بإختصار --- اسرار مافى، غناء مافى

05:57 PM May, 30 2017

سودانيز اون لاين
أبوذر بابكر-
مكتبتى
رابط مختصر

ما عارف شنو ارتباط رمضان بهوجة الغناء المبهول فى القنوات الفضائية والإذاعات المسموعة

ولو اخدنا برنامج اغانى واغانى نموذج للانبهال الحاصل
نلقاهو عبارة عن اجترار مكرر لاغانى الغير بطريقة سمجة ومنفرة كمان
ولغاية اللحظة أتحدى كائن من كان يورينا ويفيدنا ب مغزى وهدف البرنامج ده

طيب
خلاص لو استسلمنا لقدر فرضه علينا واجبارنا على السمع والشوف والطاعة

ما بنلقى غير خلطة كعبة من تشويه ايقونات غانا السمح مع أصوات باهتة ومسطحة وأداء مغلوط ومجاملات بدون معنى

حتى لو سلمنا بكل ده
ما بتقول غير أنه طالما الموضوع عبارة عن ترديد اغانى الغير ومجهودات الغير سواء الشعراء او الملحنين او المغنيين وغابت أسرار بابكر وصوت أسرار وأداء أسرار وحضور اسرار

فيبقى مافى غناء

أسرار هى الامتداد الحقيقى لطرب الصوت النسائى
الامتداد الحقيقى لمنى الخير وفاطمة الحاج وأم بلينه السنوسى وبلابل طلاسم

وما عدا ذلك فهو إلغثاء الاحوى

والله كريم علينا