نعم أنا اشجع الهلال لكن عمق وتحليل في الكورة ( ما في ) والهم الكبير كيف منظري حيكون في القهوة ليلة الخميس والجمعة العكننة الجد والاخوانيات ورفع الضغط المشكلة الواحد فينا ما يجيد العامية كويس عشان ندخل في منظارات .. حتى المريخ مغلوب شباب القهوة كانوا يسجلوا مواقف علينا المرة مع الهزيمة مشكلة .. كمان بدون قهاوي والكادحين ملح الأرض جدة ما عندها طعم بلا نخب بلا كورنيش الحياة هناك في قهوة كسلا في الهنداوية ..
معليش حبيبنا الكاردينال .. ما طوالي كده .. خلي الجماعة كمان يذوقوا طعم الفرح .. مرة مرة
عقبال كأس اندية افريقيا ..مودتي للجميع .. مبروك المريخاب .. نعمل إيه ..
أنا بالنسبة لي مباراة المريخ أهم من الجوهرة الزرقاء
Post: #2 Title: Re: هلالنا ضاع .. أين صبري طه وأبوحسين وودالبش� Author: عبد العزيز محمد عمر Date: 04-11-2017, 06:06 AM Parent: #1
ما عار ف يا شيخنا نرفع البوست ... ولا نرفع معنوياتكم ..
Post: #3 Title: Re: هلالنا ضاع .. أين صبري طه وأبوحسين وودالبش� Author: محمد البشرى الخضر Date: 04-11-2017, 06:22 AM Parent: #2
يا عمك ضاع شنو ما تبالغ, أنظر للنصف الملآن مباراة ودية وليست المرة الأولى ولن تون الأخيرة التي يخسر فيها احد طرفي القمة و الخسارة مفيدة في توقيتها تفتح العيون على مواطن الخلل قبل فترة التسجيلات
مواضع الخلل هي في وجود سماسرة التسجيلات المنتفعين منها فان تم ابعادهم و ترك الاحلال و الابدال لاهل الاختصاص سينصلح الحال و الا فسنأتى لنقرأ عن هاترك فلان في التمرين و ابداع علان و انذار الفرق المنافسة و عند الجد يطلعوا مواسير
Post: #7 Title: Re: هلالنا ضاع .. أين صبري طه وأبوحسين وودالبش� Author: علي عبدالوهاب عثمان Date: 04-11-2017, 07:00 AM Parent: #4
حياكم الله مواضع الخلل هي في وجود سماسرة التسجيلات المنتفعين منها فان تم ابعادهم و ترك الاحلال و الابدال لاهل الاختصاص سينصلح الحال و الا فسنأتى لنقرأ عن هاترك فلان في التمرين و ابداع علان و انذار الفرق المنافسة و عند الجد يطلعوا مواسير
==================================== حبيبنا حيدر شكراً لهذه التحية الجميلة .. وحياك الله .. حبيبنا حيدر الظاهر لك عمق في موضوع الهلال وتعرف بعض الخفايا
(( أمس أتابع في الاذاعة في السيارة إذاعة السعودية الرياضية تحدث خبير بعمق عن مشكلة السماسرة في الاندية وتواصلهم مع وكلاء اللاعبين وهدر الملايين في الاندية التي أصبحت غارقة الديون ))
لقد وضعت يدك على الجرح (( أهل الاختصاص )) دي مشكلتنا في مناحي كثيرة .. هل وصلت بنا الدرجة لتقييم الاعبين من خلال التمارين .. ( مصيبة ) شكراً حيدر .. مودتي الله يكون في عون هذا الهلال الجميل ..
Post: #6 Title: Re: هلالنا ضاع .. أين صبري طه وأبوحسين وودالبش� Author: علي عبدالوهاب عثمان Date: 04-11-2017, 06:51 AM Parent: #3
يا عمك ضاع شنو ما تبالغ, أنظر للنصف الملآن مباراة ودية وليست المرة الأولى ولن تون الأخيرة التي يخسر فيها احد طرفي القمة و الخسارة مفيدة في توقيتها تفتح العيون على مواطن الخلل قبل فترة التسجيلات
================================= حبيبنا ودالبشرى .. تحياتي .. نعم هي كرة القدم .. لكن صدى الهزيمة .. إن شاء الله الخسارة تكون مفيدة ويتم معالجة مواطن الخلل .. في لقاء رائع في قناة سودانية 24 كاردينال حضوره كان رائع .. اللقاء مازال في بداياته لم يتطرق بعد لشئون الهلال بعمق شكراً حبيبنا محمد البشرى وننتظر عودة أبوحسين تحياتي ..
Post: #5 Title: Re: هلالنا ضاع .. أين صبري طه وأبوحسين وودالبش� Author: علي عبدالوهاب عثمان Date: 04-11-2017, 06:45 AM Parent: #2
ما عار ف يا شيخنا نرفع البوست ... ولا نرفع معنوياتكم .. لكن الهلال يدار بواسطة فاطمة شاش ... والرشيد... وعشان ما تزعل ..... المريخ زاااتو ينقصه الكادر الإداري ... والتمويل المالي .
