ود سيد احَمَد ,, مشتاغوووون ياخ ود اختى ضرب لى قبل اسبوع قال لى خالى انا خطبت. الإسبوع البعده ضرب لى زوج اخته قال لى نحن ماشين عرس عثمان. قلت ليهو: عثمان ده اصلو عرسو ده شافو فى حلم؟ الزول ده ختب الاسبوع الفات.
Post: #5 Title: Re: الشيخ الامين..فى لقطة الموسم. Author: عبد المنعم سيد احمد Date: 04-07-2017, 00:35 AM Parent: #4
ههههه الفاضلابى.. الشباب ديل مستعجلين خلاص مازينا..نحن زمان كيفك حالك..لعلك زين تسلم
Post: #6 Title: Re: الشيخ الامين..فى لقطة الموسم. Author: عمر دفع الله Date: 04-07-2017, 07:15 PM Parent: #5
قالوا محايتو ببسي قالوا على اليمين محايتو طلعت فودكا عديييل ومن الليلة انا من حيرانه .. تانى خلي الراجل منكم يتمسخر عليهو !
Post: #8 Title: Re: الشيخ الامين..فى لقطة الموسم. Author: عمر دفع الله Date: 04-07-2017, 09:10 PM Parent: #7
https://www.0zz0.com
تنقد الرهيفة انشاالله ما تنسدا ..
Post: #9 Title: Re: الشيخ الامين..فى لقطة الموسم. Author: عمر دفع الله Date: 04-07-2017, 09:15 PM Parent: #8
https://www.0zz0.com
Post: #10 Title: Re: الشيخ الامين..فى لقطة الموسم. Author: عمر دفع الله Date: 04-07-2017, 09:35 PM Parent: #9
https://www.0zz0.com
ودى صورة سعادة السفيرة ( رحمة كيماوي ) وكما يقولون تريد ان تكون تركية اكتر من الاتراك وعندما يلفظونها من وزارة الخارجية يوما ما ستكتشف انها كانت مجرد اداة في لعبة قذرة ولا اخلاقية ولايقدم عليها الا من يفتقد الى الفطرة السليمة والحس الانسانى الرفيع . ولا ادرى كيف تقبل ان يكون مصدر قوتها من دماء الضحايا على سفوح المرتفعات ومفارق الوديان في جبل مرة .
Post: #11 Title: Re: الشيخ الامين..فى لقطة الموسم. Author: عبد المنعم سيد احمد Date: 04-07-2017, 11:44 PM Parent: #10
مرحبتين حبابك..استاذ عمر شيخ الامين..الناس ديل ظاهر مزعلنوا..شديد خلاص مع علامة النصر دى ياريت يكون معاها..جرة سبحة كاربة لقد هرمنا
Post: #12 Title: Re: الشيخ الامين..فى لقطة الموسم. Author: عبد المنعم سيد احمد Date: 04-07-2017, 11:48 PM Parent: #11
كيفك..الاخ السر ماليهو حق اكتر من يرجع لهم العلاقات مع الامارات..ناس طه ديل دايرين شنو تانى. يستاهلوا..ماعندهم عشرة بالمرة.
Post: #13 Title: Re: الشيخ الامين..فى لقطة الموسم. Author: عبد المنعم سيد احمد Date: 04-07-2017, 11:53 PM Parent: #12
Post: #14 Title: Re: الشيخ الامين..فى لقطة الموسم. Author: البرنس ود عطبرة Date: 04-08-2017, 06:12 AM Parent: #1
سلامات الحضور وهناك حا يكون شعاروا حواروا جكسي ومحايتوا وسكي !!!! عاطل لما شباب عطالة حولوا اختلاط وقلت أدب
Post: #15 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 08:49 AM Parent: #14
مرحبتين حبابك..استاذ عمر شيخ الامين..الناس ديل ظاهر مزعلنوا..شديد خلاص مع علامة النصر دى ياريت يكون معاها..جرة سبحة كاربة لقد هرمنا --------------------------------------------
سلام يا عبدالمنعم انت ما سمعت شيخ الامين - حفظه الله - قال لتراجى شنو ! قال ليها انا مافي زول زي بيعرف الناس ديل واضاف - حفظه الله - لو الحوار دا نجح ، انا اراهنك اسيب الاسلام زااااااااتو .
--------------------- يا سيد البرنس الاختلاط ما عيب ولا حرام انت زول من العصر الحجرى ، فما تخرب على ناس العولمة حياتهم ولوما عجبك امشى عيش في قندهار مع قبيلة البشتون .
ياخى ما تزعجنا ... خلي الناس تفرفش
Post: #16 Title: Re: الشيخ الامين..فى لقطة الموسم. Author: مني عمسيب Date: 04-08-2017, 08:54 AM Parent: #15
التحية للجمييييييييع ..
يا شباب انا جاياكم بمقترح ... رأيكم شنو نسامح شيخ اللمين مدام ما بقي معارض لدرجة يقيف امام المحكمة الدولية ويصور نفسه ؟
مجرد مقترح .
Post: #17 Title: Re: الشيخ الامين..فى لقطة الموسم. Author: البرنس ود عطبرة Date: 04-08-2017, 09:00 AM Parent: #1
اخي عمر ان تفعل الحرام وانت اعلم به وتستفغر يغفر الله لك فهذه سيئات اكتسبتها أما ان تفعل الحرام مُتعمدا فهذا يخرجك خارج المِله الاسلامية فلم يكفر الذين كفروا الا بعدما تبين لهم الحق وجحدوه فقال الله تعالى (وَإِذَا قِيلَ لَهُمُ اتَّبِعُوا مَا أَنْزَلَ اللَّهُ قَالُوا بَلْ نَتَّبِعُ مَا أَلْفَيْنَا عَلَيْهِ آَبَاءَنَا أَوَلَوْ كَانَ آَبَاؤُهُمْ لَا يَعْقِلُونَ شَيْئًا وَلَا يَهْتَدُونَ (170) وقال الله تعالى (وَإِذَا قِيلَ لَهُمُ اتَّبِعُوا مَا أَنْزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آَبَاءَنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ (21) وانت عندما نقول له اتبع ما انزل الله تقول بل اتبع كما وجدت الناس عليه وما هو من صنع البشر الموضوع خطير وليس بالسهل اخونا الفاضل لا تجعل لكبرياء والعُلو يوردك مورد الهلاك تتعالى على الله تعالى ورسوله صلى الله عليه وسلم وما انزل الله
Post: #18 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 09:16 AM Parent: #17
يا اخونا البرنس ياخى ما تكبّر الموضوع ساكت وتعملها لينا مناحة . شيخ الامين - حفظه الله - اختلط لكن غيره رقص وتمايل وسط الناس يعنى تخلي الرقيص وتمسك في الاختلاط .
