Post: #1 Title: ما عارف الذكرني كلام ابراهيم العبادي ده شنو الليلة ..؟ Author: يحي قباني Date: 04-28-2017, 05:20 AM
05:20 AM April, 28 2017 سودانيز اون لاين يحي قباني-فى الدنيا العجيبة مكتبتى رابط مختصر الشارع رُمال و مسافته جبدة و لفة و الردف الثقيل للتوب يجابد و لفّ يا شبه الجدي البي النتايلَ قَــفة خوك شال الردف مين اليشيل القُفة
بالله لو في زول قادر يتخيل لي انا الذكرني ليها شنو ... يساعدنا بالكتابة ... ...
Post: #2 Title: Re: ما عارف الذكرني كلام ابراهيم العبادي ده ش Author: حيدر حسن ميرغني Date: 04-28-2017, 07:43 AM Parent: #1
أكيد شوفت ليك (جدية) لابسة ثوب تلعب في ثلوج براريكم
Post: #4 Title: Re: ما عارف الذكرني كلام ابراهيم العبادي ده ش Author: عبدالمنعم الطيب حسن Date: 04-28-2017, 11:39 AM Parent: #3
قال ابوي؛( في محبوبته السابقة؛ وقد تزوجت والماذون كتبها رسمي واخد عليها رسوم... يصف في حاله وماله؛) قال: بي ام صعيب* تراني احوم ومتحزم علي بطني وبقيت موهوم بخيت السجلك واخد عليك رسوم وبعد الحالة دي لي ريدة مافي لزوم يستشير ابي مجلسه العامر في لزوم يا جماعة؟ يردون بصوت واحد: مافي لزوم... ؛؛؛؛ هلا قباني وتسلم يا امير .......................................... * ام صعيب اسم قديم لحلتنا وبالمناسبة الرباعية اعلاها لا تحبها امي ابدا!!!
Post: #5 Title: Re: ما عارف الذكرني كلام ابراهيم العبادي ده ش Author: Ahmed Khalil Date: 04-28-2017, 12:07 PM Parent: #4
شيل القُفة ؟
Post: #8 Title: Re: ما عارف الذكرني كلام ابراهيم العبادي ده ش Author: يحي قباني Date: 05-01-2017, 05:06 AM Parent: #5
القصة انه عمك العبادي شاف البنية شايلة القفة و فوق عليها بقجة ...
و التوب يشيل و يقع نسبة لعظم ما خلفها ...
فقال كلامه ده ...
و الظاهر قصة شيلوه القفة جات من هنا ...
و الله اعلم ...
Post: #7 Title: Re: ما عارف الذكرني كلام ابراهيم العبادي ده ش Author: يحي قباني Date: 05-01-2017, 04:53 AM Parent: #4
تحياتي صادق و منعم ... لي عودة ان شاء الله للرد ...
قال العبادي و لحّن الحاج سرور ... و أبدع خدر بشير
يا منايا ظروفي العصيبة حايلة دونك مالي صيبة قالي هاك أقوالاً مصيبة كل نفس توجد نصيبها واليصيبها المولى بيصيبة بالقدر كم عز الذليل
Post: #9 Title: Re: ما عارف الذكرني كلام ابراهيم العبادي ده ش Author: أحمد الشايقي Date: 05-01-2017, 08:24 AM Parent: #7
د كلام جعيص يا قباني
وأم درماني بحـت
يستاهل جلسـة محضورة ومحكورة
تحياتي
أحمد الشايقي
Post: #10 Title: Re: ما عارف الذكرني كلام ابراهيم العبادي ده ش Author: عبد العزيز محمد عمر Date: 05-01-2017, 08:37 AM Parent: #9
Quote: و التوب يشيل و يقع نسبة لعظم ما خلفها ...
أجدادنا القدماء ديل أصلوا ما عملوا فينا خير ... ورثونا جينات ( العجب ) بتلكم ( المآكم )...
