اليوم الأول للمنبر بعد المستنير

03:09 AM April, 04 2017

سودانيز اون لاين
معاوية الزبير-الدوحة
مكتبتى
رابط مختصر

تنويه: العنوان مستوحى من رواية أمين معلوف: (القرن الأول بعد بياتريس)
هذا البوست مساحة حرة للتعليق على ظاهرة المستنير بالسمح والشين
بالرغم من أنني أكره تعبير مساحة التي يرددها مقدمو ومقدمات البرامج
في القنوات التلفزيونية الفضائية السودانية: في هذه المساحة

معقول!!
يعني القصة جد! ولا لحقنا نعمل الحفلة ولا سمّى لينا الخليفة
شنو يا ود الزبير ما حنّستوه مالكم

بكري من الذين اضافوا لهذا المنبر ألقا
اجده ذكيا لماحا ذو طرفة

بالمناسبة معاوية
لا اعتقده سيغادر
ان فعل يكون قد اساء تقديراتي وحكمي عليه
اعتبره اكبر من تلك الحركات الطفولية التي تشبه الاطفال المدلعين

كمان يا بشرى وحفيظ قال عشان ما يتاورو الحنين ما حا يفتح المنبر نهائي..
أعتقد هذه طريقة جيدة للتخلص من الإدمان

التحنيس يا ود البشرى خليناهو لود المدير والحنين حيدر حسن ومن لف لفهم

يوم حزين
ماكنت قايلو بيعملا ويشتت من غير وصية
معقول ما حدَق في كلام المستنير الأعظم فريدريك نيتشه اللي قال في ساعة إستنارة :
" إلى كل الأشخاص الذين يهمني أمرهم، أتمنى لهم العذاب والكآبة، سوء المعاملة والإهانات، احتقار الذات العميق، وعذاب الشك في النفس".
ويعني ان " أهم انجازات ومشاريع الإنسان تعتبر جزء لا يتجزأ من درجة من العذاب، ومصادر أعظم ألافراح تجدها قريبة بشكل غريب من أعظم الآلام "
يامستنير .. كواحد من مُحبيك .. بنصحك تراجع قرارك.
الشيء الوحيد اللي بيجعل الحياة أكثر رضى يكمن في كيفية التعامل مع الإحباط
هل انت محبط لهذه الدرجة

وااا حسرتاه على فراق المستنير
( ابزغ) علينا ايها القمر المنير
فنحن من دونك قطيع من حمير
شتان ما بينك وبين بن الزبير
وفرقان ما بينك وبين ود المدير

ممكن يا ود البشرى توصلني لتعليق المستنير على احد البوستات وقعدت اضحك لمان شديت ليك سلك؟

اعتقد التعليق بقول: ان البوست قد انحرف عن مسارة لانه مخصص فقط لاضهاد النساء او ما اشبه ذلك

ياحليلك يالمستنير
حليلك يالرصين
انتو
مع
الرصين
ولا ضدوا

بالجد المنبر مسيييخ من غير المستنير...متابع ما يكتبه من زمن و قبل انضمامي للمنبر
هو زي الطفل المشاغب في البيت بيضيف حيوية و طُرف للمواقف.
وبكون مزعج للبعض...في النهاية صاحب بصمة واضحة.
احزنني سوء فهم البعض له.
اتمني تكون استراحة قصيرة و يعود لنا.

معاوية الزبير عاشر جرجير يومين تلاتة على الواتس
فصار مثله يشتغل بالفارغة ومقدودة ..
وين الموضوع هنا يا صديقي العزيز ؟؟






















................
والله المستجير فقد لو فعلا رحل .. خخخخخخخ

حتى انت يامعاوية الزبير

كان عندي احساس قوي إنه حيعملها المرة دي
غالباً كدة حيغيب فترة طويلة اسابيع وربما أكتر من شهر
لما يجي راجع حيكون فاقد اللياقة تماماً وحيقعد يجلط وعادي تشوفوا يبيضوا ليه في الكورة

هههههههههههههههههههههههههه،
حا يعمل شنو مع الدودة ؟.




تلقاهو يتاوق هسّع .
والله صحي ...

Quote: كمان يا بشرى وحفيظ قال عشان ما يتاورو الحنين ما حا يفتح المنبر نهائي.. أعتقد هذه طريقة جيدة للتخلص من الإدمان

ما اظن من الساهل يصل المرحلة دي




نحاول نوسطلو دينا خالد امكن ترجعو

Quote: حتى انت يامعاوية الزبير

اكتر حاجة مستغرب ليها، بدر الدين الأمير دا مالو مع المستنير
دي المرة التانية اقرا ليهو مداخلة ضد أخينا ابوبكر عباس
صحيح أن صاحبنا المستقيل لم توفر رصاصاته أحدا، لا عدو لا صديق
لكن لا أذكر أبدا إنو تداخل مع الأمير في بوست
أعتقد هناك سوء فهم أو شُبّه له ببكري أبوبكر

بكور من النوع الذي يبادر باثارة الجدل والمواضيع المثيرة له
وهذا النوع هو الذي يعمر في منبر بكري ويضج فيه
فهنيئا له بعود حميد يحرك كل ساكن فيه ،
وليعف لنا تطفلنا ودعاباتنا.



