معاوية عبيد الصائم وفرح ابوروضة واخرون العفو والعافية

05:03 PM May, 26 2017

سودانيز اون لاين
محمد المسلمي-
مكتبتى
رابط مختصر

الإخوة. الزملاء. في سودانيز اولاين. واخص. معاوية عبيد وفرح ابوروضة واخرون

ان كنت اخطات عليكم أرجو العفو وانت كُنتُم أخطأتم علي. فأنا اعفو عنكم. لله

اللهم. اشهد أني. اعفو عن كل. من ظلمني
واطلب العفو عن كل من ظلمته هنا ولا اعلمه

بوست. مخصص. للعفو الصريح. والاعتذار الواضح

Quote: بوست. مخصص. للعفو الصريح. والاعتذار الواضح

تحياتى اخى / محمد المسلمى والشهر مبارك على الجميع وشكرا لابتدارك العفو والمعافاه

ونحن على اعتاب الشهر الفضيل ياريت النفوس تتصافى من اجل رمضان ولا شئ غيره .
تحياتى لكم جميعا بحلول شهر رمضان المعظم . وتصوموا وتفطروا على خير .

و ليه يا مسلمي مع رمضان

ليه ما طول السنة ؟

نختلف نتفق ... لازم نكون متسامحين و عافين

رمضان كريم لك و لآل الكباشي جميعا

الأخ الاستاذ علاء. سيداحمد سلام ولعلك بخير. وجعلنا الله واياكم من العتقاء في شهر رمضان

الاخ العزيز. يحي. قباني. من العائدين وعساكم منع عواده




تصدق اخوك لايحمل. الحقد أو شي. في نفسه. والمهم



انها أتت. الان شاكر. مرورك وتذكيرك بالتسامح

انا يا محمد ما عافي ليك ... ولا ح اعفي ليك اصلا

ومش انت بس .. معاك شلتك

وانت برضو لو غلطته عليك ما تعفي لي

قال عفو قال

المهندس. الامين. البشاري. شامر مرورك.


وانا شخصيا. عافي ليك أي حق حقي. لله دون ان أرجو شي الا رضا ربي

شيخ المسلمى
رمضان كريم و عساك من عوادو
و العفو و العافية لله و الرسول
البشارى رمضان كريم يااخ
و ينعاد عليك و كل الاهل بالخير و اليمن و البركات
مداخلتك دى بالجد ازعجتنى شديد
يا ريت تجبر بى خاطرى و تعيد النظلا فيها

يا ريت نفهم أنو العالم الأفتراضي ده ما هو بديل ولا موازي لحياتنا الطبيعية ، أقلاه بنفكر مرّتين قبال نجرح أنسانيتنا و نخلق عداوات مجانيّة .
خطوة مبروكة ان شاء الله و رمضان كريم يا مسلمي .
:
:
ما ليك حق يا بشاري ..أقدّر ألمك لكنها ما مستاهلة يا حبيب .

أنا عافي ليك
يا ود المسلمي ربنا يعدل طريقك أنشالله
وتصوموا بالعافية أنشالله

الناس البلوّموا في البشاري ديل
انتو عارفين الحاصل ولا بتتكلموا ساي ؟

الله يرضى عليكم خلوها مستورة

سلامات احمد محمد عمر
عارفين الحاصل بدليل (أقدّر ألمك لكنها ما مستاهلة يا حبيب)
طلب العفو والسماح خطوة طيبة تستحق العفو .
رمضان كريم .

(ما مستاهلة) دي هي الخلتني أسألك
كان دي ما مستاهلة تاني شنو المستاهل !

إن عفا البشاري أشهد إنه بأخلاق الأنبياء وليس البشر العاديين

Quote: يا ريت نفهم أنو العالم الأفتراضي ده ما هو بديل ولا موازي لحياتنا الطبيعية

ياريت يا محمد محمود يا حبيب ..
ياريت الناس تفهم كلامك ده وتعيه جيداً ..
لكان وفروا على أنفسهم الكثير من وعثاء هذا العالم ..
رغم فداحة الأمر لكن أتمنى من البشاري أن يظفر بأخلاق الأنبياء ..
ورمضان كريم عليك وعلى أسرتك وعلى الجميع ..
وتصوموا وتفطروا على خير ..