Post: #14 Title: Re: ما عارف الذكرني كلام ابراهيم العبادي ده ش Author: يحي قباني Date: 05-02-2017, 05:14 AM Parent: #10
Quote: أجدادنا القدماء ديل أصلوا ما عملوا فينا خير ... ورثونا جينات ( العجب ) بتلكم ( المآكم )...
هو كده يا عبد العزيز ...
جيل ورا جيل .. :)
Post: #11 Title: Re: ما عارف الذكرني كلام ابراهيم العبادي ده ش Author: د.محمد حسن Date: 05-01-2017, 08:38 AM Parent: #9
ود قباني
ده كلام بعيد مهوى القرط انا خليت المعنى في بطن الشاعر واستمتعب بمداخلات الاخوان الشعرية شكرا ليك استفزاز الجمال
Post: #15 Title: Re: ما عارف الذكرني كلام ابراهيم العبادي ده ش Author: يحي قباني Date: 05-02-2017, 05:18 AM Parent: #11
Quote: ود قباني
ده كلام بعيد مهوى القرط انا خليت المعنى في بطن الشاعر واستمتعب بمداخلات الاخوان الشعرية شكرا ليك استفزاز الجمال
حقيقة لما تسمع كلام العبادي في التسجيل ...
تتخيل الشخصية القال عليها العبادي ( بت .. حاجة جبارة خالص خالص خالص ) ...
و تسرح ...
و لي عودة لمداخلات الاحبة الشعرية ...
Post: #13 Title: Re: ما عارف الذكرني كلام ابراهيم العبادي ده ش Author: يحي قباني Date: 05-02-2017, 04:29 AM Parent: #9
Quote: د كلام جعيص يا قباني
وأم درماني بحـت
يستاهل جلسـة محضورة ومحكورة
تحياتي
احمد يا صديق ...
سلامات يا حبيب ...
عمك العبادي ده مرة قال في امدرمان : ليك سلامي يا أمدر أمان أقبليهو وهاتي الضمان إنتي در وإنتي الجمان إنتي خوفي وفيك الأمان
و عشانك يا حبيب ...
هاك لقطة من لقاء الطيب صالح مع العبادي ... و حكاية القفة الفي الكلمات الإتذكرتها و جيت بيها البوست هنا
Post: #12 Title: Re: ما عارف الذكرني كلام ابراهيم العبادي ده ش Author: محمد الأمين موسى Date: 05-01-2017, 08:40 AM Parent: #1
أشك يا ود قباني إنك تكون اتفرجت في لقاء محمد محمد خير مع تراجي (ولاحظ إنه تلاتتكم كنديين) بعنوان: "تراجي مصطفي -حديث عن خلافات الحركة الشعبية شمال"، لأن اللقاء دا كان فيه توب هيمن على الحلقة ولكن طبعا ما كان في قفة أو لفة!
Post: #16 Title: Re: ما عارف الذكرني كلام ابراهيم العبادي ده ش Author: يحي قباني Date: 05-03-2017, 03:21 AM Parent: #12
Quote: أشك يا ود قباني إنك تكون اتفرجت في لقاء محمد محمد خير مع تراجي (ولاحظ إنه تلاتتكم كنديين) بعنوان: "تراجي مصطفي -حديث عن خلافات الحركة الشعبية شمال"، لأن اللقاء دا كان فيه توب هيمن على الحلقة ولكن طبعا ما كان في قفة أو لفة!
و الله تلاتتنا كنديين ...
مع اختلاف الاهواء ... يا محمد الأمين ...
Post: #17 Title: Re: ما عارف الذكرني كلام ابراهيم العبادي ده ش Author: يحي قباني Date: 05-03-2017, 03:25 AM Parent: #16
ارجع لود الشايقي ... و الكلام الامدرماني ...
إبراهيم العبادي كتب ليك سلامي يا امدر أمان و لحنها الحاج سرور ...
