أمريكا قد تلجأ للعمل العسكري في سوريا .. هل تؤيد ؟

04:39 PM April, 06 2017

سودانيز اون لاين
طلحة عبدالله-
مكتبتى
رابط مختصر

عن برق الامارات، عن مصادر أمريكية، أن ترامب
أخبر أعضاء الكونغرس الأمريكي أنه يفكر في عمل عسكري
ضد سوريا .
هل توافق ؟؟*













* اتساقا مع حركة الاستبيانات والاستفتاءات والغلوطيات
الضاربة البورد أخيرا دي.
خخخخخخخخخ

سلامات يا طلحة
أتساقا مع موجات النعم الماشة في البورد اقول
نعم : أوافق علي تدخل اي شيطان في سوريا
من اجل انتزاع الشيطان الرجيم الاسد ..

غايتو بعد مفرمة الامريكان في أفغانستان ..
والصومال .. والعراق .. والمفرمة القديمة بتاعت فيتنام ..
الامريكان ما حيخشوا بي جنود على الأرض في أي بقعة في العالم ..
وأكان للهبت بالطيارات هم ما مقصرين منو ..
وكان للحرب بالوكالة برضو ما مقصرين ..
ولا قصدك شنو يا طلحة يا اخوي ..
مش قصدك يخشوا بي جنود من المشاه ..

اللذيذة الصوماليين كان مدورين في بعض ..
اول ما الامريكان خشوا ..
كل الفضائل المتناحرة قلبت عليهم ..
بقوا في التمرقهم .. ههههه ,,
عاد الجابرهم لي جنس زي ده شنو ..
يرموا سلاح مدفوع القيمة ومعاهو قرشين ..
( وأصلا القرشين مقلوعات ما من جيبهم ) ..
ويكروا من يقاتل عنهم بالوكالة ..
غير كده على الارض ما حيقدروا ولن يغامروا ..
ثمن البترول العراقي البلاش غالي جداً .. مقابله دم أمريكي ..
سوريا شن فوقا .. مافيها بترولا يستاهل ..

ياطلحة ,, الحاجة الـبنعرفها عنك انك خبير رياضى
متخصص فى شؤون الجماعات البرشلونية مادة ميسى
مالك داير تبقى زى غريبة جاب ليهو نوايا حسنة فوق خبرتو القديمة.

لن يقدم ترومب على ذلك. ليست روسيا بالبسيطة و لو كان لامريكا قدرة لما تركت روسيا تفعل ما تشاء.

أمريكا تحرص على الحفاظ على توازن قوى الشر في سوريا
(الأسد وحلفاؤه من جهة و داعش وأخواتها من الجهة الثانية)
حتى لو قامت بعمل عسكري فسيكون محدودا جدا بما يفرمل
التقدم الذي أحرزته قوات النظام مؤخرا لكنها لن تؤذي الجيش السوري
لا أحد في الغرب يريد أن تكون دولة الخلافة الداعشية جارة لإسرائيل

باختصار أنا لا أوفق ويجب أن يُترك للقوى المتصارعة وضع حد سريع لهذه المأساة
التي تسر الغرب وفي الأول إسرائيل التي تنظر بارتياح للعرب والمسلمين يدمرون
بعضهم البعض دون أن تخسر هي طلقة واحدة

سلام يا شباب وشياب ( كل واحد عارف نفسو ) خخخح

يا عمر التاج ما عندي رأي نقدي لوجهة نظرك لكن بالتأكيد
أوافق على أية حاجة تعيد الاستقرار لسوريا .. عشان يرجعوا
بلدم ياخ ..هههه

يا جيمي ود القوز ما عارف والله ترامب في حال وضع فكرة
التدخل العسكري دي موضع التنفيذ ح ينفد كيف .. لكن
بالتأكيد ح يضع التجارب السابقة كلها في الحسبان .

يا فضلابي هي بقت على طلحة بس .. الكل في البورد
دا قاعد يتكلم في أية حاجة بأية حاجة ... أشمعني أنا ؟
وبعدين قلت البوست دا اتساقا مع النهج الأخير ..
يعني مجرد خوض مع الخائضين ما أكتر ولا أقل هههه

يا عبد الله أعتقد انو لو في خوف بكون من التجارب
السابقة ما من روسيا .. والله أعلم .

يا ود الزبير يا صديق .. منطق برضو .. أنا ظاتو
قلتا كدا .. هههههههههه .

على الارض ما حيقدروا ولن يغامروا .. ثمن البترول العراقي البلاش غالي جداً .. مقابله دم أمريكي .. سوريا شن فوقا .. مافيها بترولا يستاهل ..



ما كل المصالح بترول و موارد يا جمال
تدمير قوة سوريا العسكرية لصالح اسرائيل على سبيل المثال برضها مصلحة وزىما قال معاوية امريكا ممكن تتدخل لحفظ توازن قوى الاطراف المتصارعة فى سوريا بحيث ان لا تكون هنالك غالب او مغلوب مع استمرار الصراع لمصلحة اسرائيل ..
تحياتى لك ولصاحب البوست