يا اخونا البرنس اولا مافي داعى للاساءة وثانيا ياخي للاتتعجل ولا تندفع فعسى ان يهديك الله وتكون من حيران شيخ الامين - حفظه الله - فتندم على العجلة ، فالعجلة من الشيطان ، يا هداك الله .
https://www.0zz0.com
شيخ الامين - حفظه الله - والانفتاح على الآخر المختلف .... بالله عليكم هسي في تسامح اكتر من كدا !
Post: #19 Title: Re: الشيخ الامين..فى لقطة الموسم. Author: البرنس ود عطبرة Date: 04-08-2017, 09:23 AM Parent: #1
اخي عمر قال الله تعالى في مُحكم تنزيله (وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلَا نَصِيرٍ (120) وهو اصدق القائلين واحكم الحاكمين ؛ ما تسمونه انفتاح هذا أنا اسميه معصيه فكلام الله واضح لا يحتاج لتفسير او تعديل وهو العالم بشأن خلقه ومُقدر الاقدار ؛ هذا المدعو شيخ الأمين لا ارى فيه صلاح بقدر ما ارى فيه فساد وبدع في امر الدين ؛ والحمد لله ان على نعمة الاسلام والعقل
Post: #20 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 10:08 AM Parent: #19
يا اخونا البرنس ياخى شيخ الامين - حفظه الله - مرق وترل البلد والآن يعيش بلد تاني وهو حُر في نفسه يختلط بالبنات يشرب ببسي ولاّ يشرب وسكي ، هذه حياته وهو حر فيها مادامت حياته في اوروبا لاتخالف النظم والقوانين الاوروبية ، تاني لاحقنوا عايزين منوّ شنو؟ ولو انت صحيح حقّاني ياخى امشي شوف البيرقص وسط البنات ويسرق في البلد ويقتل في الناس زي البهايم !
الحاجة التانية ياخى انا عايز، لو سمحت ، اعرف رايك في الصوفية بوجه عام !
Post: #21 Title: Re: الشيخ الامين..فى لقطة الموسم. Author: عبد العزيز محمد عمر Date: 04-08-2017, 10:09 AM Parent: #19
Quote: ومن الليلة انا من حيرانه .. تانى خلي الراجل منكم يتمسخر عليهو !
يعنى نحن لسنا شغالين بعفى الله عما سلف ...,,؟؟
دي بشريات كويسة لأهل الإنقاذ ...
Post: #22 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 10:19 AM Parent: #21
الوقوف مع الجنائية يجُبّ ما قبله يا عبدالعزيز بطّل تشويش ...!
Post: #23 Title: Re: الشيخ الامين..فى لقطة الموسم. Author: MOHAMMED ELSHEIKH Date: 04-08-2017, 10:32 AM Parent: #22
يا برنسوف ياخ المسلمين الحق اليوم يقودهم اليهود والنصاري في حرب سوريا. ماسمعت بقوات التحالف بقيادة اميركا في سوريا؟ اها ديل بكتلوا في ناس بقولوا لا اله الا الله او الخوارج كما يطلقون عليهم تجي تقول لي جيمي كارتر شايقي
Post: #24 Title: Re: الشيخ الامين..فى لقطة الموسم. Author: عبد العزيز محمد عمر Date: 04-08-2017, 10:42 AM Parent: #23
Quote: الوقوف مع الجنائية يجُبّ ما قبله يا عبدالعزيز بطّل تشويش ...!
ههههههههههه
حاضر ... لكن دي مراقة كويسة ....
Post: #25 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 11:17 AM Parent: #24
يا محمد الشيخ شيخ الامين - حفظه الله - سيكون مؤيدا للمشروع الامريكى لتصنيف جماعة الاخوان المسلمين كجماعة ارهابية بإذن الله والغريق قدام ، امسكوا الخشب . وبعدين ما تركزوا مع صوره القديمة مع الكيزان ، امثال مامون حميده وجمال الوالى فدي كانت نوع من المداجاة مع غشامة السلطة ، عشان ما يعمل زي ما عمل مشايخ الصوفية مع الحكام الامويين ويكون مصيره الموت في الخرطوم .
عمر دفع الله شيخك الامين دا الله لا حفظوا دنيا واخرة
يعمل اي شيء هو حر بس يبعد عن الدين ويخرمج خرمجتوا دي بعيد من الدين هو الموضوع لو ما موضوع دين العاطل دا انا ما عندي ليه زمن
وهو والحكومة دافننوا سوا هو الوباء الزي شيخ الامين دا ما جابتوا الحكومة قوت شوكتهم وفكتهم في خلق الله وغلبها تتصرف معاهم لما دخلوا في قضايا كبيرة زي قضية الامارات قال شيخ الامين قال هو كل عاطل لما سبعة وعمل نوبة خلاص شيخ
اما راي في الصوفية واضح ان كتبهم بها كفريات كبيره تُخرج خارج المِله الاسلامية امش الله يهديك شوف شغلتك اكل ليك مهيوبة ولا دق نوبة مع عطالة في زريبة
Post: #27 Title: Re: الشيخ الامين..فى لقطة الموسم. Author: حمد إبراهيم محمد Date: 04-08-2017, 12:08 PM Parent: #26
FacebookWhatsAppTwitterGoogle+انشر
كشف شيخ الطريقة المكاشفية بأم درمان، الأمين عمر الأمين، من مقر اقامته بهولندا حقيقة صوره المتداولة على الانترنت أمام المحكمة الجنائية الدولية في لاهاي، وقال إن الصور التي نشرت على مواقع التواصل والاجتماعي وهو يقف أمام المحكمة صحيحة ولكن ليس وراءها أي قصد او كيد سياسي، منوهاً الى أنه تم تصويره دون علمه وتفأجأ بالصور مثله مثل غيره، واصفآ من قام بتصويره بالعدو والحاقد والحاسد. وقال الأمين لـ(الجريدة)، أمس، إن من صوره ونشر الصور قصد الفتنة، مشيراً الى أنه بحكم وجوده في لاهاي ذهب لزيارة المحكمة وهي زيارة عادية، وأوضح أنه ضد محاكمة أي سوداني خارج السودان، وضد محاكمة الرئيس أيضاً، مبيناً أنه رفض الجواز الهولندي والانجليزي رغم استيفائه لشروط حمله، وذلك لأنه متمسك بالجواز السوداني ويحلم بالعودة لوطنه. صحيفة الجريدة
Post: #28 Title: Re: الشيخ الامين..فى لقطة الموسم. Author: محمد البشرى الخضر Date: 04-08-2017, 02:23 PM Parent: #27
Quote: الأمين عمر الأمين، من مقر اقامته بهولندا حقيقة صوره المتداولة على الانترنت أمام المحكمة الجنائية الدولية في لاهاي،
وقال إن الصور التي نشرت على مواقع التواصل والاجتماعي وهو يقف أمام المحكمة صحيحة ولكن ليس وراءها أي قصد او كيد سياسي، منوهاً الى أنه تم تصويره دون علمه وتفأجأ بالصور مثله مثل غيره، واصفآ من قام بتصويره بالعدو والحاقد والحاسد. وقال الأمين لـ(الجريدة)، أمس، إن من صوره ونشر الصور قصد الفتنة، مشيراً الى أنه بحكم وجوده في لاهاي ذهب لزيارة المحكمة وهي زيارة عادية، وأوضح أنه ضد محاكمة أي سوداني خارج السودان، وضد محاكمة الرئيس أيضاً،
مبيناً أنه رفض الجواز الهولندي والانجليزي رغم استيفائه لشروط حمله، وذلك لأنه متمسك بالجواز السوداني ويحلم بالعودة لوطنه.