و كليهما عيال ام در ... نشأوا فيها و الهمتهم الفن و الجمال ...
أداء جميل لسيدنا المبارك حسن بركات ...
Post: #18 Title: Re: ما عارف الذكرني كلام ابراهيم العبادي ده ش Author: Hamid Elsawi Date: 05-03-2017, 06:15 AM Parent: #17
يحي أمدرمان دي لازماك ليها رجعة و طواف في سوق أمدرمان و سعي بين سوق الشجرة و سوق أم سويقا أرمي الجمرات هنا في كندا و اتوكل. و ألف سلام ليك يا أمدر و ناس امدر ..... بوست هيج المشاعر
Post: #19 Title: Re: ما عارف الذكرني كلام ابراهيم العبادي ده ش Author: يحي قباني Date: 05-05-2017, 06:10 AM Parent: #18
Quote: يحي أمدرمان دي لازماك ليها رجعة و طواف في سوق أمدرمان و سعي بين سوق الشجرة و سوق أم سويقا أرمي الجمرات هنا في كندا و اتوكل. و ألف سلام ليك يا أمدر و ناس امدر ..... بوست هيج المشاعر
غيرك يا صاوي يا ود امدر ما بقول لازماك ( رجعة ) غيرك بقول لازماك ( مشية ) ... انحنا ليه نقول ( رجعة) ؟ لأننا اتعلمنا من عمنا عمر البنا وكت اتجرس ليهو كرومة في القاهرة و هو مشتاق لي ( نعيمه ) ... لما قال : إمتى ( ارجع ) لامدر و اعودها ...
بالله هاك اسمع المهندس ده .. هندسها كيفن :
Post: #20 Title: Re: ما عارف الذكرني كلام ابراهيم العبادي ده ش Author: Ahmed Yassin Date: 05-06-2017, 07:51 PM Parent: #19
شواق كتيرة و دموع شهودا .. وابواب الوصال لام خدود موصودا رمية العبادي او امير الشعراء دا بعد ما حسناء حي السماسرة امدرمان فتت قلبو ونما الى علمنا زي ما بقول (حدباي) وقال فيما قال اتناعس مايس قدل في الأرداف رمي الجدل في القامة الزاينة البدل شفنا الجور والعدل يا المايح هب واجل فيك اذلال قدري الاجل قلبي المابعرف الوجل هابك خاف سيف النجل وفي(فروع الحنة ) قال انت ديسك خدرك ماكِ صيدة غاب مـن فوارس حيِّك ليك غابة رماح اختصر افكاري خصرك المعقود مابيُمس بي كفة لاقميص لاعقود جاربو ردفاً جاير حلمه ليه مفقود عذرو واضح صدرك مالبو جوز تفاح خلّي امعن شوفو قول لي ايه يا النور هل رأيت لك دمية ام دا جام بَنّور جلّ من انشاها وصاغا شعلة نور هل دا جيد وقلادة ام نجوم وصباح المعاصم جدلة والكفيفات غوف والكتيف الهادل بالكفل مشغوف نايمة او كان صاحية حال جلوس ووقوف شوفو لاحم ديما ومِنّو مالو براح
Post: #21 Title: Re: ما عارف الذكرني كلام ابراهيم العبادي ده ش Author: وضاحة Date: 05-06-2017, 09:51 PM Parent: #20
يحي والحضورمشتاقيين عساكم عافية العبادى والزمن الجميل زمن كان غير والحب كان فيه غير
Post: #22 Title: Re: ما عارف الذكرني كلام ابراهيم العبادي ده ش Author: Hamid Elsawi Date: 05-07-2017, 09:35 AM Parent: #21
يحي .... الأغنية دي بتخليني هايم في دنيا تانية بتخلي أحاسيسي دايبه في الخيال
نعيمة عمتي هي ال ربتني و تحملت طيش شبابي و طول أيام غربتي في داخلي يتردد صدي إمتي أرجع
