Post: #1
Title: رسالة في بريد ابو روضة!
Author: الامين موسى البشاري
Date: 04-06-2017, 09:16 AM
Parent: #0
08:16 AM April, 06 2017 سودانيز اون لاين
الامين موسى البشاري- المملكة العربية السعودية
مكتبتى
رابط مختصر * مدخل ()
زمان حبوبتي الله يرحمها كانت بتقول لينا
يا أولاد صلاة العشاء دي اصعب صلاة
نقوم نحن نسألها ليه يا حبوبة خصصتي صلاة العشاء دون بقية الصلوات
تبريرها كان ظريف وجميل وكثيرا ما ضحكنا فيه
وتبريرها كان :
يا أولاد ابليس من يقوم الصباح برسل اولاده وبوصيهم انهم يمنعوا خلق الله الصلاة
وهم ما بقصروا طبعا وبجوا راجعين المغرب للبيت تعبانين بعد أداء مهمتهم على أكمل وجه
اها حبوبة كانت بتقول صلاة العشاء دي بجيها ابليس ذات نفسه وبمنع الناس ما يصلوها
شفته كيف !!
حبوبتي دي كنا نطلق عليها لقب "حكم" لحكمتها واقوالها التي اكتشفنا الكثير منها بعد وفاتها الله يرحمها
اها لأنو ورحغتك كترت .. قمت انا جيتك بنفسي عشان نشوف موضوع اصطفافك مع دينق دا حدو وين
وقع ليك!
|
Post: #2
Title: Re: رسالة في بريد ابو روضة!
Author: محمد البشرى الخضر
Date: 04-06-2017, 09:26 AM
Parent: #1
هههههههههههههههههههههه
يعني الخبير شايف نفسه في مقام ابليس :)
ماشاء الله ع الخبرة 
|
Post: #3
Title: Re: رسالة في بريد ابو روضة!
Author: الامين موسى البشاري
Date: 04-06-2017, 09:26 AM
Parent: #1
أول حاجة افتكر علاقتي بيك وعلاقة بقية الشباب في "اصحاب بلا حدود " لا مزايدة عليها
انا وانت نعرف بعض منذ فترة طويلة جدا تفوق ال 10 سنوات
ويعرف كل منا مواقف الآخر الاجتماعية والسياسية والفكرية ... الخ الخ
وعشان ما اتقل عليك حأتكلم عن نفسي فقط ........
|
Post: #4
Title: Re: رسالة في بريد ابو روضة!
Author: حماد الطاهر عبدالله
Date: 04-06-2017, 09:38 AM
Parent: #1
أخي اللمين
تحياتي
Quote: اها حبوبة كانت بتقول صلاة العشاء دي بجيها ابليس ذات نفسه وبمنع الناس ما يصلوها شفته كيف !!
حبوبتي دي كنا نطلق عليها لقب "حكم" لحكمتها واقوالها التي اكتشفنا الكثير منها بعد وفاتها الله يرحمها اها لأنو
ورحغتك كترت .. قمت انا جيتك بنفسي عشان نشوف موضوع اصطفافك مع دينق دا حدو وين
وقع ليك! |
هذه حكمة العجائز زي ما قال أحد العلماء ( اللهم إني أسالك إيمانا كإيمان العجائز) ....
بس لو أعدت قرأءة ( ورجغة) أبوروضه لأهملته زي ما أهمل الإنجليز الماعز إذ حذفوه من الوعاء الضريبي
Quote: انا كان عندي عمن لي بركب وراهو في ضهر الحمار وما بنمشي الحواشةإلا وهو ماري شايل معاه
باقتين مرييسة، واحدة ليه والتانية لي جارو،بقيلو في المريسة دي لي قريب الضهر في العمل والدوباوي ،والونسة
بين التقنت وأب عشرين،وكان ده حال الكثيرين أن لم يكن الغالبية العظمي ب المناطق الزراعية،وقسما لحدي الآن
ما سمعت حد في الحلة عمل ليهم عزل اجتماعي،بل لربما من ظرفاء القرية وقصصهم وقفشاتهم تعبر للقرى
المجاورة كما تصل الينا قصصهم،المحيرني يا حامد بدري متين شراب المريسة بقى نبذ،وانحنا اماتنا ذاتن
عرسوهن وبراميل المريسة والشربوت ذبده ينقطع.... |
فمن يكتب مثل هذا الكلام صدقا أو كذبا بالتأكيد غير مؤاخذ لكونه لم يترك شاردة أو واردة إلا وذكرها..!!
|
Post: #5
Title: Re: رسالة في بريد ابو روضة!