صحيفة الجريدة
زيارة عادية وليس لها أي قصد أو مدلول سياسي دي كيف وهو ذهب بكل الجوقة
صوره دون علمه لأن من كان يحمل الموبايل ظن الأمين أنه مرآة ليرى فيها مظهره ممكن ليه لا؟
الصورة أخذها أحد جوقته الحاسدين الحاقدين الأعداء
وعليه أن يتجسس جواره وحواره
أغلب الظن الأمين لم يكن يعرف أنه اقتيد من أذنيه لهذا المكان دون علمه ليعرف لاحقاً أن هذا المكان هو المحكمة الجنائية الدولية التي يعارض محاكمة أي سوداني بها ويرفض كذلك محاكمة رئيسه البشير بها
الزول طلع إضينة ساكت
Post: #30 Title: Re: الشيخ الامين..فى لقطة الموسم. Author: حمد إبراهيم محمد Date: 04-08-2017, 03:26 PM Parent: #28
شيخ الجكسي مراوغ ... والطردة عليه صعيبة... وفراق الطريفي ل جكسوو ما هين ... !!!
ما أهي الصورة بتتكلم تاني تفيد شنو الاعذار ...؟
Post: #31 Title: Re: الشيخ الامين..فى لقطة الموسم. Author: منتصر عبد الباسط Date: 04-08-2017, 04:11 PM Parent: #30
Quote: اما راي في الصوفية واضح
ما يسمى بشيخ الأمين زول متلبط في الصوفية ليس أكثر فهو لا شكلاً ولا موضوعاً يشبه الصوفية وهذا موقف اتخذته وكلام قلته منذ سنوات تربوا على السبع سنوات فالرجل صنعه الكيزان هو ومعاول أخرى كثيرة لهدم كيانات الصوفية فالوهابية السودانيين ليس المعول الوحيد الذي يتخذه ويدعمه الكيزان لهدم كيانات الصوفية فما يسمى بشيخ الأمين لم يكن دوره فقط معول كيزاني لهدم كيان الصوفية بالتشويش والتشويه والتمييع هو وقناة ساهور بل وأيضاً ليلعب دوراً معيناً في الأمارات إلى جانب الأدوار الأخرى فلما فشل في اكمال دوره في الأمارات واهتزت صورته رفع الكيزان يدهم عنه واكتفوا بِكُم والمعاول الأخرى............................ فحمدنا الله كثيراً برمي الكيزان لواحد من المعاول المتخذة لهدم كيانات التصوف... وعقبال ما يرموكم انتو ونرتاح فالرجل صار تاريخ من الماضي ...ولو كان صوفياً حقاً لما كان كذلك نرحب برأيك ونقدك للصوفية بالرد علي شبهاتك التي تثيرهاولكن ليس عبر ما يسمى بشيخ الأمين .
الشيخ الامين ما ممكن يكون اضينة ساكت بل هو ذكي جدا وهو عارف نفسه واقف امام المحكمة الجنائية الدولية....وهو عارف في زول بيصور فيه..انت ما شايف رافع علامة النصر ..
غايتو الأمين بعد نفيه ما خلى لينا خيارات واحد من اتنين يا إما اضينة وما عارف الحاصل حوله شنو والصوره منو ووين أو يكون كذاب يتعمد الكذب البواح
فاختر
Post: #34 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 05:52 PM Parent: #33
لن نعتمد النفي المكتوب نريد نفيا بالصوت والصورة وتبريرا لعلامة النصر .. غير كدا شيخ الامين من المناصرين للجنائية ونعتبر انضمامه لمؤيدي المحكمة _ اضافة _ ما مهم يكون حجمها او شكلها ايه .
يا البرنس عيب منك تقعد تشتم في الراجل كدا هل ما تفعله هو من صفات ( المؤمن ) الحق ! ولو شيخ الامين بيلعب بالدين ، ما اكتر من الرئيس ومنسوبي الحركة الاسلامية . وحتى لو اتفقنا معك ان الشيخ من لعيبة الدين فهو لاعب غير محترف ولو انت حريص على الدين يا البرنس ، امشي محل المحترفين والناس القابضة البلد من قرونها .
حفظ الله شيخ الامين في حله وترحاله بين لندن ولاهاى وحفظ الله من معه من شابات وشباب .....
Post: #35 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 05:59 PM Parent: #34
يا ودالبشرى ياخى شرّفت بوست عبدالمنعم فمرحب بيك نيابة عن صاحب البوست ... ذكرتني ياخى المستنير والله افتقدناه وانت زاتك بدونه والله بقيت زي اليتيم .
ما عارف ليه ! انا شايفكم زي التيمان واحيانا بشوفكم زي ناس الكورة ، واحد لاعب جناح يمين والتاني لاعب جناح شمال .