إختطف الموت العمة نعيمة ... و الموت حق لها الرحمة و النِعمة في الدار الآخرة
ود عمتي نعيمة رسل لي قبل كم يوم أغنية بصوت عشة أُم رِشيرش صوت مليان شجن و كلمات عندها ألف معني هي مزيج من العرضة و الحماسة و الحزن و الوطنية محتاجة متحصص يضعها في زمنها الصاح و يطلع منها بشيء مفيد ... أغنية عاوزة سمع بي الحاسة السابعة ح ارسلها ليك
لك و لضيوق البوست الود
Post: #23 Title: Re: ما عارف الذكرني كلام ابراهيم العبادي ده ش Author: محمد فضل الله المكى Date: 05-09-2017, 10:42 AM Parent: #22
. يااااا ود قباني يا خوي ... الشال الرِّدِف عرفناهو ... بس لاتكون شِلت القُفَّه إنت .. أمانه شيل القُفَّه مااا حار .. بعدين جيل العبادي متفقين بمقاييسهم على مواطن الجمال البتخلِّي الزول يهضرب زي حالتك دي .. اخونا في ( مواطن الجمال ) صادق ميرغني أدانا من ود شوراني كم رباعيه كِده ، وبالمناسبة ودشوراني دا رافع شعار ( التقيل ورا ) .. أزيدك منو شويه كان تذكر : . بِرّيب الوَحيش البرقو دودا سِحابو أسْمَح مِنو خد الرِّدفو طاوي تِيابو مالِي الراس حلات لَهَجو وذكا وآدابو النوم جفى العينين وما غبيَّه اسبابو . يا ريح الشمال الجايي من سَلُّومك صحيتني وعُقُب يا ليل غَفَرت نجومك أنا يا الزي حرير الناعمه نافشه هدومك قلبي طويتو زي طي الرِّدِف لهدومك . شديت السَّرِج فوق الكُذاذي لزومو وختيت فوقو براحة وهَجَرْ قَدُّومو على المربوعه قامتو ورِدفو طاوي هِدومو بكيت بعد سفرنا المولى حلَّ قِدومو . أها فتك بعافيه يا ود قباني
Post: #24 Title: Re: ما عارف الذكرني كلام ابراهيم العبادي ده ش Author: أحمد الشايقي Date: 05-09-2017, 11:49 AM Parent: #23
يا قباني
قال عمك ود الرضي
يا أب احمد شكيت ليك عذري......من تفاح جناين الخدرى السبب المضيع عمري .........دخان الضحى البدرى __________________________
الجميل واصل .......درة الاصل الله لا ادراك..........بالعلى حاصل العذاب أنواع.......جملة غير فاصل فرحت الشمات......بالالى واصل ***********
فاح لي كبريته.....كبدي كالبنزين قادحه كبريته اصلو هالكنى......منو ما بريته يا جرح غور.....انشا الله ما شفيته ***********
طابق البوخه........قام ندا يهتّف نام من الدوخه ايدو عاقباهو.......الجدلة مملوخه لي معالق الجوف....موسو مجلوخه
______________ إنا لله .. ياخ
Post: #25 Title: Re: ما عارف الذكرني كلام ابراهيم العبادي ده ش Author: ادريس خليفة علم الهدي Date: 05-09-2017, 12:22 PM Parent: #24
Post: #26 Title: Re: ما عارف الذكرني كلام ابراهيم العبادي ده ش Author: محمد فضل الله المكى Date: 05-11-2017, 05:25 AM Parent: #25
. تعرف يا صديق ود شوراني دا لافِّي بينا في حِته وااااااحده ، قال : . ياقوتَةْ الحضري الحضــارمي زبونِك عازَّه وغاليــه طلعن في الثريــا فنونِك عاليةْ ارداف،ضامرة هاف وقارِن نونِك إنكـال الجمــال لامِـن دفـق مـاعونِــك . أصحى يا ود قباني
