بالنسبة لمواليد الزمن دا الغِلوتيّة تقدروا تقولوا عليها اللغز . قبل أمشي لقدآم، قبُل كم يوم في بوست لقيت حفيدنا sadig mirghani بيسأل من المغامرون الخمسة يطلعو شِنو ؟، عندها أيقنت بأنني صِرتُ جداً في هذا المكان جِداً جِداً، عشان كِدا تاني الجنا اب رِويّس دا حأشبكوا مراسيل بين البوستات علي شاكلة، أجري جيّب مدآخلة من بوست محمد المشرف، أمش شوف المستنير ظهر في بوست محمد البشرى، بِسرعك أمِش شوف لي شكلة دينق مع مجيدو وِصلت وين ... إلخ إلخ إلخ . نرجع لموضوعنا، الغِلوتيّة كانت ملآزمة للحُجا، أها الحُجا دي ما بشرحا جاتني خمّة نفس . المهم الأشياء دي من تراثنا زمن الزمن زيّن والشعر مغتِي اللِضنين، ومثال للغِلوتية، دخل القش ؤ ما قال كش !، أها دي بعد الناس يحتاروا فيها بيقولوا لصاحبها أديناك الدكة، وهذا يعني ان الحل إستعصى عليهم ؤ غِبوا حِيّلة، عندها صاحب الغِلوتية يقولهم، الضُل، أي الشي الذي يدخل القش دون ان يحدث جلبة هو الظل، وهكذا تستمر الغِلوتيات .
دحين أنا عندي ليكم غِلوتية في هذا البوست . آسف علي الإطالة ...
Post: #2 Title: Re: أعرفوا لي الغِلوتيّة دي، أها ... Author: أيمن محمود Date: 04-06-2017, 09:30 AM Parent: #1
أي الشي الذي يدخل القش دون ان يحدث جلبة هو الظل
يعني ما الدخان؟؟
Post: #3 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 09:33 AM Parent: #1
حبوبتي من هولآ ؤ جولآ حتي الملوك عقلولآ .
أعرفوها لي شِنو ؟...
Post: #4 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 09:34 AM Parent: #3
أكان غلبتكُم أدوني الدكّة عشان أوريكُم ...
Post: #5 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 09:37 AM Parent: #4
Quote: أي الشي الذي يدخل القش دون ان يحدث جلبة هو الظل يعني ما الدخان؟؟
الدخان غلت يا أيمن ...
Post: #6 Title: Re: أعرفوا لي الغِلوتيّة دي، أها ... Author: عبدالله ود البوش Date: 04-06-2017, 09:42 AM Parent: #5
Post: #8 Title: Re: أعرفوا لي الغِلوتيّة دي، أها ... Author: محمد البشرى الخضر Date: 04-06-2017, 09:46 AM Parent: #5
دي المريسة يا قريبك !
Post: #9 Title: Re: أعرفوا لي الغِلوتيّة دي، أها ... Author: الصديق أحمد Date: 04-06-2017, 09:46 AM Parent: #5
المريسة
Post: #10 Title: Re: أعرفوا لي الغِلوتيّة دي، أها ... Author: الصديق أحمد Date: 04-06-2017, 09:46 AM Parent: #5
المريسة
Post: #7 Title: Re: أعرفوا لي الغِلوتيّة دي، أها ... Author: جلالدونا Date: 04-06-2017, 09:43 AM Parent: #4
غايتو يا مدير مع انى اصغر من صادق لكنى عرفتها .. بس ما داير اخرب عليك للاشارة كده .. حاجة بيرفعولا بيرق __ الليلة كنت مع المستنير بالتلفون و وعدنى يجى يطقطقك فى بوستيك الظلامى ده
Post: #11 Title: Re: أعرفوا لي الغِلوتيّة دي، أها ... Author: عبدالله ود البوش Date: 04-06-2017, 09:48 AM Parent: #7
Post: #14 Title: Re: أعرفوا لي الغِلوتيّة دي، أها ... Author: عبدالله ود البوش Date: 04-06-2017, 09:53 AM Parent: #11
حليتا انا تعال نركبك ركبتك فوق كانون
Post: #12 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 09:50 AM Parent: #7
صح ... طيّب الدعاية دي محلي واللآ مُستورد ؟...