يا جماعة الله يهديكم
كدي طلعوا لي اعتذار المسلمي للبشاري عشان يقبلو
اعتذار دة يعني اعتراف بالخطأ وطلب السماح وتخت نخرتك في الواطة لأنك انت الغلطان والطرف الآخر هو سيد الحق
هل شايفين أي حاجة من ديل هنا ؟
الكلمة الوحيدة القالها المسلمي للبشاري هي

Quote: المهندس. الامين. البشاري. شامر مرورك. وانا شخصيا. عافي ليك أي حق حقي. لله دون ان أرجو شي الا رضا ربي

شكر على المرور ومنة بالعفو من محمد إلى الغلطان البشاري بل وكمان قال ليه أنا ما منتظر منك شئ ذاتو
هل المسلمي مقتنع بإنه غلطان في حق البشاري ؟ هو موش ما غلطان وبس! بل ما متذكرو أساساً ولا خاتيهو ضمن الناس الكاتب ليهم البوست
يا اخوانا دة استعباط والله .. الحاصل في البوست دة براهو استعباط خليك من الجريمة الفادحة القديمة الارتكبها المسلمي في حق البشاري

جمال ود القوز
ربنا يبعدنا من الحماقة و الطيش الأسفيري
و رمضان كريم عليك و على أسرتك يا رب
تحياتي يا حبيب

الاخ محمد المسلمي وضيوفه الكرام كل عام وانتم بالف خير
تصوموا وتفطروا علي خير ويقبل صيامكم وقيامكم ..
العفو والعافية ..

فَمَنْ عَفَا وَأَصْلَحَ فَأَجْرُهُ عَلَى اللَّهِ

سلام. اخوي. جلالدونا. ومشرف. وليك. وحشة. ومن العائدين وعساكم من. عوّاد. الشهر. الكريم

الاخ الاستاذ محمد محمود. سلام ياطيب. وتشرفت. جدا بمشاركتك القيمة
العالم الاسفيري بعيد جدا من الواقع. الحقيقي. وناس. تشرفنا بمعرفتهم
هنا وناس. تعرفنا عليهم. هنا نتمني الا نلتقي بهم أو نشاركهم في اَي.
شي. والبوست مخصص. للعفو لمن أراد. ذلك ومن رفضه. فهو حقه
وماعلي. الا ان اعفو. هنا وفِي الواقع الحقيقي عن الكل. ابتغاء مرضاة الله

الحبيب الاخ زهير. كل. سنة وانت. بخير. والشوق. كميات
وياخ العفو لله.



-------
رسل. لي. تلفونك. في الخاص.

احمد محمد عمر. سلام.

انا لا الوم البشاري ولا الومك
وتصدق. انت أو البشاري أو
اَي. شي. اخر. ولا اريد ان
استجدي. أو اطلب من شخص
يعفي حقه اذا كان. لديه حق
عندي. ولكن. حقي انا اعفيه
دون. اَي. مطامع. من. احد.
وابتغي. الأجر. من. الله ان


اذا كنت تري. ان الذي بيني
وبينه كبير. فقد عفوت حقي
وان كان هو رافض العفو فتلك
خياراته ليس. بيني. وبينك أو
بينه سابق معرفة حقيقية
أو. انوي. ان. تكون. في
المستقبل. أو الحاضر
المهم ان كنت اخطات
في حقه. الله بيننا
يفصل في ما اختلفنا
فيه . وانا اعفو له حقي
كامل دون نقصان من حقه

الاخ جمال ود القوز. تقبل الله منا ومنكم صالح الاعمال
وعفي الله. عنا وعنكم وجعلنا الله من العتقاء في هذا
الشهر. المبارك



-----
لا عليك. اخوك عفي عن. الكل
وهنا العفو الحقيقي دون دوافع
الا العفو. ثم. العفو

الاخ الكريم. الاستاذ عارف نشأت
شاكر. مرورك. الكريم. وانت تعفو. وتصفح. وانا سعيد جدا بعفوك ومرورك. الذي. أسعدني

الاخ. الكريم. اسامة عثمان السيد. .تقبل الله منا ومنكم
والبوست. مخصص. للعفو الحقيقي من. نفسي. دون
دوافع الا ابتغاء وجه. الله. الكريم.



شاكر. مرورك. الكريم

تصدق اخوك لايحمل. الحقد أو شي. في نفسه
-----------------------
نعم يا يحي وانا الشاهد على ذلك
ودالمسلمى انسان تقي ورع وفي غاية التهذيب والكرم
وتهنئة خاصة لكم في هذا الشهر الفضيل

شيخي المسلمي دائما صاحب واحب

وقلب كبير

التحية لك ولضيوف البوست اللاعزاء

والعفو والعافية


وشكرا

سلام اخونا احمد محمد عمر
رمضان كريم و عساك من عوادو
يا صاحب ما عارف جبت من وين لومى لى اخونا البشارى
شكلو كده جيّة رمضان جرستك و بقيت تفقّع فى البيض
انا بس اترجّيتو يعيد النظر فى مداخلتو
لآنها بصراحة ماب تشبهو و لا من اخلاقو
التقدير الصحيح عندى انو البشارى طال ما ده رايو
يجلى البوست عادى و ما يدخل فيهو
و دعواتنا و امنياتنا انو ربنا يصلح الحال بيناتن

لاخ. الكريم. اسامة عثمان السيد. .تقبل الله منا ومنكم والبوست. مخصص. للعفو الحقيقي من. نفسي. دون دوافع الا ابتغاء وجه. الله. الكريم.

