الاستاذة تراجي ستأتيكم في اللفة ...

06:55 PM April, 26 2017

سودانيز اون لاين
ود الباوقة-
مكتبتى
رابط مختصر

.

اخونا ود الباوقه السلام عليك.
تراجي ممكن تجيء في اللفه لكن الخطوره وين لما تجيء في اللفه او في النقعه!
بحكم اني اول زول عمل معها في الشان العام ممكن ألخص الآتي عنها:
هي شخصيه عامه لكنها خطيره جدا تكمن خطورتها في الآتي:

هي أسهل زول في العمل العام ممكن تشحنه وتجنده ليقول ليك اي كلام علي خصومك السياسين الإنت مابتقدر تقوله لو دقوك بطنك وضهرك!!
"هي الأرجوز البيخفي داخلو كفت اليد البيتحرك بيها"
ببساطه تراجي مصطفي عادي جدٱ بتقول ليك الكلام المابيتقال وعلي الهواء الطلق!

اضف لذلك تراجي، إذا قربتها منك بتأذيك علي المستوي الشخصي والعام وإذا ابعدتها منك كذلك بتأذيك!
زي المنشار ماشي ماكل جاي ماكل!!!

هي أكثر فاعل مهرج او اكثر زول في المعارضه كانت معارضته غير شريفه وغير اخلاقيه وتستخدم مجموعه من الطرق الملتويه والغير ثوريه وانه هي اكثر زول بالمعارضه فبرك وحاك مكائد كاذبه ومضلله في الإنقاذ (وضعت صور لطفل يزحف علي بطنه وبجانبه صقر ليلتهمه علي الميديا لتكيد للإنقاذ).

المؤتمر الوطني أكثر شيطنه من غيرو في حال إختيار التماسيح بتاعينو (البيشتغلو معاه)!
تابع المقابله الأجراها معها محمد محمد خير بقناة الشروق!!!
سألها سؤال ذكي جدٱ عندما حاولت تسوق نفسها عندما قالت ليه انا عندي معلومات عن المعارضه لم أنشرها حتي هذه اللحظه وهي معلومات بكميه خرافيه ، عايزه تجعل من نفسها انها مهمه للإنقاذ ومازالت عندها ماتعطيه!!
الهوسن محمد محمد خير قال ليها:
إنتي حاله ماطبيعيه كيف تعملي كل هذا العمل الخرافي بالواتساب وما منتميه لاي حزب او لاي تنظيم!!!

قالت ليهو نعم انا فقط امثل نفسي، ونست انها تمثل المغتربين(بخشم عمر البشير) ومرات كدا بتقول بتمثل وفد المنافي..
ثم تلافت الامر وقالت له، لكن عندي معجبيين كثر!!!!

كلام الهوست محمد محمد خير واضح ومعناه ما بنقسم الكيكه إلا للناس المنتظمين داخل مواعين سياسيه وعسكريه!!!

المؤتمر الوطني اثبت انه نظام متمرس في العمل العام وقاريء لايخطيء في إختيار تماسيحه وذلك بإستخدامه لتراجي في الوقت المناسب(إستقطاب وإستبعاد)!
من المؤكد، لديه علماء نفس!
جداد إللكتروني رهيب في تشويش، تزوير وفركشة صف المعارضه!
كما قال المثل: "الفيل دعس علي الذبابه وطنينها بخفه وللأبد"
المؤتمر الوطني ضٍمن ١٠٠٪ انه حرق كرت تراجي وإلي الأبد:

وعارف إذا ضماها او جعلها واحده من شركائه سوف تفشي باسراره(كما افشت له باسرار قطاع الشمال واسرار الحركات الدارفوريه)!

المؤتمر الوطني لايمكن يقبلها في عضويته حتي لو كلفه ذلك حل الحزب نهائيٱ..
لانه يعلم جيدٱ أنها ستعبث به مع اليسواش والما يسواش!!

الآن تراجي، كشخصيه عامه، فقدت الثقه التامه امام المعارضه بكل اطيافها، بل لا تجد اي تنظيم سياسي، او اي جسم طوعي آخر ممكن يقبل ان تعمل معه حاله مثل حالة تراجي مصطفي..!

لا إعتقد المؤتمر الوطني ممكن يقع في زول يضر بعضويته وبشركائه ايما ضرر ويفشي اسراره واسرار شركائه!
تدخل اي تنظيم تضر به ضرر بليغ(منظمة هاملتون سيرفس، رابطة دارفور بكندا، رابطة السودانين الافارقه بهاملتون، حركة تحرير السودان، قوي الهامش، مجموعات التواصل الإجتماعي، الآن ناس الحوار الوطني وبعده حكومة السودان التبل راسها).
"تمسكن حتي تتمكن"
بل هي لاتعمل بذلك المثل وإنما هي من البدايه لاتتمسكن وعايزه تتمكن(شريطها الآن وزعلها من الحكومه وكانها شريك قديم لها)!