Post: #36 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 06:04 PM Parent: #35
ازداد حوارى الشيخ الامين.. بانضمام..استاذ عمر. الى لاهاى لاهاى.. الجميع هنا..يشير باصابعة كناية عن الانتصار الوشيك
تحياتي منعم وضيوفه الصورة تجسيد لعبثية السياسة الرسمية وطفوليتها ونزقها مغرزة بتلك اللغة الشوارعية المبتذلة تشبه الصورة الذي ارسلت إليه قلبي علي وطني ان تحوله صورة طفولية لبطل وينسي الناس ما فعله حينما كان مبعوثا رئاسيا
Post: #38 Title: Re: الشيخ الامين..فى لقطة الموسم. Author: Asim Ali Date: 04-08-2017, 06:27 PM Parent: #37
التنظيم الدولي أصبح يسخر كل إمكاناته وكوادره للعمل الإقليمي والدولي خاصه في نطاق أوروبا وامريكا الشمالية من خلال اختلاق دوافع وواجهات مخالفه للمهمة الأساسية. .اما بالنسبة للاهاى فقد انشاء التنظيم الدولي مكتب في لاهاي بعد السقوط المدوي لحزبهم في مصر في ( 30 يونيو - 4 يوليو ) . ماكل شى الناس تصدقو بسهوله وتحتفى بيهو . وشكرا
Post: #43 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 07:04 PM Parent: #42
مرحب بالبرنس مايهمنا هنا من شيخ الامين علامة النصر هذه والتى لالبس فيها.. انه من مويدى المحكمة الجنائية.. رغم الاحتفاء..والاحتضان الذى تم له من قبل النظام من قبل مماجعله..من المناصرين للنظام بقوة حتى الغدر به بليل. نريد ان نفهم ماذا هناك ياترى.
Post: #44 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 07:09 PM Parent: #43
الكنداكة منى..كيفك نشوف راى الناس..يسامحوهو والله حايتراجع شايف افراد من النظام هناك وهناك شى جرايد وشى تلفونات.. ارعبهم شيخ الامين باين ههههه ننتظر شوية شن قولك
Post: #46 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 07:23 PM Parent: #44
عبد العزيز كيف خالد.. ياخى ماشايف الكيزان..اتجهجهو كيف. اهو مشوا حصلوهو..وقالوا..قال ماعارف الصورة رغم انها ليست بالصورة الواحدة. الكيزان ديل.. يكتلوا الكتيل..ويشوا فى جنازته. ماخلهو يتهنى..حصلوهوا..سريع سريع.
Post: #47 Title: Re: الشيخ الامين..فى لقطة الموسم. Author: عمر دفع الله Date: 04-08-2017, 07:28 PM Parent: #44
يا ودالباوقة ياخي شيخ الامين دا نحنا هنا قاعدين نتونس بيهو . اما ان يتصدر الخبر صحف الخرطوم فياخي دا انحطاط ما بعده انحطاط .. الصحف تسيب مشاكل السودان المتلتلة وتقوم تبارى اخبار شيخ الامين وصوره ! ياخي معقولة !!! والله فعلا صحافة منحطة ولا تستحق ان يطلق عليها صحافة من الاساس ....... اللهم اجرنا في مصابنا هذا ...
Post: #45 Title: Re: الشيخ الامين..فى لقطة الموسم. Author: كمال عباس Date: 04-08-2017, 07:21 PM Parent: #42
رئاسة الجمهورية : رئاسة الجمهوية: شيخ الامين ممثل للدبلوماسية الشعبية! الخبر التالي (قديم) لعناية الكيزا ان وتوابعهم اين كنتم وقتها وين حلاقيكم حينما كان شيخ الامين محل رضا لرئاسة الجمهورية ومبعوثايسعي لتحسين علاقة الانقاذ بالامارات !هل كنتم تعدونه دجالا ومنافقا وقتها ؟ام هو جز اء سنمار؟ رئاسة الجمهورية : رئاسة الجمهوية: شيخ الامين ممثل للدبلوماسية الشعبية! آخر لحظة! ر
Quote: لخرطوم: أسامة عبد الماجد أثار ظهور الرجل الصوفي المعروف الأمين عمر الأمين الشهير بـ «شيخ الأمين» إلى جانب مبعوث الرئيس عمر البشير للقيادة الإماراتية الفريق طه عثمان لحظة تسليمه رسالة خطية من الرئيس لولي عهد أبوظبي الفريق أول الشيخ محمد بن زائد التي تسلمها إنابة عنه وزير شؤون الرئاسة منصور بن زائد، أثار ردود أفعال واسعة عقب تداولها في مواقع التواصل الإجتماعي، إلى ذلك وضعت رئاسة الجمهورية حداً للجدل الكثيف الذي دار أمس إثر ظهور الأمين برفقة مبعوث رئـيس الجمهورية، وزير الدولة الفـريق طـه عثمان إلى القيادة الإمـاراتـية لحظة تسليـمه الرسالة الخـطية، كون الأمـين لا يحمـل صفـة رسمـية تخول له حـضور اللقـاء الرسمي. وقال السـكرتيـر الصحفي لرئيس الجمهورية، عماد سيد أحمد أمس: «إن الأمين مواطن سوداني ويحمل هم البلد»، وشدد على أنه ليس بمبعوث رئاسي، واعتبر عماد أنه لا غضاضة في ظهور الأمين بجانب المبعوث الرئاسي، مشيراً إلى أن الدبلوماسـية الشعبية تلـعـب دوراً كبيراً في دعم العلاقات الخـارجية، وأكد أن رؤساء جاليات وشخصيات شعبية كثيراً ما تشارك في المناسبات الرسمية، وذكر سيد أحمد أدواراً لشخصية سودانية - دون أن يسميها https://www.alrakoba.net/news-action-show-id-152655.htmhttps://www.alrakoba.net/news-action-show-id-152655.htmآخرhttps://www.alrakoba.net/news-action-show-id-152655.htmhttps://www.alrakoba.net/news-action-show-id-152655.htmآخر لحظة
Post: #48 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 07:31 PM Parent: #45
هلا..محمد الشيخ غايتو..لو شيخ الامين اكد..بطريقة لالبس فيها انه مؤيدى الجنائية الدولية فهى ستجب ماقبلها..زى ماقال استاذ عمر.. يبقى منتظرين كمان..يقود مظاهرة. قدام المبنى ده.. نحن منتظرين.
