Post: #2 Title: Re: ود المدير ينخرط في صفوف حزب المؤتمر الوطن� Author: sadig mirghani Date: 04-26-2017, 10:55 PM Parent: #1
الله اكبر كع كرع كده بالجد انبهلت
Post: #3 Title: Re: ود المدير ينخرط في صفوف حزب المؤتمر الوطن� Author: معاوية عبيد الصائم Date: 04-26-2017, 10:55 PM Parent: #1
لاحق كجمة شيخ اللمين اللت بق بق وللا شنو
تحياتى ابو النسب ليك والولاد وسلامة عمنا الجعلى
Post: #4 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-26-2017, 10:57 PM Parent: #1
قال الشاعر، ألا أيّها النـوّام وَيْحَـكُمُ هُبّوا * * * أُسائِلُكُمْ هل يَقْتُلُ الرّجلَ الحُبُّ؟
بالله عليكم الله شوفوا الزول دا، قاطع للناس نومتُن عشان يسعلُم، الحب بيكتُل ليهو زوّل !. دحين يا ناس السكناب والشمارات والخبارات تعالوا لي بجاي ...
Post: #6 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-26-2017, 11:06 PM
ذآت غفوةٍ فرايحية تحت شجرة بلوّط، يعني سنديان وأنا بين النايم ؤ زي الما نايم كدي إذ بطائرٍ مُحدودب الظهر محنوف المنقار يرِك علي صدري حينها أتاني شعور جاد جداً أن أنضم إلي منظومة حزب المؤتمر الوطني فوشوشني العبير وأنتشيتُ ورأيتُ كما رأي الحجاج بن يوسف الدماء بين العمائم واللحى ورأيت عظام وجماجم وإذا بالطائر العنقاء يقول لي بصوتٍ أجش، أقدِم يا مُدير أقدِم . وقبل أن أتخذ قراري إذ ظهر لي إبليس وقال لي بصوت ناصحٍ يهمه أمري، أجنُنتَ يا إبن المدير !؟، ثم ربّت علي كتفي ومسح بيده علي صدري فهداء روعي شيئاً قليلا ثم بعد ذلك حصنني وانصرف ...
Post: #5 Title: Re: ود المدير ينخرط في صفوف حزب المؤتمر الوطن� Author: sadig mirghani Date: 04-26-2017, 10:59 PM Parent: #1
إياكا ابوطالوش ولد ابوك
Post: #7 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-26-2017, 11:10 PM Parent: #5
ألا أيها البورداب ويحكم هُبوا أحدثكم أنني لأوّل مرّة أسمع كلآم أعيره سمعي بأهتمام من طراجي .
إن شاء الله أشوفكم بعد عشرة ساعات وأحدثكم بهذا الحديث الختري جداً وإلي اللقاء .
ود المدير حزب المؤتمر الوطني . كرع ...
Post: #8 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-26-2017, 11:13 PM Parent: #7
قبُل ما أشتِت .
البشاري يا فردة شكراً ...
Post: #9 Title: Re: ود المدير ينخرط في صفوف حزب المؤتمر الوطن� Author: Elbagir Osman Date: 04-27-2017, 02:18 AM Parent: #8
يعني وفد المنافي كله طلع اصبعا ملحوس.. من تقدم منه ومن تأخر.. من ظهر منه ومن بطن..
الكيزان بياعيييين
ديل باعوا شيخهم الوصلهم السلطة
فمسكين البيجي يدي النظام تلميعة.. ويدي حميدتي تلميعة وينكر تابت.. ويكون راجي التمن..
ما تروحش تبيع المية.. في حارة المستهبلين
Post: #10 Title: Re: ود المدير ينخرط في صفوف حزب المؤتمر الوطن� Author: خالد العبيد Date: 04-27-2017, 03:48 AM Parent: #9
سمعت تسجيل لي صديق الموج بشتن تراجي واحد يلفحنا بهو هنا او يفتح بيهو بوست
Post: #11 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-27-2017, 05:17 AM Parent: #10
Quote: سمعت تسجيل لي صديق الموج بشتن تراجي واحد يلفحنا بهو هنا او يفتح بيهو بوست
حبابكم كووولكم ألف . بل يا خالد العبيد هنالك تسجيل أوديو لتراجي بعد التسجيل الفوق يا ريت وآحد يلفحنا بيهو هنا . معقولة بس، لم تمر 24 ساعة علي كلآم تراجي الفوق دا بلعوها ليهو زي الما حصل شي !. طبعاً كان لآزم تبلع ولا علي كيفها بس كان تدينا فرصة نقول راينا في كلآما الفوق دا ونوفيها بعض حقها، لكن التمرُغ في نعمة المؤتمر هي اليد البتوجع طراجي ؤ قطعاً مسكوها منها . نحاول نجيب التسجيل ؤ لو فشلت سأقوم بنقل الكلآم بي ضبانتو ...
