Post: #1
Title: أجسام البغال واحلام العصافير!!
Author: jini
Date: 05-19-2017, 06:15 PM
Parent: #0
06:15 PM May, 19 2017 سودانيز اون لاين
jini-أم طرقا عراض
مكتبتى
رابط مختصر | Quote: افتتح اللواء عبدالرحمن الصادق المهدي مساعد رئيس الجمهورية مساء اليوم بارض المعارض ببري ، المطعم الاميري في مرحلته الاولي الذي انشأته الشركة السودانية للمناطق والأسواق الحرة بالشراكة مع شركة بانسر التركية وبعض المستثمرين السورين والسعودين كمشروع استثماري بحضور عدد من الوزراء ونواب جهاز الأمن والمخابرات وعدد من أعضاء السلك الدبلوماسي ورجال الاعمال ومدير عام الشركة السودانية للمناطق والأسواق الحرة. وقال مساعد رئيس الجمهورية لدي مخاطبته حفل الافتتاح ان هذا المطعم يعتبر صرح اقتصادي هام لاسيما والبلاد مقبلة علي انفتاح واستقرار وتنمية مستدامة بعد ان تم تكوين حكومة وفاق وطني محيا القوات المسلحة والشرطة بمساهمتها لهذا الاستقرار. واشاد بالشراكة من الدول لاكتمال هذا الصرح |
الدولة البغل
جني
|
Post: #2
Title: Re: أجسام البغال واحلام العصافير!!
Author: jini
Date: 05-19-2017, 06:23 PM
Parent: #1
أبو الطيب المتنبي — 'على قدر أهل العزم تأتي العزائم وتـأتـي على قدر الكريم المكارم و تكبر في عين الصغير صغارها وتصغر في عين العظيم العظائم'جني
|
Post: #3
Title: Re: أجسام البغال واحلام العصافير!!
Author: jini
Date: 05-19-2017, 06:26 PM
Parent: #2
ود لو افتتح مدينة صناعية كا ن يقول شنو!
مدينة القرن!
انا لو منهم أعينه كاشير في المطعم
جني
|
Post: #4
Title: Re: أجسام البغال واحلام العصافير!!
Author: محمد عبدالله مختار
Date: 05-19-2017, 06:26 PM
Parent: #1
صدقت يا جني ..
قبل كم سنة كده نائب الرئيس جانا في شرق النيل عشان يفتتح سوق خدار وكانت في كمية من البصات الكبيرة نزلت خلق كتيرة ما عارف جابوهم من وين
ناس تكبر وتهلل عشان سوق خدار .. والله لو ما شفت المنظر ده بي عيني وأنا ماري جنبو ما كان صدقت
نائب الرئيس ده ما شفتو بي عيني لكن عرفتو من الترحيب الفي اليافطات
بلد عجيبة ياخي
|
Post: #5
Title: Re: أجسام البغال واحلام العصافير!!
Author: muntasir
Date: 05-19-2017, 07:13 PM
Parent: #4
زمان أول سيد ودالباوقة إفتتح ATM
|
Post: #6
Title: Re: أجسام البغال واحلام العصافير!!
Author: عبدالله عثمان
Date: 05-19-2017, 08:38 PM
Parent: #5
حكيت لأحدهم أن قد ثمة سلخانة اقامها الأهالي بالعون الذاتي في دلقو المحس
جا والي الولاية ووفده وافتتحوا السلخانة المبنية بجهد الاهالي
اهل دلقو اكرموهم بكنافة اشتهروا بها
بعد اسابيع اظنو جا حسبو نايب كبيرهم
اتلفتو ما لقوا ليهو حاجة يفتتحها
جابوهو للسلخانة تاني
برضو الكنافة جات
الله يخلي الكنافة
|
Post: #7
Title: Re: أجسام البغال واحلام العصافير!!
Author: jini
Date: 05-19-2017, 10:17 PM
Parent: #6
ههه رخامة وطفاسة على قول إخوانا المصريين
كنافجية يا صديق
يا مختار اخوي دا السودان وأجرك علي الله الواحد يكون امباشى يقولو ليهو يا جنابو الواحد يكون تمرجي يقولو ليهو يا دكتور يفرح بدل يزعل اها سعادة اللواءعبدالرحمن دا يرسلوه يفتتح مطعم برضو يفرح جني
جني
|
Post: #8
Title: Re: أجسام البغال واحلام العصافير!!
Author: محمد المسلمي
Date: 05-20-2017, 06:36 AM
Parent: #7
جني. وضيوفه. سلام.
في عام. 2009 تم. افتتاح مدينة انشون الجديدة. اقل مبني فيها طول المبني 25 طابق
وتمت دعوة. الجاليات الأجنبية لحضور. افتتاح المدينة التي. بنيت باحدث .الطرق.
وكان ممثل. الحكومة الكورية في الافتتاح رئيس البلدية مع أعضاء المجلس. البلدي
المحلي ....
بعد. رجوعنا المنزل وفتحنا التلفزيون السوداني. وجدنا احتفال كبير. وحضور
كمية من. الناس. في ولاية البحر. الاحمر. بحضور واليها في وقتها ايلا .لافتتاح
مطعم. سمك .. شوف المستوي. كيف والحضور. ونقله في التلفزيون القومي
الله. هونيني
|
Post: #9
Title: Re: أجسام البغال واحلام العصافير!!
Author: درديري كباشي
Date: 05-20-2017, 06:48 AM
Parent: #8
سلام يا جني
وضيوفه
ويا أخونا المسلمي
ما تستبعد المدينة الكورية التي تم افتتاحها يكون فيها عشرة ابراج أسثمار تتبع لهؤلاء
قبل فترة سمعت قصة عجيبة عريس سوداني راح يقضي شهر العسل بماليزيا نزل في فندق عبارة عن برج فخم
أعجب به شديد .. يوم يتنوس مع مدير الفندق يقول له بلدكم جميلة والفندق دا لو كان عندنا زيه في الخرطوم .
مديرالفندق ضحك وقال له أصلا صاحب هذا الفندق وزير عندكم هناك .
عندنا يعملوا احتفالات وافتتاحات للمطاعم واشارات المرور والصراف الآلي
والمباني التي تستحق الافتتاح يبنوها برة ..
ياخ القروش الاتسربت واتنهبت نحن نعترف بعجزنا أنه ما قادرين نرجعها أو نحاسبكم عليها
على الأقل خلوا عندكم شوية دم واستثمروها في الداخل
كان وظفت جيش من الخريجين العطالا في البلد
|
Post: #10
Title: Re: أجسام البغال واحلام العصافير!!
Author: jini
Date: 05-20-2017, 08:01 AM
Parent: #9
مشاركات جميلة تنم عن وعي مشرف
وكما قال الاستاذ شعب عملاق يتقدمه اقزام
جني
|
|