Post: #49 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 07:42 PM Parent: #48
اهلا..الاخ حمد.. النظام..ده..مش طردوهو..وقفلوا زاويته تانى عايز منه شنو.. يتصور محل ماهو عايز..مع حيرانو خلاص يرجعوا ليهو زاويته..فى امدرمان ويرجع معزز مكرم.. ويادار مادخلك شر.. بس اليبعدو عنه الفريق طه. دى اسلم طريقه.
Post: #50 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 07:47 PM Parent: #49
مرحب محمد البشرى. غايتو الصورة دى.. جهجهت..باكات الحكومة.. وارتدت الهجمة..على شيخ الامين لحقوهوا..بسرعة البرق. ماخلوهوا يتهنى..بى علامة النصر دى. باقيلك برجعولوا زاويته.
Post: #51 Title: Re: الشيخ الامين..فى لقطة الموسم. Author: عبد المنعم سيد احمد Date: 04-08-2017, 07:54 PM Parent: #49
كيفك فرانكلى.. نتفق معك تماما.. الصورة بى معرفته..ولديها مدلول يقصده.. الحصل شنو بعد داك. بتوضحوا..الاتصلات ..من بعض منسويى النظام..لاحتواء الموقف. عليه ان يطرق على الحديد وهو يسخن والا حايطلع من المولد بدون حمص المفترض يتصل بيهو..الفريق طه شخصيا. لماذا يرتجف النظام ياترى.
Post: #52 Title: Re: الشيخ الامين..فى لقطة الموسم. Author: منتصر عبد الباسط Date: 04-08-2017, 08:32 PM Parent: #51
Quote: بان لديه فرع مسيد جوار المحكمة يديره الشيخ فريد
طيب ما دام هناك عندو مسيد ...المفروض يتصور قدام مسيدو! صورة المحكمة الفي هولندا شفناها ....عايزين نشوف صورة مسيدو المزعوم..
Post: #53 Title: Re: الشيخ الامين..فى لقطة الموسم. Author: محمد البشرى الخضر Date: 04-08-2017, 08:43 PM Parent: #52
Quote: ما عارف ليه ! انا شايفكم زي التيمان واحيانا بشوفكم زي ناس الكورة ، واحد لاعب جناح يمين والتاني لاعب جناح شمال
شكرا على الترحيب يا عمر يا فنّان صاحب واجب انت :) ما مشكلة بالنسبة لطريقة شوفك عادي لا تشيل هم, اعتدنا منك على الشوف المشاتر زي احتفاءك بنفس الشيخ الكان عندك كوز لحدي قريبات دي لمجرد صورة أوحت بتأييده للمحكمة الدولية ونطّ منّها بعد دا.
Post: #69 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 02:55 PM Parent: #52
منتصر..كيفك اهو ده الكلام.. المرة الجاية..عايزين نشوفوا قدام مسيده..ويجر فى سبحته. صدقنى..حايرسلوا ليهو الطائرة الرئاسية.. الكيزان ديل ماعندهم امان
Post: #74 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 03:15 PM Parent: #45
مرحبتين حبابك..ياكمال عباس الجماعة..ديل ناس الفعل المنعكس زاتو. ممكن..الواحد يكون عندهم ملاك طاهر وفجأة..وبدون مقدمات..يصير لديهم شيطان يرجم ثم يرجع ملاك طاهر.. من غير ان يغمض لهم جفن.
Post: #73 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 03:10 PM Parent: #40
مرحب بيك..محمد على ها شن قولك ..يااستاذ عمر الرسمه حاتنزل متين اشتقنا لى ود الشعبية
طه يايمة هملنا يابا طه قال متمني يجي السودان تعال عشان يوروك الطفا النور
Post: #55 Title: Re: الشيخ الامين..فى لقطة الموسم. Author: سيف النصر محي الدين Date: 04-09-2017, 00:28 AM Parent: #54
يمكن الشباب المعاهو ديل قال ليهو ده مقر الفريق القومي الهولندي او مجلس الذكر و الذاكرين بلاهي.
Post: #56 Title: Re: الشيخ الامين..فى لقطة الموسم. Author: MOHAMMED ELSHEIKH Date: 04-09-2017, 05:16 AM Parent: #55
Quote: في افادة وردتني للتو من الشبخ الامين
معقول يا ابو النسب يا ود الباوقة ياخ
"الشبح"بكتبوها كدى؟
Post: #76 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 03:20 PM Parent: #56
مرحب محمد الشيخ ود الباوقة..اتصل بيهو عديل ماعارفين..لو الاتصال ده علنى..وله الجماعة ماعارفين باقيلك برضو.
Post: #75 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 03:18 PM Parent: #55
مرحبا سيف النصر ماكان يخلوهوا..قاعد مع حيرانو فى امدرمان..بدل هولندا والجنائية المقومة نفسهم دى
Post: #70 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 02:58 PM Parent: #54
مرحب صديق ميرغنى. علاقتهم مع الامارات ورجعها ليهم بعد الطردة دى..ممكن يرجعوهوا عادى الكيزان ديل..بكون عندهم راى
Post: #57 Title: Re: الشيخ الامين..فى لقطة الموسم. Author: سامر دوشه Date: 04-09-2017, 06:48 AM Parent: #1
Quote:
هييييع .. آدي الحيران ولا بلاش .. حيران مثقفين .. حيران حلوين .. حيران ما حيرانين ..
تنبيه: يا أستاذ عبدالمنعم لقد ساهمت مساهمة بالغة في زيادة حيران الشيخ الماشيخ بصورة لا تتوقعها . الله يجزيك خير ياخ . تنبيه للشيخ: بالله اكشح لينا سيد البوست دا بالفاتحة .
Post: #58 Title: Re: الشيخ الامين..فى لقطة الموسم. Author: Frankly Date: 04-09-2017, 08:43 AM Parent: #57
الزول الأسمو اللمين دا مستواه العقلي متوسط جداً وبسيط
اللغة العربية فيها أمكانيات كثيرة وأي إنسان سوي يعرف كيف يوزن الكلمة كان سيتحاشى تجريم أصدقائه ومعارفه ويبرر الزيارة بصورة أكثر مقبولية وموضوعية
الآن وقع في إشكالية تسفيه من كانوا معه ووصمهم بالحساد والحاقدين والأعداء ووقع في الكذب المتعمد بأنها زيارة ليس لها أي مدلول ولا مقصد وهو ما يوضح طريقة تفكيره الساذجة السطحية
هنا في هذا الفيديو تعضيد لهذا الرأي
فبملاحظة بسيطة نرى افتقار اللمين للجزالة اللغوية والفهم البسيط بالعلوم الإسلامية وأخطائه الكثيرة في قراءة القرآن ما يدلل على عدم حفظه حتى للجزئين الذين أقر بحفظهما فما بالك بحفظ القرآن على يد شيخ.
