إلى أي مدى وصلت العلاقات السودانية مع دول الخليج !!
هذا إذا صح الخبر طبعاً
مودتي
Post: #2 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-13-2017, 09:06 AM Parent: #1
والخبر وردني في واتس الجن دا
وبالبحث عنه وجدته في مدونة أو صحيفة ألكترونية اسمها اليوم
صراحة أول مرة أشوفها
مودتي
Post: #3 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-13-2017, 09:10 AM Parent: #1
الخرطوم – عين اليوم
ذكرت وسائل إعلام سودانية، أنه تتم تجهيزات وترتيبات حالياً لانضمام السودان لدول مجلس التعاون الخليجي. وأوضحت أن اقتراح ضم السودان للمجلس جاء من إحدى الدول الأعضاء، مبينة أنه تمت الموافقة من أغلب دول المجلس. وتوقعت أن يعلن رسمياً عن ضم السودان في غضون الأيام المقبلة، بحسب “موقع النيلين”. وربطت وسائل الإعلام هذا القرار، بالزيارة التي يقوم بها الرئيس السوداني عمر البشير إلى دول الخليج. وسبق لدول خارج منظومة دول الخليج التقدم بطلبات الانضمام وهي المغرب والأردن.
انتهى
Post: #4 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-13-2017, 09:12 AM Parent: #1
دول مجلس التعاون الخليجي مرة واحدة !!!!!
يعني لا تأشيرات ولا تعقيدات ولا خلافه
وممكن تشتري بيت عادي وتستثمر بدل الزرزرة النحن فيها
غايتو قدر ما حاولت أتخيل الموضوع .. ما قدرت أبلعه هههههههه
مودتي
Post: #5 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-13-2017, 11:04 AM Parent: #1
يقرأ هذا البوست بالتزامن مع هضربة ود الباوقا في بوست الجاية كبيرة داك
مودتي
Post: #6 Title: Re: ترتيبات لضم السودان إلى دول مجلس التعاون � Author: عمر التاج Date: 04-13-2017, 09:06 PM Parent: #5
تحياتي صديقي ودابوعاقلة كنت في نقاش صباح اليوم مع مجموعة من الزملاء حول المكاسب التي يمكن تحقيقها اذا صدق الخبر وتحقق وطبعا في زمننا هذا الذي تحكمه المصالح فان كل شي جائز المهم تفاجأت برفض مجموعة كبيرة لهذه الخطوة باعتبار ما يحدث تجارة رخيصة من حكومتنا بشعبنا وارضنا وموردنا عن نفسي أتمنى الفرج من الله للوطن وان كان على يد الابالسة واللصوص ولك التحايا أنضرها يا حبيب
Post: #8 Title: Re: ترتيبات لضم السودان إلى دول مجلس التعاون � Author: إبراهيم عبد العزيز عثمان Date: 04-13-2017, 09:52 PM Parent: #6
إظهار الريالات السعوديه أمام نظر الحاكمين في السودان ...ووعدهم بالدخول لمجلس التعاون هو جزء من المصيده....!! نفس الكلام قيل من قبل لليمنيين بوعدهم للدخول لمجلس التعاون....ولم تتعدي عضويتهم المشاركة في منافسات كرة القدم....لو أدخلوا اليمن وإستثمروا بعض أموالهم فيها لما تطاولت إيران للدخول إليها.....ولما قامت هذه الحرب!!! وهذه هي سياسة الخليج...أي شئ يمكن شراؤه.....من لاعبي كرة القدم....إلي جنود تحارب لهم بالوكالة....فهم لا يفقهون سوي لغة الشراء والبيع......!!
