Post: #2 Title: Re: للبيع او المبادلة ... او الدفع لي وجه الله .. Author: يحي قباني Date: 05-06-2017, 03:11 PM Parent: #1
ذكريات ... ستذهب هباء الريح ...
أصبحت كقصص المخرفين ...
كل من يسمعها ... اما لا يفهم او يجاملك بابتسامة باهتة ...
هل سنصل الى مرحل نحلف لهم ... و الله العظيم كنا كده ؟؟
Post: #3 Title: Re: للبيع او المبادلة ... او الدفع لي وجه الله .. Author: تبارك شيخ الدين جبريل Date: 05-06-2017, 03:16 PM Parent: #2
ما عندك توثيق للظار؟
... المهم ...
Post: #5 Title: Re: للبيع او المبادلة ... او الدفع لي وجه الله .. Author: يحي قباني Date: 05-06-2017, 03:23 PM Parent: #2
حكيت نكتة ... قديمة طبعاً ...
و كان من ضمن الحضور شاب سوداني في النصف الثاني من الثلاثينات ...
نشأ في الخليج ... و كان يزور السودان مع اهله في صغره ...
النكتة كان بها جزء يحكي عن رجل سكران ينتظر توصيله ... فلم يتوقف لتوصيله سوى عربية ( البلدية ) التي تنقل ( الجرادل ) ...
توقفت عن النكتة و بت اشرح كيف ان بعض البيوت كان نظامها تلك الجرادل التي تسحب من الشارع ...
و الشاب اصر انه لم يسمع بها في حياته ... و كأني احكي عن الغاز !!!
تُرى ... ماذا سيذهب معنا من تاريخ البلد حينما نغادر...
لا تسخروا من استغرابي ... فالمسألة ليست ببساطة تلك الحادثة ... على ( ثقلها ) ... و لكن الكثير سينساه الناس و يذهب مع الريح ...
لذا ...
اتوسم الخير في بعض الشباب ليسمعوا مني و من غيري ... و يتحملونا ... و يحافظوا على ما نعرفه من تاريخ بسيط ...
Post: #4 Title: Re: للبيع او المبادلة ... او الدفع لي وجه الله .. Author: sadig mirghani Date: 05-06-2017, 03:20 PM Parent: #1
موديل كم؟
Post: #6 Title: Re: للبيع او المبادلة ... او الدفع لي وجه الله .. Author: يحي قباني Date: 05-06-2017, 03:39 PM Parent: #4
Quote: ما عندك توثيق للظار؟
مع الظار مافي ( هظار ) ...
و الله عندي تصدق ... اتلصصت زمان على كم ظار في الحلة كده ...
بتذكر ظار الخواجة ... كدوس و قزازة ويسكي ... و أشياء لا تذكر هاهنا ... :)
المهم ... على قولتك ...
Post: #7 Title: Re: للبيع او المبادلة ... او الدفع لي وجه الله .. Author: يحي قباني Date: 05-06-2017, 03:42 PM Parent: #6
Quote: موديل كم ؟
و الله يا الصادق ...
ذكريات ... بس هيلمان 60 حااااارة ...
Post: #8 Title: Re: للبيع او المبادلة ... او الدفع لي وجه الله .. Author: حمد عبد الغفار عمر Date: 05-06-2017, 03:50 PM Parent: #7
قبيل يا يحيى سمعت البلابل في رجعنالك
تصدق بدل أفرح دبرست دبرسة مبالغة أول مرة اسمع غناء أدبرس لأنو جاني احساس إنو عجلة التاريخ دي ماشة في خط مستقيم
قبل شوية كتبت في الفيسبوك إنو مواليد الثمانينات بقوا يقولوا للتسعينات الزمن الجميل
Post: #10 Title: Re: للبيع او المبادلة ... او الدفع لي وجه الله .. Author: يحي قباني Date: 05-06-2017, 04:36 PM Parent: #8
Quote: قبيل يا يحيى سمعت البلابل في رجعنالك
تصدق بدل أفرح دبرست دبرسة مبالغة أول مرة اسمع غناء أدبرس لأنو جاني احساس إنو عجلة التاريخ دي ماشة في خط مستقيم
قبل شوية كتبت في الفيسبوك إنو مواليد الثمانينات بقوا يقولوا للتسعينات الزمن الجميل
تعرف يا حمد ...
بقى يجيني شعور انو حيجينا يوم ما حنعرف نتونس ذاته ...
الواحد يتكلم يبقى زي المجنون البطقع ... كلامو كله خارم بارم ...