Post: #13 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 09:52 AM Parent: #12
ههههههههههههههه، يا ود البوش إنت من زمن القرع ؟، الكلآم دا كان زمن منقرع يأخ ...
Post: #15 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 09:55 AM Parent: #13
Quote: دي المريسة يا قريبك !
إنت بس أفلح لي في الزي دا، والمستنير خرج من بين يديك كما تخرج الشعرة من العجين ...
Post: #16 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 09:58 AM Parent: #15
Quote: المريسة
الصديق إنت من مواليد برج إشنو ؟، خسمّتك أكان دسيّت علي ...
Post: #19 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 10:03 AM Parent: #16
Quote: حليتا انا تعال نركبك ركبتك فوق كانون
تركب الشوّك، جايبلك قرعة !، ؤ تقول لي الحضرو المغامرون الخمسة حناكيش !، خلِ بالك إنت من زمن حآ جآ بلِف . الحكاية إتعولمت يا الحبيب ...
Post: #28 Title: Re: أعرفوا لي الغِلوتيّة دي، أها ... Author: عمر التاج Date: 04-06-2017, 10:45 AM Parent: #16
ود البوش صورتك الاولانية دي دحين مي بوقنية؟ انا غايتو المريسة ما شفتها لكن عندي صاحبي من بحر ابيض قال لي بنشربها في البيت زي القهوة ولما قلت له حرام قال منو القال ليك المريسة حرام؟
Post: #18 Title: Re: أعرفوا لي الغِلوتيّة دي، أها ... Author: طلحة عبدالله Date: 04-06-2017, 10:01 AM Parent: #15
البوست دا فيهو رمزية ؟ واللا ياهو دا آخرو ؟؟ غايتو لو ما كان فيهو رمزية منو العوض .. صحيح انو الليامات دي المخضرمين ديل لياقتم دقت الدلجة .. لكن كمان ما لدرجة تفطس مرة واحدة كدا . المهم وين موضوع البوست دا ؟؟
Post: #17 Title: Re: أعرفوا لي الغِلوتيّة دي، أها ... Author: اباذر عبد العال Date: 04-06-2017, 10:00 AM Parent: #12
هي اظن المريسة
لكن جماعتنا تجنب للمريسه كونها من المسكرات بقولوا العصيده
تحياتي ود المدير
Post: #21 Title: Re: أعرفوا لي الغِلوتيّة دي، أها ... Author: حيدر حسن ميرغني Date: 04-06-2017, 10:07 AM Parent: #17
ود المدير قام لضلالو القديم يا مرَاسي - الأنادي من رحَلوها لي حلتنا ... المريسة زاتا مِسخت
Post: #22 Title: Re: أعرفوا لي الغِلوتيّة دي، أها ... Author: Haytham Ghaly Date: 04-06-2017, 10:09 AM Parent: #17
والله ساعة تكون سااااقطة
انا لله ياخي
Post: #20 Title: Re: أعرفوا لي الغِلوتيّة دي، أها ... Author: sadig mirghani Date: 04-06-2017, 10:03 AM Parent: #1
الضل مافي جوائز اديك دي حبوبتي من شدتا ولضدتا شالت جدي في فقرتا
Post: #23 Title: Re: أعرفوا لي الغِلوتيّة دي، أها ... Author: مني عمسيب Date: 04-06-2017, 10:13 AM Parent: #20
صباح الخيرات للجميع ..
تصدقوا بموووت في كلمة مريسة .
ههههههههههه
Post: #24 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 10:30 AM Parent: #23
Quote: غايتو يا مدير مع انى اصغر من صادق لكنى عرفتها .. بس ما داير اخرب عليك للاشارة كده .. حاجة بيرفعولا بيرق __ الليلة كنت مع المستنير بالتلفون و وعدنى يجى يطقطقك فى بوستيك الظلامى ده
يقققققققققطع مُصرانو المستنير، لِمني في رقم تلفونوا عشان أمُوصلُو الفِطيريّة .
حدثني من أثق به، صديقٌ صدوقٌ صادق الوعد مُنصفا، أنه في الخرتوم الوآحدة دي يبيعون (الشِربوت) اللِيلنا الوآحد دا في قناني كما البيبسي كولآ، وأنه عندما فتح الفُلة كاد أن يتفنقل علي قفاه من الرائحة وعندما إحتسى القنينة قال لي، أكان ما مسكت في البنبر كنت إنبرشت علي نِخري !. قُتلو يا زول بنبر شِنو البتمسك فيهو كمان !، حرّم إنت طشم تب ...