اللمين بقراءته هذه للقرآن ليس أهلاً ليؤم آخر في الصلاة
Post: #59 Title: Re: الشيخ الامين..فى لقطة الموسم. Author: عمر دفع الله Date: 04-09-2017, 08:54 AM Parent: #58
نعم يا فرانكلي فالرجل بالرغم من تواضع قدراته كان يمثل الدبلوماسية الشعبية في اواخر الانقاذ ، في حين كان الدكتووووووووووووووووووور الافندى يمثل لسان الانقاذ الاعلامي في بواكير الانقاذ فإن كان الثانى من ابناء الحركة الاسلامية الاصلاء فالاول تلّب على الانقاذ بالحيطة ، فلا جناح عليه إن خمرج وشطح .....
Post: #60 Title: Re: الشيخ الامين..فى لقطة الموسم. Author: Frankly Date: 04-09-2017, 09:04 AM Parent: #59
يا عمر أنت ماشي بعيد ليه
عراب الإنقاذ الترابي وصاحب مقولة القصر والحبس نط من قاربها وصار ملهم المعارضة وعرابها وصار المعارضين يتناقلون مقولاته ومشوراته ويعملون بها
التعامل بسذاجة مع التغيرات السياسية بودي الكوشة فحقو الناس تاخد عبرة من بتاع خلوها مستورة وتعرف أنه العرجا لمراحها
ما ترضعوا من شطر ميت يا عمر خليكم مستقلين لا متسلقين لكل ناطي من مركب الإنقاذ فهم مهما بعدوا عنها هناك بصيص أمل في الحبل الممدود الذي لا ينفكوا عنه أن يعيدهم مرة أخرى للقارب.
Post: #61 Title: Re: الشيخ الامين..فى لقطة الموسم. Author: عبدالحفيظ ابوسن Date: 04-09-2017, 09:16 AM Parent: #59
تحياتي فرانكلي رغم انو صاحب البوست فطاني في الرد لكن ردك خلاني ارجع تاني ردك هذا يدين بجلاء ووضوح السلطة القائمة ويوضح قدرات قيادتها شيخ اللمين لولا موضوع الامارات لكان إلي الآن مقربا مفضلا فلم يتم الاستغناء عنه لموقف فكري او تنظيمي او سلوكي رغم كل الانتقادات حوله وتضرر جيرانه إلا انه ظل مسنودا المبدع عمر دفع الله دعني اختلف قليلا معك هو لا يمثل الدبلوماسية الشعبية ابدا وبل لا يمثل الصوفية فهو هجين من السلطة والصوفية .. بل هجينا مشوها
Post: #62 Title: Re: الشيخ الامين..فى لقطة الموسم. Author: عمر دفع الله Date: 04-09-2017, 12:36 PM Parent: #61
يا ابوسن وفرانكلي يا جماعة كلامنا كلو ونسة ساكت وشيخ الامين مشى اتصوّر قدام المحكمة ولا زار المحكمة ولا يحزنون واصلا ما عندو موضوع وصل قبل كم يوم كدا هولندا وعمل ليهو لمة في صالة في امستردام وكان الحضور في معظمه من النسوان وحتى القنصل السوداني كان بينهم وكرر كلامو المعروف وكلام ما فيهو شي ممكن تقولوا عليهو ونسة ساكت زي ونستنا دي
آآآآخ يا ود ابوسن نحنا آخر الزمن نقعد نتابع في اخبار ناس شيخ الامين ياخي مش كفاية علينا يكون رئيسنا البشير ونائبه بكرى وحاكمانا الحركة الاسلامية لا مؤاخذة ..... بالله في بؤس اكتر من كدا !
Post: #63 Title: Re: الشيخ الامين..فى لقطة الموسم. Author: كمال عباس Date: 04-09-2017, 12:37 PM Parent: #61
تحياتي اخ عمر دفع الله فالرجل بالرغم من تواضع قدراته كان يمثل الدبلوماسية الشعبية في اواخر الانقاذ ، في حين كان الدكتووووووووووووووووووور الافندى يمثل لسان الانقاذ الاعلامي في بواكير الانقاذ فإن كان الثانى من ابناء الحركة الاسلامية الاصلاء فالاول تلّب على الانقاذ بالحيطة ، فلا جناح عليه إن خمرج وشطح . المصدر :
هذه هي قدرات وامكانات قيادات الانقاذ ! فماهي قدرات البشير الذهنية ورصيده الفكري وامكاناته الفكرية ؟وبماذا يتفوق البشير فكريا علي شيخ الامين ؟ هذه هي الانقاذ! خبيرها الاستراتيجي حسن مكي ومحللها وخبيرهاالاستراتيجي هوربيع عبد العاطي! ومفكرها الالمعي هو عمر البشير وحادي ركبها هو نافع (لحس الكوع) ومهندسها وراسم سياستها طه عثمان ! وكوادرها الوسيطة والدنيا لا تتمتع باي عقلية نقدية (تقليين وتطبيل واجترار للاعلام الحكومي وتواضع ذهني ومعرفي ) دفاع عن الباطل واندفاع في الباطل ! *من منهم يجيد الحوار الفكري او يملك حظا من الثقافة ووهج الضمير الحي ؟ وحتي لا يرد احد القول الساذج :كان ماعندهم قدرات قعدو 28 سنة كيف؟ نقول والقذافي الذي" لايفوقه" في التدني الفكري والمعرفي سوي البشير حكم 40 عاما وحسني مبارك 30 وبن علي مايقارب ربع قرن ! كتب الاخ عبد الحفيظ ابوسن له التحية : المبدع عمر دفع الله دعني اختلف قليلا معك هو لا يمثل الدبلوماسية الشعبية ابدا وبل لا يمثل الصوفية فهو هجين من السلطة والصوفية .. بل هجينا مشوها ممثل الدبلوماسية الشعبية هذه ليست صفة اتي بها عمر دفع الله وانما توصيف رسمي حكومي من رئاسة الجمهورية لشيخ الامين ! فقد كان هو الجسر الذي تم عبره تحسين العلاقة مع الامارات (تم القذف به لاحقا من اعلي الجسر)وهو موفود الرئاسة وحين كان حليفا ومقربا للانقاذ لم نسمع تشكيكا في قدراته ومواقفه ولكن وحينما ابتعد عن الانقاذ او ابتعدت عنه صار عنوانا لكل مسلبة ونقيصة واضحي ناقص عقل ودين ومطعون في وطنيته ومواقفه ! :
Post: #64 Title: Re: الشيخ الامين..فى لقطة الموسم. Author: عمر دفع الله Date: 04-09-2017, 12:43 PM Parent: #63
اعتقد يا اح كمال انني رددت عليك في المداخلة قبل مداخلتك الاخيرة واتفق معك فيما ذكرته عن قدرات اهل الانقاذ ، لهذا السبب تجدنى اسّمي الدكتور الترابى دائما بإبليس الاكبر ، فهو في رأي مثّل رأس الحية ومن تدبير عقله المتآمر خرجت المصائب وما كان بإستطاعت الكيزان ان يفعلوا شيئا بدونه .
