حشود للجيش المصري جنوب جبل العوينات على الحدود السودانية

05:13 AM April, 07 2017

سودانيز اون لاين
زهير عثمان حمد-السودان الخرطوم
مكتبتى
رابط مختصر

كشف مصدر أمني رفيع لـ”خرطوم بوست” عن وجود كثيف لقوات الجيش المصري على بعد 25كيلو متر جنوب جبل العوينات على الحدود السودانية المصرية.
وقال إن القوات تنتشر على شريط المنطقة الأثرية وحاول بعض أفراد قوات درع الصحراء التابعة لحامية مروي العسكرية عدة مرات التصدي للقوات للمصرية.
وتشهدت العلاقات السودانية المصرية توترا ببن البلدين.
وتدخل القوات الجوية السودانية مناورات مع السعودية خلال الأسبوع الماضي أطلق عليها عملية الدرع الازرق.

أليست هذه النقطة في عمق الأراضي السودانية ؟
حسب علمي جبل العوينات مقسم إلى ثلاث مناطق : منطقة ليبية ومنطقة مصرية ومنطقة سودانية.

وجزء من الجبل وكل ما يقع جنوبه هو سوداني

أنت هنا تتحدث عن قوات أجنبية توجد بعمق 30 كيلو متر جنوب الجبل وجنوب خط 22 أيضاً ....

اطلب من حميدتي وجماعته يمشو ليهم

Quote: اطلب من حميدتي وجماعته يمشو ليهم

الغبي حميدتي حطب النَّار نويتو تخلصو منو بهذه الغباء أم انه
اصبح ضكر البط !

اطلب من حميدتي وجماعته يمشو ليهم
المصدر : http://sudaneseonline.com/board/490/msg/%d8%ad%d8%b4%d9%88%d8%af-%d9%84%d9%84%d8%ac%d9%8a%d8%b4-%d8%a7%d9%84%d9%85%d8%b5%d8%b1%d9%8a-%d8%ac%...%a9--1491541989.html
-----------------------------------------------------
ان شاء الله تمشى بطنك يا عميل يا رخيص..... دفعولك كم؟؟

Quote: اطلب من حميدتي وجماعته يمشو ليهم

بيجي اليوم الحا يمشي ليهم مليون حميدتي ... بس انتا اليوم داك إلا تخش
في اضان وزه أو كما قال ود عووضه عليه السلام.

بيجي اليوم الحا يمشي ليهم مليون حميدتي ... بس انتا اليوم داك إلا تخش في اضان وزه أو كما قال ود عووضه عليه السلام.

صلاح غربية شخص انتهازى انانى بيحب الانظمة العسكرية والدكتاتورية ولا يهمه يساريتها او يمينيتها بس عليه ان يتسلق من اجل مصالحه
وايضا حرصه على تحسن العلاقات السودانية المصرية نابع من مصلحته الشخصية ولا يهمه ان تضرر السودان وشعبه من هذه العلاقة طالما اموره ماشة وظابطة وزول زى ده ما عنده انتماء لاى وطن ولا يهمه كرامة وانتمائه وكرامته هو مصلحته ومن اجل المصلحة الشخصية والذاتية كل شئ يهون عند امثال صلاح غريبة !
ومشكلته الرئيسية الان هى حبه للنظامين( المصرى والسودانى ) وبينطبق عليه مثل ( صاحب بالين كضاب ) !!

ومشكلته الرئيسية الان هى حبه للنظامين( المصرى والسودانى ) وبينطبق عليه مثل ( صاحب بالين كضاب )
المصدر : http://sudaneseonline.com/board/490/msg/%d8%ad%d8%b4%d9%88%d8%af-%d9%84%d9%84%d8%ac%d9%8a%d8%b4-%d8%a7%d9%84%d9%85%d8%b5%d8%b1%d9%8a-%d8%ac%...%a9--1491541989.html
---------------------------------
الاخ خالد حاكم لك التحية
كمان بيقولوا ركيب سرجين وقاع....غريبة دا انتهازى لدرجة القرف