Post: #9 Title: Re: للبيع او المبادلة ... او الدفع لي وجه الله .. Author: تبارك شيخ الدين جبريل Date: 05-06-2017, 03:50 PM Parent: #6
انا اتلبسني ظار أنوبس ... ازرق بندة ...
ما بتمرقو إلا ايزيس اللولية ... بس عندي مشكلة رطانة لازم احلها أول قبال ما اعمل الكرسي بتاعي ...
لو دقيت ظاري انت مدعو ولا حاجة لك بالتلصص ...
... المهم ...
Post: #11 Title: Re: للبيع او المبادلة ... او الدفع لي وجه الله .. Author: يحي قباني Date: 05-06-2017, 04:40 PM Parent: #9
Quote: انا اتلبسني ظار أنوبس ... ازرق بندة ...
ما بتمرقو إلا ايزيس اللولية ... بس عندي مشكلة رطانة لازم احلها أول قبال ما اعمل الكرسي بتاعي ...
لو دقيت ظاري انت مدعو ولا حاجة لك بالتلصص ...
دستور ...
لكن يا تبارك ازرق بندة ده دايرله مؤهلات ...
و انت الشايفه انا ده ... قصب السكر يضاريك ...
عموما و الله حضور ... و الديوك من عندنا كمان ...
Post: #12 Title: Re: للبيع او المبادلة ... او الدفع لي وجه الله .. Author: أحمد محمد عمر Date: 05-06-2017, 04:44 PM Parent: #9
(كُتُمة عيفونة شطة ليمونة) هكذا كنا نهتف فيهم صغاراً حضرنا أواخر زمنهم ومن المواقف البتذكرها كانوا بسكونا بعد نكاويهم ويوم قبضوا قريبتي شالوها دخلوها جوة البرميل وطلعوها غايتو اليوم داك ناس العايلة أعلنوا حالة طواري ما خلوا ليهم بخور ولا عطر بلدي ما عطنوهو بيها
Post: #23 Title: Re: للبيع او المبادلة ... او الدفع لي وجه الله .. Author: يحي قباني Date: 05-07-2017, 08:28 AM Parent: #12
كانت أيام يا احمد ...
و هي حقيقة جزء من ذكريات الطفولة ...
Post: #13 Title: Re: للبيع او المبادلة ... او الدفع لي وجه الله .. Author: sadig mirghani Date: 05-06-2017, 04:50 PM Parent: #1
ود باندية بتاع الشوكولاتة لو الاولاد كوركوا برشهم بالكوز اتاري الكوز دا من زمان وسخ:-D
Post: #14 Title: Re: للبيع او المبادلة ... او الدفع لي وجه الله .. Author: باسط المكي Date: 05-06-2017, 04:54 PM Parent: #13
داخليات المدراس القديمة ساعةة السمر يوم الاتنين والجمعية الاجدبية يوم الخميس
Post: #15 Title: Re: للبيع او المبادلة ... او الدفع لي وجه الله .. Author: عبد المنعم سيد احمد Date: 05-06-2017, 05:52 PM Parent: #14
اول الغيث قطرة
Post: #16 Title: Re: للبيع او المبادلة ... او الدفع لي وجه الله .. Author: جلالدونا Date: 05-06-2017, 06:11 PM Parent: #15
تعرف يا قبا فى مشيتى القريبة دى للسودان مشيت لى اسرة من اهلنا إلتأم شملها بى مناسبة زواج بتين واحده هولندية و واحدة بريطانية الاولاد اربعة استرالى فرنسى امريكى و دينماركى البيت امم متحدة بس غايتو الله يستر
Post: #17 Title: Re: للبيع او المبادلة ... او الدفع لي وجه الله .. Author: عبد المنعم سيد احمد Date: 05-07-2017, 01:22 AM Parent: #16
الكلام ده ايام دراستنا فى الثانوى.
Post: #18 Title: Re: للبيع او المبادلة ... او الدفع لي وجه الله .. Author: عبد المنعم سيد احمد Date: 05-07-2017, 01:24 AM Parent: #17
هكذا كانت توزع الالبان فى الخرطوم.
Post: #19 Title: Re: للبيع او المبادلة ... او الدفع لي وجه الله .. Author: Basamat Alsheikh Date: 05-07-2017, 04:22 AM Parent: #18
استاذ يحى قباني الان انت ما زلت بتحكي عن الغاز ..لانك ما شرحت لينا قصة
الجرادل دي معناها شوية وبس قات بيسحبوها من الشارع...
وبالمناسبة انا زرت موقعك الالكتروني ووجدت حاجات روعة من
اغاني الحقيبة الرائعة فشكرا ليك...بس كمان كان تتحف المنبر العام
ببعض تلك الروائع...