هؤلاء الأعراب لا يخافون إلا علي ملكهم وثرواتهم وتسلط عائلاتهم علي شعوبهم المغلوبة علي أمرها.....فلا تخدعنا الشعارات الإسلامية التي يرفعونها والتي نحاول أن نطمئن بها شبابنا الذي يموت هنالك....جنودنا يموتون للدفاع عن ملك وثروات هذه العائلات فقط لاغير,,,,,ومن أجل أن يحصل حكامنا علي بعض الفتات .....فلا نخدع أنفسنا بكلمات الجهاد والشهاده.....أي نحاول أن نلبس الباطل ثياب الحق!!
لسان حال ملوكهم وأمرائهم يقول....فليموت هؤلاء السودانيون (الفقراء ....الكسالي) بدلا عن أبنائنا المترفين والذين تعودوا بأن لا يتعبوا سواعدهم إلا علي تحريك الريموت الكنترول أمام التلفاز بحثا عن القنوات الأمريكيه الخليعه...نعم هذه السواعد الرقيقه التي لا تقوي إلا علي تحريك مقود المرسيدس واللاند كروزر والليكسس...كيف لها أن تحمل السلاح....وتجهد بدنها ....وربما تزهق هذه الأرواح والنفوس الشابه التي نشأت علي أكل الآيس كريم والبتزا والهمبيرقر واللزانيا.... !!
لا أعتقد بأن السودان سيُفتح له الباب لالدخول لمجلس التعاون....أو أن الإستثمارات الخليجيه سوف تزداد لكي تحول السودان إلي تركيا .....بمجرد أن تنتهي الحرب ستتوقف عملية(إظهار الريالات)....وتتجه الأنظار مرة أخري إلي مدن الضياع....مدريد وبرشلونه ولندن والقاهره.....!
لن يهم هؤلاء كم من السودانيين ماتوا.....ستعود حليمه إلي قديمها ...إلي مجالسها المترفه لتنعتنا بالكسل والجهل والعفن ...وستعود أنظار ملوكهم وأمرائهم وأبنائهم إلي تلك المدن التي بها عملية (هز الوسط) المرغوبه ...بدلا من عملية( الرصاص المسكوب) في اليمن والتي يموت فيها أبناءنا....!!!
Post: #7 Title: Re: ترتيبات لضم السودان إلى دول مجلس التعاون � Author: معتصم سليمان Date: 04-13-2017, 09:28 PM Parent: #1
تحية طيبة لك أخي عمر
السؤال المهم وأنا زول لي بحمد الله تعالى 38 سنة في السعودية منها 4 سنوات دراسة جامعية والباقي في باب الرزق الإتفتح لي بعد التخرج من الجامعة ...
سؤالي ؟؟؟
هل ياترى هو إنضمام حكومة ..أقصد إنضمام سياسي ؟؟؟
أم ياترى هو إنضمام دولة ...أقصد حكومة وشعب ؟؟؟
لوكانت الإجابة على الشق الأول للسؤال بنعم فتلك سياسة ولا دخل أو علاقة أو فهم لي في السياسة
أما لو كانت الإجابة بنعم للشق الثاني للسؤال ...فهذا يعني أن الله قد قدر لنا رزقاً طيباً ومريحاً يستوجب الحمد الكثير
Post: #9 Title: Re: ترتيبات لضم السودان إلى دول مجلس التعاون � Author: علاء سيداحمد Date: 04-13-2017, 09:56 PM Parent: #7
Quote: الخرطوم – عين اليوم ذكرت وسائل إعلام سودانية، أنه تتم تجهيزات وترتيبات حالياً لانضمام السودان لدول مجلس التعاون الخليجي.
بعد عاصفة الربيع العربى وانهيار نظامي مبارك وبن علي اكبر حليفين لدول الخليج العربى سعى مجلس التعاون الخليجى سعياً حثيثاُ لضم المغرب والاردن الى المجلس ولكن الاوضاع الاقتصادية حالت دون ذلك . الخبر مجرد بيع وهــم من موقع النيلين ( التابع لجهاز الامن السوداني ) لالهاء الشعب وخداعهم وابعادهم عن الواقع السياسي والاجتماعي المـريـر الذي يعيشونه .
