Post: #1
Title: يا جماعة الحكاية شنو؟ كل ما الواحد يقول يخش بوست يلقى الشمطة مدوّرة؟
Author: محمد عبد الله الحسين
Date: 02-14-2017, 06:32 AM
Parent: #0
05:32 AM February, 14 2017 سودانيز اون لاين محمد عبد الله الحسين-الدوحة مكتبتى رابط مختصر يا جماعة الحكاية شنو؟ كل ما الواحد يقول يخش بوست يلقى الشمطة مدوّرة؟ يعني ما نخش ولا شنو؟ بالجد بعض الاحيان الواحد بيلقى نفسه مقصر تجاه بعض اعضاء البورد رغم حبي و احترامي لهم جميعازو للتعبير عن هذا الحب و لإذابة الجليد الذي قد يتراكم في بعض الاحيان فيترك بعض الرواسب الخفيفة في النفوس فالواحد بيقول يخش بوست مرة مرة عشان يُلقي ببعض حبال الود مع اعضاء هذا المجتمع و لنذكذر انفسنا باننا في مجتمع إجتماعي أولاً و أخيراً إنساني يجب ان يسود بيننا الحب.....
|
Post: #2
Title: Re: يا جماعة الحكاية شنو؟ كل ما الواحد يقول يخ
Author: محمد عبد الله الحسين
Date: 02-14-2017, 06:39 AM
Parent: #1
و كتيراً ما أقرأ عنوان بوست. و أقول اخش معلق أو مجامل أو معبّر بشكل ما عن ود يربط بيننا، و عن زمالة مفترضة على الاقل. حتى و إن اختلفنا سياسيا أو اجتماعيا او فكريا ... ....و لكن كلما اقرا عنوان بوست و اقول ادخل أصبّح او امسّي القى الشمطة مدورة.و في مواضيع لا تستحق. فاقوم انسحب برررراحة و استغفر الله. يعني يستحيل ما تلقى بوست او بوستين( مش من البوسة) ما يكون فيها عبارة نافرة لا داعي لها او تعبير مشاتر أو استدعاء لعداوة نائمة أو ليجعل الف عرق يمتليء بالدم الحار و يرفع مستويات الضغط و التوتر لمستويات عالمية و ..و.. . غايته الله يهديء النفوس!
|
Post: #3
Title: Re: يا جماعة الحكاية شنو؟ كل ما الواحد يقول يخ
Author: Zoal Wahid
Date: 02-14-2017, 06:45 AM
Parent: #2
او بوستين( مش من البوسة)
شايف ، جبت لنفسك الكتاحة.
ده موضوع شمطة جاهز.
هاهاهاهاهاهاهاهاهاهها.
|
Post: #4
Title: Re: يا جماعة الحكاية شنو؟ كل ما الواحد يقول يخ
Author: Zoal Wahid
Date: 02-14-2017, 06:59 AM
مرة قريت لواحد من الصحفيين العرب قال انه كتب ان معارفا له يريدون اصدار مجلة سيسمونها ( القبلة ) . قال الصحفي انه تلقى رسالة غاضبة من مواطن يشتمه هو و معارفه لانهم يريدون نشر الفاحشة وسط الامة الاسلامية و .... وو ... الصحفي رد في مقال آخر، ان صديقه يقصد (القِبلة) بكسر القاف. و ليس ضمها.
انت قد تكون قاصد بوسة على اليد ولكن عقول البعض ستذهب بعيدا
|
Post: #5
Title: Re: يا جماعة الحكاية شنو؟ كل ما الواحد يقول يخ
Author: محمد عبد الله الحسين
Date: 02-14-2017, 07:08 AM
Parent: #4
أهلا يا زول كيفك خوّفتني. انا لا قاصد دي لا دي. لكن ما مشكلة ممكن في اليد زي ما قلت و لا في الجبهة. و حتى إذا في الخد ما مشكلة و لا شنو؟’ و لغاية هنا كفابة عشان الهواء البارد و كده. شكرا يا زول
|
Post: #6
Title: Re: يا جماعة الحكاية شنو؟ كل ما الواحد يقول يخ
Author: محمد عبد الله الحسين
Date: 02-14-2017, 07:34 AM
Parent: #5
السؤال ما هي الاسباب الداعية لكل ذلك؟ و هل هذه الظاهرة هي احد مظاهر أزمتنا السياسية؟ و كذلك احد أسباب تخلفنا السياسي و الإجتماعي و الثقافي؟ و بالتالي يكون السبب هو عدم إحترام الإختلاف. و عدم القدرة على إدارة الإختلاف.؟ ام هناك دوافع فردية من عقد نفسية..؟ أم رواسب و دوافع سادية ؟ ام حب للظهور؟ ام حب للتشفي و الانتقام ؟ ام إحساس بالدونية يتم عرضه بشكل معكوس؟ هذه كلها افتراضات و لكنها قد تكون صحيحة احيانا.
|
|