استاذ جلالدونا.
نشكرك بحرارة لاننا حتى الان مستغرقين في الضحك من حكاية الاسرة
البقت زي الامم المتحدة كل فرد من بلد....لكن بتخيل لي ياهو ده الحاصل
في سودان اليوم...والله يجازي الكان السبب...الناس اتشردت في جميع بقاع
الارض،،،وسمعت ان السودانيين وصلوا الاسكا ..ووصلوا غابات الامازون...
مع وافر الاحترام امتثال
Post: #20 Title: Re: للبيع او المبادلة ... او الدفع لي وجه الله .. Author: الطيب رحمه قريمان Date: 05-07-2017, 07:19 AM Parent: #19
تحياتى يا قبانى .. بحكى ليك كثير لما اشوفك فى تورنتو .. قريب جدا ..
Post: #21 Title: Re: للبيع او المبادلة ... او الدفع لي وجه الله .. Author: أبوبكر عباس Date: 05-07-2017, 07:57 AM Parent: #20
أصلا الناس ألما اضافت للبشرية شيء عليه القيمة، فقط مارست الحياة العادية، لمان تكبر؛ بتدبرس يا أخي، أولادم بكونوا شايفين خبرتم خبرة عديمة الجدوى ولى زمنها
أقترح: الناس العاديين بعد يصلوا سبعين يتعاملوا معاهم زي خيل البوليس
Post: #22 Title: Re: للبيع او المبادلة ... او الدفع لي وجه الله .. Author: أبوبكر عباس Date: 05-07-2017, 08:00 AM Parent: #21
الما وليس ألما كما اختارها المصحح بتاع اي فون ٨ بلس
Post: #34 Title: Re: للبيع او المبادلة ... او الدفع لي وجه الله .. Author: يحي قباني Date: 05-09-2017, 04:16 AM Parent: #19
Quote: وبالمناسبة انا زرت موقعك الالكتروني ووجدت حاجات روعة من
اغاني الحقيبة الرائعة فشكرا ليك...بس كمان كان تتحف المنبر العام
ببعض تلك الروائع
زارتنا البركة يا ستي ...
و الله كم و كم ( اتحفت ) المنبر العام بالأغاني ... لما سموني ( يا بتاع الأغاني ) ههههه
لكن الظاهر عليكم ما جيتونا بس ... :)
Post: #32 Title: Re: للبيع او المبادلة ... او الدفع لي وجه الله .. Author: يحي قباني Date: 05-09-2017, 01:46 AM Parent: #16
Quote: تعرف يا قبا فى مشيتى القريبة دى للسودان مشيت لى اسرة من اهلنا إلتأم شملها بى مناسبة زواج بتين واحده هولندية و واحدة بريطانية الاولاد اربعة استرالى فرنسى امريكى و دينماركى البيت امم متحدة بس غايتو الله يستر
ماهي اصلها ماشة بالسترة بس يا جلّي ...
ياخي الواحد من كتر الغربة و البعد ... ما شاف ناس من اهله لي عقود من الزمان ...
Post: #30 Title: Re: للبيع او المبادلة ... او الدفع لي وجه الله .. Author: يحي قباني Date: 05-08-2017, 06:06 AM Parent: #15
Quote: اول الغيث قطرة
يا منعم و الله لي اكتر من أسبوع داير اتصل بيك ...
باكر ان شاء الله بكلمك ... دايرك في شغلة و الله ...
Post: #29 Title: Re: للبيع او المبادلة ... او الدفع لي وجه الله .. Author: يحي قباني Date: 05-08-2017, 06:04 AM Parent: #14
Quote: داخليات المدراس القديمة ساعةة السمر يوم الاتنين والجمعية الادبية يوم الخميس
و حصة الفنون ... و الجمباز و الموسيقى ...
كانت لنا أيام يا باسط ...
قول يا باسط بس ...
