Post: #1
Title: البديتو عايز أتمووو ..
Author: عصام دهب
Date: 04-19-2017, 12:07 PM
Parent: #0
11:07 AM April, 19 2017 سودانيز اون لاين
عصام دهب-
مكتبتى
رابط مختصر
سلام و مقالدة ..
أزيكم يا شباب كيف حالكم إن شاء الله طيبين ياخي ..
أخباركم و أحوالكم إن شاء الله ديمة طيبين ..
( لسة تقوموا تقعدوا براكم ؟؟
ربي يخدر عود كيبورداتكم )
ثم أزيكم تاني و كتييير ..
و ما أنسى تقديم التعازي الصادقة لكل عضوة أو عضو في هذا المنبر و لكل القراء الأفاضل ممن فقد منهم عزيز لديه و لم أتمكن من تعزيته ..
و أسأل الله تعالى أن يتغمد الموتى بالرحمة و المغفرة و يسكنهم الجنة و يلحقنا بهم في الصالحين ..
و أقدم التهاني و التبريكات و أطيب الأمنيات لكل الأعضاء و القراء الذين أحتفلوا بمناسباتهم السعيدة عبر البورد وخارجه و لم أؤدي واجبي بالمباركة
لهم وأسأله تعالى أن يبارك لهم و عليهم و يسعدهم و يسعدكم جميعا ..
ثم إني فجأة كدة شن بقى لي ما بقى لي ..
قلت أجي أكتب تاني و اشاغل و أستمتع بكتابات الناس و مهابشات أصدقائي والتواصل مع كل الناس هنا ..
لكن قبل ذلك بعتذر شديد جداً لأي إنسان من أعضاء المنبر أو قرائه و لأي زول في الدنيا دي ..
إن كنت قد تخاشنت معه أو تعرضت اليه بسيء قول أو أخطأت في حقه .
وأنا مسامح لوجه الله تعالى كل من مسني أو تعرض لي بما لا أحب بعلمي أو بغير علمي ..
و أسال الجميع السماح و العفو .. كما أساله تعالى الصفح و الغفران ..
ثم بعد ذلك ..
أنا قبل فترة كنت قاعد أكتب بوستات هنا كدة في شكل قصص و حركات و تجارب و وهمات و شنو شنو ..
أها كنت حينها أقوم أبدأ البوست نظام مداخلات متسلسلة و تشويق و حركااات و أقوم أنزل لي تلاتة أربعة مداخلات يجي ..
واحد ناطي لي في رقبتي أحيانا ألقاهو ما ختررري شديييد أقوم أشيلو و أدق بيه الواطة ..
و في أحيان كتيرة ألقى لي واحد يشيلني يدق بي الدلجة و العجاجة تقوم و البوست يشتت ..
أها تاني أقوم أعمل بوست تاني .. يجي واحد شايل الصورة الشهيرة وعويرة ديييك .. أقوم أحمبك و أسب ليه ميتين و مرات مرات ..
أسب ليهو( ميتين برضو ) ..
والبوست يروح و أنا المجروح ..
و بمناسبة الصورة تلك مرة كتبت بوست إسمو ( الدموع السايلة مني ) كنت عايز أحكي قصة الصورة و الدمعة الفيها ..
بديت بحكايتي مع الدمع الثخين و السخين و قبل ما أتوهط جاء واحد نط فيني كنشاسا ..
مسكت ليك فيهو .. وقعدنا نكورك عاك عييييك عوووك أررروك ..
و نسيت البوستي ، و شغل فكري لآمن بص الروصيرص فات ..
و زي ( البوستي ) دة في بوستات كتييير
بديتها و ما تميتها ..
و فيها حكاوي ما حكيتها ..
منها
بوست حرررراق كدة أسمو ( لن أبكي حميد ) ..
و الله كنت بكتب فيهو و أنا ببكي و أتمخط ..
و واحد أسمه ( الرمم اللابسين عمم ) ..