الخاسرة مصر والجيش المصري بكل تاكيد اذا لجأ للعنف
فالجيش المصري دعاية واعلام ومنذ زمن طويل لم يدخل حرب منظمة
والجيش السوداني له مقاتلين ينامون منذ سنوات طويلة تحت اصوات الزخائر وفي الخنادق
اي متمرسين على القتال والحروب ووجود السد على بعد كيلومترات قليلة من الحدود
والجيش المصري يكفيه ما يواجه في الداخل فدخوله لاي حرب خاسر
ابناء فيفي بتاعت السليفي خليهم يجربوا لحم السودان المُر
عشان نحتل القاهرة والاسكندرية معا مش حلايب

والجيش السوداني له مقاتلين ينامون منذ سنوات طويلة تحت اصوات الزخائر وفي الخنادق

يا برنس كلامك ده لو كان حرب على الارض وبالاسلحة البيضاء ..لكن بصراحة مافى مقارنة فى مستوى التدريب والتسليح ما بين الجيشين , لكن ده لا يمنع رد الاعتداء
وفى الحقيقة الاعتداء قائم باحتلال حلايب منذ عام 1995 لكن نظام الانقاذ لا يريد ان يدخل فى اى صراع سيفقده سلطته !

الجيش السوداني اليوم مؤسسة تتبع لنظام فاشي وتاتمر بامرته، فهو في هذا الوقت ليس لديه عقيده قتالية تؤهله لاي شيء سوي تنفيذ اجنده عنصرية جبانه تجاه مواطني الدولة التي مان من المفترض عليهم حمايتها!
من يعول علي الجيش السوداني بتركيبته الحاليه ويعتقد انه قادر علي رد الارض السودانيه المحتله هو واهم.
الجيش السوداني لمن لا يعرف تاريخه في الحروب في جبال النوبة والنيل الازرق ، فهو جيش لايعرف سوي الانتقام من المدنيين متي ماتمت هزيمته في ميادين القتال، فهو جيش لا اخلاق ولاشرف ولاكرامه له، فهو يسرق ويحرق ويغتصب.
فاليستيقظ من يعول علي جيش السودان الخائب ليرد لح حلايب.
يجب تقويض النظام الفاشي ومؤسساته بما فيها الجيش السوداني الحالي، ومن بعد يجب بناء جيش قومي بعقيده وطنية ليرد الارض ويحمي المواطن.

Quote: الجيش السوداني اليوم مؤسسة تتبع لنظام فاشي وتاتمر بامرته، فهو في هذا الوقت ليس لديه عقيده قتالية تؤهله لاي شيء سوي تنفيذ اجنده عنصرية جبانه تجاه مواطني الدولة التي مان من المفترض عليهم حمايتها!

يا بروف دكتور الفنان خالد كودي ... سلام واحترام ..
رأيك الفوق دا فيما يخص النظام فالنظام بقي قرابة 30 عاما"
حاكما"للشعب السوداني البطل مفجر الثورات وانتا منهم
فلا تعليق ... اما فيما يخص الجيش فرأيك منحاز وعنصري
ويحمل الكثير من الفاشية بصفتك أحد أعضاء قطاع الشمال
ومن قبله الحركه الشعبيه بقيادة الشاويش سلفاكير .......
لم يسجل التاريخ اي هزيمة للجيش السوداني طوال كم
وعشرين سنه وانتا تحارب فيه ويأتيك الدعم بكل أنواعه
السياسي والعسكري والمالي من إثيوبيا منغستو وأوغندا
موسفيني وكينيا وارتريا والكنغو وكل دول الغرب وأمريكا
وبعض من الدول العربية والإسلامية ... ولم تستطع هزيمته
وبقي شامخا" كالطود ووقف حجر عثرة في حلوقكم ولم
يمكنكم من استباحة البلد وتحقيق وهم السودان الجديد
المطبق في جنوبنا الحبيب واذلالنا كما اذليتم اخوانا الجنوبيين ...
لذلك نري مدي الكراهية والغبن والحقد في كل كتابتك عن كل
ما هو سوداني بي شهادة كل من يقرأ ويطلع في هذا البورد ...
فيا أخينا الذي يعيش منعما" في نواحي أمريكا ... استهدا بالله
وخش الضل وخت في بطنك بطيخه صيفي.