Quote: وتوقعت أن يعلن رسمياً عن ضم السودان في غضون الأيام المقبلة، بحسب “موقع النيلين”
Post: #10 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-15-2017, 11:58 AM Parent: #1
عذراً للانقطاع يا شباب
Post: #11 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-15-2017, 12:05 PM Parent: #1
سلام ود التاج
Quote: باعتبار ما يحدث تجارة رخيصة من حكومتنا بشعبنا وارضنا وموردنا
أكثر ما يدعو للتساؤل هو ماهية الثمن الذي سيدفعه الشعب السوداني نسأل الله أن لايرى شعبنا مكروهاً أكثر مما رأى
مودتي
Post: #12 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-15-2017, 12:17 PM Parent: #1
يا ابراهيم خليك متفائل شوية ياخ هسه أنا حالتي جهزت الشماغ والعقال ما تحبطنا ياخ
Quote: بمجرد أن تنتهي الحرب ستتوقف عملية (إظهار الريالات)
مشكلة الأوراق السياسية أنها لا تدوم فهي في حالة خلط دائم يعني ممكن التوزيعة الجاية ما يجينا ولا كرتين مخاويات
شاكر مرورك
Post: #13 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-15-2017, 12:20 PM Parent: #1
يا مراحب يا معتصم سليمان
السعودية دي ليها سنين وبالرغم من الضغوط الكثيرة من أكثر من جهة بخصوص إلغاء الكفيل وتحسين وضع العمالة لكن الحال في حاله ياخ المسألة مااااا بالساهل يا حبيب .. ماااا بالساهل
مودتي
Post: #14 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-15-2017, 12:24 PM Parent: #1
علاء يا علاء
Quote: الخبر مجرد بيع وهــم من موقع النيلين ( التابع لجهاز الامن السوداني )
تصدق غير عين اليوم دي ما وقع في نظري الخبر دا في أي مكان تاني عشان كدا حسيته مضروب وانه للاستهلاك فقط مشكور على المرور يا صاحب والله يكضب الشينة
مودتي
Post: #15 Title: Re: ترتيبات لضم السودان إلى دول مجلس التعاون � Author: الفاتح ميرغني Date: 04-15-2017, 01:18 PM Parent: #14
Quote: تصدق غير عين اليوم دي ما وقع في نظري الخبر دا في أي مكان تاني
سلام يا حبيبنا قدر ما فتشت تعضيد للخبر ده من مصادر أخرى ما لقيت. الغريبة ردود الافعال في الواتس والفيس أكبر من حجم الخبر زاتو!
محبتي
Post: #16 Title: Re: ترتيبات لضم السودان إلى دول مجلس التعاون � Author: aosman Date: 04-16-2017, 07:49 AM Parent: #1
الأخ أبو عاقلة ما أظن من البداية كده تكون إنبهالة في التأشيرات, ممكن تتزداد فرص العمل للسودانيين في الخليج, لكن في تقديري أول شيئ حيستغل السودان في الدفاع عن دول الخليج وممكن يدخلوا في الرياضة والإستثمار في السودان والسياحة. وإذا وصل السودان مراحل مقدمة من ناحية إقتصادية حينها ممكن تفتح التأشيرات, لكن حينها بكون السوداني أصلا ما محتاج لي تأشيرة عمل, ده إذا الوضع الإقتصادي وصل مراحل متقدمة جدا.
في تقديري مستقبل السودان مشرق جدا لكن تحتاج إلي نظرة ثاقبة من الحكومة السودانية ومحاربة الفسااااااااااااااااااااااد.
