Post: #1
Title: صدقني .. حبيبنا أبوحسين ليك وحشة .. تعال مع برشلونه
Author: علي عبدالوهاب عثمان
Date: 03-09-2017, 02:14 PM
Parent: #0
01:14 PM March, 09 2017 سودانيز اون لاين
علي عبدالوهاب عثمان-جدة
مكتبتى
رابط مختصر حبيبنا أبوحسين ..
بعد مباراة برشلونة إستحضرت بوستاتك الرياضية
ومعاها مداخلات قريبي عووضة ..
فقدناك .. جعل الله المانع خيراً ..
عد كما كنت أيها الحبيب ..
مودتي ... كن بخير ..
|
Post: #2
Title: Re: صدقني .. حبيبنا أبوحسين ليك وحشة .. تعال مع �
Author: علي عبدالوهاب عثمان
Date: 03-09-2017, 02:24 PM
Parent: #1
حبيبنا .. هو بكري شطبك ..أو أعتزلت بمزاجك ..الغربة حارة يا أبوحسين .. وخاصة الايامات دي ..بقت لا تطاق
اأحسن الواحد يكون مشغول بسودانيزعكننه ، شكلة ، خلاف ، إختلاف ، كلها إحوانيات ..مهم الواحد يكون مشغول بعيداً عن هموم الغربة ..
صدقني عالمنا الحقيقي هو الافتراضي .. والافتراضي ده بقى حقيقي .
.إيه رأيك اللغة العربية بتاعت ( ناس ضواحي الدنيا ) الكتابة بالعامية شوية صعبة ..
تذكر لمن شرحت لي معنى ( وهيط ) و ( الكلس )ما زالت عبارة ( ..... مقسم فوق الدقشم ) في الانتظار
حبيبنا أبوسن شرح قصيدة في بوست معاوية الزبير ما زلت قرأ فيه وأتعجب ..
عوداً حميداً إن شاء الله ،،
|
Post: #3
Title: Re: صدقني .. حبيبنا أبوحسين ليك وحشة .. تعال مع �
Author: علي عبدالوهاب عثمان
Date: 03-09-2017, 03:55 PM
Parent: #2
حبيبنا أبوحسين .. كيفك ..
البوست معلق من زمان .. ما في تفاعل ..
يمكن عشان كنت ألفة الفصل ..
زمان نحن ما كنا نتعاطف مع ألفا
حتى في العوم والصراع ونحن راجعين من المدرسة كنا نتآمر عليه
مع التحية ..
|
Post: #4
Title: Re: صدقني .. حبيبنا أبوحسين ليك وحشة .. تعال مع �
Author: Salah Zubeir
Date: 03-09-2017, 04:01 PM
Parent: #2
Quote: الكوز ابوحسين
الجابك المنبر تاني شنوا؟؟ |
حبيبنا علي ... اخونا ابوحسين ليهو وحشه لكن دخلتو هنا حا يترشا
بالكوت الفوق دا ... اها نودي وشنا وين ... الراجل عمل ليهو جمهور
معتبر نواحي الواتس والفيس وبقول الداير يقولو بدون محاكم التفتيش
اياها وبدون ما يجي ناطي ليهو واحد مكعبر يقول ليهو يا كوز ولا يا
غواصه وبالمناسبة اخونا ابوحسين ترقي في سلم المناتلين وهو في
السلمه الخامسه وهي مرحلة اليقين وبعد سلمتين سوف يصير
مناضل لا يشق له غبار ....
تحياتنا اخونا علي ...
|
Post: #5
Title: Re: صدقني .. حبيبنا أبوحسين ليك وحشة .. تعال مع �
Author: علي عبدالوهاب عثمان
Date: 03-09-2017, 04:26 PM
Parent: #4
اخونا ابوحسين ليهو وحشه لكن دخلتو هنا حا يترشا بالكوت الفوق دا ... اها نودي وشنا وين ...
الراجل عمل ليهو جمهور معتبر نواحي الواتس والفيس وبقول الداير يقولو بدون محاكم التفتيش
اياها وبدون ما يجي ناطي ليهو واحد مكعبر يقول ليهو يا كوز ولا يا غواصه
وبالمناسبة اخونا ابوحسين ترقي في سلم المناتلين
وهو في السلمه الخامسهوهي مرحلة اليقين وبعد سلمتين سوف يصير مناضل لا يشق له غبار ....
===================
حبيبنا صلاح مودتي .. وتدوم الاخوة ..
الحلوين في البروفايل ربنا يحفظهم ..
الحبيب صلاح .. حسب ذاكرتي الضيعفة كان أيام في مصطلح
لأبوحسين وبعض الاخوان نسيت يمكن هو ( ضبابي أو رمادي )
أما الرش هو متخصص فيه ويعرف يناور زي كلاي ( الله يرحمه ) ..
واتس ما عندي جوالي من النوع القديم أبو كشاف .. شايف ناس نوكيا نزلوه في السوق مرة الثانية
مفروض يكرموني
كمان مع أبوحسين إذا رجع عووضة يكون الحوش تمام
شكرا ً صلاح مودتي ..
|
|