يا صلاح الزبير
اولا الجيش السودانى ( جيش المؤتمر الوطنى ) حاليا لم يقابل جيش نظامى فى العشرين السنة الذكرتها عشان ينتصر او ينهزم !
ثانيا هذا الجيش يصرف عليه كل مقدرات الشعب السودانى ( امكانية الدولة ) على حساب صحتنا وتعليمنا ومعيشتنا انا وانت والبروف خالد كودى ليحارب اناس مواطنين تمردوا على الوضع بسبب الظلم والعنصرية والتهميش ..
وبعدين هزيمة شنو وانتصار شنو البتتكلم عنه .. يكفى ان التمرد ( الجيش الغير نظامى ) عامل ليه صداع وقلاقل طوال هذه السنين ومازال ولم يتمكن من حسمه ولن يتمكن !!

Quote: ( جيش المؤتمر الوطنى )

مرحب بيك اخ خالد ....
دا حنك عاضي لانو لو بديت تصنف بهذه الطريقه فكل الاشياء داخل السودان حا تكون بالضروره مؤتمر وطني نبداها ليك من تذكرتك بتاعت الطيارة إذا كنتا خارج البلد (مؤكد انتا بره) وبعدك من ما تدخل جوا انت ذاتك بقيت مؤتمر وطني ... اييييك واهلك القاعدين جوا ومعارفك ... ياخي الناس المفروض تفرق بين الوطن والكيزان .... الجيش دا فيهو الوف من السودانيين فيهم اخوك واخوي وقريبك وقريبي هل كلهم مؤتمر وطني ؟ الجيش مؤسسه من مؤسسات الدولة كسوداني يجب أن تعتد بذلك .

Quote: لم يقابل جيش نظامى فى العشرين السنة الذكرتها عشان ينتصر او ينهزم

العصره الإتعصرا جيش دولة جنوب السودان في هجليج دا ما كان انتصار ولا
حاسبين جيش الجنوب تبع متمردي قطاع الشمال.

Quote: وبعدين هزيمة شنو وانتصار شنو البتتكلم عنه .. يكفى ان التمرد ( الجيش الغير نظامى ) عامل ليه صداع وقلاقل طوال هذه السنين ومازال ولم يتمكن من حسمه ولن يتمكن !!

واللهي نحمد الله الف مره انو عندنا جيش قدر يوقف الجيش الغير نظامي المدعوم من القوي الاستعمارية ... ولو لا ذلك لكنا اليوم علي أسوء مما يحدث
في الجنوب بفضل رؤية السودان الجديد ....

Quote: رأيك الفوق دا فيما يخص النظام فالنظام بقي قرابة 30 عاما" حاكما"للشعب السوداني البطل مفجر الثورات وانتا منهم فلا تعليق ... اما فيما يخص الجيش فرأيك منحاز وعنصري ويحمل الكثير من الفاشية بصفتك أحد أعضاء قطاع الشمال ومن قبله الحركه الشعبيه بقيادة الشاويش سلفاكير ....... لم يسجل التاريخ اي هزيمة للجيش السوداني طوال كم وعشرين سنه وانتا تحارب فيه ويأتيك الدعم بكل أنواعه السياسي والعسكري والمالي من إثيوبيا منغستو وأوغندا موسفيني وكينيا وارتريا والكنغو وكل دول الغرب وأمريكا وبعض من الدول العربية والإسلامية ... ولم تستطع هزيمته وبقي شامخا" كالطود ووقف حجر عثرة في حلوقكم ولم يمكنكم من استباحة البلد وتحقيق وهم السودان الجديد المطبق في جنوبنا الحبيب واذلالنا كما اذليتم اخوانا الجنوبيين ... لذلك نري مدي الكراهية والغبن والحقد في كل كتابتك عن كل ما هو سوداني بي شهادة كل من يقرأ ويطلع في هذا البورد ... فيا أخينا الذي يعيش منعما" في نواحي أمريكا ... استهدا بالله وخش الضل وخت في بطنك بطيخه صيفي.

وقوز دنقو .... وقوز دنقو..... وقوز دنقو......................

ارض الوطن المغتصبه في حلايب، والجيش المصري يقول لن يخرج منها!
هذه هي الحقيقة !

مرحب يا صلاح الزبير

اخوى واخوك فى الجيش ما بالضرورة يكونوا مؤتمر وطنى لكن ممكن يكونوا موالين وبعدين يا صلاح لو خليت المكابرة انت عارف الكيزان ديل من استلموا السلطة صفوا الجيش من كل العناصر الغير موالية لهم وبعد داك التقديم والدخول للكلية الحربية بمواصفاتهم هم كحزب والاهم من ذلك الجيش بينفذ سياستهم كحزب .. يعنى باختصار كده يا صلاح البلد بلد حزب بكل مؤسساتها و هو الامر والناهى يعنى الجيش ما عنده استقلالية فى ظل هذا النظام عشان تضرب لى مثال باخوى واخوك مع انى الحمد لله حقيقة ما عندى لا اخ ولا اب ولا عم ولا خال فى هذا النظام ولا من انصار هذا النظام !