Author: الامين موسى البشاري
Date: 04-06-2017, 09:46 AM
Parent: #4
Quote:
هههههههههههههههههههههه
يعني الخبير شايف نفسه في مقام ابليس :)
|
تفكير المرء جزء من عقله ..
وظن المرء جزء من فعله ..
حبوبتي برضو قالت لي ما تشتغل بالزول التليفة بذئ القلب واللسان :)
أسأل الله أن لا يحرمكـ من الهبل :)
|
Post: #6
Title: Re: رسالة في بريد ابو روضة!
Author: الامين موسى البشاري
Date: 04-06-2017, 09:49 AM
Parent: #5
هلا اخوي حماد وبرجع ليكــ إن شاء الله
يا ابو ابو روضة شايفك مصنف مشاكلنا مع دينق في خانتين هما :
1. العنصرية
2. الاصطفاف مع الكيزان .
وانت بالذات مركز على البند التاني
|
Post: #7
Title: Re: رسالة في بريد ابو روضة!
Author: محمد البشرى الخضر
Date: 04-06-2017, 09:49 AM
Parent: #5
بتجيب آخرك بسرعة
ودي بالإضافة للبلادة غير العادية أكثر شي ممتع فيك :)
|
Post: #8
Title: Re: رسالة في بريد ابو روضة!
Author: الامين موسى البشاري
Date: 04-06-2017, 10:08 AM
Parent: #7
نجي لموضوع العنصرية ..
ما افتكر كان في منبر من المنابر السودانية ملئ بالعنصرية زي نيوسودان
تزاملنا أنا وانت في عديد المنابر ومعنا الكثير من الزملاء هنا
لم يسجل لي التاريخ على مدى 20 عاما موقف عنصري واحد ضد احد
وهناك من يشهد بدون أن اطلبهم للشهادة ..
بالعكس حاربت العنصرية في نيوسودان بكل ما املك
وبسبب الوسطية التي كنت انتهجها تم ترشيحي لأكون مشرفاً في المنبر
مشلكتنا مع دينق ليست العنصرية وانت تدرك ذلك وكذلك القراء
دينق تعود على السب والشتم والاساءة للآخرين مستدراً عطف البعض في نظرة المجتمع للجنوبيين وعنصريتهم تجاههم
وكذلك صلاحياته التي يحكي عنها القاصي والداني في المنبر
تعلم كذلك انا ما قاعد اهبش لي زول ما لم يتعرض هو لي ..
لا اسب ولا اشتم واكظم الغيظ في الكثير من الاحيان ولكن لي قلم كالكرباج اوظفه كما اشاء واطوعه وفق ما اريد
دون تجاوز للخطوط الحمر ..
اتحداك انت وكل حسن علوب أن تخرج لي وعبر تاريخ كتابتي في المنتديات
موقف عنصري واحد ..
بعد الانفصال يا ابو روضه تكون تيار عريض من الشماليين لكراهية الجنوبيين بسبب يوم الاثنين الاسود يوم وفاة قرنق
وما فعله الجنوبيين في العاصمة الخرطوم ....
هذا التيار لا يقوده الطيب مصطفى بالضرورة .. وانما تكون بصورة طبيعية لأن الخال الرئاسي يعلم الجميع أنه لا يتبع
بداية المشكلة مع دينق كانت لأنني قلت أن الجنوبيين قاتلوا الشمال الجغرافي ككل وليس الكيزان فقط
قاتلوا كل الحكومات في السودان واختلفوا مع جميع الاحزاب والكيانات السودانية بكل ألوانها وايدلوجياتها
ليه!
مشكلتهم انهم ومنذ البداية لم يشعروا بالانتماء للسودان أو لا يريدون أن يكونوا تحت مظلة الشمال بكل تنوعه
حلم الانفصال بدأ بالمطالبة بالحكم الذاتي وتطور الى الانفصال
وهذه حقيقة لا ينكرها الا مكابر .....