تراجي لو دخلت في حكومة السودان لمدة شهر او شهرين كافي لتعرف معظم قبائل، اسر واقرباء الحكومه ولعرفت نقاط ضعفهم وين!،
مين البيصلي ومين المابيصلي مين بيجكس مين!
مين البيلبس التكسيدوا وبربط عنقه غلط!!!
ولعرفت مين مطلقه مت مين وليش طلقوها، ومين متزوج اكثر من زوجه وما إسم الزوجه المحبوبه اكثر (نقدها لوداد بابكر علي انها مهمشه فاطمه) (والعجب ناس الحكومه مزواجين ح تجد فيهم التربه الخصبه)!!

خبيره في تكسير التلج وعايزه تصل به لطموحها الشخصيه، مناصب، سفر حول العالم، قرووش(شاهد مدحها للإنقاذ) !
كذلك لاحظ تكسيرها للتلج بمدحها وتهنئتها لحميتي ود دقلو قائد قوات الدعم السريع نفس الشيء حتكسرو للمؤتمر الوطني حتي تدخل في تشكيلة الحكومه الجديده لتعرف كم عدد حساباتهم بالبنوك وكم عدد جيوش الإنقاذ، كم عدد قواتهم الأمنيه وكيف يعمل دفاعهم بالنظر وممكن تفشي كل اسرار الأحزاب والمنظمات وحتي تعبث بسيادة الوطن لاي دوله اخري وذلك بعفويه شديده!

وبعد ذلك..
تزحف نحو القصر الجمهوري لتدخل في بيوتهم وفي اسرهم بكافوري وبالمنشيه وحوش بانقا وغيرو

نفس نهجها وتشعبطها في التنظيمات الصغيره (الروابط والجاليات) بسرعة البرق تدخلها وعايزه مناصب وعايزه تسليط أضواء عليها وباسرع مايكون لتصل لمكاتبها التنفيذيه ولقمة قياداتهل بالضبط كما تفعله اليوم مع حكومة المؤتمر الوطني لتركب علي ظهر الحوار الوطني ليوصلها إلي مبتغاها!!

تراجي مصطفي شخصيه عامه نسال الله ان لايجود التاريخ بمثلها مرّه اخري علي السودان ..
كما نسأله، ايضا، ان لا يجود بمثلها في المعارضه ولا في الحكومه!!

ياباوقه، دعها تأتي في اللفه حتي تتلفا هي والمؤتمر الوطني إلي مزبلة التاريخ.

ومن اقوالهم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تراجي مصطفي





المرأة الحديدية الواعية بهموم الوطن ،
إمراة فطنة و لبقة سياسياً ،
تقرأ الأحداث جيداً ،
كالحاسة السادسة ،
تراجي كسب للسودان ،
و تراجي مشروع وزيرة خارجية ،
بلا مناااااازع ،
فهم و عِلم ،
،،،،،،،






عزالدين عباس الفحل
ابوظبي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مختصرتتعرض الناشطة تراجى مصطفى الى هجمة اعلامية شرسة من جهات على رأسها دينج Deng وهو مواطن يحمل الجنسية الامريكية نداء عاجل الى كل سودانى :
عليكم بالتصدى لهذه الهجمة .الناشطة السودانية تراجى مصطفى ...حقوقية من الطراز الاول اختارت المنافى من أجل الوطن ، والحوار بدل العنف .وهى من الشخصيات
النادرة ولها مقدرات كبيرة أحدثت اختراق كبير فى مفهوم المعارضة السلبى ....وانتقلت الى المعارضة الايجابية عبر الحوار الوطنى السودانى تمتاز الناشطة تراجى مصطفى
بأفق واسع وعقل مستنير يفرق بين الدولة والحكومة ....قلبها على الوطن ..قوية الشكيمة والحجة، ناصعة الحجة .....لذلك هذا نداء كل السودانيين اين ما كانو بكل اطيافهم للدفاع عن الناشطة تراجى ...وحمايتها



Abuelgassim Gor
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يكفى اننا اطلقنا عليها لقب

المرأة الحديدية

وشكرا



ود الباوقة



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تراجي لقد اسمعتي لو ناديت حياً ولكن لا حياة لمن تنادي



ود الباوقة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اخى ىعمر ود الباوقة التحية لك بمقدار هذا الجهد الكبير والتحية للاخت تراجى مصطفى وموج البحر والشلال صديق وكنت دائما وفى كل كتاباتى وفى هذا الموقع ومواقع اخرى اشير الى ما اشارت اليه الاخت تراجى
فى حديثها ان كيف نختلف وكيف نعارض ولماذا نعارض وكيف نصححخ المسيرة وقلنا ايضا الاعتراض من الداخل والموقع مسموع اكثر ومعلوم وافيد وكانت كل هذه الاشارارات التى اتت بها تراجى قلنا الكثير
منها فى اخر لجنة كونت لتسيير الجاليات فى المملكة العربية السعودية وناخذ من حديث الاخت تراجى بعض المقتطفات المهمة والتى من المترض ان نتمسك بها كمعارضة للاصلاح ولصالح الوطن والشعب
والان بدا الحوار ولكل الناس وفى كل انحاء الدنيا ليدلو كل واحد بدلوه مستفيدا من الفرصة لرمى السلاح ارضا ومخاطبة العقول وكفانا قتل واقتتل والضحية هذا الشعب المسكين الذى يقتل ويشرد ويهاجر
فان له ان يستريح فى سلام وتنمية فى وطن حدادى مدادى خيرو كافى الدنيا فهل نحن فاعلون