=======

جزاك الله كل خير

Quote: ليس. بيني. وبينك أو بينه سابق معرفة حقيقية أو. انوي. ان. تكون. في المستقبل. أو الحاضر

سلامات محمد
هسة منو الجاب سيرة علاقة خارج البورد !
أنا بتعامل مع مداخلاتك في البورد فقط ما بتعداها لحياتك الخاصة .. دة بتعملو انت

العاوز أقوله يا محمد انت نفسك عزيزة .. ما بتقدر على كلمة أنا غلطان ولا بتشوف روحك غلطان أساساً والصفة دي عند كل السلفية البعرفهم .. عشان كدة لما تجيب سيرة غلطك ما بتجيبو بصيغة إقرار واضح بتلف حوله بعبارة لو انتو شايفيني غلطان
الاعتذار يعني اعتراف بالخطأ ودي حاجة انت ما عملتها هنا ولا ممكن تعملها .. حتى كلامك في أول البوست مترفع ما قلت فيه أنا غلطان عليكم قلت فيه (إن كنت أخطأت عليكم) زي عاوز توحي إنك ما اخطأت ولا حاجة لكن انتو قد تكونوا متحسسين وفي نفس الوقت ربطتها طوالي بي غلطهم هم وامتنانك بعفوك عليهم
يا محمد انت البوست بتاعك فيه تكبر واضح .. انت ما عندك الاستعداد للاعتراف بالخطأ ولا داير تعتذر لشخص .. هنا انت بتقول يا اخوانا يا المذكورين حصل غلط بيناتنا! ما مهم الغلطان منو .. تعالوا نطلعها درون .. أنا أقول عافي ليكم وانتو تقولوا عافين لي وخلاص .. لكن أنا ما بترجى زول والما عاجبو حريقة فيه


_________
رأيي هنا بكتبو كواحد من القراء اللي شاهدوا تعديك على البشاري وأبو روضة وتأذوا منه جداً .. وكنت بتمنى اعتذار صريح لي أنا كقارئ لكن لقيتك انت المجني عليه ما قادر تعتذر ليه معقول تعتذر للقارئ!!

غايتو انا ما عارف المسلمي عمل شنو في البشاري لكن العرفته من البوست ده انه حتى لو البشاري عفى حقو للمسلمي فأحمد ما حيعفي حق البشاري للمسلمي

هههههههههه هاك يا منتصر
دي مداخلة واحد علاقته كويسة جداً بالمسلمي وسيئة لأبعد الدرجات بالبشاري .. أنا شخبطت جزء منها .. لاحظ إنه ليها 4 سنين ولحدي هسة ما اتكتب الاعتذار الواض الـ لا لبس فيه

Quote: كنت عايز اعمل ليك حركات المطيباتية واصحاب المخارجات واقول ليك كبير و شفيف ووريف وياها المحرية و خلاص يا شباب الموضوع انتهى انصرفوا لأمر الوطن ... إلخ إلخ لكن لأ يا محمد المسلمي كلامك دا تجاوز حقك في الدفاع او الرد, الدين قال العين بالعين انت تجاوزت بل وصلت مرحلة (##########) عديل كدا بعد ان تعتذر اعتذار واضح لا لبس فيه ومش عشان خاطر عبد العزيز او اي شخص آخر عشان خاطر نفسك و عشان قيم الحق والعدل بعد ان تعتذر اطالب بكري بتطبيق اللائحة عليك - ما عارفها بتقول شنو لكن ايا كان الموجود فيجب تطبيقه ولو بكري لم يفعل فلتعاقب انت نفسك و تحرم نفسك من الكتابة

أنا ما عندي علاقة بقبول البشاري أو رفضه .. ولا كنت مهتم بالاعتذار المافيش والكلفتة بتاعة تعالوا نكرفسها زي ما هي كدة وخلاص
أنا مستاء من الناس البتضغط على البشاري
فكرتي إنه لو البشاري قبل الاعتذار تبقى أخلاقه أخلاق أنبياء عديل كدة ومرحى له .. لكن إن لم يقبل مافي أي زول يلومه
وبس

ما ممكن يا احمد عمر، تقطع ليك مداخلة من ميات المداخلات حول موضوع خلافي كبير زي دا، وداير بكل بساطة تفحمنا بيها!!
ذلك البوست قرأته ولم يساورني مجرد احساس للوقوف بجانب البشاري،
بل بالعكس دعم لي فكرتي المسبقة عن دفاع البشاري عن الباطل
تجي بكل بساطة تقول لرجل فضّل التسامي فوق ما هو شخصي: يجب أن تعترف بالخطأ!
الاعتذار هنا يا سيدي، ليس عن خطأ في اتهام، انما عن طريقة ادارة الخلاف.