الحتة التانية القاعد يبشر بيها دينق هي بوست محمد حمزة الحسين
تداخلت فيه وقلت بالحرف أن محمد حمزة الحسين عبر عن مشاعره بخلو الفتيحاب من الجنوبيات والجنوبيين
ودي ما فيها عنصرية ويمكنك الرجوع للبوست إن اردت ..
منتظرك تطلع لي موقف عنصري من ارشيفي ...
|
Post: #9
Title: Re: رسالة في بريد ابو روضة!
Author: الطاهر الطاهر
Date: 04-06-2017, 10:29 AM
Parent: #8
حبيبنا بشاري صدقني لا جدوى
مهما حاولت تفضل في نظر دينق انت زول عنصري وفي نظر ابو روضه انت زول مصطّف مع الكيزان ..
لانهم ببساطه دايرين كدا
فيا عزيزي اكسب زمنك
عارف الفايدة ال حنستفيدا من البوست حقك دا شنو ؟
ح يجيب دينق يجي ينطط بيجاي ويفكني من هبلو في بوستي هناك ...
|
Post: #10
Title: Re: رسالة في بريد ابو روضة!
Author: ادريس خليفة علم الهدي
Date: 04-06-2017, 10:33 AM
Parent: #9
يا حبيب ح تضيع زمنك مع ود علوبة ههههههههههههههههه
|
Post: #11
Title: Re: رسالة في بريد ابو روضة!
Author: اباذر عبد العال
Date: 04-06-2017, 10:37 AM
Parent: #9
اب روضه اي نقاش معاهو
طوالي يصنفك كوز او مؤيد للكيزان او منحاز
الايام دي جايب حنك العنصرية
تعرف يا البشاري اانا سألتو نفس سؤالك ده وقلت ليهو كمثال البشاري ؟ ..ما رده على
ده هوس بتاع عنصرية .....كيزان...
ونحن خطنا معروف
|
Post: #12
Title: Re: رسالة في بريد ابو روضة!
Author: الامين موسى البشاري
Date: 04-06-2017, 10:39 AM
Parent: #9
الشاهد يا ابو روضة
الموضوع ما موضوع عنصرية ولا بتيخ
لو كنت طلعته معانا يوم الاثنين الاسود وانت شايل عكازك عشان تدافع عن بيتك واهلك
او عشان تمشي تجيب اخوك ولا اختك ولا بت جيرانكم من المدرسة
كان فهمته ليه محمد حمزة الحسين جاري في الفتيحاب قال :
الحمد لله ... الله فكانا من الجنوبيين ..
الفتيحاب كانت اكتر منطقة فيها كثافة للجنوبيين ولهم عاداتهم وتقاليدهم
ابسطها يا ابو روضة لما يموت ليهم زول يساهروا بيك 3 أيام للصباح
ضرب نقارة وسكر وكتيح رماد :)
دينق يحشر الناس في ناس العنصرية بلا مبررات
والعايز يتعنصر على دينق ممكن يجي يختها ليها واضحة زي صلاح شكوكو وغيره
المافي شنو؟
طالما الأمور في المنبر بقت منبرشة ... والقوانين غير مفعلة
تتوقف ليك كم شهر وتاني تجي تمارس هوايتك ...
|
Post: #13
Title: Re: رسالة في بريد ابو روضة!
Author: الامين موسى البشاري
Date: 04-06-2017, 10:52 AM
Parent: #12
نجي لموضوع الكيزان ...
يا ابو روضة يا حبيب .. قبل كدا قلته ليك
انا الكيزان ديل قبل ما يكملوا سنة كنت ضدهم لما مامون حميدة والحكومة قرروا يصفوا السكن والاعاشة في جامعة الخرطوم
قاطعنا الامتحانات وطلعت اكستيرنال وخسرت سنة من حياتي
نتيجة لموقف اخذته وما ندمان عليهو ...