نعم جنوب السودان دولة وليدة وما عندهم جيش نظامى حتى الان .. وبعدين اسالك سؤال اى الحدثين تم اولا
احتلال مصر لحلايب ام احتلال جنوب السودان لهجليج ؟
انا افتكر كان يتم تحرير حلايب اول لانو احتلالها حدث قبل اكثر من 10 سنوات من احتلال هجليج ؟

خالد حاكم تحياتي ...

Quote: اخوى واخوك فى الجيش ما بالضرورة يكونوا مؤتمر وطنى لكن ممكن يكونوا موالين وبعدين يا صلاح لو خليت المكابرة انت عارف الكيزان ديل من استلموا السلطة صفوا الجيش من كل العناصر الغير موالية لهم وبعد داك التقديم والدخول للكلية الحربية بمواصفاتهم هم كحزب والاهم من ذلك الجيش بينفذ سياستهم كحزب .. يعنى باختصار كده يا صلاح البلد بلد حزب بكل مؤسساتها و هو الامر والناهى يعنى الجيش ما عنده استقلالية فى ظل هذا النظام عشان تضرب لى مثال باخوى واخوك مع انى الحمد لله حقيقة ما عندى لا اخ ولا اب ولا عم ولا خال فى هذا النظام ولا من انصار هذا النظام !

بدون مكإبرة في كل الأنظمة الحاكمة في العالم يجب أن تخضع كافة قوي الدولة لي رأس الدولة ... واتفق معك في أن الانقاذ أتت بما لم تأتي به الأوائل في منهج التمكين علي كافة مناحي الحياة ... لكن يظل الجيش هو جيش البلد وإذا ذهب البشير والمؤتمر الوطني غدا" فلا مناص لأي حكومة قادمة من التعامل مع نفس قيادة الجيش حتي ندخل في عملية تمكين اخري ...
أما بخصوص حلايب وهجليج ... تم احتلال حلايب قبل اكتر من عشرين سنة وظل الجيش المصري هنالك بدون أطماع في احتلال أطراف اخري وعلي حسب علم الكثيرين تمت في العشرين سنة الماضية عملية تحديث وتأهيل للجيش السوداني ليكون علي قدر التحدي بتحرير حلايب ...
السؤال هو هل كان سيكتفي جيش الجنوب وحلفائه من الحركات المسلحة الشمالية من حركة شعبية وحركات دارفور ية بي هجليج فقط ...
ما استغربه فعلا" هو التماهي الواضح جدا" مع أجندة الحركة الشعبية العنصرية جدا" بدليل ما يحصل للجلابي ياسر عرمان هذه الأيام من شرشحه بواسطة رفقاء النضال والذي افني عمره في خدمتهم ... ديل لو دخلو الخرطوم فاتحين حا نتحشا كلنا ...

Quote: نتحشا كلنا ...

كلللللنا؟

ههههههه ايمن الطيب إتا عايز تأكيد بأنك حا تتحشا ... ولا يهمك نشوف
ايمن نواي يتوسط ليك .... ههههههه

وإذا ذهب البشير والمؤتمر الوطني غدا" فلا مناص لأي حكومة قادمة من التعامل مع نفس قيادة الجيش حتي ندخل في عملية تمكين اخري ...



يا صلاح كلامك الفوق ده سابق لاوانه فى انو الناس تعمل شنو مع جيش تم احلاله وابداله بكوادر موالية لحزب ايدلوجى لقرابة ال30 سنة ..
وبعدين كلامنا هنا فى هذا البوست وتعليقنا عليه عن وضع الجيش اليوم وليس بعد ذهاب البشير والمؤتمر الوطنى

بدون مكإبرة في كل الأنظمة الحاكمة في العالم يجب أن تخضع كافة قوي الدولة لي رأس الدولة ...