..
..
ولك الف تحية يا صاحب البوست وصاحب الاستنارة الحقيقية في المنبر

تصدق يا عمر بكور عادة ما يطرح ارائه بطريقة ساخرة ومغلفة لاتجرح المشاعر ابدا
اثارة الجدل دي اساس مشروعه الاستناري خاصة لما يكون في موضوع مطروح من قبل اعضاء آخرين
ماعارف السبب اللي يجعل من يخالفونه يرمونه بما ليس فيه او يقللون من شأن مهنته (دكتور الغنم) رغم قناعتي انه يتقبلها بصدر رحب
عموما لو صدق في مغادرته للمنبر يكون هزم مشروعه بنفسه لأنه خليق به ان يواصل في مشواره طالما هناك ايضا من يعتقدون في مايبشر له
اتمنى ان تكون استراحة محارب ويعود لينا في فورمة جديدة

المستنير تعال قريب وجيب اضانك (الهيلمانة اللقيتها في حوش بكري وحات ود بانقا لا بتقلاها في ال 4all ولا في الحوار المتمدن ولا في اي بورد)
فما تركب راسك ساي ..
خسمتك بسيدك الحسن تعال ..
تحياتي لمعاوية المدير😃😃😃
معاوية بن الزبير يا صديقي تحياتي ومودتي

Quote: عشان ما يتاورو الحنين ما حا يفتح المنبر نهائي.

ههههههههههههههههه .. هـسـه تـلـقـاهـو نـايـم نـوم في البوسـت دا ..

يا مستنير الفريق بعدك خـلا .. ارجع تعال ماتبتعد .

Quote: يوم حزين ماكنت قايلو بيعملا ويشتت من غير وصية

هو في الحقيقة ترك وصية يا حيدر تحدد اسم خليفته
لكنه طلب أن تُفتح بعد مرور 10 سنوات على مغادرته المنبر
معتبرا أنها فترة معقولة لظهور نتائج جهوده التنويرية عند هذا الخليفة

ياللأسف ،كان عندي معاهو فكرة بتاعة بزنس،بتكسب دهب..
مامرزقين في القروش نحن كلو كلو..
عليك الله ياود الزبير قوليهو عليش قاليك :أوقف التأمل.

يااستنارة سيب دلالك دا
تعااال راجع نديك (فرد) جلدة


فرد بكسر الفاء والراء

اليوم الثاني

سلام عزيزنا معاوية
حبيبنا المستنير فقد كبير للمنبر
اتمنى ان يراجع قراره و يعود سريعا
فله فى القلب محبة و تقدير و احترام
____
فى اتظار رسالة منك يا معاوية

وأنا أقول المنبر ده ليهو يومين مسيييخ كده مالو ؟!

من شدة الحزن
الواحد قرررب يجاري قصيدة "مصرع زهرة " بتاعة ابوداؤود

تصدق يا معاوية
أنا ما قاعد أقرأ للمستنير
بشوف اسمه موجود وبقعد أضحك
وبس

يعني تاني ما حنشوف اسمه الملائكي، خسارة فادحة والله

التحية مجددا لك اخ معاوية والصديق حيدر ..

Quote: تصدق يا عمر بكور عادة ما يطرح ارائه بطريقة ساخرة ومغلفة لاتجرح المشاعر ابدا اثارة الجدل دي اساس مشروعه الاستناري خاصة لما يكون في موضوع مطروح من قبل اعضاء آخرين ماعارف السبب اللي يجعل من يخالفونه يرمونه بما ليس فيه او يقللون من شأن مهنته (دكتور الغنم)

بالله هو كمان طلع دكتور غنم
وأنا أقول استنارته دي مالها عاملها كده
حياة الريف والبادية دي بالمناسبة أكرم حياة ، لانها تكسب الفراسة والذكاء وقوة التحمل
ومن لم يذق تلك الحياة ففي عمره نقص كبير ن تكمله المدنية وان تحضرت ،
اخونا ابكر رغم ان عمري معه كان قصيرا ما عرفته الا قبل ايام من رحيله
إلا أنه أعاد لي خواطر كتابات الاخ شهاب كرار رد الله غربته ،
فقد وجدت فيه بعضا من جدليته وبحثه في اللامألوف

سعيد أنا لتجمع هذه الكوكبة من صحابي الجميلين في هذا البوست
أشكركم كثيرا دون التعليق على مداخلاتكم حتى لا أفسدها
وإن كان لا بد من تعليق وحيد فإنني أتعاطف مع الشاب Nasser Amin في شعوره بالفقد
لأني حاسي بيهو لم يروِ ظمأه لرفقة المستنير

الأخ العزيز معاوية...
غبت الأيام الماضية عن المتابعة و عدت لأجد الخيم منصوبة حفلات وداع و عزاء...
لا أملك إلا أن أقول دوام الحال من المحال و كلي أمل أن أرى حرف المستنير و قفشاته بالمنبر.
إذا شعر بأن المنبر ماخد حيز كبير من زمنه ممكن يعمل desensitization و يرجع يكتب بجدول عشان يومه يكون منظم.
و من ثم لازم نحنسه بالغنية دي لو كان مستنير صحي صحي بيجي عشان الرهافة من دواعي الإستنارة :)

عشان خاطرنا خلي حروفك الحلوات تخاطرنا ..

كما صدح مصطفى سند كلماً و محمد ميرغنى لحناً و عصام أداءاً
و جرسوا حاسة السمع عندنا...

سلامات فردوس
الأغنية دي بصوت عصام بالذات من أغنياتي المفضلة الما بمل سماعها
لكن هاك التسجيل الأقدم الأفضل لأنه أداء عصام ماشي في النازل

يا سلاااام يا أحمد محمد عمر...
فعلاً أروع في تسجيلك...و الإيقاع أجمل.
تشكراتي و نردها ليك في السمح.