والله انا ما فاهمة حاجة... ومنذ وقت طويل وانا بقرأ اعضاء المنبر بيتكلموا عن الفريق حميدتي وعاوزة اعرف منو هو الفريق حميدتي؟؟ ومنصبه شنو؟ وليه سميتوهو حميدتي؟؟ ادينا معلومات كافية ووافية عشان ما نكون مسطحات ساكت ونحن بنقرا الاخبار البتتكلموا فيها عن الفريق حميدتي...مين حميدتي ده؟؟ وعمل شنو عشان يدوهو الدكتوراة الفخرية
حسب رواية الزول ده انه كان مواطن عادى ماعنده علاقة بالحكومة. بعد الاعتداء على اهله وقتلهم لنهب تجارتهم وقفل طريق ليبيا ومصر فى وجههم اوغرت صدورهم فلجأوا الى التعاون مع الحكومة ,, يعنى ناس الحركات المسلحة سعوا ليهم اعداء بدون سبب ,, وقتلوا اناس ابرياء وجلبوا العداوة لانفسهم مع ناس كان ممكن يكونوا على الحياد. والآن ناس الحركات المسلحة يشتكون من قوات حميدتى على طريقة ضربنى وبكى وسبقنى اشتكى. مالفرق بين الحركات والحكومة ,, عشان كده قلنا هذه الحرب لاطائل من ورائها يجنيه الشعب السودانى فحتى لو ازيلت الحكومة من اكبر راس فيها وحتى اصغر راس تبقى الضغائن بين مكونات الشعب السودانى كما فى مثال حميدتى هذا ,, تلك الضغائن هى جذوة النار تحت الرماد توقدها اقل ريح تمر عليها.
شكرا كتير ود الفاضلاب على المعلومة ورمضان كريم وكل سة وانتو طيبين..
يعني يا ابو الزهور مش كنت تكتب اسمه بالكامل : محمد حمدان حميدتي ، قائد قوات الدعم السريع.. .. وهل قوات الدعم السريع تابعو للقوات المسلحة السودانية ولا مليشيات للمؤتمر الوطني... لاني بسمع انو في جيشين في السودان: جيش الحكومة ، و جيش تاني عبارة عن مليشيات الحزب الحاكم