Post: #25 Title: Re: أعرفوا لي الغِلوتيّة دي، أها ... Author: ادريس خليفة علم الهدي Date: 04-06-2017, 10:30 AM Parent: #23
حبوبتي من شدتا ولضدتا شالت جدي في فقرتا
دحين دي ما الشعبة
Post: #26 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 10:39 AM Parent: #25
Quote: الضل مافي جوائز اديك دي حبوبتي من شدتا ولضدتا شالت جدي في فقرتا
ضبيتك بالله، دي جبتها من وين !؟. نحن بنقول، حبوبتي من شِدتا ؤ لِضتا شايلآ سِنونا في صفحتا، وهي أُم خِنيجِر . أها، أُم خِنيجِر دي بتعرفوها ؟...
Post: #27 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 10:44 AM Parent: #26
Quote: البوست دا فيهو رمزية ؟ واللا ياهو دا آخرو ؟؟ غايتو لو ما كان فيهو رمزية منو العوض .. صحيح انو الليامات دي المخضرمين ديل لياقتم دقت الدلجة .. لكن كمان ما لدرجة تفطس مرة واحدة كدا . المهم وين موضوع البوست دا ؟؟
رمزيّة دي مِنو كمان ؟، وحات الله إنت اليومين ديّل اللِيّك ما اتعرف جِن واللآ خرف !.
عارفك بترمز لشنو، هب إني قصدت ما خطر علي بالك وفعلاً أنا قصدت، المشكلة شنو يعني ؟...
Post: #29 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 10:49 AM Parent: #27
Quote: هي اظن المريسة لكن جماعتنا تجنب للمريسه كونها من المسكرات بقولوا العصيده تحياتي ود المدير
حياك الغمام اباذر، هي فعلاً المريسة وأهلنا بيقولوا المريسة، أما تسمية المريسة بالعصيدة دي إلا تكون تسمية جديدة !...
Post: #30 Title: Re: أعرفوا لي الغِلوتيّة دي، أها ... Author: sadig mirghani Date: 04-06-2017, 10:55 AM Parent: #1
Post: #31 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 11:04 AM Parent: #30
Quote: ود المدير قام لضلالو القديم يا مرَاسي - الأنادي من رحَلوها لي حلتنا ... المريسة زاتا مِسخت
هههههههههههههههههه، بتتذكر حُمارك الدبزاوي اللبيض وكِت كنت بتجي حوش عبد الغفار ...
Post: #32 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 11:11 AM Parent: #31
Quote: والله ساعة تكون سااااقطة انا لله ياخي
هيييييييييييع، غايتو يا هيثم عِلآ تكون ضقتها في الجنوب أيام الخِدمة اللِلزآمية، ثقافة شرب المريسة دي في الشمال إنتهت قبل الخِدمة اللِلزآمية بزمن . عليك الله أكان ضقتها في الجنوب كلّم طلحة عشان ما يجي يعملنا شوشرة هنا ...
Post: #37 Title: Re: أعرفوا لي الغِلوتيّة دي، أها ... Author: محمد على طه الملك Date: 04-06-2017, 11:38 AM Parent: #32
البوست راكبو شيطان .. نقلت لاسفل
Post: #39 Title: Re: أعرفوا لي الغِلوتيّة دي، أها ... Author: ادريس خليفة علم الهدي Date: 04-06-2017, 11:43 AM Parent: #37
حمرة حمنقره تصر العين وتلوي العنقرة
ما خلت لينا سن ...
Post: #33 Title: Re: أعرفوا لي الغِلوتيّة دي، أها ... Author: sadig mirghani Date: 04-06-2017, 11:23 AM Parent: #1
وين انتهت في الشمال على الجذيمة في المرسى بتاع شمبات ايام الجامعة مريسة وعسلية وكمان بقنية
Post: #34 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 11:33 AM Parent: #33
Quote: صباح الخيرات للجميع .. تصدقوا بموووت في كلمة مريسة . ههههههههههه
ههههههههههههههههههه، والله يا بت عمسيب، بيني ؤ بينك هي بتكتُل .
صباح الورد ...
Post: #35 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 11:36 AM Parent: #34
عمي قاعد في ديوانو ؤ ياكُل في مُصرانو !؟...