Post: #12 Title: Re: ود المدير ينخرط في صفوف حزب المؤتمر الوطن� Author: البرنس ود عطبرة Date: 04-27-2017, 06:33 AM Parent: #1
ابو زنبلة وابو تلتلة وابوطالوش شلكوا المؤتمر الوطني بستعد لعملية الزراع الطويل في الكتمات والزنقات ولا عاوز يجند الجماعة ديل شيوخ محايات لكسب عضوية النساء والحسد النسوي
Post: #13 Title: Re: ود المدير ينخرط في صفوف حزب المؤتمر الوطن� Author: حامد بدري Date: 04-27-2017, 06:40 AM Parent: #12
يازول صباحك عافية بتوقيتنا يازول قالو ادوها اندومي وسوشششي يحبهم قلبك بس ات ماك عارفوم غتتا ختو ليها العصيان جهجهت باكاتا اسمع قبل يجيك البشاري عايز لي صورة سوشاوية بي عصياتا منكن
Post: #14 Title: Re: ود المدير ينخرط في صفوف حزب المؤتمر الوطن� Author: الصادق عبدالله الحسن Date: 04-27-2017, 08:46 AM Parent: #13
ونبتهل إلى الله ونترجاه أن يرزقك بما رزق به تراجي وغيرها ممن سبقوك من أهل المنافي والوفود، من قوم عادٍ وثمود.. ونسأله أن يُسّهل لك المرور والانخراط، ويُجنبك أهوال الانزلاق وانت تتأرجح عبر الصراط.
ونختم بالدعاء لك بأن تهبط هبوطاً آمناً مطمئناً، وتطوف كل جخانين الجنة لتأكل من فومها وتلغف من عدسها، وتجلس تحت ظلال السنديان لتخطف وتقْرُش من بصلها، وتنخرط في خرط قناديل البلاليط، وتأكل من شجرها، وتقطف وتتذوق من ثمرها، وتخصف عليك من ورق تلك الجنة الإنقاذية.
تحياتي وضيوفكم ... .. .
Post: #15 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-27-2017, 11:34 AM Parent: #14
بصراحة كنت عايز اشيّد بموقف تراجي في التسجيل الفوق دا وتحديداً كنت عايز أقول هي أشجع من أحمد محمد خير ومحمد إبراهيم الشوش، لكن بعد أن سمعت التسجيل الجرّت فيهو واطي أصبحت مُحتار في رقبتي دي !...
Post: #16 Title: Re: ود المدير ينخرط في صفوف حزب المؤتمر الوطن� Author: MOHAMMED ELSHEIKH Date: 04-27-2017, 12:42 PM Parent: #15
كمساري حافلة الوطني ل تراجي.. انزلي يااحاجة الحافلة دي غلقت ..! بقيف شماعة شماعة ماقاعدين نشيل لكن .!
شاحدة الله يلم فيكم ترامب يقطعكم مخالفة ..
وييين ياااا كسرنا ليهو زمااااان يا حاجة ..تاني اﻻ قدر من الله ..