Post: #24 Title: Re: للبيع او المبادلة ... او الدفع لي وجه الله .. Author: يحي قباني Date: 05-07-2017, 08:33 AM Parent: #13
Quote: ود باندية بتاع الشوكولاتة لو الاولاد كوركوا برشهم بالكوز اتاري الكوز دا من زمان وسخ:-
بتاع الشوكولاتة دي شنو كمان يا بُلبل ... هههه
و الله ما سمعنا بيها زمان غايتو يا صادق ... :)
Post: #25 Title: Re: للبيع او المبادلة ... او الدفع لي وجه الله .. Author: sadig mirghani Date: 05-07-2017, 08:56 AM Parent: #1
Post: #26 Title: Re: للبيع او المبادلة ... او الدفع لي وجه الله .. Author: Nasser Amin Date: 05-07-2017, 10:00 AM Parent: #25
تحياتي استاذ يحي فيديو بحكي و يتحسر علي الزمن الجميل الوليً و فات و العاملاهو من الجيل الحديث
Post: #27 Title: Re: للبيع او المبادلة ... او الدفع لي وجه الله .. Author: أحمد الشايقي Date: 05-07-2017, 10:06 AM Parent: #25
شكرا أخ قباني
فرطنا في الوطن واتبعنا الهتافيات والشعارات والتي يعترف الآن من اطلقوها بأنهم (كذابون)
المسميات البراقة واللعب بالبلاد (بدون خطوط حمراء) والتفريط في المقدرات
والامل الآن على بيع المواقف إقليميا ما يناقض كل المواقف التي استمرت عقوداً من الزمان بقناعات وهتافيات لا تزال على الجدران وعلى الذاكرة
ولا يزال نفس اللاعبين يتعمدون استطالة البقاء على صهوة الهتافيات الكذابـة
ولا يزال شبابنا يخضعون ويقدسون ويتبعون كل كذاب أشــر
حتى تأكلت البلاد من أطرافهـا أمام أعيننا بصورة تهين شهداء التاريخ وتخزي هامات الحاضر
أحمد الشايقي
Post: #28 Title: Re: للبيع او المبادلة ... او الدفع لي وجه الله .. Author: نادر الفضلى Date: 05-07-2017, 02:49 PM Parent: #27
يحيى قبانى
تحياتى
(الجردل) المعرف بالألف واللام أذكر آخر مرة شاهدته فى الثمانيات فى مدينة القضارف بمنزل حكومى الزمن داك كان إختفى من العاصمة .. ولا أعلم إن كان صامدا بالقضارف ام أصبح ذكريات
وتصدق أن (الجردل) موجود وصامد ويقدم خدماته بأمريكا على الأقل بولاية نيومكسيكو. وعشان أكون دقيق أخر مرة سمعت به عن طريق شاهد عيان أخونا سودانى (رحمة الله علية) فى عام 2003 سافر بالبر من أوهايو لكالفورنيا . الإنترنت إختار له سكة سفر تمر بولاية نيو مكسيكو .. فى صحراء قاحلة عندما توقف فى إستراحة بالطريق وجد (الجردل) صامداً عاملاً .. وكان بياناً بالعمل! إسترجع خلالها (الذكريات)
أها بسمات وإمتثال بحكم تواجدهن بأمريكا عليهن برحلة سياحية إستكشافية لولاية نيو مكسيو إقتراح آخر زيارة لأقرب تجمع ل Amish لأنهم متمسكين بالقديم وما معترفين بالتكنولوجيا بفهم دينى. يعنى لسان حالهم (كل بدعة ضلالة .. ) .. وداخلين فى قضايا تصاريح بناء لمنازل جديدة لأنهم حسب عقيدتهم يرفضون تطبيق شروط البلدية بتنفيذ نظام حديث وصحى، متمسكين بنظام شبيه ب (الجردل) .. فبعقيدتهم الجردل (حلال) .. وبديله بدعة وضلالة الفارق أن الجردل خدمات بلدية .. بينما هم يقومون بالخدمة بأنفسهم .. نقل ودفن!
Post: #31 Title: Re: للبيع او المبادلة ... او الدفع لي وجه الله .. Author: عبد المنعم سيد احمد Date: 05-09-2017, 00:44 AM Parent: #28
مرحبتين حبابك قبانى
Post: #33 Title: Re: للبيع او المبادلة ... او الدفع لي وجه الله .. Author: aosman Date: 05-09-2017, 03:04 AM Parent: #1
طيب زولك ده ما سمع بالأندايات وبيوت الدعارة وصفوفها؟
Post: #35 Title: Re: للبيع او المبادلة ... او الدفع لي وجه الله .. Author: Basamat Alsheikh Date: 05-09-2017, 08:08 AM Parent: #33
استاذ يحى قباني
انا زرتكم...وبالامارة زرتكم في ندوتكم العملتوها عبر الهاتف باوامر من صاحبة الشان صاحبة الباسويرد. كي اعطيها تقرير عن ما يدور من حديث لتطوير الموقع الاسفيري سودانيز اون لاين ولكن فقط لم اتكلم بسبب اني ما عندي صفة رسمية ..ولكن وجدتكم ناس هميمين لتطوير الموقع في الوقت الذي نجد فيه البعض الاخر هميمين لتدمير الموقع وجره لانصرافيات لا تفيد ولا تقدم وانما تؤخر...