Post: #36 Title: Re: أعرفوا لي الغِلوتيّة دي، أها ... Author: اباذر عبد العال Date: 04-06-2017, 11:36 AM Parent: #34
هلا ود المدير
ما في تسمية جديده ههههه
قلت ليك في بعض الحتات بقولووو الاجابة العصيده بس ....انا مرت على
Post: #38 Title: Re: أعرفوا لي الغِلوتيّة دي، أها ... Author: محمد على طه الملك Date: 04-06-2017, 11:43 AM Parent: #36
هههه عاين جنا امبارح دا .. إتا عشان صليعتك دي فاكر الكتوف اتلاحقت ؟ قوم املالي الابريق داك..
حمرة حمنقره تصر العين وتلوي العنقرة.
Post: #40 Title: Re: أعرفوا لي الغِلوتيّة دي، أها ... Author: معاوية المدير Date: 04-06-2017, 11:47 AM Parent: #36
Quote: دا الغربال هاك دي اتشتحت ومابالت دي شنو اعرفوها
الراكوبة، بعدينك العنقريب ما الغربال ...
Post: #52 Title: Re: أعرفوا لي الغِلوتيّة دي، أها ... Author: محمد على طه الملك Date: 04-09-2017, 01:10 PM Parent: #50
الكشنبيل السيبيا البعلقو فوقا السعن يا الصادق .. يا ود المدير حمدرة حمنقرة تصر العين وتلوي المنقرة اجابة ود علم الهدى صحيحة يا هو الدوم الكسر سنيناتو .
Post: #61 Title: Re: أعرفوا لي الغِلوتيّة دي، أها ... Author: السر عبدالله Date: 04-10-2017, 00:31 AM Parent: #60
معاوية هو الريس وصل..امال فين العوووووووووو(قاصد الصفارات) وهو ده الريس؟؟ ايوه هو الريس بس مش شبه الصور يعني. يا ابني انا رئيس المحكمة...رئيس المحكمة..وكفاية لحد كده ماتوديناش في داهية. والله يا معاوية لحد الان بشوف اللقطة دي مرات ومرات
Post: #62 Title: Re: أعرفوا لي الغِلوتيّة دي، أها ... Author: Abuobeida Ali Abdullah Date: 04-10-2017, 06:45 AM Parent: #61
يا صادق
عمي طويل وما بيلحق الكعكول ده الدرب او ما يسمى بالدوداب
يا ود المدير
بوست دايرلو بقنية وبالعدم كدي كوريه اللات سورج
Post: #63 Title: Re: أعرفوا لي الغِلوتيّة دي، أها ... Author: sadig mirghani Date: 04-10-2017, 08:39 AM Parent: #1
ابوعبيدة عمي طويل بيضاتو في حلقو
Post: #64 Title: Re: أعرفوا لي الغِلوتيّة دي، أها ... Author: عبدالوهاب احمد صالح Date: 04-10-2017, 09:00 AM Parent: #63
معاويه قريبي سلامات ايه رايك بدل غلولتيات خليها مفردات اهلنا هناك وزي ما الراحل حميد نشر مفردات اهلنا الشايقيه وبقت لغه كتير من السودانيين وكادت تكون معادل لي لغة الوسط , برضو تعال نشر مفرداتنا وهي طبعا من الصعوبه بمكان لي الاجيال الجديده . امثله بسيطه :- 1/ نشولت 2/ حشطو 3/ اهون الله 4/ الدفيق 5/ سبق الجوع نشوف معرفة الناس ليها قدر شنو ؟
Post: #65 Title: Re: أعرفوا لي الغِلوتيّة دي، أها ... Author: Yousuf Taha Date: 04-10-2017, 11:35 AM Parent: #64
ود المدير ياقديم
Post: #66 Title: Re: أعرفوا لي الغِلوتيّة دي، أها ... Author: عبدالله ود البوش Date: 04-10-2017, 11:41 AM Parent: #65
عندي غلوتية على الليمان والرحمن اتحدى بيها الدنيا دي جت علا تجيبوا زول من المقابر حتين يحلها ليكم اها سيك وسكنا وسقطوا كتلنا وديك وجدادة في بحر مكادة
Post: #67 Title: Re: أعرفوا لي الغِلوتيّة دي، أها ... Author: معاوية المدير Date: 04-10-2017, 11:47 AM Parent: #66