبض على حاوية مخدرات وانتو تفرحوا وتتبسطوا وتقولوا البلد في امان.. ايها الشعب السوداني الفضل.. اسمعوا وعوا 👇👇👇

حاوية مخدرات جديدة*

رمضان كريم والشعب السوداني الحزين يستقبل الشهر الفضيل بحاوية " مخدرات " جديدة مجهولة المصدر" كالعادة .
والمصدر المجهول .. المرة دي دخل 700 ألف حبة مخدرة في شحنة تفاح .. والمصدر المجهول قسم الحبوب في 100 ألف كيس ووزع الأكياس في صناديق التفاح .. وزيادة في التمويه دخل الحاوية في نص 18 حاوية تانية .. لكن بي قدرة قادر ناس المكافحة عرفوها .. واتمسكت .
طبعا الكلام الفوق دا اتقال في مؤتمر صحفي عشان يقنعوك إنو البلد دي فيها حكومة .. وطبعا دا كلام فارغ وضحك علي العقول .
*السيد مدير مكافحة المخدرات* ..
في البداية عايز أقول ليك إنتو مجرد صعاليق والله.. وكلكم تجار مخدرات وفاقد تربوي .. ركز معاي
كل مرة بتحصل نفس العملية .. تدخل حاوية مخدرات مجهولة المصدر وتقيد ضد مجهول
طيب ليه ما بتتعلم وتغير من طريقتك .. يعني أبسط حاجه المعلومة وصلتك إنو في حاوية مخدرات المفروض ما تستعجل وتقبض عليها .. راقب الحاوية وخليها تتخلص وتطلع من الميناء وبعدين بي كل سهولة بتعرف وراها منو .. وممكن في خمسة دقايق تمسك التاجر وهو متلبس
لكن .. إنت ما عملتا كدا .. ليه !!
لأنو ببساطة .. انت عارف التاجر .. وعشان ما يتورط .. مافي حل غير إنك تكشف العملية للصحافة وبي كدا تكون حرقتا أي كرت ضد التاجر .. وبعد الجرايد والصحافة تتكلم كم يوم .. تفك الشحنة في السوق .
تانيا ..

*السيد مدير عام الجمارك* ..
لو ما قلة أدب منك وصعلقة من المعاك .. هل يعقل إنو حاوية تركب البحر بدون شهادة منشأ أو بوليصة شحن أو حتى شهادة وارد
كل المستندات دي فيها بيانات المرسل والمستقبل والمستلم .. الإسم والعنوان ورقم الإيصال .
لو الحاجات دي ما متوفرة .. مستحيل حاوية تتشحن في سفينة أو باخرة .. يلا هنا في لعبة بينكم انتو وتجار المخدرات .
بالعربي البسيط .. التاجر هو الحكومة السودانية .. بدون شك .
ولو عايزني أثبت ليك .. جدا .
أنا أسي بتحداك .. تطلع شهادة الوارد وبوليصة التخليص الجمركي بتاعت الحاوية للإعلام .
ركز معاي والدنيا رمضان .. أقسم بالله العظيم أرجل ضابط في إدارة الجمارك .. وأرجل راجل في موانئ بورسودان .. وأرجل عسكري في مكافحة المخدرات .. ما يطلع أي معلومة عن الحاوية دي .

وأنا بتحدي أي موظف حكومي أو صحفي محترم يقدر يطلع معلومة أو اسم أو حتى يتكلم عن الموضوع في الأيام الجاية .
الموضوع بسيط .. أدونا رقم الحاوية .. بندخل النت وبنجيب كل البيانات المتعلقة بيها .. لكن مستحيل تعملوا كدا .

يا مواطن .. خليك عارف انو أي حاوية في الدنيا دي لازم يكون عندها جواز سفر .. وجواز السفر حقها هو شهادة المنشأ وبوليصة التخليص .
ولو في راجل في الحكومة دي يفتح خشمو ويقول اسم الزول الجاية ليهو الحاوية .
أو بكرة بتلقوا الحبوب دي في جيوب أولادكم .. وبناتكم .
وطبعا واضح انو أولادكم ما بهموكم .
آخر حاجة ..
بتحدى السادة وزارة العدل .. والسيد وكيل نيابة بورسودان إنكم تصوروا إبادة المعروضات وتعملوا ليها توثيق .
ما بتقدروا .. فلاحتكم في ستات الشاي .. وشفع الدرداقات .
#كلكم_معفنين
!!!!!!!!!

*