Post: #1
Title: فحيح الافاعي 2 - 10 (توكيل الموسكوفيتش) او العمالة لجهاز KGB.
Author: بدر الدين اسحاق احمد
Date: 02-08-2017, 09:46 PM
08:46 PM February, 08 2017 سودانيز اون لاين
بدر الدين اسحاق احمد- تحت ملك الله
مكتبتى
رابط مختصر فحيح الافاعي..
كلاكيت تاني مرة!!
متابعة ما يردني من تسريبات اسرار الحزب الشيوعي
والتي عرفت ب *فحيح الافاعي* 🇸🇩
الاثنين ٢٠١٧/٢/٦
*نشرة متخصصة في تسريبات الحزب الشيوعي السوداني*. 🇸🇩
*اسرار سحارة الحزب الشيوعي*.
*(لصوص الموسكوفتش)* 🚫
✋ *المقدمة :-*
1⃣ *تحدثنا في الحلقات السابقة بالتفصيل عن الفساد في الحزب الشيوعي و أكدنا ان هذا الفساد ليس وليد اليوم فقد أسس له الحرس القديم أعرافا وتقاليدا ظلت تشكل طريقا راسخا في مسيرة الحزب الشيوعي، بالرجوع الي دفاتر الحزب القديمة نجد أن ملفات الفساد المالي تعايش معها الحرس القديم لأن اللصوص هم انفسهم فرسان الفكره وأصحاب الرأي ، وقادة الحزب و حينما التهمت معدتهم اول توكيل لشركة سيارات الموسكوفتش في الخرطوم المهداة من جهاز المخابرات الروسية ال (kGB ) من اجل تمويل أعمال الحزب التنظيمية لم يجد من يحاسبهم مما رسخ تقليدا داخل الحزب وهو تغطية الفضائح حتي لا يعرفها أعداء الاشتراكية ، وقد كانت الفكرة ان تكون ارباح* *الشركة بمثابة نثريات للتسيير بدلا عن الاموال التي يستلمها حينها ................... مدير الامن والرقابة السابق بالحزب الشيوعي من مدير محطة الkGB بالخرطوم هذا الشركة الناجحة تمت سرقتها بالكامل من الحرس القديم وتحويل أرباحها الي فلل فخمة لصالح أفراد مما ادي لخروجها المبكر من السوق والرجوع مره اخري لاستجداء المخابرات الروسية في معادلة كريهة وهي المال مقابل تسليمهم معلومات استخبارية عن* *السودان واحزابه وقد وصف هذه الفترة محمد أحمد سليمان بانها عمالة الحزب الشيوعي السوداني للمخابرات الروسية تحت عنوان عقائدي*.
|
Post: #2
Title: Re: فحيح الافاعي 2 - 10 (توكيل الموسكوفيتش) او ا
Author: ود الباوقة
Date: 02-08-2017, 09:51 PM
Parent: #1
معقولة الاحمراني دا قاعد في الصقيعة
سبحان الله
شكرا يا كمندان
|
Post: #3
Title: Re: فحيح الافاعي 2 - 10 (توكيل الموسكوفيتش) او ا
Author: بدر الدين اسحاق احمد
Date: 02-08-2017, 10:13 PM
Parent: #2
باوقه يا وجيه
ليك وحشه والله
التوجيهات نزلت للعضوية بان لا تتم مناقشة موضوعات فحيح الافاعي ابدا...
|
Post: #5
Title: Re: فحيح الافاعي 2 - 10 (توكيل الموسكوفيتش) او ا
Author: سيف النصر محي الدين
Date: 02-09-2017, 00:13 AM
Parent: #3
الفكي ليك وحشة و الله مطول الغيبات
وين بالله الفلل الضخمة دي الظاهر فاتتنا ههههههه
ياخي فحيح أفاعي افح من فحيحكم بتاع الكم و عشرين سنة الفاتو ديل في؟
|
Post: #6
Title: Re: فحيح الافاعي 2 - 10 (توكيل الموسكوفيتش) او ا
Author: kamal omer
Date: 02-09-2017, 06:15 AM
Parent: #5
يا سعادة الوزير
المثل بيقول أبو سنينة بيضحك على أو سنينتين
تاني حاجة يا ( كمومندان ) زي ما ناداك ود الباوقة
خت الأسماء عدييييل ، و إنت طبعاً عندك حصانة ما عليك مساءلة ، عشان الناس تعرف
لي أصحاب و زملاء شيوعيين ما شفت فيهم شق و لا طق
بعدين الموسكوفيتش دي ليها أربعين سنة ، كدي شوف لينا سرقات اليومين ديل ، طالما عاوز تأشر على اللصوص
و إنت عارف السارق و المسروق ، و ما محتاج أكبهم ليك هنا
|
Post: #7
Title: Re: فحيح الافاعي 2 - 10 (توكيل الموسكوفيتش) او ا
Author: وضاح عبدالرحمن جابر
Date: 02-09-2017, 06:22 AM
Parent: #6
هههههههههههههه
غايتو يا الشيوعيين الكيزان ديل بعرفوا ليكم عرفة شديده
تشنو عليهم حملات كشف الفساد .. يردوها ليكم فى مسماها .. وبى نفس الاسلوب
............