============================================== حبيبنا عبدالعزيز .. مودتي .. شكراً أول مرة أسمع إسم نسائي في كرة القدم .. أنا أشجع الهلال منذ بداية الستينات ( لمن جكسا سجل من الربيع ) بنتنا فاطمة دي جابت مشاكل كثيرة للهلال ويمكن للكرة السودانية كمان شكراً عزيز .. رفعت معنوياتي بالمعلومة .. مودتي
يا علي حال الرياضة من حال البلد زمان كان في فرق على مستوي في مختلف الرياضات سله طائرة ألعاب قوى وهلم وحتي كرة القدم كان لها شأن ولها نجوم. الأن حال الكورة يغني عن تشخيصها تخيل اللاعب الواحد ينسق من الهلال أو المريخ يوقع لأسود الجبال أو أهلي شندي ويبدع ليتم إعادة تسجيله في فريقه مرة أخرى أو الفريق المنافس ويقرر ترك الفريق هذه المرة من نفسه ليوقع للفريق الغريم والمؤسف أنه قد يبلغ من الكبر عتيا يعني ناس داخله التلاتينات من أعمارها وخاشه على الأربعينات نفس الأسماء ونفس الأشكال تدور من هلال لي مريخ وبالعكس وزي ما قلت في وقفات صغيرة أو سندات إقليميه لزوم حا أوريكم وأجيب قون فيكم. -- أظرف ما قيل عد هزيمةالهلا من المريخ في كأس الطلاب هلالك فته يا أب كسكسته
Post: #9 Title: Re: هلالنا ضاع .. أين صبري طه وأبوحسين وودالبش� Author: علي عبدالوهاب عثمان Date: 04-11-2017, 03:14 PM Parent: #8
أظرف ما قيل عد هزيمة الهلا ل من المريخ في كأس الطلاب هلالك فته يا أب كسكسته
============================ حبيبنا الملا عمر .. مودتي .. هلالك فته يا أب كسكته ( كعننة حلوة دي ) عن الكستكة وفي لقاء معه قناة سودانية 24 .. المذيع سأله هل هو إعجاب بسيلفاكير أجاب لا .. وقال ( المفروض كل السودان يلبس نفس الطربوش عشان حرارة الشمس ) رغم أنني هلالي والعبارة دي ترفع ضغطي لكنها جميلة .. ويستاهل المريخ صحيح المشكلة في التسجيل كما ذكر أيضاً احد الاخوان في مداخلة سابقة ..
آخر الزمن ( هلالنا بقى فته ) هههههه
مودتي الملا عمر .. على المداخلة ..
Post: #10 Title: Re: هلالنا ضاع .. أين صبري طه وأبوحسين وودالبش� Author: على محمد على بشير Date: 04-12-2017, 04:04 AM Parent: #9
Quote: يا عمك ضاع شنو ما تبالغ, أنظر للنصف الملآن مباراة ودية وليست المرة الأولى ولن تون الأخيرة التي يخسر فيها احد طرفي القمة و الخسارة مفيدة في توقيتها تفتح العيون على مواطن الخلل قبل فترة التسجيلات
كلامك ماهو من قلبك كلام زولا علي المشاركه مجبور هههههه
Post: #12 Title: Re: هلالنا ضاع .. أين صبري طه وأبوحسين وودالبش� Author: علي عبدالوهاب عثمان Date: 04-12-2017, 06:51 AM Parent: #11
سلام شيخنا علي وهاردلك تعيش وتاخد غيرها بعدين ياخ بتقلب علينا المواجع لييه قهوة كسلا وفول مجدي الحلفاوي وعيييك
============================
حبيبنا علي مودتي .. بدون الحاضنة دي جدة ما عندها طعم .. إن شاء الله يوم الخميس يكون ما في تراب .. الجماعة منتظرين بفارق الصبر .. قريبي مجدي ده كمان نكهة جدة بالمناسبة موهوب في الاغاني النوبية مرات يغني بأعلى صوته يطرب القهوة كلها ده عالم جميل .. بس في الكورة ما في رحمة والغريبة الهلالاب عددهم قليل .. مودتي الحبيب علي ..
Post: #13 Title: Re: هلالنا ضاع .. أين صبري طه وأبوحسين وودالبش� Author: علي عبدالوهاب عثمان Date: 04-12-2017, 07:00 AM Parent: #11
حبيبنا قباني .. مودتي يا جميل .. وين يا ناس هلالكم .. أول مرة أسمع الاغنية دي .. الحبيب قباني إنت خطير .. وين لقيت الاغنية دي .. نحن سمعنا في الحقيبة أجمل الاغاني عن الهلال ومعروف أنت صاحب الحقيبة زي اغنية : اراه إتجلى وإتجمل ... هلال هل وإتكمل ( أنا من ضواحي الدنيا يمكن ألخبط شوية ) وكمان في أغنية ثانية : أجمل فريق نريدو للحلة .. هلاً بيهو الهلال هلا أيه رأيك يا جميل في خبراتي في غناء الحقيبة .. مودتي يا رائع .. حقيقة يا قباني أنت تجلب لنا الدرر في هذا الحوش