السعودي يقول شاف هيبة السوداني في المعركة ويقول أثناء إستقبالهم للذخيرة السوداني يرجع كأنه بنشر ,,,,, مثله كان السيارة الطرشق لستكها ما بتتحرك من مكانها....
Post: #3 Title: Re: سعودي يحكي عن شجاعة الجندي السوداني وثبات Author: معتصم سليمان Date: 05-10-2017, 09:11 PM Parent: #2
السعودي يقول شاف هيبة السوداني في المعركة ويقول أثناء إستقبالهم للذخيرة السوداني يرجع كأنه بنشر ,,,,, مثله كان السيارة الطرشق لستكها ما بتتحرك من مكانها....
طبعا الراجل ده إتفاجأ بالموقف النحن بنشوفو عادي وطبيعي ...مسألة الثبات والرجولة وقوة الشكيمة دي صفات موروثة فينا أصلا عدا الشواذ الذين يثبتون هذه القاعدة ...الراجل إتفاجأ ربما لأن الصورة الفي ذهنو عن الجندي السوداني هي صورة غير صحيحة او مقلوبة أو مافي تصور أصلاً
بالمناسبة هو قال الجندي كأنو بيرقع بنشر او م طالع نزهة وده وصف حاول يوصل بيهو فهم ان الموضوع بسيط في نظر الجندي كأنو بيرقع بنشر ( كأنو بصلح كفر عربية انقد ) عملية بسيطة
مش مسالة شجاعة فحسب لكن جيشنا جيش في حالة قتال وعمليات و كمائن وكر وفر منذ أكثر من ثلاثة عقود هؤلاء الجنود هذه ليست المرة الأولى التي يسمعون فيها صوت الرصاص و انفجارات الدانات و القنابل, بل ليست المرة الأولى التي يرون فيها الدماء و الأشلاء و فقد الأرواح ليس كحال الجدندي السعودي الذي لم يخض قتال حقيقي منذ تأسيسه ربما لذا يستغربون رد فعل الجندي المعتاد على صوت الرصاص أثناء جريهم للمخابئ
Post: #5 Title: Re: سعودي يحكي عن شجاعة الجندي السوداني وثبات Author: ناصر حسين محمد Date: 05-10-2017, 09:55 PM Parent: #4
التحية لقواتنا المسلحة وهي تقوم بواجبها في اطار الحلف المعلن
Post: #6 Title: Re: سعودي يحكي عن شجاعة الجندي السوداني وثبات Author: Dr. Ahmed Amin Date: 05-10-2017, 10:29 PM
Quote: السعودي يقول شاف هيبة السوداني في المعركة ويقول أثناء إستقبالهم للذخيرة السوداني يرجع كأنه بنشر ,,,,, مثله كان السيارة الطرشق لستكها ما بتتحرك من مكانها
Quote: حاول يوصل بيهو فهم ان الموضوع بسيط في نظر الجندي كأنو بيرقع بنشر ( كأنو بصلح كفر عربية انقد ) عملية بسيطة
هههههههه أبدا قاصد انو صوت الطلقة أو الدانة بالنسبة ليهو عاااادي كأنو لستك عربية طرشق . التحية لقوات الشعب المسلحة .
Post: #8 Title: Re: سعودي يحكي عن شجاعة الجندي السوداني وثبات Author: aosman Date: 05-11-2017, 05:20 AM Parent: #1
هل هو يبغى يستشهد رجال .... أعجز عن التعبير ..... ما قد شفت في حياتي زي صملة السودانيين (قوة وشدة وصلابة ورجالة السودانيين)
Post: #9 Title: Re: سعودي يحكي عن شجاعة الجندي السوداني وثبات Author: aosman Date: 05-11-2017, 07:55 AM Parent: #1
Quote: حاول يوصل بيهو فهم ان الموضوع بسيط في نظر الجندي كأنو بيرقع بنشر ( كأنو بصلح كفر عربية انقد ) عملية بسيطة
قاصد انو صوت الطلقة أو الدانة بالنسبة ليهو عاااادي كأنو لستك عربية طرشق . التحية لقوات الشعب المسلحة .
كلامك سليم, أنا سمعت كلمة يرقع بطريقة خاطئة, وتعبير بلاغي رهيب, فعلا لمن لستك العربية تتطرشق الواحد برفع العربية بي عفريتة وبعمل حسابو يختلها بطريقة صحيحة عشان ما تقع فيهو وبعد ذلك بتعامل مع الموضوع بي برود شديد,,, يعني السوداني يعمل حسابه بس طلقة العدو ما تقع فيهو غير ذلك بتعامل بي طريقة عادية جدا.
فعلا التحية لقوات الشعب المسلحة.
Post: #10 Title: Re: سعودي يحكي عن شجاعة الجندي السوداني وثبات Author: عبدالله عثمان Date: 05-11-2017, 08:41 AM Parent: #9
شجاعة السودانيين مافيها كلام لكن الكلام في استخدام عصابة الأخوان المسلمين المجرمة لهؤلاء الشباب المساكين وقودا لحرب جائرة لا ناقة لنا فيها ولا جمل نظير حفنة دولارات يتزوج بها أفراد عصابة النظام مثنى وثلاث ورباع سوف تكتب شهادتهم ويسألون
Post: #11 Title: Re: سعودي يحكي عن شجاعة الجندي السوداني وثبات Author: aosman Date: 05-11-2017, 10:07 AM Parent: #1
Quote: شجاعة السودانيين مافيها كلام لكن الكلام في استخدام عصابة الأخوان المسلمين المجرمة لهؤلاء الشباب المساكين وقودا لحرب جائرة لا ناقة لنا فيها ولا جمل نظير حفنة دولارات يتزوج بها أفراد عصابة النظام مثنى وثلاث ورباع سوف تكتب شهادتهم ويسألون
الأخ عبدالله عثمان,,
لو إنت بتتكلم عن الأخلاق والمبادئ, كده ألقى نظر سريعة حول كل الحروب المشتعلة الآن في أنحاء مختلفة من العالم, حاول ألقى لي حرب واحدة فيها أخلاق ولا مبادئ, ما حتلاقي أبدا. الآن المصالح هي التي بدأت تتحكم في كل شي فيما يخص بين الدول.
بعدين الجنود السودانيين المشاركين في حرب اليمن مافي واحد فيهم أجبره على ذلك, العكس تماما كلهم مشوا عن رغبة,,, وفي تقديري أصح قرار إتخذته الحكومة السودانية هي المشاركة في حرب اليمن والسبب الرئيسي هو مصالح السودان.