بتعرفني ليك زمن طويل وين موقفي الانا كنته فيهو واقف مع الكيزان
مشكلتك ما بتعرف تفرق بين المواقف السياسية والاجتماعية
ودا موضوع ما عايز اخوض فيهو لكن المواقف
تثبتها الأفعال .. لا .. لا الأقوال
وكذلك تعرف مواقف بقية الزملاء ...
ودا ما امتنان او تفاخر بموقف اتخذه الواحد عن قناعة
اصطفافك مع دينق في الحق والباطل
وتغاضيك عن تجاوزاته أمر محير ويخصم من رصيدك بالتأكيد
فيا عزيزي ..
اذا كانت عيونك منفقلة علينا .. يجب أن لا تكون كليلة عن سباب وشتائم وتجاوزات دينق
هلا الطاهر وابا ذر ...
|
Post: #14
Title: Re: رسالة في بريد ابو روضة!
Author: الامين موسى البشاري
Date: 04-06-2017, 10:56 AM
Parent: #13
هلا يا درش ...
|
Post: #15
Title: Re: رسالة في بريد ابو روضة!
Author: محمد مجيدو
Date: 04-06-2017, 12:25 PM
Parent: #1
يا أصلي ...
وانا اتصنفت عنصري بسبب
اني علقت على مقال الكاتب الجنوبي الير مجاك في بوست عمر صديق
والذي كان ينتقد الحركة الشعبية وشخص باقان امون...
وقال لازم نعتذر للشمالين لاننا دعمنا التمرد ضد الشمال
وطالب سيلفاكير باعادة العلاقات مع السودان ..
وكان تعليقي ..
ما عايزين اعتذار .. بس فكونا من شركم ...
( وكنت اقصد الحركة الشعبية حسب صيغة المقال وليس شعب الجنوب )
اها جاء ديجانقو .. نطاي لي في حلقي ( بدون ما يفهم السالفة )..
وشغل الاسطوانة المعروفه حقتو :
انت تافه .. وانت حقير ...وقايلك محترم ...وقايل القبة فيها شيخ ... الخ ...
وكمية من الشتائم اول مرة تقابلني ولم اعتادها في حياتي ...
وكنت في حيرة من امري ... هل اكلها في حناني وانسى الموضوع
واتغاضي عن الإهانة المزلة دي بعد العمر دا ..
ولاا انزل لمستواه لبعض الوقت ..
واديه درس في الاخلاق لكي يتأدب .. حتى لا يكرر ذلك ..
واضطررت لاتخاذ الخيار الثاني .. والقصة جررت للضرب تحت الحزام ...
وللأسف الرجل طلع يتلذذ من الردم .. ( بتنفخ في قربة مقدودة )
ونحنا اكلنا هواء .. ولازم كل مرة نستعمل العصاية ..
اها في موضوع يوم الاثنين السود ...
نحن كنا من ضمن المتضررين من همج وغوغائية من قاموا باحراق الممتلكات
وترويع الانفس ....وخلافه من البلطجة التي حدثت في ذلك اليوم المشئوم ...
والقصة معروفة ...
عااالم بطااالـــــــــــــــــة ,,
|
Post: #16
Title: Re: رسالة في بريد ابو روضة!
Author: الامين موسى البشاري
Date: 04-06-2017, 02:39 PM
Parent: #15
السيد فرح ابو روضة
يصطف مع دينق بدون أن يبرر هذا الاصطفاف لأن دينق ضد الكيزان ويجلد الكيزان
دينق لا علاقة له بالسودان ولا الكيزان فلدى السجنت ما هو أهم لكي يهتم به
تعرف الجميع وتعرف مواقفهم ومع هذا تصر على المزايدة والمناصرة اللا مبررة
عليك أن تقوم بعمل موازنة حقيقية لمواقفك المعلنة والمبطنة
لأنك .. يا عزيزي فرح
وببساطة لا يمكنك أن تكون صديقاً حميما لعدوين في ذات الوقت
ولكن يمكنك بالتأكيد أن تختار الحياد ..