Post: #65 Title: Re: الشيخ الامين..فى لقطة الموسم. Author: كمال عباس Date: 04-09-2017, 12:58 PM Parent: #64
شيخ الامين ام عمر البشير ؟ البشير "أتحدى لو فيه زول (رجل) سمع بالهوت دوغ قبل حكومة الإنقاذ"!!
مصطفي عثمان اسماعيل الشعب السوداني كان كالشحادين قبل مجئ الإنقاذ !
ا وزير المالية علي محمود: "إن الشعب السوداني يرفض التقشف بعد حياة الرفاهية"، مشيراً إلى أن (البيوت شكلها شين والناس كانت بتسمع بـ(البيتزا) !! الحاج ادم : لم يكن اى مواطن (قبل الانقاذ) يمتلك اكثر من قميص والآن الدواليب مليانة) !! *
* هذه هي عقلية -من يحكم الوطن ويتحكم في مصائر البلاد والعباد ! والحقيقة لا أستغرب صدور هذا التصريح ممن أسكرته نشوة السلطة وأعماه بريق الثروة عن رؤية الواقع الكالح الذي يتردي فيه شعبنا, ما أستغربه حقا هو موقف من يراهن علي حكومة هذا هو حال رئيسها ومن يطبل لمثل هذا لشخص ومن يتواطئ بعار الصمت - علي نظام هذا هو شأنه!
Post: #67 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 02:48 PM Parent: #65
..عبد الحفيظ ابو سن كيفنك..لعلك طيب غايتو نحن..مشاركته فى الوفد الرئاسى مابننساها.. غايتو لو داير يجب ماقبلته.. عليه..بقيادة مظاهرة من مريديه والهتاف امام الجنائية.. شايف علامة النصر دى الكيزان..اتملصوا منها تب.
Post: #78 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 03:32 PM Parent: #65
ياخي مش كفاية علينا يكون رئيسنا البشير ونائبه بكرى وحاكمانا الحركة الاسلامية لا مؤاخذة ..... بالله في بؤس اكتر من كدا المصدر
والله يااستاذ عمر دفع الله لقد سئمنا ومللنا مات الناس بؤسا..وفقرا ومازال االابالسة..يلعبون بالوطن ومقدراته. لن ترجع للوطن عافيته..الا بزوالهم. تقبل تحيات صديقى كمال حسن ود سنجة..يبلغك تحياته
Post: #66 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 02:41 PM Parent: #61
الزول الجميل ..عبد الحفيظ ابو سن العفو ياخى..ولك العتبى حتى ترضى انت عارف..قايل روحى..لسه ماوصلتك فى ردودى.. لكن كويس انك نبهتنى لما لك مكانة خاصة فى القلب شيخ الامين الكيزان ديل تلفوناتهم تتخابط شكلهم قريب ده..حايحتفلوا بيهوا فى المطار.. نحى ونشوف تسلم عزيزى
Post: #68 Title: Re: الشيخ الامين..فى لقطة الموسم. Author: أحمد الشايقي Date: 04-09-2017, 02:51 PM Parent: #66
شكرا أخ عبد المنعم
الرجل المسمى الشيخ الأمين خرج مغضوباً عليه ربما لأنه لم يتبع كل التعليمات
يمكننا طبعاً تشجيعه بالادلاء بـ (شهادته على العصــر) وقناة المقرن الحرة قاب قوسين أو أدنى
لكن الإصرار على (الرمزيـة) يعني أنه لم يحرق كل المراكب ولا زال يطمح للعفو عنه والعودة بعد هذا الـ (تهديد) المستتر.