العفو والعافية
نسال الله ان يعفو عنا فيما اخطانا بحق وطننا وزملائنا.

البشاري ذات نفسه أو طريقة إدارة نقاشه ما بتهمني في أي شئ ولا بناقش في موضوع البوست
أنا موضوعي حاجة واحدة بس إنه ما رمى به المسلمي مخالفه البشاري جريمة كبرى لا يمكن علاجها بعبارة انت انا عافي ليك وانت كان داير تعفي ولا ما داير بي جازك
أنا موضوعي هنا استسهال ما فعله المسلمي على فداحته ..
واحد وصل لحدي الأسر وانت جاي تقول لي تسامى فوق ما هو شخصي !!!!!!

أوكي بنسحب، لأنو المداخلات سوف تكون خارج سياقها وغير مفهومة.
لو فتحت بوست فكرتو مكتملة؛ بجيك

لكن فكرتي التي قد تكون غلط انو البشاري دا زول غير عادل

الموضوع ما محتاج بوست
فكرتي وصلتها .. ما بهمني كيفية تعاطي البشاري مع الخلافات أو حتى في خلافه مع المسلمي تحديداً .. تصنيف البشاري ولا المسلمي ما من اهتماماتي
بهمني إنه المسلمي وصل الأسر ودي حاجة صعبة جداً في فهمي .. العاوز يعتذر عنها بعتذر بطريقة تتناسب وحجمها ما بالطريقة المتعالية دي
سبب تداخلي في البوست دة إنه في ناس كانت بتلوم البشاري على ردة فعله وشايفين إنه المسلمي عمل حاجة كويسة بالبوست بتاع العفو والعافية دة
الناس هنا عاطفية بس شافوا اسم البوست وقالوا خلاص .. لكن اتحدي واحد فيهم يقدر يطلع عبارة أنا غلطان من المسلمي
عشان كدة لما قلت الحاصل هنا استعباط قاصد الكلمة دي .. إذا ما عندك الشجاعة تخت نخرتك في الواطة مافي داعي تسميهو اعتذار .. ممكن تقول تعالوا ننسى الفات لو موافقين

سلام صاحب المنشور،
و ضيوفه بمختلف مزاجاتهم.-
--------
أعتقد أن الجميع سيعفو عن الجميع..
وإذا كان هنالك مناوشات، فأعتقد أنه أيضا الجميع قد رد كتابة هنا.
يعني التعادل هو سيد الموقف ، ولا يوجد منتصر في التعدي.
------
بشأن عبارة الأخ أحمد محمد عمر:
""" رأيي هنا بكتبو كواحد من القراء اللي شاهدوا تعديك على البشاري وأبو روضة وتأذوا منه جداً ""
فلا يخلو - تقريبا - منشور من تعدي وتأذي ،
سواء كان على شخص في المنشور أو الزج به في الحلبة غصبا.

Quote: لكن اتحدي واحد فيهم يقدر يطلع عبارة أنا غلطان

هنالك ترسبات متعلقة بالمواضيع والخلافات،
مصدرها الحياة العامة ، وليست الإسفير،
بعضها مصدرها علاقات الشخص بالآخرين.
الموضوع جاري وبيجر أكثر.
------
هنالك كراهية بدون أسباب ، سميها حالات نفسية...
هنالك حمية الجاهلية ، والأمثلة كثيرة.
هنالك أسباب ترجع للأقدمية هنا...

-----------------
تحياتي صاحب المنشور والمتداخلين.

سلامات قصي ورمضان كريم
ياريت لو كل الناس بتناقش المكتوب داخل البورد فقط وتطلع حيواتهم وعلاقاتهم الشخصية وآراؤهم في تربية بعض خارج البورد

سلامات دينق
أكيد دة رأيك كونته باحتكاكك الشخصي معاهو وما عندي غير احترم رأيك مهما كان
أنا هنا ما بدافع عن البشاري ولو سألتني عن رأيي فيه بقول ليك ما عندي رأي لا سلباً لا ايجاباً وأصلاً أنا بحاول اكون رأي في المكتوب ما في الأشخاص
مبدأي إنه الأسر حرمات ممنوع الاقتراب أو التصوير .. مافي عضو دخل البورد بولي أمره ولا عائلته كل يؤخذ بجريرة كيبورده لا غير
بالتالي حتى لو كان العضو سجمان لا يحل التعدي على اسرته