يا صلاح من القاليك يجب ؟ حسع المحكام الامريكية التى ابطلت قرارت ترامب على سبيل المثال غلطانة والمفروض ما كان تعترض على قرارات راس الدولة بفهمك ده ؟

كلامك ده ما بيحدث الا فى انظمة الحكم الدكتاتورية والمتسلطة !
مع التحية

Quote: وبعدين كلامنا هنا فى هذا البوست وتعليقنا عليه عن وضع الجيش اليوم

يا خالد شوية هوم ورك في قوقل (عشان ما يجي علق جدة يقول جنابو أمن شعبي) كان عرفتا اول شيء انو قيادة الاركان المشتركة للجيش تأتي من الدفعات المتخرجة من الكلية الحربية فقط يعني مافي تعيين سياسي من خارج الجيش ... ثانيا" النظام الصارم للاحلال والإبدال في قيادة الجيش سنة متبعة منذ تكوين اول وحدة لقوة دفاع السودان ... يعني رئيس هيئة الأركان المشتركة للجيش من الدفعه 27 المتخرجه من الكلية الحربية اواخر السبعينات وهو القائد الفعلي للجيش من أبناء الحصحيصا لم يعرف له أي انتماء للحركة الإسلامية أو الجبهة الإسلامية فهو عسكري محترف ... جل هيئة القيادة هم من أبناء الدفعة 29 المتخرجه العام 1981 ... يعني شغل التمكين هنا لازم يكون ضعيف الي حد ما.

Quote: يا صلاح من القاليك يجب ؟ حسع المحكام الامريكية التى ابطلت قرارت ترامب على سبيل المثال غلطانة والمفروض ما كان تعترض على قرارات راس الدولة بفهمك ده ؟ كلامك ده ما بيحدث الا فى انظمة الحكم الدكتاتورية والمتسلطة !

يا خالد شيشك ياخي انا قتا جميع قوي الدولة ... قوي دي جمع قوة وانا اقصد القوة المسلحة والأمنية... بعدين في اي نظام حاكم لابد أن تكون هناك ثلاث رئاسات تنفيذي وتشريعي وقضايء هذه بديهيآت.
تحياتي.

العقيدة العسكرية وتوجهات ومستويات التدريب لها أدوار مهمة في اتخاذ قرار شن الحرب والمواجهات العسكرية

الجيش المصري يتوفر على أكثرية عددية لا شك وبرامج تدريبه تقوم على التدرب للمواجهات الشاملة في الأراضي الصحراوية المفتوحـة

حسب العديد من الخبراء واجه الجيش المصري صعوبات في مواجهة تكتيكات حرب العصابات والحرب في المناطق المغلقة وداخل المدن ومواجهة تقنيات التفخيخ والعمليات الخاطفة

هذه أمور قابلة للحساب ويحسبها الخبراء بالنظر للاستعداد وطول زمن المواجهة وطبيعة الأرض وعقيدة المقاتلين والعتاد المتوفـر ومن ناحية استراتيجية احتلال مناطق جغرافية

والدعم الدولي والإقليمي لمشروعية المواجهات

السواااااااي مو حداس ..
لماذا لم يصدر بيان من حكومة الخرطوم الجبانة التي تفوقت علي نفسها في قتل وتدمير المواطن السوداني بخصوص هذه الموضوع ؟؟
فالحين نحنا ونحنا ..
لو كان خلاها هيثم السعودي كان دخل قوووون ..

غريبة رفع كثافتكم بكلمتين بس ..
ناس حميدتي فالحين يقتلوا وينتهكوا مواطنيهم فكط !!
بقت علي جبل عوينات فكط ؟.

Quote: كشف مصدر أمني رفيع لـ”خرطوم بوست” عن وجود كثيف لقوات الجيش المصري على بعد 25كيلو متر جنوب جبل العوينات على الحدود السودانية المصرية. وقال إن القوات تنتشر على شريط المنطقة الأثرية وحاول بعض أفراد قوات درع الصحراء التابعة لحامية مروي العسكرية عدة مرات التصدي للقوات للمصرية.

أستاذنا زهير يعطيك العافيه ... خبرك أو خبر خرطوم بوست طلع اي كلام ...
لا تثريب عليك فالخبر منشور فعلا" في موقع خرطوم بوست التي يظهر أن جل مصادرها من ونسات حلقات الشاي والقهوه في شارع النيل ... وأنا أقول الزول كبا الحرجل وزاغ ... غريبه هيمسلف ما رجعك للبوست .. عجبي ..