Post: #1
Title: يا ناس الرياضة ( المنتخب السوداني تحت سن 17 سنة ) محتاج لوقفة
Author: فرح الطاهر ابو روضة
Date: 02-12-2017, 06:46 PM
05:46 PM February, 12 2017 سودانيز اون لاين
فرح الطاهر ابو روضة-...................
مكتبتى
رابط مختصر
أمس شفت لي فيديو بالصدفة
11 هدف
مرة واحدة
الهزيمة كانت من الكويت
وعلى قدر اللعيبة
وعرفت قبليها برضه
كانت في هزائم
سألت قالوا دي اسمها بطولة جيم
|
Post: #2
Title: Re: يا ناس الرياضة ( المنتخب السوداني تحت سن 17
Author: فرح الطاهر ابو روضة
Date: 02-12-2017, 06:55 PM
Parent: #1
الوليدات ديل نفسهم
مش ياهم الشاهدناهم ببكبوا
فرحانين بالنصر
ومتوشحين علم وشعار السودان
والله انحنا ذاتنا بكينا معاهم
وحسينا انه الوطن ده بخير طالما في جيل
عنده همة بالمستوى ده
لكن الشفتو على الفيديو غير
الأولاد ديل تقول في حد قال ليهم انهزموا وتعالوا
واكسروا الهمة الجواكم
في شنو يا ناس الكورة ولا بس يا هلال مريخ ولا كورة مافي
طيب شوفو لينا وجع الوليدات ديل لأنهم مستقبل الرياضة
السودانية
واكون شاكر ليكم
|
Post: #3
Title: Re: يا ناس الرياضة ( المنتخب السوداني تحت سن 12
Author: فرح الطاهر ابو روضة
Date: 02-13-2017, 05:27 PM
Parent: #2
الصديق عادل الباهي
أشار مصححا الي المنتخب تحت سن 12 وليس كما ذكرت 17
تسلم عادل
ولسه بنسال عن ما حدث للمنتخب
صحيح بأنه تم إقصاء لاعبي فريق ود مدني الذي
فاز بكأس البطولة الماضية من قبل نافذين
وما علاقة حارس فريق المرمي بأحمد هارون
أحد المعلقين الرياضين أشار بأحد التسجيلات بأن الفريق
هزم للتدخل المباشر من قبل منسوبي الحكومة في اختيار اللاعبين
|
|