Post: #1
Title: تصريح و نكتة
Author: عبدالحفيظ ابوسن
Date: 03-02-2017, 06:04 PM
05:04 PM March, 02 2017 سودانيز اون لاين
عبدالحفيظ ابوسن-no where
مكتبتى
رابط مختصر وزير الماليه :
الظروف الاقتصاديه حتتحسن فى السودان بعد تسعه شهور
.
.
. مبروك يا جماعه السودان حامل 😂😂😉😉
|
Post: #2
Title: Re: تصريح و نكتة
Author: sadig mirghani
Date: 03-02-2017, 07:09 PM
Parent: #1
يعني لو قال 2018 ما احسن
ولا عاوز يقرب المسافة
المهم كلنا اولاد تسعة
نرجا ونشوف
|
Post: #3
Title: Re: تصريح و نكتة
Author: Basamat Alsheikh
Date: 03-03-2017, 00:42 AM
Parent: #1
بالغت يا المسنوح ود ابو سن..
دائما حاضر البديهة....بس ان شاء الله الحالة الاقتصادية
تتولد وهي بصحة جيدة وما تكون كسيحة وتمشي بامها
في الطرق الوعرة والشاقة...واربطوا الحزام...واربطوا الحزام
والحزام مربوط من زمانا بعيد..
ودمت بالف خير
|
Post: #4
Title: Re: تصريح و نكتة
Author: يحي قباني
Date: 03-03-2017, 04:19 AM
Parent: #3
يا حفيظ ...
بمناسبة التسعة شهور دي ...
زمان ببني لي في فيلا للأمير مشعل بن عبد العزيز ( كفيلي :) ...
صبينا السقف يوم الخميس و الفيلا قاعدة علي راس جبل رملي و المنظر من هناك اخر جمال
عمك جا يوم الجمعة يقيّل تحت السقف المصبوب قعد بين السقالات و الجو مرطب
قام جاب ليك عمالي مبسوط اداهم كل واحد ٥٠٠ ريال
و قال ليهم لو جيت يوم الخميس و لقيتكم فكيتو السقالات دي و عملتو البياض
حآدفع لكل واحد الف ريال !
ربك لطف قال الكلام ده في دخلتي علي الصالون ...
قلت ليهو ما ينفع ... مع الحر ده ما بفك الشترنج قبال أسبوعين علي الأقل
قال لي جيب عدد عمال زيادة !
قلت ليهو القصة ما كم زول ... القصة السقف لازم ياخد وكتو ...
قال كيف يعني ؟ و زعلان
قلت ليهو يعني المرآة بتحمل تسعة شهور عشان تجيب المولود .. صاح؟
اها لو جبنا ليها تسعة رجال ... ممكن تجيب مولودها في شهر واحد؟
عمك ضحك و زعل و سب و لعن ... و استسلم للواقع ...
________
اها حكومتنا دي ما بتلقي ليها تسعة رجال يحاولوها ...
|
Post: #5
Title: Re: تصريح و نكتة
Author: عباس محمد عبد العزيز
Date: 03-03-2017, 06:23 AM
Parent: #4
شيخ العرب ود ابوسن
صباحكم طيب
على الطلاق ولا كلمة
السمائة علينا
جيب السكين ياولد
|
Post: #6
Title: Re: تصريح و نكتة
Author: حيدر حسن ميرغني
Date: 03-03-2017, 06:46 AM
Parent: #5
السودان حامل
بس وحمو شين
بياكل أي حاجة قدامو 
|
Post: #7
Title: Re: تصريح و نكتة
Author: عبدالحفيظ ابوسن
Date: 03-03-2017, 07:14 AM
Parent: #6
تشكروا
صادق
بسمات
قباني
عباس
حيدر
الناس دي بتنضم بس ..دون قراءة فنية
زي كلامنا الشعبي
دقيقة بس وبرجع ليك
وراجيك لي سنة
ومليون مرة قلت ليك
كلام مرسل القصد منه بلاغي ونحن احوج لمسؤول فعال من مسؤول قوال يجيد القول
هسة لو سألوهو تسعة شهور تحديدا ليه ما بكون عندو رد .. إلا يكون قول نقله من مشعوذ ولا حسب الخريف وحصاده ودة فهم شعبي ساي
يقول ليك الموسم
عمري كلو قاعد في السوق ما شفت موسم
يا قباني هنا كلامك دة قاعدين يعملوهو .. كم مرة بنو ووقع .. اخر حاجة بتذكرها سور المستشفي اظنو . في زيارة للرئيس كترو العمال وشغالين بالكشافات .. السور وقع .. ولا زلط برضو بالكشافات واتكسر .. في زمن محدد لكل عملية وحد مش ساي ..
ههههه قلت لي تسعة تكون عندك واحدة من زمن ام درمان ما مرقت وش ضاحك
يا حيدر نتوحم من ما قمنا . نتوحم الكهربا ما تقطع
الموية
نلقا الدوا
يحفروا المجاري قبل اللواري تقيف
المسؤول ما يعنقد
الشبكة ما تطش عشان الاجراءات
اظنو جنا ألبل
بسمات المبدع هو الشعب دة الذي تمخض حواره عن حوار
|
Post: #8
Title: Re: تصريح و نكتة
Author: عباس محمد عبد العزيز
Date: 03-03-2017, 07:26 PM
Parent: #7
تحياتى
عبد الحفيط ابوسن
فى دكتور صاحبنا فى جامعة خليجة
صحح ورقة امتحان الرياضيات
فى كلية البنات واحده منهن حصلت على واحد وربع درجة
سئلت الدكتور قالت ليه الواحد عرفناه الربع دا شنو
شرح ليها خطوة خطوة
|
Post: #9
Title: Re: تصريح و نكتة
Author: حسن محمد عمر
Date: 03-05-2017, 09:30 AM
Parent: #8
أخونا عبدالحفيظ شايف الحكاية جابت ليها حمل وولادة والجماعة ماقصروا معاك تب مشاكلنا فى السودان كثيرة والسادة المشؤولين كل واحد (ينظّر ) على كيفوا وأذكر تصريح للسيد المرغنى الإبن المستشار فى (القصر الجمهورى) عندما قال أنه بعد (180) يوم ستحل كل مشاكل السودان والله أعلم كان ماخانتنى الذاكرة واليوم تسعة شهور وأتمنى تكون سبعة شهور لأنه مولود السبعة كمان ممكن يعيش بإذن الله المهم نحن منتظرين . ياخى النكتة دى براها إبداع وسط المعاناة التى لا تنتهى من حياة الفرد السودانى .. أريتها ولادة أخشى الحكاية تكون بطن منفوخة ساى
|
|