Post: #17 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-16-2017, 09:31 AM Parent: #1
سلام ود عثمان
ياخ فرص شنو يا زول .. الشي دا ماسورة ساي ياخ الخلايجة ديل من معاشرتنا ليهم ممكن يوصلوا معاك في حبل الود للآخر كسوداني طبعا لكن ما قدر كدا ياخ
شاكر مرورك يا أصيل
Post: #18 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-16-2017, 09:37 AM Parent: #1
فاتح يا حبيبنا الطال غيابك
عارف يا الفاتح الشعب السوداني دا شعب غريب جدا في الابداع ياخي كمية النكت والصور الجاتني في جوالي بسبب الخبر دا مبالغة وفيها ابداع غريب .. وجميل
أصبحنا ننسج من أحزاننا ملهاة وكوميديا تضاهي الكوميديا السوداء
مودتي لك بلا حدود
Post: #20 Title: Re: ترتيبات لضم السودان إلى دول مجلس التعاون � Author: Arif Nashed Date: 04-16-2017, 10:04 AM Parent: #18
Post: #19 Title: Re: ترتيبات لضم السودان إلى دول مجلس التعاون � Author: عماد الدين الطيب عمر Date: 04-16-2017, 09:51 AM Parent: #1
عمر انا بتخيل ان الموضوع ليس الا محاولة لتقليص النفوذ الروسي و الصيني في المنطقة و تكريس لهيمنة او تمديد للنفوذ الأمريكي في المنطقة خصوصا ان الإعلان عن التحالف الاستراتيجي دا جاء بعد زيارة ولي ولي العهد السعودي لامريكا اذن المسالة لا تتعدى عن كونها بُعد سياسي خصوصاً بعد قطع العلاقات مع ايران و ادانة حكومة البشير لاستعمال الكيماوي في سوريا و أتمنى لو تكون ذات ابعاد اقتصادية لكن مهما يكن لا أتوقع ان تصل الشراكة لأبعد من الشراكة مع المغرب و الأردن خصوصا ان المغرب و الأردن لهم حكم ملكي مشابه للحكم في دول الخليج و اقرب مثال لما قلته هو الانضمام الصوري لليمن في دول مجلس التعاون الخليجي ... اليمن تشابه السودان في نظام الحكم و انضمامها لمجلس التعاون لا يتعدى المناسبات الكروية كما قال احد المتداخلين
مع مودتي
Post: #21 Title: Re: ترتيبات لضم السودان إلى دول مجلس التعاون � Author: ود الباوقة Date: 04-16-2017, 10:11 AM Parent: #19
قضي الامر
نحن الان في وضع النهايات السعيدة
ياابو عاقلة
خليك قريب
مفآجاءت قادمة في الطريق
يا سلام
وشكرا
Post: #22 Title: Re: ترتيبات لضم السودان إلى دول مجلس التعاون � Author: حماد الطاهر عبدالله Date: 04-16-2017, 03:30 PM Parent: #21
Quote: ترتيبات لضم السودان إلى دول مجلس التعاون
الكضب والصحي لموهم، إنفرقوا... الكضب كضب. والصحيح صحيح. نحن سودانيين، وما عايزين نكون خلايجة. فليجمعنا معهم الإسلام، والإسلام فقط زيهم وزي الأتراك أو الماليزيين أو أي شعب مسلم آخر. وليجمعنا بهم مصالح الإقتصاد... هم عندهم قروش ونحن عندنا موارد. ونبدأ بالأكل والشراب. عشان حاجاتنا الجاهزة وما قادرين نلمها ونوصلها للمستهلك السوداني والخليجي عايزين: طرق، كباري، ناقلات، برادات وثلاجات ثابتة ومتحركة وسلخانات ومدابغ ... فقط نلم الحاجات الموجودة. وعشان القمح .. عايزين ( شبكة ري محوري) - فقط 15 ألف وحدة لزراعة 750 ألف هكتار قمح لأنتاج 4,5 مليون طن قمح وهويكفي السودان والسعودية تماما وإن تضاعفت الكمية أو زاد معدل الإنتاج الرأسي من القمح سيكون للصادر أو المخزون الإستراتيجي.... العمم ما عايزين نغيرها، كسلنا ما عايزين نغيره، لونا ما عايزين نغيره، بس نكون سودانيين كما كنا...