Post: #17 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-27-2017, 01:32 PM Parent: #15
الأخ الفاضل ابو عبيدة محمد الأمين وكل الأعزاء الأوفياء لحوار الشعب السوداني التمّ في القاعات، وكل اللِي شوشرت عليهم المعارضة الفاسدة اللِي بتنقل كلآم ما حقيقي واللِي قالوا، طراجي غادرت القاعة غاضبة . حقيقةً لا غادرت القاعة ولا شِي، وإنما أملُك غطيت كل الإجابات الأُستاذ الباشمهندس ابراهيم محمود علي الأسئلة وإجاباتو علي أنا تحديداً ومفتكِرا إجابات مسئولة كعادتو ومحترمة ووآفية يعني، آ حتي في ناس يعني يقولوا عندهم رأي في إنّوا هل فعلاً الحل في إنو كل زول يسوي ليهو حزب، لكن آآي أنا عارفة إنوا نصيحتو للناس إنهم يتنظموا وبِتاع ما غلط، هه دا رأي صاح يعني، لكن ما قال أحزاب، قال، كونوا جماعة ضغط، كونوا أيّ حاجة . آآ صح، لكن نرجع للكلآم الأساسي، الكلآم الأساسي إنو أهل الحوار هم لا زالوا بخير ؤ مرقنا من هِناك وِ اتونسنا ؤ ضِحِكنا ؤ ناكفنا بعض كأيّ أهل حِوار، وآآ في اعزاء من ناس الوطني يمكن مسئولين من الدعوات أو كِدا قالوا ليَّ، يأخ التلفون دا ما صاح صوبي لينا، وآآ علي هذا الأساس يعني مرقنا وكملّت باقي يومي في حاجات كتيرة . آآ النفس الحار سببو الحرص علي الوطن، النفس الحار سببو الحِرص علي موارد الدولة، بنفتكر لما نكون مستضافين ، آآ في في مِن قِبلُن والله بالعكس يعني انا حسِي الأهل زاتو ما بكون عندي زمن ليهُم، بفتكر أنا زمني كُلو لهذه الدولة اللِي في وكِت مُحدد مُتحملة مسئولية إقامتنا وكِدا. فآآ ما بعرف أنا الحِس العام بالمسئولية دا هل كلّ الناس زينا وللآ لا يعني ؟، بنقول للعاملين فيها شامتين والمواهيم ؤ كِدا، بقول ليهم بالعكس، بالمناسبة لو كنت بس زولة مُحاصصات كنت بكون حسّ قاعدة أدلّع وأحاول قولوا اجهّز هدومي وقصص زي دي يعني وأستعد لمواقع أُخرى يعني، لكن أنا ما زولة كلآم زي دا يعني، أنا زولة فعللاً worried قلقانة إنو هذه الستة شهور السودان يعبرا بأمان، هذه الستة شهور كلّ اللِعندوا رأي أو advice آ في إنوا كيف السودان آ يتجاوزا بشكل آمِن لآزم يقدم رأيو طيب، وفي سبيل الرأي دا قاعدين نتواصل والله ؤ قاعدين فعلاً نسُك الناس دي في تلفوناتا ؤ بنسكها ؤ مستعدين لِسّ نسُكها لسبب وآحد، نحمد الله إنو ما قاعدين نسُكها في أمر شخصي قاع نسُك في إنوا كيف تكون الأشياء فاعلة . طيّب دي ناحية .
الثلآث دقائق الأولى من كلآم تراجي بعد ما جرّت وآطي .
ونواصل إن شاء الله .
حاولوا تطابقوا الكلآم دا مع كلآم التسجيل المرفق مع البوست وأيضاً باقي الكلآم الجاي ...
Post: #18 Title: Re: ود المدير ينخرط في صفوف حزب المؤتمر الوطن� Author: Arif Nashed Date: 04-27-2017, 08:20 PM Parent: #17
يعني ما شايف دلوكة بيجااااي !! وين ثلاثي اضواء سودانيز ..
تكون انضميت للدبابين والمجاهدين ... هههههههه
Post: #19 Title: Re: ود المدير ينخرط في صفوف حزب المؤتمر الوطن� Author: sadig mirghani Date: 04-27-2017, 08:37 PM Parent: #1
طيرة وارويرة
Post: #20 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-28-2017, 12:42 PM Parent: #19
Quote: الله اكبر كع كرع كده بالجد انبهلت
الشنار والدمار لأعداء الوطن الزنادقة .
أكشح قدآم ...
Post: #21 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-28-2017, 12:46 PM Parent: #20
Quote: لاحق كجمة شيخ اللمين اللت بق بق وللا شنو تحياتى ابو النسب ليك والولاد وسلامة عمنا الجعلى
حياك الله يا مواطن والله يسلمك . كجمة شيخ اللمين دي بتاعت الصُبار واب عفنة ؤ مرتادي الكُوش، يا عمّك انا لآعب علي كبير .
أضربوهم ضربُن الضريب شقاق العناقريب ...
Post: #22 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-28-2017, 01:44 PM Parent: #21
Post: #23 Title: Re: ود المدير ينخرط في صفوف حزب المؤتمر الوطن� Author: معاوية المدير Date: 04-29-2017, 10:56 AM Parent: #22
