Post: #1
Title: ظاهرة أنا انبطحت..الله أكبر.. الوطن ينادي الجميع
Author: عبد الصمد محمد
Date: 04-25-2017, 09:55 PM
08:55 PM April, 25 2017 سودانيز اون لاين
عبد الصمد محمد-السعودية
مكتبتى
رابط مختصر
نعم الوطن ينادي الجميع
ليه؟
لأنه منكوب
النكبه منو؟
السرقوا منو؟
االعهر الشريفات وهجر شبابو النضر حتى للعمل في مصر منو؟
الكتل المرضى الفقراء لعدم القدرة على دفع تكلفة البنسلين والكلوروكين وزفت الطين منو؟
الإغتصب الشريفات وجلد البنيات منو؟
السرق الثروة منو؟
وبرضو دي الحتة المنتظرك فيها الوطن
يا للبؤس
|
Post: #2
Title: Re: ظاهرة أنا انبطحت..الله أكبر.. الوطن ينادي ا
Author: محمد أبوجودة
Date: 04-27-2017, 10:24 AM
Parent: #1
لبيك يا وطني ..
وطن الجدود نفديك بالأرواح نجـــــــود .. وطني ..وطنّا وطنّا ..
وطّنّا ال بإسمك كتبنا وَ رطـــنّـا ..
أحبّك ملاذ ..
وناسك عُــزاز ..
أحبّك حقيقة وأحبّك مجاز
..............
سلام يا عبدالصمد
دَعهم، يتداعون يا صديقي،
ولن يزيدوا المكنكشين - بلا صِيبة!- إلّا خَبالا ..! وَ سَيُضبطون.
|
Post: #3
Title: Re: ظاهرة أنا انبطحت..الله أكبر.. الوطن ينادي ا
Author: عبد الصمد محمد
Date: 04-27-2017, 11:44 AM
Parent: #2
تعرف أستاذي أبوجودة أكثر ما يؤرقني هو كيف أن 27 من حكم الإنقاذ تصبح غير كافية لبعض من نظن فيهم تفتيحة العقل للتمييز بين حكم القانون وحكم الطاغوت
|
Post: #4
Title: Re: ظاهرة أنا انبطحت..الله أكبر.. الوطن ينادي ا
Author: أيمن الطيب
Date: 04-27-2017, 12:47 PM
Parent: #3
سلام عبد الصمد ،
البحير كمان الواحد ينبطح اليوم ويبدا يكورك ويشتغل
تجنيد ودعوة للآخرين ليتبعوا خطاه ويتجاوزو للمؤتمر
البطني عن كل مرارات الماضي...وكل واحد له مبرراته !
غلبهم سدها فهرولوا نحو قدها !!!!
رغم انهم يعلمون علم اليقين ان لا
فائدة ترجى من فعلتهم وان هنالك
من يضحكون عليهم !!
والادلة كثيرة !!!
تحياتي
|
Post: #5
Title: Re: ظاهرة أنا انبطحت..الله أكبر.. الوطن ينادي ا
Author: عبد الصمد محمد
Date: 04-27-2017, 10:52 PM
Parent: #4
فعلاً يا أستاذ أيمن لفت نظري لشيء مهم وهو إنه المسألة ما مقتصرة على تحديد موقف سياسي جديد خاص بصاحبه ودا من حقه
لكن اهم من كدا الدعاية المصاحبة ودي مهمة جداً تتبعها خطوات عملية في المنافحة من منبر وصوت المؤتمر الوطني ضد الصايعين الضايعين المعارضين الما هاماهم وحدة البلد وصون حدوده ونزف دماء أبنائه
سنة يا انا
|
|