Post: #23 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-25-2017, 09:31 AM Parent: #1
يا عارف ياخ الأحلام الزي دي زلوط زااااتو يتمحن فيها
مرورك باهي يا عارف
Post: #24 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-25-2017, 09:45 AM Parent: #1
مرحب يا عماد
قلت لي المناسبات الكروية فقط حسب تجربتي في الغربة الخليجية السودانيين ديل ما عاوزين من الخليج غير سترة الحال شغل مستقر .. رسوم أقل .. ومصاريف يرسلوها للأهل .. وأجازات مرة مرة
الباقي دا كله زي ما قالوا حراق روح ساي
مودتي
Post: #25 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-25-2017, 10:04 AM Parent: #1
عمر عبدالقادر الشهير بود الباوقة شاااايفك اليومين ديل زي ما قالوا الجماعة ماشة معاكم بااااااسطة
السياسة دي ما مضمونة يا باوقا زي كورة السودان وواحد يوم في العالي ويوم بتدق الدلجة
مودتي
Post: #27 Title: Re: ترتيبات لضم السودان إلى دول مجلس التعاون � Author: مني عمسيب Date: 04-25-2017, 10:11 AM Parent: #25
لك التحية اخي الكريم ابو عاقلة .. ولضيوفك الكرام ..
اليك هذا التقرير .. لكي تعرف مدي العلاقة المشبوه !
لاحظو لمقدم البرنامج وطريقة كلامه !! حقيقة شئ مخجل !
Post: #26 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-25-2017, 10:10 AM Parent: #1
يا حماد .. القول ما قلت:
Quote: وليجمعنا بهم مصالح الإقتصاد... هم عندهم قروش ونحن عندنا موارد
نحن عاوزين نشتغل وعندنا بنية تحتية تليق بمواردنا وبالانسان السوداني
مودتي
Post: #28 Title: Re: ترتيبات لضم السودان إلى دول مجلس التعاون � Author: عمر أبوعاقلة Date: 04-25-2017, 10:34 AM Parent: #1
حباب أختي بت عمسيب
انتي عارفة يا منى أي شئ يجي من النظام دا الواحد لازم يعيد فيه النظر مليون مرة والخوف كل الخوف أن يكون قد تم بيعنا ونحن ما جايبين خبر وعموماً زي ما قالوا الأخوان انه العلاقات السياسية تتقاطع أحيانا وتتشابك في أحيان أخرى مع المصالح والمصالح دي هي سبب الخوف الدائم من الكيزان هل هي مصالح للبلد وللإنسان السوداني أم هي موارد جديدة تصب في حسابات الأفراد في البنوك الدولية !!!!
شاكر مرورك
Post: #29 Title: Re: ترتيبات لضم السودان إلى دول مجلس التعاون � Author: منتصر عبد الباسط Date: 04-25-2017, 10:51 AM Parent: #28
هذا الكلام لا هو منقول ولا معقول أقصى ما قيل في ذلك .....أنه مشروع شراكة ........ وفرق كبير جداً بين الشراكة مع دول الخليج ومن أن يكون السودان عضواً وجزءاً من مجلسهم الخليجي
Post: #30 Title: Re: ترتيبات لضم السودان إلى دول مجلس التعاون � Author: مني عمسيب Date: 04-25-2017, 10:57 AM Parent: #29
مشكور اخي ابو عاقلة علي الترحاب والتعقيب . هل هي مصالح للبلد وللإنسان السوداني يا اخي ابو عاقلة لو تسالنا هل دول الخليج نفسها حريصة علي شعبها عشان السودان النصف شعبه خارج الوطن يكون لمصلحته ؟ دول الخليج ملوك وامراء والخليج بقي مزرعتهم الخاصة وباسامئيهم الخاصة عشان كدا حتت .. مصلحة شعوب من هولاء الربش الاوباش المتخلفين ما ننتظرها .. بنقولها عدييييييييييل حقك تقلعوا حقك ما بجيك .