السمانى عمارة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

و هذا قليل من كثير

لا تعليق

صحيح اخى ود الباوقة

انها شخصية عامة وكانت لها دورها الفاعل فى اروقة الحوار الوطنى وسياسية محنكة

تمنباتنا لها بالتوفيق

ما تكون زي لفة الدولار

بق بق
تراجي نفختها نفختها نفختها

لمن راسها كبر وحلمت بالتوزير

جو ناسك جوه نفسوها بي دبوس مصدي ...

بطل طمع وكضب واقسم ليها من قروش شيخ الامين



ان شاءالله ربعهم ..

انت داقي فيهن حجر دغش

اضف لذلك تراجي، إذا قربتها منك بتأذيك علي المستوي الشخصي والعام وإذا ابعدتها منك كذلك بتأذيك! زي المنشار ماشي ماكل جاي ماكل!!!
المصدر : http://sudaneseonline.com/board/490/msg/%d8%a7%d9%84%d8%a7%d8%b3%d8%aa%d8%a7%d8%b0%d8%a9-%d8%aa%d8%b1%d8%a7%d8%ac%d9%8a-%d8%b3%d8%aa%d8%a3%d...-...-1493232907.html
-----------------------------------------------------------------------
تراجى وبت منصور لا تقترب منهن

كمساري حافلة
الوطني ل تراجي..
انزلي يااحاجة
الحافلة دي غلقت ..!
بقيف شماعة
شماعة ماقاعدين نشيل لكن .!
ك
شاحدة الله يلم فيكم
ترامب يقطعكم مخالفة ..

وييين ياااا
كسرنا ليهو زمااااان
يا حاجة ..تاني اﻻ قدر
من الله .


.

تجيك الطاوية حبالة

والله يا محمد ادم انت ما خليت لتراجي جنبة ترقد عليها
ولكن المصيبة الأعظم اذا اتضح ان كل الأمر من البداية من تدبير المخابرات الاسرائيلية
وخاصة وهي أسست جمعية الصداقة الاسرائيلية السودانية وزارت اسرائيل بدعوة من
الحكومة الاسرائيلية ووسوسو ليها ان تزيد من حدة هجومها الشرس ضد نظام الخرطوم
الحاكم ومن ثم تنضم لهم وتسعى بجد كي تكون وزيرة في وزارة هامشية وشوية شوية تكون وزيرة
في وزارة سيادية ، وشوية شوية تتقدم الصفوف وتترشح للرئاسة ...وبعدين!!!! رئيس دولة جاسوسة
لاسرائيل...
اظن ده سيناريو بايخ وثقيل ومن المستحيلات .. لكن ردة فعل تراجي عشان ما عينوها وزيرة حيرتنا
وخلتنا نخطرف ونكون خياليين...مع انه نائب رئيس المؤتمر الوطني قال ليها ما ممكن تتعيني وزيرة الا
اذا انضمت لحزب سياسي.... بس غلطتها انها قبل ما تمشي تنضم للحوار الوطني ما سجلت حزب اسمه
حزب المنافي..
مع وافر الاحترام
امتثال

شكرا أستاذ عمر ود الباوقة أن افترعت البوست

شكرا أخ أستاذ محمد آدم على المعلومات الوفيرة والتي هي من كنوز المعارف بالنسبة لبيوغرافي الناشطة السياسية السودانية الزميلة تراجي مصطفى

حقيقة ورغم معرفتي التي اعتبرها عميقة بالزميلة تراجي إلا أنني توقفت كثيراً عند كتابتك عنها في هذا البوست

أحمد الشايقي

برجع ليكم يا اخوان

وتحية للكنداكة تراجي

وشكرا

برجع ليكم يا اخوان

وتحية للكنداكة تراجي

وشكرا

تكون بلفة الكلاكة القبة ..
شكرا ود الباوقة

بس اللفة ضيقة شديد ما عندها فرصة تكبر اللفة,, يعني داقة الدلجة داقاها

الأنتاية دى قامت زى العدارة وسط نساء السودان حتى اسمها مابيشبهن
لوماشاهدتها كنت معتقد الاسم يخص الرجال
كل يوم شايتة على إتجاة بانتهازية مفرطة

ناس المؤتمر الوطني طيل مجرمين شديد فاهمين أي زول, فاهمين الغواصات والإنتهازيين والخطيرين والمؤثريين والأقوياء وبتعاملوا مع كل شيئ على حسب تصنيفه
يعني لمن يهمشوا الواحد من البداية في الغالب بكون تم تصنيفه كغواصة أو إنتهازي.

جاتكم