اهم ناس بالنسبة للكيزان هم الشيوعيين
خاتنهم تخته .. يقشوا فيها كل مصايبهم
|
Post: #8
Title: Re: فحيح الافاعي 2 - 10 (توكيل الموسكوفيتش) او ا
Author: ود الباوقة
Date: 02-09-2017, 06:33 AM
Parent: #7
بالله يا ابوالبدور حاول نزل لينا
الحلقات الفحيحية السابقة لانو فيها الكثير المثير الخطر
تقريبا 7 حلقات
ويا الاحمراني عليك الله قوم ارقص تاني
مودتي اخي الوزير
|
Post: #16
Title: Re: فحيح الافاعي 2 - 10 (توكيل الموسكوفيتش) او ا
Author: Hassan Farah
Date: 02-09-2017, 11:02 PM
Parent: #8
ويا الاحمراني عليك الله قوم ارقص تاني مودتي اخي الوزير
...................................................................................................
الحرامى الكوز الفكى بدر والحرامى المتكوزن ودالباوقة
إتلم التعيس على خائب الرجاء
حراميان يغرقان المركب
|
Post: #9
Title: Re: فحيح الافاعي 2 - 10 (توكيل الموسكوفيتش) او ا
Author: Waeil Elsayid Awad
Date: 02-09-2017, 06:35 AM
Parent: #7
يا استاذ اسحق
يجب ان تخجلوا عندما تتحدثوا عن الفساد
لم بفسد و ينهب و يستبيح اموال المسلمين و ياكلها سحتا الا الكيزان و الشواهد نعرفها فى كل معارفنا من منسوبيكم
سالت احد اقربائى و هو طالب جامعى عن كيف يجند تنظيمكم اعضائه الجدد و ماذا يقول لهم , كنت اعتقد انكم مازلتم تستخدمون الوسائل القديمة من حلقات القران و الكلام عن الشيوعية و الاستكبار العالمى
المهم قريبى قال انو ناس تنظيمكم بيقلولو للطلبة تعال انضم لينا عشان تلقى شغل بعد التخرج و شوف مصلحتك وين و النوعيه دى من الابتزاز الرخيص
|
Post: #10
Title: Re: فحيح الافاعي 2 - 10 (توكيل الموسكوفيتش) او ا
Author: kamal omer
Date: 02-09-2017, 06:47 AM
Parent: #9
الترابي بعد الإنتفاضة و سقوط نميري حضر للقاهرة و كنا طلبة في الوكت داك
الإتجاه الإسلامي حشد ليهو الطلاب من كل مصر تقريباً
الناس الحضروا الندوة العملها في نادي الجزيرة لو بيتذكروا
قال في ما معناهو
العاوز يشتغل يجينا ، و العاوز يعرس يجينا و عدد كتيرمن مزايا الإنضمام ليهم
أها حصاد قولو ده أثمر مجموعة من اللصوص و الحرامية ، الشفناهم عياناً بياناً بعد ما تخرجنا
و قوة عينكم يا مناصري النظام في فاتية معتقة ما موجودة
|
Post: #11
Title: Re: فحيح الافاعي 2 - 10 (توكيل الموسكوفيتش) او ا
Author: بدر الدين اسحاق احمد
Date: 02-09-2017, 07:50 AM
Parent: #10
دكتور سيف..
مع فحيح افاعي الشوايعة مش حتقدر تغمض عينيك
ديل بيعرفوا مل بيعضو اخوانهم..
نحن قاعدين فراجه
|
Post: #12
Title: Re: فحيح الافاعي 2 - 10 (توكيل الموسكوفيتش) او ا
Author: ود الباوقة
Date: 02-09-2017, 08:48 AM
Parent: #11
دقيقة بس احتسي الزنجبيل بالزعفران دا
عشان اعدل المزاج للاحمريكا دا
اين ابوروضة؟؟؟؟
وبالعدم بربرة كمان الليلة الخميس عميان شايلو مكسر
هههه
|
Post: #13
Title: Re: فحيح الافاعي 2 - 10 (توكيل الموسكوفيتش) او ا
Author: Hatim Alhwary
Date: 02-09-2017, 09:06 AM
Parent: #12
يا سعادة الوزير...اتا جادي ؟؟؟؟
مسكوفتش بتاع مين...
استلمت البرادو المظللة ول لسه؟
|
Post: #14
Title: Re: فحيح الافاعي 2 - 10 (توكيل الموسكوفيتش) او ا
Author: بدر الدين اسحاق احمد
Date: 02-09-2017, 07:39 PM
Parent: #13
برادو شنو
نحن عندنا عربات بوكو حرام وارد تشاد
|
Post: #15
Title: Re: فحيح الافاعي 2 - 10 (توكيل الموسكوفيتش) او ا
Author: حمد عبد الغفار عمر
Date: 02-09-2017, 08:19 PM
Parent: #14
كيفك يا سعادة الوزير
معقول الوزارة دي ما غيرت فيك ولا غيرتا فيها
تجينا بنفس الموال ؟
مفروض لو متوفر ليك زمن تجي تكلمنا نحن جموع الشعب عن إنجازاتك في هذه المدة الطويلة التي لم نراك فيها .
|
|