Post: #2 Title: Re: السمحة نوارة فريقنا .. يا العسل يا النشفتي Author: ترهاقا Date: 05-26-2017, 08:56 AM
تعرف يا أخ قباني، الاستاذ الكابلي ومن زمن بعيد ليهو مكانة خاصة عندي، تعرف لمن كنت أكون معاهو في أي حفلة معاهو كعازف ، \ كنت استمتع بلحظات الحديث وراء الكاواليس ، اعني قبل ظهورنا على المسرح ، ونستنطقه عن التراث وهلمجرا ـ ما أجمل تلك الايام وعبرك التحية لاستاذي الكابلي الذي ساعتذ بمعرفته وصداقته لمدى الدهر
Post: #3 Title: Re: السمحة نوارة فريقنا .. يا العسل يا النشفتي Author: Kabar Date: 05-26-2017, 01:36 PM Parent: #2
ول ابا يحي قباني.. رمضان شنو ياعمك..اوعك ترفع تلفونك في الإتنين وسبعين ساعة الجاية..!! والإ ح تعرف حاجة (قال يا السمحة)..وشنو كده ما عارف..!!
حبيبنا واستاذنا ترهاقا..!! كتر خيرك على الشهادة المقتضبة..!! يا اخوي هو ..الكابلي فنان..دي ما بتغالطوا فيها اتنين..!! لكن شغل (السمحة نوارة فريقنا) ده شغل ولاد ريف وخلا..!! الكابلي ، يا ترهاقا ، ود بندر ساكت..!! بلقي نفسي فيها كتير لمن يغنيها العريبي (على ابراهيم اللحو)..!! ياخي ده لو اشتغلها جرداق ساكت (لا مزيكا ولا شنو كده ما عارف..!!)..برضك الواحد ممكن يسمعو..!! الكابلي (حنكوش) يا ترهاقا.. صحيح ممكن يشتغل غنا الناصر قريب اهاا..لكن السمحة نوار ة فريقنا دي..بتخليهو باشا باشا..!! ولو في زول قريب من استاذنا الكابلي..يار يت يغني لينا (زينب)..فيها الكابلي بيكون زي الراعي زينا كده..والله صحي..!! لكن(نوارة فريقنا) دي ..يتخيل لي مافي زول بيقدر عليها غير اللحو..!!! وبرضك..فوق ذي كل علم..عليم..!! واه ك يعلم..!! كبر
Quote: تعرف يا أخ قباني، الاستاذ الكابلي ومن زمن بعيد ليهو مكانة خاصة عندي، تعرف لمن كنت أكون معاهو في أي حفلة معاهو كعازف ، \ كنت استمتع بلحظات الحديث وراء الكاواليس ، اعني قبل ظهورنا على المسرح ، ونستنطقه عن التراث وهلمجرا ـ ما أجمل تلك الايام وعبرك التحية لاستاذي الكابلي الذي ساعتذ بمعرفته وصداقته لمدى الدهر
استاذنا و حبيبنا ساطور ...
ياخي .. مناداتك للراحل عبد العزيز عصفور لا تفارقني ...
Quote: ول ابا يحي قباني.. رمضان شنو ياعمك..اوعك ترفع تلفونك في الإتنين وسبعين ساعة الجاية..!! والإ ح تعرف حاجة (قال يا السمحة)..وشنو كده ما عارف..!!
حبيبنا واستاذنا ترهاقا..!! كتر خيرك على الشهادة المقتضبة..!! يا اخوي هو ..الكابلي فنان..دي ما بتغالطوا فيها اتنين..!! لكن شغل (السمحة نوارة فريقنا) ده شغل ولاد ريف وخلا..!! الكابلي ، يا ترهاقا ، ود بندر ساكت..!! بلقي نفسي فيها كتير لمن يغنيها العريبي (على ابراهيم اللحو)..!!
رمضانك كريم يا صديقي .. و مبروك نجاح البنيات ...
حأكلمك و ابارك ... وكان داير تنبذني في السمحة ... ما عندي مانع ...
الكابلي انا لو علي ... يأذن لينا و يصلي بينا جهراً كمان ...