و بوستات و بوستات ..
بديتها وما تميتها ..
هسة عايز أتمها ..
أها نتمها و اللا نتخارج ؟؟
البركة في شوفتكم على أي حال ..
|
Post: #2
Title: Re: البديتو عايز أتمووو ..
Author: sadig mirghani
Date: 04-19-2017, 12:26 PM
Parent: #1
***
|
Post: #3
Title: Re: البديتو عايز أتمووو ..
Author: Deng
Date: 04-19-2017, 01:09 PM
Parent: #2
سلامات يا عصام دهب.
مشتاقين.
|
Post: #4
Title: Re: البديتو عايز أتمووو ..
Author: عمار عبدالله عبدالرحمن
Date: 04-19-2017, 01:12 PM
Parent: #3
بيك الدار نورت
مولانا ابن الدهب
|
Post: #5
Title: Re: البديتو عايز أتمووو ..
Author: عبد اللطيف السيدح
Date: 04-19-2017, 01:22 PM
Parent: #4
نجيب الصورة الختييييييرة ديكوتقوم تاني تدور فينا سال من شعرها الدمع سخيناحمدا لله على عودتك ومكانك شاغرأهم شىء دايرين رايك في مصر يا أخت بلادي ياشقيقة
|
Post: #14
Title: Re: البديتو عايز أتمووو ..
Author: عصام دهب
Date: 04-24-2017, 11:57 AM
Parent: #5
أخونا الذي هو ببكة / عبد اللطيف السيدح ..
السلامو عليكم ..
Quote:
نجيب الصورة الختييييييرة ديكوتقوم تاني تدور فينا سال من شعرها الدمع سخينا
حمدا لله على عودتك ومكانك شاغرأهم شىء دايرين رايك في مصر يا أخت بلادي ياشقيقة
|
تاني مش لو جبت الصورة ، لو جبت الأصل ذاتووو ما بدوووور ..
ربنا يقبل حمدك ..
ثم أما مصر فعلى الرغم من كوني اتحاديا ، لكنها عندي لا هي أخت بلادي و لا شقيقة و لا أنا أؤيد الوحدة معها و لا عايزها ..
|
Post: #10
Title: Re: البديتو عايز أتمووو ..
Author: عصام دهب
Date: 04-19-2017, 02:34 PM
Parent: #4
سلام يا اخونا عمار و ان شاء الله طيب انت ..
تسلم كتييير ياخي و الدار منورة بيكم انتو أهلها وناسها و قرائها و اعضائها ..
ثم بي سيدها و راعيها اخونا الهمام / بكري أبو بكر ( نظام كسير تلج و كدة )
|
Post: #6
Title: Re: البديتو عايز أتمووو ..
Author: عصام دهب
Date: 04-19-2017, 01:32 PM
Parent: #3
سلامات ايها الخصم ـ زمان ـ النبيل / دينق ..
أمنياتي أن تكون ومن معك بكل خير
ياخ و الله انا ممنون ليك جداً ..
لانك واحد من الناس الذين اهدوني عيوبي ..
رغم إني كنت بآكل معظمها في حناني و بعمل رايح ..
لكن الحقيقة أنا أستفدت من كل الناس هنا ..
و خاصة من لم أتفق معهم ..
و سواء كنت أنا أو أنا أو حتى غيرنا على حق فقد كان دواسا رائعا ..
أشكرك جزيلا ..
و لك الإحترام ..
|
Post: #7
Title: Re: البديتو عايز أتمووو ..
Author: محمد البشرى الخضر
Date: 04-19-2017, 02:01 PM
Parent: #6
مرحب مولانا عصام بعد غيبة طويلة
ان شاء الله الأمور طيبة وعال العال
قترح تتم البوست البديت تحكي فيه قصة الصورة الشهيرة
|
Post: #8
Title: Re: البديتو عايز أتمووو ..