الحياد الايجابي يا فرح
قف ضد العنصرية حينما تجدنا تعنصرنا على دينق بعبارات واضحة لا لبس فيها
وقف ضد الكيزان دون أن تحشر دينق فيما لا يعنيه من أمرنا الداخلي
دينق الآن مواطن دولة اجنبية ويحمل جنسية أخرى ولا علاقة له بما يخصنا في الداخل
وحقيقة آلمني جدا أن لا تنصف مجيدوو ضد اتهامات دينق بتجارة الاقامات والبشر
ليس كل من يتواجد بالسعودية لأجل المال وأنت تعلم ماذا اعني وانا احدهم
هلا مجيدووو
دحين انت ما نسيت لفة القطر ههههههههههههههه
شكلها مؤثرة معاكـ لغاية هسي
عاااالم ،، بطااالـــة
|
Post: #18
Title: Re: رسالة في بريد ابو روضة!
Author: الامين موسى البشاري
Date: 04-06-2017, 02:43 PM
Parent: #16
يا فرح والله العظيم لا بنخاف منك ولا من بكري ولا من زولك دينق
لو جوانا حبة عنصرية كان رميناها ليهو دون أن يطرف لنا جفن
فبالله بطل مزايدة على مواقفنا .. وبطل اصطفاف اعمى
|
Post: #17
Title: Re: رسالة في بريد ابو روضة!
Author: Deng
Date: 04-06-2017, 02:40 PM
Parent: #15
ده بوست بتاع بكى وثكلي ساكت.
كتاباتكم العنصرية موجودة في أرشيف هذا المنبر، وهي تفضحكم تماما.
|
Post: #19
Title: Re: رسالة في بريد ابو روضة!
Author: محمد مجيدو
Date: 04-06-2017, 02:56 PM
Parent: #17
يا ود بُري ..... اختشي ..
انا مفروس منك .....
الوردية التانية بدأت ولا لسة ؟؟؟
عااالم بطااالـــــــــــــــــــة ,,
|
Post: #20
Title: Re: رسالة في بريد ابو روضة!
Author: Deng
Date: 04-06-2017, 03:04 PM
Parent: #19
العنصري الأمين موسى البشاري
هذا جزء من عنصريتك البغيضة.
محمد حمزة الحسين، بئس التدين الذي تدعيه أيها العنصري.محمد حمزة الحسين، بئس التدين الذي تدعيه أيها العنصري.
راجع لك زول متخصص علشان يفهمك العنصرية دي شنو
ولو ما نفع، أحسن تمشي لطبيب نفسي.
|
Post: #22
Title: Re: رسالة في بريد ابو روضة!
Author: أمير عثمان
Date: 04-06-2017, 03:52 PM
Parent: #21
Quote: لم يسجل لي التاريخ على مدى 20 عاما موقف عنصري واحد ضد احد وهناك من يشهد بدون أن اطلبهم للشهادة ..
|
أشهد ...
تحياتى يا حبيب ... والتحية لسعادة اللواء أبو بستلة ...
|
Post: #23
Title: Re: رسالة في بريد ابو روضة!
Author: حامد بدري
Date: 04-06-2017, 04:34 PM
Parent: #22
مسا الخير عليكم وعوافي
المحيرني في الموضوع من خلال متابعتي للمنبر الزول ده كلمة ابن زنا وكلب وحقير وتافه وكوز عندو زي شراب الشاي يلصقا ليك زي الماحصل حاجة واول مايردو ليو الشتيمة يولول
ممكن بس طلب يادينق يازميل المنبر ماتبدأ بالشينة ولو زول اساءك لصق ليو وبدون حدود شخصيا حاستخدم معاك اسلوب مختلف من اليوم حتى لو بدر منك كلام ماف محلو وانا متوقع كده لكن الاثارة بتاعت السايبر دي تخرب الموود مابتفش غبينة
رجاء اتعامل مع الناس باحترام لدي اصدقاء من الجنوب تعرفت عليهم من هنا وفي الفيس شول و ابيول نعم الاخوان شاركوني احزاني وافراحي ارجوك رجا خاص نقيف هنا ونتصافى بنية طيبة وسليمة
وكان ماقدرنا نوقف الشتم والشتم المضاد نترك الترصد ونبتعد عن تشويش البورد عشرة بوستات كلها نفس المضمون وفي الاخر نصل لطريق مسدود وتقفل البوستات
يااخوان يااصدقاء رجاء اتركوا الموضوع هدنة بسيطة اخدو نفس وراجعوا انفسكم
|
|