الوطنية تقتضي المبدئية وأمثال هذا الـ عمر يفتقدون أبسط مبادئها كقناعة هو مجرد رجل سلك طريقاً يدر عليه وضعاً اجتماعياً ومادياً فسلكه,
ربما تهيئ له العزلة الأوروبية بعضاً من معارف أساسية عن كيفية النهضة والعمل الجاد واحترام بشرية البشر وإدارة الدولة برضا الناس ولتحقيق تنمية وراحة الناس
وعندها قد تنفتح عيونه على حقائق لم يراها بعـد
أحمد الشايقي
Post: #85 Title: Re: الشيخ الامين..فى لقطة الموسم. Author: عبد المنعم سيد احمد Date: 04-10-2017, 02:21 PM Parent: #68
مرحبتين حبابك الرائع احمد الشايقى نتفق معك عزيزى فالشيخ خرج مغاضبا. الان الكرة فى ملعب الحكومة. اما ان يواصل فى تحديه..للحكومة واما ان تلاحقه هكذا..حتى يلين بالقطع..لاتريده..ان يكون معارضا للنظام بهذا الوضوح قادم الايام..ينبىء بالكثير
Post: #77 Title: Re: الشيخ الامين..فى لقطة الموسم. Author: عبد المنعم سيد احمد Date: 04-09-2017, 03:23 PM Parent: #57
سامر كيفك شكرا ليك.. بالله فاتحة كاربة تكون لينا وعلى الكيزان..قول امين. تسلم يازول ياظريف
Post: #79 Title: Re: الشيخ الامين..فى لقطة الموسم. Author: عمر دفع الله Date: 04-09-2017, 11:01 PM Parent: #77
الاخ عبدالمنعم في محادثة طويلة مع شيخ الامين من مقر اقامته في باريس نفى لي شخصيا انه لم يتحدث الى صحافة الخرطوم ولم يحدث شيئا من هذا القبيل ولا يزال عند موقفه الذى عبّر عنه برفع علامة النصر ، بيده اليمنى ، امام المحكمة الجنائية الدولية وانني إذ اورد محتوى المحادثة لا اكذّب الاخ ودالباوقة ومصادره ولو لا ان شيخ الامين هو صاحب المبادرة في الاتصال بي لما سعيت الى الاتصال به ، لسبب بسيط لان الرجل حر في ان يأخذ صورة لنفسه حيث يريد وحر في خياراته ومواقفه من السلطة في الخرطوم ولكن ما يحزننا هو الدرك الذى انحدرت اليه الصحافة في الخرطوم في ان تطارد شخصا ، طُرد من بلاده وقفلت داره في بيت المال شخص لا يحمل سلاحا ولا ينادى بتقويض الحكم وليس لديه حزب سياسى معارض ، فماذا تريد منه صحافة الخرطوم ! هل لمجرد انه عبّر عن رأيه في كبرى مؤسسات القضاء الدولي الجنائي في العالم ، حتى ولو من باب المكايدة ؟ فنحن في بلد اصبحت فيه المكايدة السياسية ، سمة من سمات العمل السياسي وليست سنة سنّها شيخ الامين .. انه لمن دواعي الحزن ان تترك صحافة الخرطوم اخبار الفساد والمفسدين ، واخبار المرضى والجوعى ونقل المقاتلين من ابناء بلادنا - كرقيق - في حرب اليمن وقلة الدواء والطعام وتردى المدارس واغتصاب الاطفال وتهتّم بأخبار الاثارة وشغل الناس بتوافه الامور .
هذه ليست صحافة وهؤلاء ليسوا بصحفيين وملعون ابوها صحافة .... بالله اخجلو شوية على روحكم ...
Post: #80 Title: Re: الشيخ الامين..فى لقطة الموسم. Author: كمال عباس Date: 04-09-2017, 11:26 PM Parent: #1
سلام اخي عمر دفع الله لعموم. الفائدة أرجو ان تفتح بوست منفصل بخصوص محادثتك مع شيخ الامين وما نسب له زورا في صحافة الخزطوم
Post: #81 Title: Re: الشيخ الامين..فى لقطة الموسم. Author: خالد حاكم Date: 04-10-2017, 01:20 AM Parent: #80
( مبيناً أنه رفض الجواز الهولندي والانجليزي رغم استيفائه لشروط حمله، وذلك لأنه متمسك بالجواز السوداني ويحلم بالعودة لوطنه. )
الاخ عمر دفع الله سلامات انا من الكلام المقتبس الفوق ده عرفت انو كلام الاعلام الحكومى فى السودان مفبرك فى الكلام المنسوب لشيخ الامين لانو شيخ الامين لغاية الان ما استحق الجواز سوى فى هولندا او بريطانيا وبعدين منح الجواز الهولندى او البريطانى ما بيسقط الجواز السودانى وخاصة اذا منحت له اقامة لاجئ او مستثمر ! مع تحياتى لصاحب البوست الاخ عبدالمنعم سيداحمد
Post: #82 Title: Re: الشيخ الامين..فى لقطة الموسم. Author: عمر دفع الله Date: 04-10-2017, 10:28 AM Parent: #81
الاخ كمال في الحقيقة انني لا اريد ان اتحدث نيابة عن الرجل لكنني قد اشرت عليه في نهاية المحادثة ان ينشر تسجيلا صوتيا يرد به على صحافة الخرطوم ويضعهم في المواجهة . فإن كان لتلك الصحف ، التى زعمت انها تحدثت اليه ، تسجيلا صوتيا للقاء فلتنشره او تعتذر لقرائها اولا قبل الاعتذار لشيخ الامين ....
Post: #83 Title: Re: الشيخ الامين..فى لقطة الموسم. Author: عمر دفع الله Date: 04-10-2017, 10:58 AM Parent: #82
معليش يا عبدالمنعم للاستيلاء - الحميد - على البوست بتاعكم .... --------------------------------
اخونا خالد حاكم سلام يارجل والله مشتاقين لناس كاردف ولي اللمة ...
ياخى انا مرة صادفت في الواتس ، ايام المشكلة بين تركيا وهولندا واحد كاتب عمود صغير في جرائد الخرطوم قال فيهو انو المهاجرين الاتراك يمثلون قرابة النصف من الشعب الهولندى ... طبعا استغربت كيف الجرايد مطلوقة وسايبة كدا يا كافي البلا لا فيها رئيس تحرير ولا زول ساي عندو حبة ضمير . يعني ممكن اي زول يكتب اي كلام بدون ادنى مسئوولية ولا على بالو شي .
اصدق تعبير يمكن اطلاقه على صحافة الخرطوم هو وصف الاستاذ دالى الجمهورى للاخوان المسلمين ( الجهل النشط ) وهى بالفعل صحافة الجهل النشط ....
Post: #87 Title: Re: الشيخ الامين..فى لقطة الموسم. Author: عبد المنعم سيد احمد Date: 04-10-2017, 02:34 PM Parent: #84
الاخ عمر دفع الله انت صاحب هذه الدار ونحن لديك الضيوف جعلت للبوست نكهة..ومذاق شرفتنا بمشاركاتك القيمة. والتقدير للجميع ومرحب بيهم من غير فرز. لحدى مانشوف الحكومة دى ماله مع شيخ الامين. شايفك فى الكراكتير..قلت جرالهم السبحة..باقيلك مابتغطس حجرهم
Post: #86 Title: Re: الشيخ الامين..فى لقطة الموسم. Author: عبد المنعم سيد احمد Date: 04-10-2017, 02:28 PM Parent: #81
حبابك الف خالد حاكم مازال..النظام سادر فى غبائه وادعائه الذكاء على الاخرين. شخص سودانى..منعتموهوا..من الدخول لوطنه.. اراد ان يعبر عن استيائه..بالطريقة التى يراها مناسبة مالذى جعلهم يلاحقونه الى هذه الدرجة ان كانوا يعلمون فضله. فلماذا كل الذى جرى..لشيخ الامين. هذه مطاردة ليس الا.