Author: عثمان الأمام
Date: 04-19-2017, 02:01 PM
Parent: #6
مرحب بالعودة
أكتب وتم العاوز تقولو
الدار دارك
|
Post: #9
Title: Re: البديتو عايز أتمووو ..
Author: محمد عبد الله الامين
Date: 04-19-2017, 02:26 PM
Parent: #8
مرحب مولانا دهب
منور البورد من جديد
وفي انتظار حكاويك الجميلة صراحه ثردك جميل ومرتب ومثير
يعني من ابسط شي بتكتب كتابه جميلة تخلي الواحد يكملها لاخر السطر
يعني لو حادث سير عادي معى واحد مصري في دوار العلم بتعملوا قصيه جميلة
ومفيدة حنك المحامين الجميل ده....
ثم الناس البهبشوك بالصورة الاياها اغليهم شتتو وغادرو المكان واخرهم الدباب اساسي ههه
المهم حمدا لله ع سلامته ظهورك هنا ...
|
Post: #11
Title: Re: البديتو عايز أتمووو ..
Author: علي عبدالوهاب عثمان
Date: 04-19-2017, 03:45 PM
Parent: #9
حبيبنا عصام ..
عودا حميداً
يا مولانا
|
Post: #12
Title: Re: البديتو عايز أتمووو ..
Author: عصام دهب
Date: 04-21-2017, 12:12 PM
Parent: #11
أخي العزيز المهندس ود البشرى
اتمناك دوما بخير يا صديق ..
و بإذن الله تعالى أواصل تلك القصة العجيبة .
إن شاء الله نلقى الكوت مع عيشة هاك و كف ..
|
Post: #13
Title: Re: البديتو عايز أتمووو ..
Author: مني عمسيب
Date: 04-21-2017, 12:19 PM
جيدن جيت يا المريود حبابك ..
منور .
|
Post: #15
Title: Re: البديتو عايز أتمووو ..
Author: الحاج حمد الحاج
Date: 04-24-2017, 12:52 PM
Parent: #13
الأخ الأستاذ عصام دهب ، منور
ياخي حليل أيا المنبر كان مزدان بكتاباتك و كتابات بورداب جدة ، تعال و جيب لينا معاك كم بوردابي و كده ادي القهوة غشوة يمكن يجو كم واحد راجعين ، رغم اني متلوم معاهم و بسمع بي اخبارهم سمع.
|
Post: #16
Title: Re: البديتو عايز أتمووو ..
Author: زهير عثمان حمد
Date: 04-24-2017, 12:54 PM
Parent: #15
مولانا عصام
متعك ربي بالصحة
تحياتي للجميع
|
Post: #17
Title: Re: البديتو عايز أتمووو ..
Author: عصام دهب
Date: 05-08-2017, 09:17 AM
Parent: #16
اخي الفاضل محمد الأمين Quote: مرحب مولانا دهب
منور البورد من جديد
وفي انتظار حكاويك الجميلة صراحه ثردك جميل ومرتب ومثير
يعني من ابسط شي بتكتب كتابه جميلة تخلي الواحد يكملها لاخر السطر
يعني لو حادث سير عادي معى واحد مصري في دوار العلم بتعملوا قصيه جميلة
ومفيدة حنك المحامين الجميل ده....
ثم الناس البهبشوك بالصورة الاياها اغليهم شتتو وغادرو المكان واخرهم الدباب اساسي ههه
المهم حمدا لله ع سلامته ظهورك هنا ... |
أشكرك على هذا الأطراء الجميل ..
و مع إني لست من ال (ث)رادين و لا بجي بجنب قاماتهم ..
لكني كان روقتو .. بوصف الشفتو ..
و تحية عبرك لصديقنا الدباب الجميل أساسي رد الله قلمه اللذيذ ..
و عبرك لبورداب جدة غير و ضهاريها ..
و ربنا يقبل حمدك و يقدرنا على المواصلة ..
الزمن ممحوق وما مكفي و الله ..
|
|