واخبرت صاحبة الشان وهي في السودان متذ فترة بان سودانيز اون لاين بخيرما دام فيها مثل هذا النفر الكريم الذي قلبه على
السودان الوطن الكبير وقلبه على هذا النفاج الجميل الذي يربط اعضائه بروح المودة والصداقات الجميلة والمسمى سودانيز اون
لاين ، فقد كان حواركم ممتازا جدا واصواتكم تنساب عبر الهاتف كموسيقى تنشد نشر الفرح والحبور والسرور في نفوس
الاعضاء وتنشد كل شئ جميل للوطن ....ونتمنى لكم كل السؤدد والنجاح والتوفيق في مسعاكم الخير والوقوف بجانب المايسترو الباشمهندس بكري ابوبكر الذي يقود هذه الاوكسترا بمهارة رغما عن بعض اصوات نشازة تريد للموقع الاسفيري الجميل التقهقر للوراء برش النقاط السوداء على السيرة البيضاء لسودانيز اون لاين مما جعلت الطيورذات الالوان الزاهية تهاجر ولكنها عائدة بفضل همتكم وسعيكم لنشر الفرح في عالمكم الجميل...وبالمناسبة اذا قالوا ليك يا بتاع الاغاني فالناس ديل شكروك وما خلوا ليك حاجة...فالموسيقى هي الروح والامل ، هي روح هذه الحياة ..فلولا الموسيقى لماتت القلوب هما وكمدا وغما، فالقلوب التي تعشق الموسيقى لا تهرم ولا تذبل ولا تمرض واذا اصيبت بمرض تظل تنبض وتنشط كلماسمعت لحنا جميلا...واسفة للاطالة والخروج عن روح البوست...ولكنك اهجت فينا ذكريات وحبينا نشاركم فيه
مع وافر الاحترام امتثال
Post: #36 Title: Re: للبيع او المبادلة ... او الدفع لي وجه الله .. Author: بلال زكريا Date: 05-09-2017, 02:55 PM Parent: #35
تَعْرِف يا قباني -،، لماّ بتاع البنشر في شارع عبد الله الطيب،، ،( شرق الخرطوم )،،، قال عاوز 200الف عشان غيرّ عدد(٢) كفر ،، قلت لولدي - ده حقو يسلموا( بعشر)،،! وظللتّ أشرح في ( بعشر)- دي ،، من محلّ البنشر لغاية ما وِصلناّ سوق الشجرة ،، ( شرق أمدرمان )،، وبرضو حاسي أني( ظلمتو)- يا ظالمني وهاجرني ،، وقلبي من رضاك محروم ،،
Post: #37 Title: Re: للبيع او المبادلة ... او الدفع لي وجه الله .. Author: عبد المنعم سيد احمد Date: 05-09-2017, 03:19 PM Parent: #36
حتى الافلام الهندية..كان عندها طعم
Post: #38 Title: Re: للبيع او المبادلة ... او الدفع لي وجه الله .. Author: عبداللطيف حسن علي Date: 05-09-2017, 04:30 PM Parent: #37
مسار الترماج من اين يبدا واين ينتهي ياقباني امدرمان لوحدها تاريخ مدهش ويحتاج توثيق
دور السينما باسماءها القديمة مثلا برمبل
زقاق المنفلة ، الملجة ، سوق الموية شارع العمايا مركز البوليس جوار المجلس لوطني
المناطق التي حلت محلها مساكن فاخرة ، في امدرمان والخرطوم
وكانت اندايات كبيرة ، حلة كاملة وربما مناطق اكبر ....حي الروضة والحارة التالته كان مكان اندايات ضخمة
الخدير ومثل حي النزهة جوار السوق الشعبي او القماير سابقا والمنطقة خلف كلية التربية جامعة الخرطوم(امدرمان)
هناك تواريخ اكثر قدما داخل امدرمان العتيقة وحتي اسماء دكاكين لم تعد موجود ة ، واسماء بيوت دعارة وخانات بنقو
دا كلو كوم ، هناك انتشار ظواهر اللواط والتي سببها الخلاوي الكبيرة والاستعمار والبارات في امدرمان والخرطوم
انواع البصات العاملة منذ اوقات طويلة قبل الفيات وابورجيلة وانواع التاكسي القديمة ، حديقة الجندول وحديقة المقرن
وسوق الخرطوم القديم ، دا كلوا كان موجود لغاية قريبات دي ، عايزين تواريخ اقدم برضو
